影片
港鐵觀塘站 B2 出口, 步行約5分鐘; 觀塘港鐵站B1出口>投注站左轉到「成業街」>行至街尾右轉到「敬業街」
繼續閱讀
電話號碼
90291530
92228210 (WhatsApp)
開飯介紹
屹立觀塘11年，中式私房菜，小炒海鮮，手工粵菜，套餐散點，歡迎自攜酒精類飲品，免切餅費/免加一，適合一大班朋友聚會。
繼續閱讀
營業時間
今日營業
全日休息
星期一
全日休息
星期二至日
17:30 - 22:30
公眾假期
17:30 - 22:30
公眾假期前夕
17:30 - 22:30
*敬請預定
以上資料只供參考, 請與餐廳確認詳情
有關獎賞計劃
相關文章
放工又嚟到觀塘附近覓食🌙今次竟然搵到喺工廈隱藏咗間咁正既中菜🏮雖然門口同位置比較低調 但係色彩嘅新鮮同埋烹調嘅技巧比起一般酒樓更加出色❤️今次叫咗個兩人餐價錢唔貴就算兩個人嚟都可以食到高質海鮮😛⭐️ 桂花糖蕃茄 🍅⭐️ 鹽焗雞腳 🍗蕃茄新鮮好飽滿特別用咗桂花糖調味🌼 甜度好清香但係唔會搶過蕃茄嘅清新☘️ 雞腳嘅調味恰到好處鹹鮮好滋味🐔⭐️ 玻璃脆皮乳鴿 🪿炸得香脆得來唔油膩🔥火候控制得啱啱好保持住乳鴿嘅嫩度🥹 咬落去仍然好Juicy⭐️ 花雕蛋白蒸大肉蟹 🦀肉蟹真係份量非常豐富🥰一絲絲帶鮮甜嘅肉質😛蟹嘅鮮味同埋花雕既酒香融入到蛋白裡面十分滑溜🍳 充滿海洋嘅精華⭐️ 香煎花龍蝦 🦞花龍蝦啖啖肉好爽口🦐用咗豉油王嘅做法好易入口🤪入口彈牙一D都唔會韌⭐️ 上湯浸時菜 🥬食完海鮮清一清味蕾就最啱🥒上湯好清澈簡單用蒜頭調味🧄最簡單嘅滋味⭐️ 蟹油銀芽炒麵 🍝看似普通嘅炒麵原來加入左蟹油🤭炒得乾身但係每一啖都食到滿滿嘅油香⭐️ 抹茶奶凍 🍵最尾嘅甜品都好有心思🍬自家製嘅甜度唔高但係抹茶味好濃郁好有層次💚
繼續閱讀
眾所周知就觀塘大部份嘅工業大廈都成為咗私房菜， 🥰好運嘅話隨時可以食到隱世嘅美食。為咗重拾以前喺出邊食住家菜嘅味道，所以做吓功課亦都係必須， 喺御膳呢度確實可以重拾當年嘅味道😗傳統酥炸潮州鹽水豆腐— 🥢豆腐嘅菜式，統一都係咁難整，呢一度反而整到好輕鬆每一條都保持得咁完整，🥢浸咗啲鹽水之後令到豆腐嘅結構會偏向晏啲啲，咁就容易定型，而且炸到炸得好透徹，🥢而且又唔油，一口咬落去脆皮得來裏面仍然係嫩滑嘅豆腐，淨係技巧都值100分🥢香煎手剁玫瑰豬肉餅— 🐽以前喺屋企成日都會食到肉餅而呢一度嘅肉餅做得出色嘅位就係整到稍為厚啲咁就更加有口感，🐽而且裏面嘅豬肉仲係用咗西班牙嘅豬肉，亦都係人手不斷咁樣剁，就唔會變到肉蓉咁樣普普通通，🐽落埋獨家嘅玫瑰露增添一份香氣，同樣亦都係好香口非常適合送飯🐽自家手工製蔥油拌麵— 🍜其中一個特色就係呢度嘅蔥油係純天然自己製造，除咗蔥油之外，仲有專用嘅醬汁，撈起面嘅時候色澤更加吸引，🍜個面亦都好煙韌，反而完全冇油膩嘅感覺，用咗人手猜麵變得更有彈性，暖暖地食落去齒頰留香🍜御膳 (觀塘)觀塘敬業街65-67號敬運工業大廈12樓F室
繼續閱讀
同個老死傾開偈，原本佢都未嚟過觀塘啲廠廈食私房菜，咁就啱喇，難得三人行就一於帶佢哋嚟試吓「御膳」。因為食過好幾次，出品高質，水準穩定，永無失望，所以先夠膽推薦俾大家。仲有就喺貪佢價位唔算高，亦都做得有特色。 一出電梯對正就喺餐廳，老友嘅第一個印象就喺別有洞天嘅感覺，估唔到廠廈有啲咁類型餐廳，帶少少神秘感。而推門內進，地方唔大，夾夾埋埋都喺6、7張枱左右，裝修簡約，光猛整潔，有別一般大酒樓、大酒家嘅奢華，賣嘅喺服務同食物質素。除咗散點，仲有好多款套餐，2-12人餐都有，如果懶諗，就索性俾個「筆直」店家等佢幫你度。冬瓜瑤柱海鮮羹廣東人都喺喜歡飲湯先，所以，就先上呢個海鮮羹，估唔到我哋就只喺3個人，但份量上就俾到一大湯碗，夠每人分到兩整大碗。最正喺湯頭非常之清甜，口感綿密柔滑，加上落料一啲都無手緊，裡面有好多鮮蝦仁粒、帶子粒、冬瓜絲及大量乾瑤柱，所以，鹹鮮味十足，非常之好飲！玻璃脆皮乳鴿喺店家近嚟嘅招牌菜之一，即叫即做，師傅話推出嚟喺省一省招牌。先講外觀，炸得好靚仔，色澤非常均勻亮麗，由於新鮮炸起，咬落熱焫焫，薄薄嘅外皮夠晒酥脆，肉質就非常之嫩滑細緻，卻好有肉汁，無論用料，抑或烹煮手勢都好有水準。香煎花龍蝦好多時食龍蝦都喺上湯焗、芝士焗或蒜蓉蒸，但今次就香煎，簡單得嚟都考功夫。由於龍蝦已斬件，咁比較易分，煎得色澤金黃，啲肉一撩就起，成大大嚿肉放入口，不知幾爽，亮點喺蝦肉彈牙到不得了，又極有蝦鮮味，加點點豉油王去煎，更有提鮮之效。墊底嘅脆麵都唔好錯過，卜卜脆，過吓口癮。白胡椒爆炒南非鮑魚繼續又喺海鮮菜式，再嚟喺南非鮑魚，一上枱就散發出濃濃白胡椒香，鮑魚爆炒之後，好有鑊氣，口感軟腍得嚟仍保持一份柔韌感，雖然白胡椒味比較搶，但不失鮑魚嘅鮮甜味。溫馨提示，如果唔食得太辣嘅朋友，就事先向侍應講聲「少辣」，等師傅唔好太重手。極黑豬叉燒燒烤嘢一向梗喺即燒即食就最好架啦，呢度嘅叉燒賣點就喺即燒，加上採用西班牙黑毛豬，夠誠意又用料正。出嚟嘅成品真喺寧舍唔同，叉燒肉質極之鬆化細嫩，脂香中又滲出少少酒香，加埋少少燶邊位，老死都大讚正呀喂！上湯浸春菜春菜唔好話食，聽都喺印象中第一次，咩喺「春菜」，個樣同個口感都有少少似芥菜，但質感比較嫩啲；又似似哋菜心，有嗰份清甜味，都幾特別，加上吸滿上湯，食起嚟更為鮮味。師傅話唔喺成日有靚春菜，出一輪又可能無咗。極黑豬叉燒揚州炒飯同你講揚州炒飯就梗喺無咩特別啦，但加咗上述嘅極黑豬叉燒粒，仲有新鮮蝦仁，立時升級晒啦。的確個炒飯炒得好有水準，一來飯粒分明，二來唔好炒得好油，入口既爽身，又香口、夠鑊氣，再者，飯內混有好多叉燒、蝦仁、蛋絲，口感十分豐富。仲有，份量多，又喺每人分到兩大碗，食完真喺飽晒。 抹茶奶凍最後餐廳仲會奉送甜品，等呢餐有個甜美作結。是次甜品喺抹茶奶凍，做得唔錯，好有抹茶嘅清幽香味，個口感就做得挺身，但又夠軟滑。都話佢哋保持到水準，時隔5年再嚟，啲嘢都無令人失望。連埋酒水都喺每人四百多少少，招呼熨貼，上菜有序，速度又啱啱好，更唔會話要幾時交枱，等客人慢慢食，慢慢傾。仲有免開瓶費、免切餅費、又無加一，好啱一大班老友嚟搞吓大聚會。
繼續閱讀
上星期日又去左觀塘御膳食野，食到老闆都認得我🤣同之前一樣寫低有咩想食，訂座個時同老闆講聲就可以，餐單同上次差不多，不過今次就試左幾款新野，包括荷香龍躉球蒸飯同脆皮玻璃乳鴿❤️避風塘炒大肉蟹係阿爸提我一定要再叫，肉蟹好大隻，啖啖肉，老闆叫我地打包d蒜返屋企，唔好浪費煮麵個時可以落😆生炒西班牙豬髀肉同平時食開咕嚕肉有少少唔同，冇咁多肥豬肉，但口感都係好脆，酸甜有致💯叫左個滷水拼盤貪佢咩都有，如：豬大腸、金錢肚、手撕雞，好入味上湯澳洲龍蝦都係必食之一，肉質好爽彈，唔會好霉，處理得岩岩好
繼續閱讀
同大家介紹吓我哋一家人好鍾意去食嘅御膳，無論慶祝生日定其他節日都要去食餐好，佢哋免開瓶費、切餅費、加一服務費，嘢食質素有好高，好抵食，我哋次次去都帶兩支酒開嚟飲而家推出咗母親節套餐，仲要冇限時，一家人可以慢慢食，支援WhatsApp訂座士多啤梨骨個醬酸酸甜甜，份量剛好唔會太濕，好味到骨都要吮埋碧綠炒花枝用西蘭花墊底，花枝同菇一齊炒，連個芡汁都做到好鮮甜蔥油雞原隻上好體面，蔥油滲透雞肉每一寸，但又唔會搶走鮮甜味荷香龍躉球蒸飯龍躉球好彈牙！用薑蒜一齊蒸味道好鮮，亦帶出淡淡荷葉香上湯澳洲龍蝦真係好鮮味！澳洲龍蝦真係我最愛，仲有脆脆麵做底，口感更豐富
繼續閱讀