御膳

營業中

休息中

今日收工同同事去左觀塘敬運工業大廈”御膳”食私房菜. 餐廳開業13年, 海鮮日日新鮮運到，手工粵菜，鑊氣小炒，散點小菜樣樣齊. 但估佢唔到連澳洲廚神都黎左. 花膠響螺煲雞湯 - 味道鮮美，湯底清澈, 花膠含豐富膠原蛋白, 令湯底更加清甜. 茅台醬香炆嫩鴿 - 嫩鴿肉質細膩，經過炆煮後更加柔軟，入口即化. 富貴金龍，用原條沙巴龍躉做，做吉列椒鹽拼流沙黃金味. 蒜蓉粉絲蒸蟶子皇 - 蟶子皇的肉質鮮嫩，蒜蓉的香氣增添了層次感, 口感滑順, 煙韌彈牙. 西蘭花炒花枝 - 西蘭花爽脆和花枝鮮嫩, 非常美味荷羽雞，重點推介，清遠雞淘空，裡面有乳鴿，飯，鹿茸菌. 芙蓉海寶炒龍蝦球，燉蛋白底，澳洲龍蝦起肉，配蝦球花枝炒. 宴客，賀壽好睇

最近在瀏覽觀塘區人氣餐廳，御膳私房菜名列前茅，不知道實力如何？預約期間，御膳俾我感覺好細心，由餸菜到訂位都跟進得好好❣️今次餐飯家人和我都好滿意。餸菜方面只要訂位時同店員講人數和預算金額，御膳就會幫你定菜式，豐儉由人，是日菜式如下：

朋友介紹這間御膳私房菜，想試好耐，今次襯住有移民親戚回港，就食翻餐。試左又的確值得食，有別於其他餐廳，御膳會不斷推出新菜色，小炒有鑊氣，海鮮明碼實價，今次我地自備飲品，店家仲主動比冰桶我地。

今日一班朋友又去搵食，我地今次去位於官塘工廈的私房菜，步入店舖，沒有華麗的裝潢，沒有什麼特別佈置，看來只是普通的飯店。但整晚的菜餚都好好味，首先來個砂鍋魚頭豆腐湯，魚味濃郁，非常清甜。富貴金龍好特別， 原來是用班躉，一半用普通方法炸，一半加蛋黃炸，味道唔錯。最好味是胡椒炒蟹，有胡椒辣味，但不太辣，味道剛剛好。而士多啤梨骨及御膳招牌炒飯，也是值得一試。每道菜都有水準，而價錢亦相當公道，沒有收開瓶費，也沒有加一收費。下次可以再來試試其他菜

長輩們鍾情中餐, 但家庭聚會餐餐都去酒樓, 食得多都會悶掛, 今日就帶佢哋嚟到呢間位於觀塘工廈嘅樓上私房菜 - 御膳。一家人點咗個5人套餐, 餸菜極為豐富！第一道香芒沙律大蝦球, 爽脆大蝦伴上新鮮沙律菜、香甜芒果、鮮果, 喚醒味蕾！緊接前菜, 一大鍋魚頭湯送上, 奶白色魚湯味道天然, 唔會過度調味, 加上滑一滑嘅嫩豆腐, 互相襯托。富貴金龍咁大條斑用嚟炸會不會有點奢侈, 兩款炸法一邊魚球, 一邊魚片, 我就鐘意後者多D, 魚片連皮, 食落更香口酥脆。大肉蟹 (胡椒炒)蟹肉新鮮唔黐殼, 蟹鉗大到好似食緊雞髀咁, 正！蒜蓉粉絲蒸蟶子皇又大又厚肉嘅聖子, 蒸得啱啱好, 肉質保持爽嫩。大蜆燉蛋蒸水蛋就食得多, 但燉蛋通常係甜食, 今次呢個加上大蜆嘅燉蛋, 充滿鹹鮮味, 有新意！士多啤梨骨肉質非常柔軟, 骨與肉之間嘅筋腱同脂肪充滿油香, 配上濃味甜酸醬汁, 送飯一流。金華玉樹雞呢半邊雞, 淨係起曬骨呢一點, 就已經攞曬分！ 每件雞配上鹹中帶甜嘅火腿, 啖啖鹹香嫩滑。上湯浸時菜蔬菜翠綠新鮮, 上湯味道偏重。蟹油銀芽炒面食到尾升都有驚喜！呢個可能係我食過最好味嘅炒麵。麵條炒得夠乾爽, 入口焦香味突出

爸爸生日，所以就一家人出街食飯慶祝下！因為屋企人都鍾意食中菜，就諗下有冇中菜啱佢哋食时啦。同事話佢哋啱啱去完一間私房菜覺得唔錯就介紹俾我哋。我之前都未去過私房菜，今次係第一次，同平時唔唔同既係我地可以先攞菜單，再覆佢地想食咩，餐廳再預備食物！😃😃餐廳位於觀塘嘅工業大廈，唔講真係唔知呢度有餐廳！我哋當晚由觀塘地鐵站行到去餐廳大約10分鐘，唔算好遠。😙入到去見到都幾多人。職員就問我哋booking，再安排位置，然後按我哋菜單上菜。😊大魚豆頭豆腐湯首先上咗豆腐魚頭湯。個魚頭好大個，先煎左再煲，所以個湯顏色好奶白，完全無腥味，好重料，個湯好甜！五個人分，每人至少都飲到兩碗鹵水拼盆呢個本身係麻辣滷水拼盤，但係因為我哋唔食辣，職員知道後，好好咁同我地走辣！私房菜就係有個好處，就係會根據你嘅口味而準備食物！like it！拼盤有鹵水豬肚、豬腸、牛肚、青瓜手撕雞。真係要讚下個滷水！葉得好入味，好香，豬肚豬腸同埋牛肚都好淋。而啲青瓜手撕雞林左麻醬喺面，青瓜青新，幾啱胃口，好爽好Fresh！蒜蓉蒸大蟶子聖子一定要係大隻先至好食，而呢一隻真係大蟶子嚟架！每一隻聖子都有手掌咁長！聖子肉好厚身，食落好爽，面頭有

一年一度的生日飯又再次讓我傷腦筋。嗯，是我的生日，但考慮聚餐地點及菜色的也是我本人。跟家人共聚，也不可以只顧個人喜好及口味，取得平衡點是必須的。20歲生日，齊頭數感覺很重要似的，隨便點個薄餅外賣又似乎太馬虎沒考慮。想了又想，中菜比較適合公公婆婆，這就樣決定吧！　　對比起肉，家人比較喜歡海鮮，每次在家聚餐都必備。沒有頭緒，問了幾位朋友，有位提議去好運強記。可是瀏覽過Openrice，賣相及款式過於家常。家人就一定會覺得不值，說倒不如自己買回家煮還便宜多多。日後多問幾位，高評價的話約朋友去一嚐更好。最後定案，一友人提到這家埋藏在我腦海中飲食清單深處的私房飯堂。　　餐館環境叫做企理，燈光充足，有點像酒樓廂房。我們早點到去，約七時半，所以少人一點，可以拍一下照。但沒多久就庭無虛席，門庭若市，全部都是三五成群在談天說地。整個氣氛即時被炒熱，全場是熱熱鬧鬧，但未算過份嘈吵　　餐牌選擇眾多，不單有大受歡迎的海鮮，肉類蔬菜及飯粉麵等。選擇也多羅。想必然也有會席菜單，以人數計錢，無論是兩位用或是十二位用都有多款可選。逢星期一晚上更有特別場，八至十二位，每人$500起的中菜Omakase。不過只限一枱，記

朋友搞局，話食私房菜，懶神秘話仲要晌觀塘廠廈裡邊，哈哈，原來喺御膳，即時話佢知小弟曾經到訪過，不過，依然有興趣再訪，因為，佢哋嘅私房菜實在有質素，似乎做出啲成績，有種載譽歸來之勢。今次重臨，門面無晒啲雜誌專訪嘅報導，更有私竇感。因為有朋友打點，所以，唔使其他人操心，亦一早收到菜單，多款菜式都喺未試過。而去到餐廳，仲一早坐滿客人，真喺唔訂位就無得食。麻辣鹵水大拼盆唔使多講，就知喺麻辣夾鹵水嘅組合，拼盤有牛肚，雞絲，豬腸，惹味還惹味，但真喺辣得刺激，而牛肚好爽口，雞絲好綿滑，豬腸唔肥又無乜豬臊味。蒜蓉粉絲蒸大蟶子皇第二道上場喺熱辣辣嘅蟶子皇，隻隻都好大隻，斤兩十足， 蟶子既彈牙，又鮮甜，而且蒜味香濃得恰到好處，唔會冚晒啲蟶子鮮味。底下沾滿蒜香及豉油味嘅粉絲，亦唔好錯過。避風塘炒大肉蟹依度整肉蟹有好多做法，四川香辣炒、豆豉涼瓜焗、薑蔥上湯炒、麻辣水煮……等等，避風塘炒算得上店家嘅招牌。睇見對蟹鉗，就知隻蟹斤両十足，一整碟鋪滿炸蒜粒，香氣四溢，我哋選上小辣，微辣醒神，蒜香惹味，肉厚味鮮，所以，大家都讚，食到吮晒手指。花彫雞油蛋白蒸大肉蟹食完個避風塘炒，再嚟個花彫雞油蛋白蒸，實在滿足晒鍾意食蟹，

係香港零舍想食海鮮, 貪佢夠新鮮, 又多選擇講到食海鮮嘅地方都係三門仔, 鯉魚門, 西貢及香港仔海旁, 聽人講要識人先好去食, 如果唔係劏到你一頸血!! 不過嚟呢度就唔怕!八點半嚟到店長已經預留好枱比我哋 喺相嘅右手邊有另一邊廂, 可以拉上木門, 就成為私人空間, 空間一樣大, 適合家庭朋友公司聚會嚟包場! 打電話嚟book枱嘅時候, 會定好餐牌麻辣鹵水大拼盆 (5/5)有牛肚, 雞絲拌青瓜, 豬腸之前唔會食內臟, 都比屋企人笑我“咩都唔食點做食家呀!!” 今次就決心試下 牛肚豬腸嘅味道差不多, 醬油麻辣味濃, 煮得好淋, 雞絲有啲麻辣, 不過連埋青瓜辣味就唔算重! 好開胃嘅頭盤 蒜蓉粉絲蒸大蟶子皇 （5/5)為保持女神形象 , 應該用刀叉食, 因為肉質好厚身, 有個位差啲咬唔開, 不愧為蟶子皇, 粉絲放係底比你大大撮咁夾起, 好入味!!避風塘炒大肉蟹一隻 (5/5)可選特辣, 大辣, 中辣, 小辣未真正食過避風塘炒蟹, 因為有啲做到太濕, 唔似得呢個效果, 炒蒜好脆身, 睇到即刻想叫碗白飯, 蟹殼都沾滿辣味, 用鉗一下力就拆開, 簡單到好似出奇蛋一開就開到, 蟹鉗肉好juic

在SINABLOG認識一位好友終於從澳洲學成歸來（雖然不回來更好），多年沒見當然要食飯洗塵囉，順便在新年後搞一場酒友開年飯。既然是洗塵飯，當然不能怠慢，畢竟包括我在內也有三位歸港子弟。自己餐廳自己挑，素知觀塘有好些私房菜，看了幾間後就決定了這間有海鮮吃的了。因為是私房菜關係，不訂位的話隨時滿座摸門釘。早在訂位後就跟店方用whats app商量菜式，雖說是商量，但我信專業，基本上都是店方負責打點一切，看過菜單沒問題就去馬了。看店內宣傳還有一星期一次的神秘之夜，咁好玩？雖然從升降機出來就能看見鋪頭，但實在太不似鋪頭的關係在門前懷疑了十數秒才進去。入到去，鋪面不怎麼大，最多也就容納三十個人，也對的，私房菜搞得大型就不是私房菜了，想做死師傅咩。選上這裡的另一個原因，就是開瓶費免費，是晚帶了四支酒如果要付開瓶費可以很和味的。順帶一提連切餅費也是豁免的，慶祝生日亦有得諗。坐下後洗洗碗筷很快就有些前菜送上，店員說是現金找數才有，要即食還是要積分？當然是即食啦﹗蕃茄不是大紅色，但也熟透，沒有草青味可是不是很甜，反而我喜歡酸一點更開胃。雞腳色澤帶黃，有麻油的香味，吃起來頗爽口但暗藏辣度，不錯的下酒菜。吃

對於一個飲食博客（恕自問不能稱為食家），有時遇上印象甚佳的食肆，往往不免流於正評，本來也屬無可厚非之事，卻是受到口味見識所限，往往不免有失客觀，理應廣納各方同好意見，方能有所增益.......想到五月中吃過一頓的私房菜，真心覺得美味，遺憾不能以食客的角度作出品評，既然如此，倒不如在此正式辦上一場飯局，既可採納多一點意見，餐廳亦能得到一單生意，正是一舉兩得，何樂而不為?!在大部份的情況下，我們外出吃飯，到最後還是需要「找數」，配合近年潮語當道，亦有履行承諾的之意思，想到對上一躺此間評論此餐廳時，亦說到會在此舉辦飯局，既然本身有言在先，所以亦順道呈上當日的食誌連結，好來作出參考：http://www.openrice.com/restaurant/commentdetail.htm?commentid=2364139&con=rvw自問個人沒甚號召能力，最後還是邀請得十五、六人，比預期一圍的人數為高，所以最後也要拆開兩檯，期間再與負責人洪小姐不斷聯絡，力求飯局能夠順利進行。到了指定日子，再次來到觀塘的敬運工業大廈，只看食客比上次稍為稀疏，在問過之下，正值週二的閒日，所以也屬於正常之事。期間