Thai Fire

# 【食評】觀塘樓上打卡驚喜泰國菜 —— Thai Fire 觀塘樓上餐廳選擇唔少，但要數到又可以打卡又食得飽，今次去嘅 **Thai Fire** 真係有驚喜。成間餐廳裝修簡潔時尚，坐位舒服，光線夠靚，好啱同朋友傾偈聚會，仲有好多位置同擺設都好打卡。 ---## 🥗 前菜沙律 ### **柚子拼鳳爪沙律（$118）** 份量好大，兩個人share都綽綽有餘。 - 鳳爪辣得嚟好香口，爽脆彈牙； - 柚子新鮮多汁，酸酸甜甜中和咗辣味； - 一齊食落口感好豐富，開胃度爆燈。 ---## 🥬 福袋（$108） 其實就係 **生菜包肉碎**。 - 生菜新鮮翠綠，仲有好多塊，夠晒豪爽； - 肉碎炒得好香，調味啱啱好，包落生菜食清爽解膩； - 推介一定要一啖入口，先感受到香、脆、嫩嘅完美組合。 ---## 🍤 炸物拼盤（$238） 四款炸物集合，啱晒一大班人share。 - **雞翼**：炸得香脆，肉質嫩滑； - **蝦餅**：厚身彈牙，蝦味濃郁； - 另外仲有香口春卷同小食，配埋兩款泰式醬汁，好惹味。 ---## 🍜 主食 ### **鳳尾蝦金邊粉（$128）** - 大蝦新鮮大隻，肉質好爽口； - 金邊粉炒得乾身，唔會油淋淋； - 醬汁甜甜酸酸，配合花生碎同青檸提味，味道層次分明，十分正宗。 ---## 🍹 特飲 - **水蜜桃沙冰（$58）**：份量超大杯，冰沙綿密，水蜜桃味香甜清新。 - **泰火特飲（$48）**：打卡必點，紫色漸變飲品加上熊仔冰粒，超吸睛！味道清爽唔膩，飲落仲幾解辣。 ---## 💰 價錢 兩個人埋單 $768（已包一成服務費），平均人均 $384。考慮到環境、份量同質素，都算抵食。 ---## ⭐ 總結 **Thai Fire** 絕對係觀塘樓上餐廳入面嘅驚喜之選： - 食物份量大、味道正宗； - 特飲精緻又好打卡； - 環境舒服，氣氛又啱 Chill。 👉 **推介指數：★★★★☆（4.5/5）** 📌 必試：柚子拼鳳爪沙律、炸物拼盤、泰火特飲 ---…查看更多

喺觀塘區返工嘅我地，今晚搵到一間坐得超舒服嘅泰國菜，可以放咗工同同事吹下水，簡直係打工仔放鬆心情嘅好地方 ！🥗 柚子沙律（$88）柚子肉鮮甜多汁，酸酸甜甜之中帶d d 辣，醒胃得嚟又唔會太刺激，係一個完美嘅開胃菜!🍲 椰子雞湯（小）（$138）椰香濃郁，雞肉嫩滑，飲落去有種清得嚟又好夠味嘅感覺，好適合我地香港人嘅口味。🍤 泰式炸蝦餅（4件）（$88）外脆內彈，蝦味濃郁，唔會太油膩，配埋特製醬汁，炸蝦餅係去泰國餐廳必點菜式之一！🥬 泰式蒜蓉炒什菜（$98）炒得火喉十足，蒜香撲鼻，蔬菜爽口。呢道菜睇落簡單，但味道絕對唔馬虎，勁多料同有唔同嘅菜喺裏面，我覺得好有誠意，我好鍾意！🐔 班蘭炙鳳半隻（$188）呢道菜真係驚喜，可以話係全餐飯嘅重點！炙鳳原來即係燒雞，外皮炸得金黃香脆，好似港式炸子雞咁，但咬落去肉質Juicy得嚟又有淡淡班蘭香，泰式風味與港式口感完美融合，我地兩個女仔連雞胸都清埋，可以做到雞胸唔鞋口真係好難得，推！🥤 飲品：泰牛 & 綠牛（各$68）泰牛沙冰香濃滑口，泰茶味突出；綠牛則好清新，茉莉花香好特別。兩款都係消暑佳品，配搭主菜一流。🍮 彩虹椰汁糕（4件）（$50）色彩繽紛，口感煙韌，椰汁味香而不膩，唔甜反而更突顯椰香，係一個好有誠意嘅甜品收尾。🪑 環境方面餐廳裝潢簡約而不失泰式風情，我哋坐咗喺圓形梳化座，座位寬敞，燈光柔和，令人感覺放鬆。無論係朋友聚餐定情侶約會，都非常適合。✨總結：Thai Fire唔單止係一間泰國餐廳，更係一個味覺旅程。每一道菜都見心思，價錢合理，環境舒適，絕對值得一試再試！📍地址：觀塘王子大廈9樓…查看更多

呢間觀塘樓上泰國菜已經聽朋友提起過幾次，頗出名， 今日特登嚟一試，果然好合胃口好高質。餐廳嘅座位好闊落，坐得幾舒適。 雖然係樓上店，但平日晚上都有七八成full，幾受歡迎。泰式蝦餅（$88/4件）蝦餅炸得香脆可口， 肉質有彈性， 蝦味好濃郁， 味道鹹辣適中，可以搭配自家製醬汁，會更開胃。泰式鳳尾蝦金邊粉（$128）色澤相當漂亮， 鳳尾蝦好爽彈，配料好豐富， 有大量芽菜、韭菜、蛋絲、肉碎等等，碟旁亦有檸檬、花生碎、砂糖，可以按自己口味喜好加入。金邊粉炒得好有鑊氣，融合左酸、辣、甜、鹹多重滋味。醬香蹄膀（$388）呢個係餐廳嘅招牌， 點菜時其實有啲肉赤， 但好在最後冇令我哋失望，一上菜已經覺得好大陣仗。 豬手炆煮得好軟稔好入味，醬汁鹹中帶點甜， 調味剛剛好。豬手肉質真係煮得非常軟嫩，火喉控制得好好，輕輕一切就已經切開，肉質嫩滑，膠原勁豐富，入口即化。配有生菜、九層 塔、炸蒜、炸香蔥，甜酸汁及生蝦汁等配料，可按自己口味喜好加入。彩虹椰汁糕（$50/4件）顏色好漂亮好吸睛，每一層一種顏色，製作得好用心。椰汁味香濃，唔會太甜，味道清甜唔膩，一次過咬黎食又得，逐層逐層分開嚟食又得，得左。泰火特飲（$48）呢間餐廳嘅特飲都好靚好吸睛，泰火特飲外觀係紫藍紅漸變色，仲有小熊冰塊，好夢幻好少女心好打卡able， 味道係蝶豆花加入梳打水，仲有檸檬汁， 味道超級清新， 解暑消膩一流。斑蘭椰奶（$48）斑蘭椰奶香氣濃郁，斑蘭葉的清新融合椰奶既濃醇，口感順滑。甜度適中，不膩口，反而有種治療既感覺。…查看更多

觀塘工廈有唔少餐廳，今次朋友帶我去王子大廈食Thai Fire，店內環境闊落，仲有半圓型卡位，打卡一流👍🏻泰火特飲 | $48夢幻粉藍色熊啤啤，粉藍色係碟豆花茶，攪拌一齊飲勁清新😋打卡一流👍🏻👍🏻泰牛沙冰 | $68牛牛奶茶冰公仔，造型超級可愛，冰沙質地細膩，泰奶味道濃郁😋打卡一流👍🏻👍🏻小冬蔭公湯 | $168辣度和酸度剛剛好，用料十足，有青口、蝦和幾款菇類，整體不過不失😋😋福袋 | $108生菜包著香辣餡料，肉碎份量唔少，味道帶點辣🌶️好開胃😋😋炭燒豬頸肉 | $168燒烤香氣十足，肉質外焦內嫩，油脂豐富但唔膩，配埋泰式醬汁一齊食，啖啖滿足感，必點😋😋鳳尾蝦金邊粉 | $128金邊粉炒得濕潤，質感彈牙，撈埋芽菜、花生碎、泰國辣粉，更加惹味😋😋甜品四件 | $50色彩繽紛，唔甜唔膩😋係碟面仲有一些繪畫點綴，打卡一流👍🏻👍🏻…查看更多

今日去開觀塘買運動野，夜晚就嚟左呢間Thai Fire食泰國菜。柚子沙律(小) $88今日真係好熱，想食番啲開胃前菜，揀左食柚子沙律，呢度嘅柚子肉係偏細粒，食落覺得清甜，配埋新鮮生菜同蝦一齊食，都係一個幾清新嘅配搭。泰式無骨鳳爪(小) $78一上枱就見到呢碟鳳爪份量勁多，同埋呢度鳳爪係唔同出面食開嘅泰式鳳爪顏色偏白色，佢喺已經沾滿哂啲酸辣汁咁變哂橙色，食落勁入味，酸辣又開胃，啱晒夏天。陰公鮮菌烤魚 $388呢款烤魚係俾冬陰功湯浸住食，食嘅時候條魚一路加熱，啲湯就俾條魚索哂，所以個侍應擺低條魚嗰陣有提過我地等一陣先食會好食啲。呢間餐廳嘅冬陰功湯唔算好辣，最後可以連埋入哂味嘅菇菌一齊食。泰火醬雞粒炒飯 $118碟飯份量十足，食落覺得飯粒炒得好乾身，因為佢加左啲辣醬同乾辣椒一齊炒，所以食落都有啲辣，另外佢仲加左金不換，都增添左香味。彩虹椰汁糕 $50椰汁糕有4件，同佢個名一樣，件椰汁糕係做左一層層彩虹顏色，整得好靚，食落唔太甜，有咸香仲好煙韌，呢個有驚喜，正好為呢餐做完美總結。水蜜桃沙冰 $58清甜嘅水蜜桃沙冰好解膩，同埋杯沙冰頂有一舊雪到好冰凍嘅桃肉，食住其他辣野食呢舊桃肉係好正。凍斑斕茶 $38唔係間間泰菜餐廳有呢款飲品揀，飲落斑斕味好夠，好清甜，仲要啲煙煙韌韌嘅斑斕啫喱咬下。…查看更多