影片
開飯介紹
主打港式火鍋的餐廳，湯底有滋補及香辣口味，另有多款海鮮料理及惹味的粵菜，價錢豐儉由人，讓你聚餐時可按需要作不同選擇。
繼續閱讀
營業時間
今日營業
17:00 - 05:00
星期一至日
17:00 - 05:00
公眾假期
12:00 - 05:00
以上資料只供參考, 請與餐廳確認詳情
有關獎賞計劃
相關文章
講起打邊爐，最近去咗旺角上海街嘅「滾爺火鍋」，真係有驚喜！呢間舖頭唔算好大，但勝在夠地道，坐低就feel到嗰種熱辣辣嘅氣氛，啱晒一班朋友圍埋一齊烚吓烚吓。今次試咗佢哋嘅招牌椰子雞鍋，仲叫咗幾款配料，真係食到舔舔脷！招牌椰子雞鍋（半隻）一上枱已經聞到陣陣椰子香，湯底清甜得嚟唔會太膩，雞肉份量足料，半隻雞都幾多肉，肉質嫩滑，完全唔會鞋口。飲啖湯先，椰子味好出，仲帶少少雞油香，正！湯底仲有啲椰肉，咬落去爽口，真係越食越開胃。爽口手打鮮蝦滑蝦滑係打邊爐必點！呢度嘅蝦滑真係手打，食落彈牙得嚟仲好鮮甜，完全冇雪藏味。烚熟之後仲keep到嗰種爽口感，點少少醬油已經好夠味，推介！手包鮮蝦雲吞四粒雲吞皮薄餡多，入面嘅蝦肉好足料，咬落去啖啖肉，仲有少少豬肉香，同椰子雞湯底好夾。四粒唔算多，但每粒都好飽滿，食完仲想encore！讚岐烏冬食到尾聲點可以冇烏冬？呢度嘅讚岐烏冬真係冇得輸，煮完之後滑溜溜，吸晒湯底嘅精華，食落好有滿足感。就算已經飽飽哋，都忍唔住食晒成碗！原隻泰國椰青食到熱辣辣，飲返個椰青就最爽！原隻椰青好清甜，解渴又解膩，飲完仲可以刮埋啲椰肉食，完美收尾。滾爺火鍋真係抵食又高質，尤其係個椰子雞鍋，湯底清甜得嚟唔會太油膩，配料新鮮又足料，價錢都算合理。下次再嚟一定會試吓其他湯底，同埋叫多啲朋友一齊嚟烚吓烚吓！如果你係打邊爐愛好者，呢間絕對值得一試！
繼續閱讀
🩵招牌椰子雞鍋湯底用左2個椰青、2個椰子熬成，煮完之後第一時間同朋友每人飲左3碗湯，好清甜又略帶雞油既香味，雞肉肉質唔會乾柴，推薦👍🏻🩵美國安格斯板眼轉邊爐湯底有藥膳味，配埋厚切既安格斯板眼牛片，好香濃既肉味，醬油個到仲有青檸可以攞，加幾滴青檸汁🍋🟩 別有一番風味～🩵彈牙手打墨魚滑有兩大條，份量都幾足！真係彈牙既墨魚滑，墨魚味都幾香～ 不錯～ 面頭仲加左蟹籽，有少少微脆既口感，層次幾豐富～
繼續閱讀
近日到訪咗旺角一間專打邊爐嘅餐廳，六點左右，唔算太多人可以直接入座。🔶招牌椰子雞鍋（半隻雞）椰子雞愛好者嘅坐低即刻落單個椰子雞火鍋🥰 職員即場開兩個椰青同埋兩個椰皇，倒落去做湯底，椰青新鮮👍🏻呢個價錢仲包埋半隻雞，好抵！煲滾咗之後，用沙漏計時焗多5分鐘，就可以食，咁食之前咁係要飲咗啲湯先，飲完啲湯就會再加雞湯俾你。🔶手包鮮蝦雲吞雲吞入面有新鮮蝦粒，口感彈牙🔶唐生菜估唔到生菜浸落去椰子湯入邊係咁夾，令生菜嘅味道更加鮮甜🥬🔶手打四寶丸食寶丸有牛肉丸，墨魚丸，鯪魚肉球丸，同埋蝦滑丸，粒粒都足料又好食椰子雞愛好者值得一試🫶🏻🥥
繼續閱讀
今日嚟左旺角嘅一間打邊爐食飯 環境乾淨 食物新鮮新鮮椰子雞椰子香氣濃郁，雞肉鮮嫩多汁，搭配椰子的自然甜味，無論是湯底還是雞肉本身，都充滿了層次感。香煎午餐肉外表金黃酥脆，內裡柔軟，帶有一絲鹹香味，搭配一些香料，讓整體口感更加豐富。手打魚丸魚丸的彈性十足，口感滑嫩，讓人一口接一口，無法抵擋。皇帝菜色澤鮮艷，清脆可口，既能平衡其他菜餚的油膩感。總結嚟講，如果想食椰子雞絕對係一個唔錯嘅選擇滾爺火鍋 (上海街) (旺角)旺角上海街428號地舖
繼續閱讀
自費 自己比錢呢間位於旺角嘅適合而家嘅天氣暖笠笠可以講到最後嘅冬天呢間嘅火鍋好好食㗎仲要係傳統正宗好多人食都要book位㗎我哋嗌咗佢嘅豆腐豬紅同埋有好多手工製造嘅餃子同埋雲吞我覺得佢啲蝦餃同埋餃子都好特別令食特別過癮，平時出邊嗰啲港式酒樓都冇嘅食落去好有彈口嘅感覺仲要係好爽脆我覺得好滿意食完之後好有飽肚嘅感覺其他餐廳真係做唔到㗎食得好享受仲要係有好多唔同嘅款俾大家揀添佢仲有個豆腐啦生菜真係好完美嘅一天啊打邊爐
繼續閱讀