滾爺火鍋 (上海街)

營業中

休息中

最近都好掛住椰子雞煲，見呢間新開評價又幾好就去試試佢，人大左真係好難約到朋友，咁熱嘅天打邊爐比人小，所以繼一人飲茶後，我又成功挑戰一人火鍋🤣✌🏻想講個湯極清甜⋯勁真材實料，我估唔到佢係2個椰皇2個椰青勁重本係我面前倒，所以我無叫到野飲，我當個湯底係飲料，想講差唔多成兜湯比我飲哂咁濟😂，我爭啲唔記得要留返啲黎打邊爐😂，我一個碗用黎食雞，一個碗用黎裝湯攤凍啲飲，極正享受😎，機智如我雞有雞味係真架原來，姐姐比個計時器我⌛️，話啲雞一滾一出煙就熄火焗多5分鐘，一打開香氣撲鼻，第一啖一定係飲咗個湯先🥹，肉質嫩滑，雞皮好彈牙，一啲都唔覺得肥❤️呢度有牛骨髓食😍，點咗一份，雖然呢兜嘢不嬲都冇味，但口感勁Q彈，勁滑捋捋，我勁鍾意食啲奇怪嘢😎

同朋友食飯諗唔到食咩，最好就係去打邊爐。係旺角附近搵到一間有特色既打邊爐店。一坐底scan QRcode 自己落單招牌椰子雞鍋（半隻雞）$248店員先幫我地準備好湯底落材料+新鮮椰青水, 後落文昌雞無添加其他野之後開大火滾起熄火等5分鐘，食得!!!打開蓋先飲啖湯先, 係好清新好清甜既椰青味!!雞好嫩滑，啖啖肉手包白菜餃4粒 $40白菜嘅甜味同埋餃子皮嘅軟滑口感，啱啱一咬就覺得清爽得嚟。沾小小辣椒豉油，味道就更加出色。手包鮮蝦雲吞4粒 $44皮薄，咬落有汁，蝦好爽口好新鮮手包鮮蝦雲吞好鮮美，滋味清爽怡人，令人回味無窮。用一句話來形容：「鮮爽多汁，美味無比！」澳洲純牛筋丸8粒 $68好彈牙，好有牛味，充滿肉汁油麥菜$28