601
32
14
| 餐廳: | 柞木炭家 |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
開飯介紹
時尚且保留傳統韓式餐廳的裝修風格。主打日韓直送的1++韓牛、濟州島黑毛豬和岩手縣A4和牛。壺漬古法醃製牛肉，加入新鮮韓國雪梨蓉，富韓國特色之如亦令肉質鬆軟、增添果香。
繼續閱讀
營業時間
今日營業
12:00 - 16:30
17:30 - 22:00
星期一至日
12:00 - 16:30
17:30 - 22:00
公眾假期
12:00 - 16:30
17:30 - 22:00
公眾假期前夕
12:00 - 16:30
17:30 - 22:00
以上資料只供參考, 請與餐廳確認詳情
有關獎賞計劃
優惠
| 餐廳: | 柞木炭家 |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
【柞木炭家】出左🆕️牛舌系列，要同❤愛牛舌的飲食大佬去品嚐下先得。今次來到旺角的柞木炭家，位於旺角T.O.P商場入面，位置好方便呢👍🏻~餐廳提供多樣菜式選擇🤩，而且仲有和牛牛舌系列餐牌，樣樣都好吸引呢👍🏻~🐮燉牛舌原石鍋熱辣辣上枱🍲牛舌燉得軟熟入味，有醇厚細膩的風味😋牛筋軟淋滑溜，滿滿的骨膠原😍🐮蔥蒜牛舌薄切牛舌上鋪滿辛香蔥蒜🧄，牛舌柔軟爽彈😋，蔥蒜提味，配上牛舌油脂香，好夾呢~🐮厚切牛舌及🐔挑骨雞翼燒得剛剛好，厚切保留肉汁，柔嫩爽彈😍，味道鮮甜，令人回味!!!挑骨雞翼係懶人首選🤭，啖啖肉，咸甜咸甜口味，肉質嫩滑。🥩韓牛肉眼肉色鮮紅，油花分佈均勻🤩牛味濃郁甜美，油脂香濃，柔嫩多汁，超正💯💯🦪生蠔牛肉石頭飯肥美韓國生蠔，肉厚飽滿😋，濃濃蠔味!石頭飯有脆脆飯焦，增添口感，牛肉香味融入飯中，好味~🍮舞動喵甜品喵咪造型的牛奶布甸，超有動感😍!!奶味濃郁，軟彈滑溜，配上餅乾碎，口感層次更豐富~餐廳環境高級典雅，以黑灰色為主調，座位舒適🥰。店員服務好好👍🏻👍🏻，會親自燒烤肉類，而且細心認真!!
繼續閱讀
落足成個星期雨，喺呢種濕立立天氣下好需要一番滋味喚醒味蕾✨位於旺角T.O.P.嘅「柞木炭家」主打高級精緻韓式烤肉🔥啱哂打破雨天陰霾，嘆返個韓牛饗宴😋.甫入門內已經見到肉類展示櫃🥩各款靚牛整齊排列，連dry aged都有，睇到都流哂口水🤤餐廳木質裝潢與柔和燈光營造出一種放鬆的氛圍，檯與檯之間有一定距離，夠哂空間同朋友享受美食😌.🍴前菜一坐低先送上多款韓式前菜，比較特別有芝士粟米🧀全部都可以免費添加😙.🍴韓牛肉眼試問塵世間邊個可以睇完呢塊牛而唔心動🥹肉眼呈鮮紅色澤且帶極致大理石紋🥩店員會幫忙以專業手法燒烤，細心問想食幾成熟☺️烤過後外層形成了一層輕微焦糖化外皮，散發迷人香氣🤤揀咗五成熟，切開內裡粉嫩，入口肉質細緻多汁🤩相比和牛脂肪無咁多，所以肉味唔會被脂肪蓋過😋口裡充滿甜美而濃郁牛肉風味，令人陶醉🥰.🍴蔥蒜牛舌店員將牛舌邊烤邊卷入蔥蒜，最終烤成牛舌卷✨入口先係彈牙多汁嘅牛舌，再來蔥蒜辛香，兩者互相交融😚.🍴檸檬鹽花牛舌本身已用檸檬、鹽及黑胡椒調味，所以烤完就咁食都得😌牛舌肉質鮮嫩多汁，口感細膩彈牙😛當中檸檬酸味更突出牛舌肉香，正👍🏻.🍴燉牛舌燉角切牛舌對比燒烤方式，口感上增加了額外軟嫩感，而且好入味好香甜😙醬汁味道又唔會蓋過牛舌本身肉味，平衡得啱啱好😉.🍴生蠔牛肉石頭飯生蠔外形大大隻好飽滿，質感creamy且充滿鮮味🦪再配啖牛肉粒飯無得輸😆石鍋飯仲有🐻最愛嘅飯焦，金黃脆卜卜😚.🍴舞動喵超可愛貓貓甜品🐱每郁一下就「動L～動L～」好搞笑😂其實佢係牛奶布丁再加朱古力餅碎，布丁唔會太甜又有餅碎增加口感😚
繼續閱讀
呢晚喺旺中行街 行到咁上下就過咗嚟T.O.P.搵食 嚟咗位於頂樓嘅韓燒餐廳 餐廳有室外同室內嘅座位 我哋就揀咗室內 仲叫咗好多款韓牛🐮前菜淨係韓式前菜都有五款 有泡菜 牛蒡 薯仔 芽菜 菠菜同埋海帶✌🏻 我就最鍾意清清地嘅芽菜同埋菠菜啦 蔥蒜牛舌見到隔離枱有嗌呢一個牛舌 就嗌一份嚟試吓👅 佢係三大片牛舌上面仲有一啲生嘅蔥同蒜 店員會細心咁幫你處理 燒完最後會變成一個牛舌卷😮 如果鍾意食蒜蓉嘅朋友一定會好鍾意呢一碟牛舌 因為係一片軟腍嘅牛舌入面有好多嘅蔥同埋蒜 牛舌一放入口 滿口都係嗰陣香味☺️檸檬鹽花牛舌同樣都係有店員為我哋處理 店員先用燒香個網 然後再放牛舌上去燒 燒完嘅牛舌唔會好韌 味道就好香檸檬味 好清新 亦都食得出落咗海鹽吊味🫢 韓牛肉眼呢塊韓牛肉眼份量充足 真係好厚身 淨係見到佢嘅花紋已經好開心🐮 可以欣賞住店員為我哋燒肉 好賞心悅目呀 燒好之後店員仲幫我哋剪細 方便我哋食用🤩 牛肉味超級濃 燒完仲好Juicy添呀 真係令人回味😋燉牛舌除咗有主要嘅牛舌之外 入面仲有牛筋 白蘿蔔 南瓜 洋蔥等嘅配料🧅 呢一個熟食非常有驚喜 因為朋友好鍾意食牛筋 所以見到呢個炆得咁腍咁入味嘅牛筋 佢就好開心😁 另外牛舌都唔會好硬 生蠔牛肉石頭鍋飯石頭鍋飯入面有牛肉 蔥花 薑絲 同埋三隻好大隻嘅生蠔🦪 上碟之後店員幫我哋將石頭鍋飯嘅配料攪拌均勻 仲話如果鍾意食飯焦嘅話可以放一陣先至再分享啲飯😮 果然佢好有經驗 放一陣石頭鍋飯嘅底已經變咗飯焦 為個飯增加咗唔少口感🍚 烹煮過之後嘅生蠔食落口仲好Creamy 舞動喵我哋俾佢個名吸引咗🫢 店員拎緊過嚟嘅時候已經見到呢隻貓好動L😂 其實佢嘅真身係一件牛奶布甸 味道唔算好甜 牛奶味幾香 側邊仲有一啲朱古力餅碎 個人幾鍾意點埋朱古力餅碎一齊食🍫 口感十足呢度嘅服務質素真係幾好 除咗店員會主動幫我哋燒肉之外 又會主動過嚟問我哋仲有冇其他需要☺️ 韓牛嘅質素非常高 令人滿意嘅一餐
繼續閱讀
鐵板燒肉食得多，以熱石嚟燒烤都係第一次試🤭店員向我哋介紹佢哋最近新推出嘅✨春之石海鮮盛饌二人套餐，有前菜、海鮮、和牛、甜品，聽起來相當吸引👍🏻👍🏻決定試吓✨春之石海鮮盛饌前菜先嚟😍✨海膽豆腐 - 入口幼滑，配搭紫菜、青瓜絲卷住一齊食，都幾有鮮味🥰✨熱石海鮮拼盤 套餐有鮑魚、扇貝、貴妃蚌、沙白聽店員介紹，熱石可以令海鮮燒起嚟溫度更均勻，有效保留海鮮嘅鮮味我哋將海鮮放喺預熱好嘅熱石上再加入調味好嘅蒜蓉牛油🥰唔使十分鐘海鮮就好快燒好🥰特別鍾意扇貝😍差不多有手掌咁大肉質Juicy夠嫩👍🏻👍🏻✨壽喜燒和牛有店員協助燒約七成熟🥰和牛呈霜降雪花紋，旁邊仲配有黑松露片、明太子、蘿蔔蓉👍🏻👍🏻咬落肉質軟嫩🥰成個口都充斥着和牛嘅油香味👍🏻👍🏻✨牛小排拼醬油五花肉牛小排油脂比例均勻，牛味相對較濃郁五花肉配搭醬油燒起嚟夠Juicy惹味主食，可二選一(人蔘雞湯/嚴選赤身蝦肉石燒飯)我哋揀咗✨嚴選赤身蝦肉石燒飯赤身蝦肉上有生牛肉碎、喺熱辣辣嘅石鍋上攪拌，牛肉隨即熟透，配搭少少蔥花同蛋絲，味道相當豐富😋🥰最後仲有兩款甜品✨焦糖香蕉 🍌 同✨焦糖布甸香蕉烘焗到非常軟淋🥰加埋面上嘅焦糖外脆內軟👍🏻👍🏻布丁🍮，入口軟化🥰🥰甜而不膩可以食晒兩款甜品超滿足丫😆跟餐仲可以+$20升級 水果沙冰✨菠蘿柚子沙冰🍧✨藍海洋沙冰 🍧最近天氣咁熱，飲番杯沙冰夠晒清爽
繼續閱讀
餐廳環境雅致, 有好多卡座位, 坐得好舒適, 枱與枱之間有距離, 幾有空間感。𓊈春之石海鮮盛饌 $𝟷𝟶𝟾𝟾𓊉𓆹 海膽豆腐𓆹 黑松露, 蘿蔔蓉, 明太子海膽豆腐有濃濃海膽味, 側邊有紫菜同青瓜絲, 包埋一齊食, 口感滑溜好豐富。黑松露有3片, 充滿香氣, 明太子味道柔和, 唔會太辣太搶口。𓆹 柞木壽喜燒和牛和牛壽喜燒份量幾大方有四片, 店員會幫忙處理, 燒完嘅和牛蘸點拌均嘅蛋黃一齊食, 口感好順滑, 和牛肉質好鬆軟, 好好食!𓆹 牛小排拼醬油五花肉牛小排肉質結實, 醬油五花肉非常驚喜, 2邊燒到金黃色, 肉質軟腍, 醬油味道已經融入其中, 真係好好食!𓆹 熱石海鮮拼盤主角海鮮拼盤裡面有鮑魚, 貴妃蚌, 沙白同扇貝, 店員同樣會幫忙處理, 將海鮮放喺熱石上面燒, 可以均衡咁傳遞熱力, 保留海鮮風味。鮑魚好新鮮, 質感厚實但唔會覺得韌。貴妃蚌燒得剛剛好, 非常新鮮, 味道清甜。沙白口感柔軟而且多汁。扇貝肉質嫩滑, 味道鮮甜。每一款海鮮都好好食!𓆹 嚴選赤身蝦肉石燒飯將生牛肉, 赤身蝦肉, 蛋絲同香蔥拌均一齊食, 味道豐富。𓆹 甜品甜品係焦糖布甸同焦糖香蕉, 2款都好好食! 焦糖布甸賣相精緻, 口感滑捋捋, 唔會覺得太甜。𓆹 菠蘿柚子沙冰 +$𝟸𝟶𓆹 藍海洋沙冰 +$𝟸𝟶沙冰配搭燒肉同海鮮, 味道雖然偏甜, 但可以解油膩感。𓇊 整體食物質素好, 環境舒適, 值得推介!
繼續閱讀