柞木炭家

星期日去左旺角玩，唔想返屋企煮飯，興致勃勃去試試新餐廳，地點係旺角TOP既柞木炭家，係食韓燒。主餐牌有牛，海鮮，豬，雞，一品料理，傳統韓食，湯。另有時令餐牌同野飲。餐牌簡單。今次第一次黎，咩都叫啲黎食吓。服務員好快就上左調味三寶，辣泡菜，辣蘿蔔，蒜蓉芽菜，甜甜哋嘅薯仔絲同紅蘿蔔絲，辣蟹仔，芝士粟米，同生菜包俾我哋，服務員話可再添。另外仲有一大兜有蓋兜裝住嘅兩大棵泡菜俾你自己剪細食。食得哂都好叻，份量好多。基本上大部份前菜都好好味又新鮮，最特別係芝士粟米，喺個爐上面熱融左嘅芝士之後變左勁拉絲，好邪惡。調味三寶係鹽，味噌，辣椒同蒜片。我哋無須用到，食物本身已經夠味。擔擔味噌茄子 $78 另加一擔擔味噌茄子一客八件，新鮮吸哂油嘅茄子配好味嘅味噌，加左肉醬，蔥花，甜椒粒，同白芝麻粒，好味道。壽喜燒和牛西冷(2件) $288 另加一壽喜燒和牛西冷係薄切，服務員主動黎幫手燒，先用牛脂抹吓個爐，好快就食得。另外配左隻蛋黃同飯團，上面灑上白芝麻粒。和牛配蛋汁好滑又嫩，壽喜燒好味道喎。和牛牛肋肉 $158 另加一和牛牛肋肉一客8件，份量唔少，已經醃好左味噌，味道好濃。牛肋肉當然需要咬吓，不過好有肉汁，好食。慶州極上黑毛豬梅肉 $198 另加一慶州極上黑毛豬梅肉一客兩大塊，都係已經醃好左味噌。肉質非常嫩口，直頭有啲似食緊雞肉，好味。和牛三文治 $318 另加一和牛三文治一客四件，白麵包夾住脆皮嘅厚身和牛，和牛帶筋同肥膏，需要咬吓。醬汁酸酸哋，好開胃。菠蘿梳打，柚子檸檬梳打 各$36 另加一菠蘿梳打既菠蘿味好濃，偏甜不過好味哈哈，仲有兩塊菠蘿食。柚子檸檬梳打味道就淡啲，主要係梳打水味。下底好多柚子皮，面頭有一塊西柚。食哂所有野好飽，今餐野食唔錯喎，食左咁多款肉，味道質感基本上都唔錯，前菜仲可以任添。我哋坐二人卡位，座位舒適，抽氣唔錯，食完完全冇油煙味。期待下次再黎。…查看更多

少有用炭火嘅韓燒，炭火風味又與眾不同喎！食咩都好，先試前菜5小碟，泡菜一個盅裝住自己任添。少人要試多d肉類揀餐最好不過，跟餐嘅前菜係擔擔味噌茄子，脆香味噌舖面，入口美味，食指大開呀！二人餐$698包括幾種必點肉類：肉質結實、油筋同油脂較多嘅牛小排；有嚼口，肉味濃，脂肪較少嘅和牛牛板鍵肉、肉質細緻嘅韓牛牛肩肉、軟嫩肉味濃嘅和牛牛胸腹肉，包括哂啦個餐！咁就唔洗食唔哂又樣樣都有得食。傳統韓國風味海鮮豆腐湯，有蜆、青口、蝦、滑豆腐，湯頭有海鮮味，一啖飯一啖湯一流！見隔離檯個和牛三文治好似好正，我都唔執輸，香脆多士夾住已微炙嘅和牛，易溶於口啖啖甘香。我個人就想食熟少少，喺爐面再炙一兩下，更加香脆！食韓燒又點少得冰涼飲品！套餐加少少錢有特飲，士多啤梨紅莓梳打、柚子檸檬梳打都係我至愛，味道清新飲落又夠爽，正！…查看更多

王道套餐 (二人份) $698對上一次食到咁高質、地道既韓燒已經係2年前係釜山😭 去旅行既感覺我已經遺忘了...好開心係香港都可以食到質素超高既韓式燒肉‼️ 雖然依個餐係二人餐，但份量足夠三個人食，性價比極高😋 講下我食左咩先!! 大醬蘿蔔煮牛舌依個小食有齊曬所有我至愛既食物: 南瓜、蘿蔔、洋蔥、仲有牛舌😍 店員一拎上枱我已經馬上心心眼🤩 全部都炆得勁淋勁入味，吸收曬大醬湯，個汁用黎撈飯一流!! 是日雪下炙四款部位 配黑毛豬五花肉四款部位包括韓牛牛肩肉、和牛牛胸腹肉、和牛牛板腱肉、方切和牛🐮 全部雪花都好靚🤩 油脂分布好平均，入口即化，就算無調味，唔需要點仼何汁都好夠味😋 牛肉味真係好濃，果然係靚牛🐂 值得一提係黑毛豬五花肉好好食，一層脂肪一層肉，數到5、6層🤩 燒到脆卜卜，包生菜食真係好正!! 加配 最上等牛肋骨 $205上枱果陣牛肋骨摺埋左，原來一攤開係咁長😱 要剪開5、6件先燒到，拎起重得好誇張😯 燒到7、8成熟，肉質好嫩滑，配合甜甜地既醬汁，正😻紅蝦配大墨魚海鮮方面一啲都唔比肉類遜色，一樣咁新鮮!! 2隻大蝦好鮮甜爽口，墨魚都好厚身，燒到剛剛熟好就最煙韌😋海鮮豆腐湯 配飯依個海鮮豆腐湯真係勁好飲，鮮甜到不得了，完全係痛風湯😂 大大隻蝦、硯、青口，啖啖肉👍 仲有好大磚豆腐，流心蛋都好正呀🤤是日精選甜品幻想過精選甜品會唔會係雪糕🍨 原來係蛋糕🤣 雖然有點失望 (食完燒肉特別想食啲凍野🙊) 但原來蛋糕仔都好好食😋 淡淡蜜糖清香，蛋糕入口即化，好鬆軟🥰PS 食燒肉可能唔嗌野飲😋 飲品方面嗌左菠蘿梳打🍍荔枝梳打 ($36) 仲有好想講柞木炭家既泡菜真係超好食，我未試過食韓燒會清曬所有泡菜🤪 仲要有成壺、整棵泡菜，俾你剪開慢慢食，一啲都唔吝嗇🤩…查看更多

 見到openrice訂座有全單85折優惠，小編梗係唔可以執輸啦！😂今次已經係第三次黎「柞木炭家」，「柞木炭家」賣點係用柞木炭作韓式燒烤，而柞木嘅特性就係耐火燒，所以可以係保留返食材嘅原汁原味，又可增添炭燒風味～食物除咗單點之外，仲有二人或四人套餐可選，更抵食呢！我同小妹order左個二人套餐—王道（$698），真係好豐富嘅！和其他韓式🇰🇷餐廳一樣，上菜之前都會提供多款前菜，有涼拌小黃瓜、茄子、芽菜、芝士粟米等，最欣賞嘅係自家醃製嘅泡菜！每枱都有一砵，鍾意食幾多就剪幾多，感覺更新鮮，更衛生。食完仲可以refill，真係食前菜都夠飽啦！😂包肉食嘅菜都係免費追加架！👍🏻跟餐仲有一份大醬蘿蔔牛舌，一食就知係燜煮得好夠火候，好入味！☺️一口厚切牛舌口感豐富，肉汁豐腴，正！⭐️是日雪下覓炙·四款部位🌟推薦❗一碟有4款精選牛肉，有和牛牛胸腹肉、和牛牛板腱肉、方切和牛及韓牛牛肩肉，一睇油脂分布尤如雪花般，就知道全部用料有幾上乘！😍😍牛胸腹肉係肋骨靠腹部內側嘅肉，又稱牛五花，肉味最濃，肉汁多，牛板腱肉肉質細嫩，油花密佈，有細密嘅大理石紋路，口感比較油潤，鮮美多汁，又不失有嚼勁～方切和牛肉嫩甘香，牛肩肉為前腿嘅上部嘅部位，因為呢個部位嘅肌肉比較發達，兼附牛筋和牛筋膜令其更有口感！⭐️黑毛豬五花肉🌟推薦❗上等嘅黑毛豬五花肉，紅白相間，肉嫩香口～⭐️ 最上等牛肋骨（原味）（加配$205）🌟推薦❗有半節手臂💪🏻咁長嘅牛肋骨，肉嫩甘香，啖啖濃郁牛味，口感豐富，加錢都抵食！😎⭐️紅蝦配大墨魚紅蝦好大隻，肉質爽彈鮮甜，大墨魚份量唔多，但勝在厚身，口感佳！⭐️海鮮豆腐湯泡菜湯微辣惹味，海鮮有青口、蝦，豆腐又嫩滑，不錯吃！⭐是日精選甜品為蜂蜜蛋糕，口感鬆軟，帶着淡淡蜂蜜香氣～…查看更多

久違的好友聚餐，通過Openrice訂座有折扣，減少的價錢可抵銷其中一份肉呢！我是朝着這裏的泡菜及五花肉來的，當天吃過還是覺得這兩味最合我味；🤤泡菜仍是我目前在香港吃過最美味的！偏辣帶香甜味，不會死鹹，本來對泡菜一般的朋友都大讚！😋相反，對牛肉類很失望😞，吃後只留下粗榎的印象，其中牛柳由店員燒，好像真燒過頭了，絕對是物不所值。幸好，可以免費加點的拌菜為這餐加分不少，特別喜歡燜茄子🍆。樓面店員似不足，大多匆忙，不過都友善，加點時最好一次過講出所想，否則等到以為被漏單了。這裏環境偏暗，每檯一集中燈光，拍照頗有型格。-#特選黑毛豬五花肉 $118到韓國用鐵鍋/網燒五花肉吃時總覺得太油膩，除非吃濟洲黑毛豬🐖，否則都偏乾。反而在柞木用炭燒令肉汁鎖在薄薄的肉片，拿兩小塊包在生菜🥬裏，加點泡菜、生蒜片、青椒、豆瓣醬、白飯就能成為美味보쌈菜包肉了！第二次吃依然回味無窮啊！🤤-#最上等牛小排（鹽燒） $210份量比想像少，油花分佈得尚算均勻，但吃時肉味不突出，需要醬汁加持。🧐隨時要注意肉熟程度，肉色一變就翻面，免粗榎。-#嚴選韓牛牛柳 $328上桌時以鐵盒蓋着，心生期待，打開時一看，是女性手掌大的一塊牛肉。肉色是迷人的暗紅，看着店員把它慢慢燒成棕色真療癒，最後燒至七成熟。可惜，這牛柳榎，吃時大失所望，為忘了跟店員説要幾成熟而悲傷了三秒。😩-#極上牛舌 $188店員燒牛柳前好心為我們先燒牛舌，真是「好心做壞事」，哈哈！因為他把牛舌都燒熟透了，我不禁在他面前説了「真榎」……🤭還是朋友燒的更嫩！-…查看更多

旺角T.O.P越嚟越多好嘢食啦！😍 主打高級韓燒嘅「柞木炭家」， 係全港首家用柞木炭作韓式燒烤嘅餐廳， 柞木嘅特性係耐火燒， 而且炭燒仲可以最短嘅時間將食材嘅精華鎖在其中，保留返食材嘅原汁原味， 仲可以增添炭燒嘅香氣～ 鐘意食燒烤嘅foodie唔可以錯過呀！😏 餐廳採用全落地玻璃，裝潢感覺幾摩登， 環境闊落，每個座位都有獨部嘅抽風爐， 食完就唔怕個身成陣燒烤味啦！👍🏻 外面仲有個小平台，可以出去呼吸抖抖氣。 「柞木炭家」嚴選各地新鮮嘅原材料， 主打高級韓牛和和牛， 選擇多樣化， 有豬、牛、雞、海鮮等， 仲有唔少韓式料理，如煎餅、年糕鍋、拌飯。 和其他韓式餐廳一樣， 上菜之前都會提供多款前菜， 有涼拌小黃瓜、菠菜、南瓜、海帶、芝士粟米， 最後梗係唔少得自家醃製嘅泡菜啦！ 每枱都有一砵，鐘意食幾多就剪幾多， 感覺更衛生和新鮮，贊！👍🏻 全部都好好食，食完仲可以無限refill，真係食前菜都飽呀！😂 食韓燒點少得用黎包肉食嘅菜呢， 又係免費追加，全部都新鮮爽脆！😌 情人節成日都食西餐， 今次終於可以搞搞新意思， 韓燒都有情人節套餐啦！☺️ 仲有韓牛、和牛、海鮮， $782/兩位，都幾抵喎！ 菜名全部都好應節。😂 ❤️情竇初開醬油鮑魚 鮑魚好入味，口感軟腍，又不失嚼勁！ ❤️情意綿綿牛肉稀少部位 醬油牛小排油花紋理集中且雪花均稱，香濃入味，嚼勁十足。 韓牛牛柳肉香最濃！ 和牛牛肋骨肉雪花紋都幾靚， 油脂分佈得均勻，肉質豐腴鮮味。 ❤️天長地久是日精選 可二揀一， 鮑魚配龍蝦 或 最上等牛肋骨 平日單點一客都要$198， 而家套餐包埋仲唔洗加錢，好抵呀！😊 我同小妹揀左鮑魚配龍蝦， 因為太多牛肉，食下海鮮都好！😏 記住燒龍蝦唔需要反轉再燒， 否則調味料會掉晒入去炭爐裏面。😆 龍蝦以蔥花和蒜蓉來調味，簡單而美味。 蝦肉又夠紮實新鮮！😋 ❤️主菜可揀天作之合 和牛咖哩飯或 一往情深 牛肉水冷麵 小編最鐘意食麵，梗係揀水冷麵啦！ 水冷麵配上薄肉片、水煮蛋、水梨和小黃瓜， 係好正宗嘅配搭！ ❤️甜甜蜜蜜 韓國🇰🇷燒餡餅 第一次食韓國燒餡餅，感覺好新奇有趣！☺️ 外皮煎得微脆，裏面嘅花生糖餡幾香口， 不錯嘅體驗！ ❤️最後，食燒肉點少得燒酒！😏 仲要係小妹最愛嘅士多啤梨味呀！ 襯托埋韓國士多啤梨🍓係裏面， 係完美嘅配搭呀！☺️ 整體來說， 呢個情人節套餐相當抵食， 食材用料用心， 會再黎幫襯！😏👍🏻…查看更多

在人煙稠密的旺角，突然冒出了些新商場，其中T.O.P商場想不到很好逛，有很多非連鎖小店售賣精品和日系服飾。忍不住花了錢，倒也是高興的，然後就要醫肚子，走到了最頂層空中花園旁邊的「柞木炭家」。這裡裝潢十分典雅，黑色主調但掛了一盞盞白箱燈，新穎得來又帶點傳統韓風感覺。我們被安排到卡座，十分鬆動，且在窗邊可看到空中花園。中文名字有點特別，英文名The Charcoal Room更淺白。原來是專門用原顆木炭燒烤的地方，令食物的溫度更均勻，不會燒焦了一邊後另一邊還未熟。這裡以頂級韓牛作招徠，於是我們點了一個月見韓牛西冷和稀少部拼盤，主食要了海膽牛柳飯，再多加鮑魚在滿口牛肉中中和一下，畢竟韓國鮑魚也是很有名的。吃韓食當然少不得前菜，這裡的前菜有四款，可以免費任添。是日的是泡菜、芽菜、青瓜及茄子，顏色很豐富，不同顏色的蔬菜有不同的維他命，可見韓食對健康的講究。我尤其喜歡那個茄子，軟腍得來不會散開，醃後味道惹味但不過濃，保留了蔬菜的原味。每枱都有一個黑色小醬缸盛滿泡菜，想再添時可自行夾出來用剪刀剪開，很有風味。除了前菜外還有蔬菜沙律，沙律汁是酸酸甜甜的柚子醬，比芝麻醬少了份膩感，更能帶出新鮮沙律菜和車厘茄的清新。另外還有不同款式的生菜，是包裹燒肉之用，除了常見的羅馬生菜和紫生菜外，還有紫蘇葉，韓國人吃燒韓牛時很喜歡用，這店也attended to details。轉眼間大碟小碟放滿了整桌，吃韓國菜時總是有這種豐盛。 每個燒烤爐上都有一個煙囪，加上卡座的分隔度高，吃完也不會滿頭油煙 (吃韓燒時總是很怕!)。店員還會貼心地送上紙圍裙，這樣衣服也不怕被弄髒。吃燒肉一定要杯凍飲才夠爽 這裡的梳打味道很多，我們要了一杯左邊的忌廉鮮奶梳打，一杯右邊的蝶豆花檸檬梳打。忌廉鮮奶的忌廉就是忌廉汽水，韓國有藍色的忌廉汽水，加少許鮮奶，口感較滑，是甜度之選。藍色的蝶豆花遇上酸性會變成紫紅色，店員在我們面前倒入檸檬汁，可以目睹整個變色過程，這個味道相對沒那麼甜，帶點檸檬酸很開胃。這就是我們是晚的牛肉了 是不是很豐富呢嘿嘿店員幫我們先燒月見韓牛西冷，就是最上面的那一碟肉。先用旁邊的牛脂塗抹網面，燒肉的時後便不會黏得太厲害，而能夠留有網坑紋。店員還會問我們喜歡燒至幾成熟，我們只要坐著等吃就可以嘍 這是貴妃牛的西冷部位，即使薄切也充滿牛肉味。所謂月見，原來就是這個醬汁。味醂上放的雞蛋非常講究，先將蛋黃和蛋白分開，再拿蛋白去打成泡沫，就變成這個像是月球的賣相，很有詩意。吃的時候就將所有材料拌勻，會變成很有空氣感的淡黃色泡沫。醬汁很滑之餘更有份輕盈感，味醂的甜味與牛肉十分配合。 點這個還包括一球白芝麻飯團，可用牛肉包裹著來吃，更添飽足感。接著店員幫我們燒海膽牛柳飯的牛柳，這塊牛柳比較厚切，店員完整地將其燒好再放上飯上，保留其肉汁。牛肉咬下去非常軟腍多汁，厚切也不會嚡口，用牛肉汁拌飯很好吃。配上綿滑海膽，想不到味道不但不會蓋過對方，反而很配合，加上蔥花更加香氣撲鼻，左邊的是牛小排，右邊是韓牛的稀少部位，放在牛形狀的木板上。我們想試試自己燒，店員也就放手讓我們玩玩，到要燒鮑魚時才過來。牛肉的雪花比西冷和牛柳多很多，密佈而均勻，燒過後名符其實的入口即溶，但不會覺得滿口是油的肥膩。燒鮑魚時需要些技巧，店員先將鮑魚放在烤網上，至半熟就打橫剪開鮑魚，讓內臟跟貝殼一起丟掉，只剩鮑魚肉放在烤網上繼續燒至熟透，我們完全沒有需要去想哪個部位不能吃的煩惱。鮑魚的生熟程度剛剛好，咬下去仍然柔軟彈牙，一點也不韌口。鮑魚味道加了青檸汁，提昇了本來的鮮味，非常不錯的吃。我們最後還是忍不住點了甜品，這個糖餡餅也很韓式，比較少見。輕炸的餡餅內外都灑滿了花生和開心果碎，非常香口，加點麥芽糖膠，甜絲絲的很滋味，完滿了我們整餐盛宴。在這裡我們可以享受店員一手包辦為我們燒食物，而且吃完整餐也不會有很大油煙味，可以「歎住食」高級韓牛呢。…查看更多

朋友約我到旺角一幢新發展的商廈晚飯，這裡都以年青人出入居多，各層除了食肆外，亦有很多年青人的玩意或D.I.Y.的店子。我們來到時大約八時，食店內仍有不少客人。食店名為柞木炭家，原來是富臨集團名下，去年六月才開業，是全港首家以韓國出產的優質柞木炭作韓式燒烤，特點是密度高而耐燒及火力旺盛。以炭燒取代一般的鐵板燒，燒烤的時間可能要稍為長些，但好處是能鎖住食材的精華，保留原汁原味及散發出獨特的炭香。餐廳標榜每日嚴選不同的高質食材，特別是韓牛及和牛，並以獨特的切割方式來處理，及以提供高品味和舒適的用膳環境為目標。店內座位也不少，還有在室外的平台也有些座位。服務員安排了我們坐室外，原本我較少坐室外位置，幸好今天天氣不錯，不冷不熱，不致於汗流浹背，坐到室外也挺舒服的，而且燒烤的氣味也可散發開去。朋友點了個套餐，包括有是日稀少部拼盤、活濟州鰻魚、韓國鮑魚、主食是海膽牛柳飯，與及甜品的糖饀餅，另外飲品就要了柚子檸檬梳打($36)及甘橘梳打($36)。在套餐還未送到之前，服務員先為我們取出泡菜並剪開，及準備其他涼菜，包括有沙律菜、青瓜、茄子及芽菜，都很好食，如果喜歡還可以添加的。兩杯飲品柚子檸檬梳打及甘橘梳打的味道都不錯，甜中帶少少酸。繼而食材都陸續上枱，服務員先點著了圓球形的柞木炭，然後放上鐵網，上面放了一小杯可以作為小食的粟米，及一小杯鹹香味，用來蘸韓牛尤其是牛舌的韓國魚醬來加熱。先要燒的是活濟州鰻魚，鰻魚魚身色澤光亮，應該很新鮮。服務員先燒有皮的一面，到差不多乾身才翻轉來燒魚肉的那面，我們就一邊吃著泡菜等涼菜，一邊欣賞著服務員純熟的燒烤技巧。待燒好以後，服務員加了些醬油再稍為多燒了一會至醬油被吸收後，再將鰻魚剪開成幾塊，我們可以放在紫蘇菜上，加些薑絲一起來吃。剛燒好的魚肉肉質紮實，煙韌有彈性及有口感，保留了肉汁，油香四溢，味道也調校得很好。另外還有幾片生菜及娃娃菜，即使淨食也如服務員所說的很爽脆。繼而是韓國鮑魚，共有六隻，以甲羅燒形式連殼來燒，由有汁燒至乾身就移離中心火力，再剪去那些內臟部位。鮑魚是原汁原味，而肉質軟滑不柴，我連食幾隻，甚有滿足感。然後是主食的海膽牛柳飯，用的是一大塊少見的貴妃韓牛，肉質嫩滑，油花細膩，牛味濃香，兩面只消各燒一會，待底部變得乾身而面部仍有汁就反轉，無需翻來覆去，燒好以後將牛柳剪開放在飯面，再鋪上海膽，加些蔥花就可以食。牛柳腍滑甘香，鎖住的肉汁咬落還會發出“之之”聲響。海膽帶鹹鮮，而白飯是用上韓國米，嚼口也十分好。接下來的是日稀少部拼盤，今日用的是油花較多，肉質嫩滑，食落甘香“之之”聲的韓牛胸肉、肥瘦適中的牛前胸肉、多汁嫩滑而牛味香濃的牛小排及腍滑有質感的牛肩胛肉，四款每款兩件，果然有一定的質素，食時亦可加些鹽或檸檬汁，不過我還是喜歡原汁原味。最後是甜品的糖饀餅，煎得乾身及較為硬了些的軟餅，上面灑了些南瓜子碎及花生碎，再加了些糖漿，味道甜了少許。一頓豐富而特別的晚餐，令人印象深刻。…查看更多

Lunch時段旺角好多餐廳都要等位，仲要坐得好逼，今日同ｄ同事想搵間靜ｄ既餐廳舒舒服服咁食餐飯，最後就揀左呢到~呢間餐廳係TOP商場最高層，可能係因為商場新開既關係，人流仲未係好多，所以都唔駛點等位，環境都幾大又坐得舒服～呢到既lunch set選擇都唔算少，仲有得揀燒肉~上菜之前有唔同既韓式前菜，個泡菜真心正！！夠辣同埋仲有少少尤魚既味道，好特別！仲要比足一大兜你，夠哂滿足！今次叫左個鐵板牛肉飯！一上菜見到個樣好吸引已經急不及待撈左個飯，唔記得影相佢既份量非常足料，飯同牛肉既份量都幾多，一個女仔基本上都唔係好食得哂！最鐘意佢個飯夠多汁，ｄ牛肉汁又甜甜地，撈飯一流！佢既牛肉雖然唔算好高質，不過呢個價錢黎講係可以接受，亦都唔會好肥～雖然野食ok,但服務就一般，長期都好似唔夠人做野咁，要叫好耐先有人應，不過環境就幾乾淨舒服，起碼唔駛坐到貼住隔離位先～總括黎講都值得再encore既一間韓國餐廳!…查看更多

得知旺角開了新商場，TOP，而我這位小OL就在旺角區翻工，也就成了我的又一個就腳飯堂。評分分為上菜速度、食物賣相、味道、價錢、環境以五星為最好。首先中午人不算多，不用排隊直接進去。環境不錯，抽風良好，一進門沒有一股油煙味！小OL認為值得一贊。因為中午如果吸得一股燒肉味，回公司也就很尷尬。由於是Lunch，所以我只看了午餐的選擇，燒肉好像也不錯，待下次收工happy hour嘗嘗吧。回正題，午餐很多選擇，在點餐時，店員送了餐前小吃泡菜到我們桌上，我們一行三人泡菜份量剛好。泡菜味道十分美味，是偏甜的口味，辣度一般，很易入口。嘗過美味的泡菜後，我就選了一但特盛辣炒年糕，也想吃一點辣辣的口味。午餐份量適中，小OL也能吃飽的，不竟年糕是很佔肚子。味道不級泡菜好吃，但也是不錯的，年糕口感q彈的，也很入味，但是配菜偏小，只有幾塊魚糕，及一大堆洋蔥。由點菜到上菜15分鐘內！整體是不錯的，下次還會再來。柞木炭家速度⭐️⭐️⭐️⭐️賣相⭐️⭐️味道⭐️⭐️⭐️價錢⭐️⭐️⭐️環境⭐️⭐️⭐️…查看更多

旺角新商場T.O.P係今年六月試業，試業初期黎過一次。新商場連接住旺角地鐵站B出口，非常方便。但我黎個時只有十幾間商店同地庫嘅美食廣場開左，所以個次只係美食廣場食過一次。最近網上見有間柞木炭家係食韓牛，好想試 ~咁啱餐廳就係呢個商場，再黎到呢個商場，原來已經開左好多店舖。呢度樓高8層，而柞木炭家係商場嘅5樓。  環境以木色為主，座位好闊落，仲有落地大玻璃，令人好relax。前菜就同其他韓國餐廳一樣，點菜後侍應會奉上。而呢度泡菜就比較特別，係原棵，所以侍應會係客人面前剪開泡菜，感覺好新鮮。之後主菜陸續上枱~ 月見韓牛、厚切韓牛肉眼、海膽韓牛牛小排、帶子海膽，侍應都會幫忙燒。咁就好喇，咁正嘅食材，由專人處理番就唔怕俾我地糟蹋左啦~侍應會先講解一下，佢地引入嘅韓牛係韓牛品種入面嘅貴妃韓牛，係極之珍貴，因為韓牛係從未受精嘅年輕母牛，所以肉質比其實韓牛更嫩滑多汁。月見韓牛（兩塊）$120/塊 你地睇下~ d油花幾咁靚，分佈得十分平均，未食見到流都口水。點埋用日本蛋黃同打成泡沫嘅蛋白仲有烤肉汁一齊食，甜甜地嘅醬汁配上烤肉，牛肉入口即溶，簡直一試難忘。厚切韓牛肉眼 ＄328牛肉眼超級大塊~唔好睇佢薄薄地，牛肉味勁濃郁，鮮嫩既肉質同埋爆出黎嘅肉汁，口感一流。海膽韓牛牛小排 ＄228有我最愛嘅海膽，仲要配埋韓牛，呢個配搭無敵呀~ 牛小排只係燒一燒牛肉底部，令到牛肉半熟，再連埋新鮮海膽一齊食。入口先係甘甜嘅海膽，再慢慢散出牛肉嘅油香，味道同口感都非常好，食完都覺得唔夠喉。帶子海膽 ＄258呢款係海膽配帶子~  大大隻新鮮帶子經過店員嘅燒烤處理，同樣輕輕咁燒一燒，夾埋韓國紫菜、海膽及碎蔥一齊食，鮮味突出。韓國大蝦 $118大蝦隻隻都好大隻，高質素嘅食材真係無需多講。燒一陣，蝦嘅香味已湧上黎，好鬼香~  大蝦好有肉地，咬落肉質鮮甜，仲好彈牙。原隻濟洲大八爪魚 $178橙色嘅原隻大八爪魚真係十分吸睛 ~ 燒原隻大八爪魚真係第一次，將佢原隻放入爐燒會比較難熟。有見及此，餐廳會有剪刀提供，切件後就易熟得多。八爪魚醃得唔錯，入口爽脆。極品韓牛燴飯牛肉粒上枱時已經半熟，另外配埋蛋黃同蔥絲。將材料撈好一齊食，韓牛嘅油香再加上蔥味同香滑蛋汁，令到燴飯更香，大滿足~魔法梳打 $36、荔枝梳打 $36 食燒肉飲番杯凍飲零舍爽~ 梳打甜度適中，正。…查看更多

新開既TOP，我地都係第一次黎，原來上面有咁多野食～柞木炭家地方大，座位闊落，都幾好坐～食咗幾次日式燒牛肉，朋友提議不如試下韓式嘅燒肉啦！日式同韓式燒牛最大嘅分別就係日式就唔會用太多醃料去醃嘅，原汁原味。而韓式就會有會預先醃定，但就唔會蓋過咗牛肉嘅味道之餘仲會帶出佢嘅原味，然而突顯出咗佢嘅質感！而且韓牛仲集合咗日本和牛同安格斯牛嘅優點～點都要試試啦～職員先攞左泡菜同其他前菜黎～都幾岩我口味～月見韓牛 $120@月見韓牛係極珍貴嘅韓牛品種：貴妃韓牛較難有機會食到～今次有幸一試，仲唔gogogo！！！薄薄嘅兩塊其實都好大件！而且油花分佈平均，入口即溶 ～師傅預先調教一個醬汁；係由蛋白、蛋黃同埋秘製醬汁而成～燒牛肉之前要首先要攪勻佢！牛肉大概每邊燒五秒就已經完全熟透 將牛肉直接加落個醬汁度 醬汁味道甜甜地唔算好濃，反而蛋香就更增加咗佢牛肉質嘅滑溜感！十分高質！海膽韓牛牛小排 ＄228呢個正呀～職員十分有技巧咁燒牛小排～海膽就係上面乖乖坐好慢慢加熱～平時唔食海膽既我，呢度既海膽係一D都唔腥～高質～帶子海膽 ＄258帶子兩邊輕輕一燒，放係紫菜上面，再加上海膽～甜味加上鮮味～不錯不錯～厚切韓牛肉眼 ＄328雖然唔算太厚，大概1，2cm左右，但肉眼扒個面積十分大，燒嘅嘢時候差不多蓋過咗成個爐頭肉質嫩滑～呢次係我哋自己燒㗎！雖然唔係好識燒，但燒出黎都OK喎！柞木特級雞肉拼盤 $168拼盤有三款雞，分別係： 蔥燒雞胸，無骨雞翼，無骨雞槌咁樣燒都唔乾仲好juicy~ 三款一樣好好味～原隻濟洲大八爪魚 $178第一次燒咁大隻既八爪魚我地怕燒唔熟，所以燒燒下都係剪開黎燒～幾得意～韓國大蝦 $118肉質厚實～不錯不錯～濟洲黑毛豬肉拼盤  最喜歡呢塊厚切五花腩！！！好邪惡，但我鍾意～燒過既脂肪係好爽口～怕熱氣就包埋菜食啦～豬排也不錯～因為我好怕鞋口既豬排，但呢塊燒完都好Juicy～極品韓牛燴飯超多韓國京蔥～平時唔食蔥既我都食左好多～唔覺得有好大陣味，加落飯度反而幾fresh~ 柚子梳打、菠蘿梳打魔法梳打、荔枝梳打出街飲野最怕太甜呢4杯梳打係微甜，岩晒我地，又想飲又怕甜既人～～～…查看更多

呢間真值得推介燒肉用木炭所以味道都好有風味特別推介佢既牛肉 咩款都禁鮮甜肉味我叫既係一set套餐620未加一紫薯生米酒係另叫既但真好飲埋單833兩個人食其實有特所以唔洗再加置食Waiter 都係咁suggest服務唔錯👍🏻😊成個餐有：雪梨生牛肉他他（韓牛）韓牛牛小排厚切牛舌韓牛胸腹肉汁燒黑毛豬五花特級蔥燒雞胸特級無骨雞翼特級無骨雞鎚石頭韓牛飯是日甜品牛肉他他值得一試牛小排牛舌都高水準特別牛小排 燒一陣就得入口非常嫩間中一兩餐想食好d可以黎試下…查看更多

最近旺角中心2期改裝成新商場This is Our Place，商場開幕了個多星期，本人試了幾間餐廳包括food court，但本人較欣賞這間韓國餐廳，覺得好抵食，味道都不錯呢。我們一坐低，侍應就隨即送上一大兜泡菜,前菜及蔬菜盤，泡菜是原顆要自行剪件，份量多好闊佬。我們三人選了2個烤肉套餐及1個汁煮牛肉蛋包飯share一齊食。1份烤肉餐可6選3種肉類，我們2份可全部6種都選齊烤肉套餐包大醬湯配飯或韓式素菜拌飯，份量不少。2個烤肉套餐份量多，吃得飽飽，最後食唔晒要打包素菜拌飯。…查看更多

草根姐妹知道旺角開咗間新商場，雖然暫時只係開咗好少商舖，但都吸引咗好多人椿入去😂，草根順便嘗嘗新先～去到只見到頂層有2間餐廳已經開張，暫時選擇唔多，最後揀左間食韓燒嘅😋先嚟個小透露🤫柞木炭家屬於一間較高級嘅韓燒店🔥提供嘅肉類肉質都係較好較貴，只能用一句形容「一食便知龍與鳳」呢間韓燒店俾足一棵大泡菜你自己剪✂️另外仲有胡麻醬沙律🥗、芽菜、醃蘿蔔、蓮藕漬物做前菜。🍴柞木龍蝦Lobster with Garlic 龍蝦肉質新鮮彈牙🦐，龍蝦肉透白，食落陣鮮味真係令人停唔到口。講真真係好少食到韓燒店嘅海鮮可以咁高質👍🏻🍴韓牛肋眼上蓋（$328）店員特別向草根推介呢個特級牛肋骨🐂專業果然係專業，肉同雪花比例近乎50:50，入囗超滑呢🤩肉質軟到輕輕啦咀嚼，肉就已經係囗腔融化🧚🏻‍♀️油份係相對多少少，不過亦正因如此口感先咁好呢🍴牛舌3吃話說草根姐妹係第2次食牛舌👅（最近想突破心理關口試多d野）當中有厚切🔪有薄切🔪同長型3款。草根姐姐中意薄切牛舌，因為薄切負擔最輕，食落最柔軟。而草根妹妹反而最愛厚切牛舌，因為食落最有肉感🤤大家不要怕，因為唔同大家講一定唔知自己食緊牛舌🍴特級牛肋骨芝士就拉得多，估唔到草根幸福到可以拉肉🥩塊牛肋骨長到呢❤️呢款牛肋骨係店員話當日來貨好靚而推薦草根點嘅！呢款牛肉較實肉，脂肪較少，原本已有調味，甜甜地好好食😋而且拉肉果下真係無得輸👍🏻食到好野好感動😭旁邊仲有2隻蝦🦐,新鮮爽口，好食呢！🍴柞木韓牛飯 Hanwoo Rice韓牛飯賣相吸引，將中間蛋黃搞拌嘅一刻真係好治癒🤤飯中嘅韓牛無燒肉嘅牛肉咁出色，肉較硬🐃。飯嘅份量十足，都分到3-4碗，好夠食🍚。不過由於本身只有蔬菜、牛肉同飯，味道好淡，所以記得落埋辣醬🌶一齊食呀！飲品點左一杯柚子檸檬梳打🍊🍋同青檸檬梳打，柚子個杯出色d，柚子好香又唔會死甜，不錯啦！知道大家成日都1516，好似草根咁，唔知揀咩部位嘅牛肉好🐂🐂。不過唔洗擔心，柞木炭家會有店員提供牛牛教學板，為大家補下課，講俾大家知邊到好食，同不同部位嘅肉質如何，專業吧😎呢間燒肉真係好值得推介!!…查看更多