影片
開飯介紹
焱丸水產是香港首間海鮮磯燒元祖店，有活海膽、鮑魚、活龍蝦、松葉蟹、帆立貝等十多款海鮮，可選擇磯燒或刺身。 復刻傳統魚市場場景，食客在木箱、漁旗的環繞下品嘗豐洲直送當日水產，享受活魚刺身、活貝磯燒的原始風味，彷彿置身於日本海邊。
繼續閱讀
營業時間
今日營業
12:15 - 15:00
18:00 - 00:00
星期一至日
12:15 - 15:00
18:00 - 00:00
以上資料只供參考, 請與餐廳確認詳情
有關獎賞計劃
優惠
相關文章
想食燒物,又想食刺身,呢度係燒物同刺身既天堂。自慢焱丸號有鮮甜既海膽、帶子、蟹子、三文魚同埋吞拿魚蓉,仲有一盒青瓜卷,岩晒刺身控,可以一次過食到唔同口味既刺身。焱丸活貝大盛就有仲好生猛既鮑魚, 大大粒既帶子、蛤蜊同埋生蠔,店員好有心機逐隻幫我地燒完再serve我地,好享受有人服侍我地。帶子好高質,我仲飲埋帶有海水味道既汁添。食左咁多海鮮,再食麻醬蕃茄沙律,好清新舒服,麻醬同生菜幾時都咁夾。紫菜魷魚天婦羅炸到剛剛好,一d都唔油膩,紫菜令到魷魚有d調味,又好彈牙可口。黑松露蟹肉甲羅燒配青瓜就清新,配薄餅都唔錯。洋梨梳水味道淡淡的,pineapple梳打就夏日d,唔中意飲酒既人可以走酒。整體好滿意呢度既食物同埋味道!
繼續閱讀
香港咁多野食，想食好野，有時真係要搵下，今晚就比我搵到呢間匿埋係尖東棉登徑入面既居酒屋。餐廳地方唔算大，入面既裝修就以復刻傳統魚市場既場景做主題，比人感覺真係好似置身係日本一樣。呢度主打日本既直送水產，海鮮種類繁多，食法除左刺身之外就係磯燒。今晚我就嗌左甲羅燒、鮑魚同魷魚，仲有店員專責幫手燒，唔怕overcook啦。蟹味噌甲羅燒$68呢個甲羅燒有蟹膏、蟹籽、蟹肉、鵪鶉蛋、同蔥，食個時加埋伴碟既青瓜絲除左加強口感，仲會balance返個味道，唔會過鹹鮑魚殼燒$136呢個鮑魚上枱個時仲識得郁，生猛到好似識行走既鮑魚，燒左冇耐就好快甩殼，食落口感彈牙，邊脆內嫩，味道爽甜烏賊磯燒$95呢個魷魚醬汁惹味，做到焦香juicy，口感一流鮭魚冷麵$128呢個以三文魚切成條狀配冷麵汁係有創意既，味道還可以，不過我個人都係鍾意就咁食三文魚刺身，但係呢度既三文魚係新鮮鮮甜冇雪味既吉列帆立貝$78呢個係另一個創意菜式，吉列粉漿包住厚切帆立貝，口感多層次，食落外脆內鮮，有d驚喜特盛A4和牛壽司$158呢個A4和牛賣相已經相當吸引，店員加左醬汁就開始燒，香氣撲鼻，食落和牛入口即溶，而且牛味濃郁，配埋鵪鶉蛋同重醋壽司飯就可以中和返牛既油膩感
繼續閱讀
去了尖沙咀閒逛，聽朋友推薦棉登徑有所美美味的日本料理。特意走到那橫街的盡頭，去探尋美味的泉源．天婦羅丼，海之幸丼非常價廉物美，一條條長長炸蝦，脆口炸番薯，厚切三文魚刺身，鮮味吞拿魚刺身，濃郁味的海膽，附上前菜—沙律，湯及超滑口的蒸蛋。水準不錯。尤其蒸蛋非常滑口，保持著一定的溫度，餘溫隨著蒸氣慢慢飄出。海膽帆立貝燒，蟹味噌甲羅燒，黑松露蟹肉甲羅燒，鮑魚殼燒，都有專人幫忙燒食，雖然鮑魚略有點貴，整體燒出來的食物都很可口，尤其是黑松露蟹肉甲羅燒同蟹味噌甲羅燒，直接入口就是滿足，拌飯入口就是享受。當然黑松露蟹肉甲羅味道會略味道濃厚一些，如果要清淡些，建議試蟹味噌甲羅燒。冰菠蘿梳打不枉是推薦飲品，附上原條菠蘿，甜味足，既解暑亦解渴。果然是朋友的心水推薦。
繼續閱讀
好想食日本嘢，醒起好耐冇嚟過焱丸食，於是特登訂位再嚟食之前食鮑魚好新鮮，於是今日再次食燒鮑魚，鮑魚好新鮮又大隻。喺等嘢食嘅過程中叫咗杯檸檬可樂威士忌highball，杯嘢好明顯飲到威士忌味，絕對唔係飲緊檸檬可樂咁hea，非常足料。叫咗兩款刺身，非常新鮮，三文魚刺身切成一條條狀令到口感更加豐富。不過最驚喜都係紫菜魷魚鬚天婦羅，香脆得嚟又唔會覺得好油膩，最重要係仲要食得出紫菜味， 絕對唔係純粹裝飾，口感非常突出。最後食埋凍嘅蕎麥麵作為今晚晚餐嘅結尾。除咗飽到上心口之外食物質素仲要不錯。絕對值得再返嚟食
繼續閱讀
今日同同事補祝生日飯，我選了她最愛的日本餐。我叫了兩個午餐加一個焱丸活貝大盛和蟹味噌甲羅燒，今日午餐要吃得豐富d。超豪華12件壽司盛壽司分別有三文魚，赤海蝦，海膽，鯛魚，香蔥吞拿魚蓉，白身魚壽司，鮪魚赤身，魚籽壽司和西冷牛肉壽司。壽司款式各有不同，刺身高質新鮮，壽司飯的質地柔軟黏稠，每粒米粒都經過精心的煮煮冷卻處理，使其能夠在卷壽司時較容易成形。海膽新鮮鮮甜，令人回味無窮。雜錦天婦羅丼天婦羅帶有爽脆的外層，內裏卻保留著食材的鮮嫩汁水。壽司飯的微酸微甜的口味,能夠很好地平衡天婦羅的油膩感。蟹味噌甲羅燒蟹味噌是使用整隻螃蟹研磨而成的濃郁醬料,富含海鮮鮮甜的味道。將蟹肉和蟹味噌混合後，填入螃蟹甲羅中，是非常傳統的做法。甲羅燒時需要精心控制溫度和時間,外層要烤至金黃酥脆,內部蟹肉仍保持彈牙的口感。烤鮑魚鮑魚是海洋中最珍稀、最高級的貝類之一，烤鮑魚會在表面刷上醬汁，不僅帶有豐富的香味，而且外焦內嫩。燒日本蠔簡單的烹飪方式能夠最大程度地保留蠔肉的本味和質地。燒帶子烤製過程中,帶子肉的本味得以完整保留,突出其天然鮮甜。外層的焦脆口感與內部的軟嫩多汁形成強烈反差，口感層次豐富。燒蜆肉蜆肉本身的鮮甜味，在烹飪過程中得以淋漓盡致地呈現。午市有好幾款set lunch，價錢經濟合理，選擇多，質素比預期還要高。
繼續閱讀