--此優惠活動已完結，感謝大家踴躍參與--
今時今日嘅香港，樣樣嘢都貴，連麵包都要成$10個，拎住$20可以食到啲乜？
只要你夠快手，$20，分分鐘就可以食到日式放題又或者成碗魚生飯喇！OpenRice由9月21日（星期一）起，一連8個禮拜舉行訂座感謝祭，有一連串訂座優惠兼抽獎，總之多訂就多獎啦。而當中要數最吸引嘅著數，一定係$20快閃優惠，用廿蚊就可以買到價值$200以上嘅美食！每個禮拜都有唔同主題，限時搶購。8個主題包括日本菜、火鍋、西餐、亞洲菜、咖啡店、麻辣、海鮮同燒烤。
首先登場嘅係日本菜主題，即睇有邊幾間餐廳提供激抵優惠啦，mark實心水，約定飯局，9月21號一擊即中啦。
九龍城 浜滝
$20快閃優惠：半熟依勢海老燒套餐 $588
九龍城唔係淨係得泰菜嘅，日本菜都好多。呢間富有日本風味嘅居酒屋，主力提供多款火石拉麵、炸物同燒物，同FRD子嚟食完再飲返兩杯係幾爽。半熟依勢海老燒套餐就包咗有龍蝦、海膽同龍蝦粥，全部都係甜味鮮濃，特別係碗粥，索晒龍蝦嘅精華呢！
銅鑼灣 鍋処雪舟
$20快閃優惠：雜錦魚生飯 $448
呢間日本料理樓底非常高，空間感大，仲有排落地大玻璃窗，單係環境已經滿分。想欣賞師傅手勢嘅可以揀坐吧枱呢。雜錦魚生飯色彩豐富，令人食指大動。多款唔同種類嘅魚生例如池魚、吞拿魚、油甘魚等切割成粒狀，舖滿晒成個飯面，新鮮爽口，啖啖都係滿足感。
油麻地 天池日式放題
$20快閃優惠：日式放題套餐 $228
放題本身已經好吸引，仲要做廿蚊優惠真係唔搶都對唔住自己。呢度嘅放題限時120分鐘，有多款串燒、天婦羅、刺身、炸物、鍋物等日式料理選擇，就連多國菜都有呢。而且食物水準都唔錯啊，魚生新鮮，食完大滿足。
尖沙咀 焱丸水產
$20快閃優惠：海龍號 $228
喺棉登徑行到最入嘅呢間日本料理，入到去就去咗日本居酒屋嘅空間咁，燒海鮮嘅香味不斷撲入鼻。今次做優惠嘅海龍號，係以牡丹蝦天婦羅搭配幾款刺身做出6件壽司，排到好似條龍咁好有氣勢。幾款壽司包括吞拿魚刺身、平目魚刺身等，再加埋吞拿魚蓉同三文魚子添。
$20快閃優惠：串揚炸日本鮮蠔、海膽三文魚子和牛腐皮壽司、A4日本和牛串燒 $213
由日本開到過嚟香港嘅串揚連鎖店，當然就係以串揚為主打，難得做到每串都係香口但唔油膩，建議一串點兩次醬，咁就啖啖都係滋味喇。廿蚊就食到呢3款combo可以話抵到爆，炸鮮蠔嘅炸衣薄脆，咬落juicy，炸完都仲食到陣陣鮮味呢。
觀塘 掌壽司
$20快閃優惠：刺身盛五點 $298
位於觀塘工廈嘅日本菜餐廳，佔地有成3000平方呎，超大呢！食材由日本入口，無論係海產刺身定壽司等都非常新鮮。而咁新鮮嘅刺身當然係直接就咁食刺身，食返佢原汁原味就最鮮爽、最好食啦。刺身盛五點包有三文魚、甜蝦、帶子等。
尖沙咀 嵐山日本料理
$20快閃優惠：壽司盛A（8件） $208
至於呢間格局甚有日本居酒屋風味嘅餐廳，刺身由日本空運直送，款款新鮮，壽司飯大小剛好，加入赤醋製作，而且仲係微暖。呢個壽司盛總共有8款，全部都好吸引呢。
記得星期一朝早10點正就開搶喇！
訂座感謝祭 詳情 (按此)
