影片
開飯介紹
提供泰國、越南、星馬地道菜式，在香港經營二十多年，廚師來自泰國，擁有多年經驗，擅長以時令食材炮製各款東南亞地道美食。必吃招牌菜包括酥炸香茅魚、麵包焗咖喱軟殻蟹及泰式生蝦等。
繼續閱讀
營業時間
今日營業
12:00 - 23:00
星期一至日
12:00 - 23:00
公眾假期
12:00 - 23:00
公眾假期前夕
12:00 - 23:00
以上資料只供參考, 請與餐廳確認詳情
相關文章
今次我地黎左尖沙咀玩，經過呢間泰國菜餐廳門口幾多人排隊，而我地都鐘意食泰國菜，又有一排冇食，就決定揀呢間食飯啦🇨🇷呢間餐廳環境幾靚，卡位仲有枕頭，勁舒服，除左卡位，人多都有大圓枱，唔同人數都適合黎👏🏻泰式青咖哩（牛）（$108）印度酥餅（$42）咖哩配薄餅係我其中一個最鐘意係泰式餐廳會點既食物，咖哩汁既濃度岩岩好，唔會太杰或者太稀，辣度唔算辣，唔食辣既我認為都會食到，佢用黎點簿餅食好正，d簿餅整得夠酥脆，幾好食😄泰式燒雞（$208）泰式燒雞佢係即燒既，佢上碟時勁香，皮脆肉嫩，最正係佢跟埋泰式辣醬，泰式辣醬食燒雞好夾🐥泰式蝦炒金邊粉（$118）呢個金邊粉整得幾型，用d蛋絲包住上碟，拆開之後都幾大碟，d蝦大大隻，炒得香口，調味夠🔥芒果沙冰（$55）大熱天時就要飲沙冰消暑，芒果沙冰既甜味同果香都有，咁熱天氣夠曬正🥭椰青沙冰（$78）呢個沙冰就犀利，佢椰青味既沙冰，係成個椰青殻上，d冰堆到滿瀉，椰青味仍然keep到，睇得又飲得🥥呢間餐廳環境真係幾好，最正係有大圓枱，多人聚會又多間餐廳選擇，食物質素都幾好，而椰青沙冰都令我好深刻，好好飲☺️
繼續閱讀
尖沙咀新開左間好有特色既餐廳 - 「新泰東南亞餐廳」。呢間餐廳嘅廚師黎自泰國，已經有多年既經驗，佢地最擅長煮泰國、越南同星馬地道菜式架～餐廳裝修都好有泰式風味，暗淡嘅燈光加上輕柔嘅背景音樂，成個環境氛圍都好chill, 比人一種好relax既感覺。店員服務態度吾錯，好有禮貌而且服務都好周到tim😆.蒜蓉包 $42入口真係好鬆脆，法包加埋蒜蓉濃郁既香氣，牛油香同蒜蓉香出晒嚟，蒜味適中，重口味嘅朋友實會中意.馬拉盞通菜 $88通菜好鮮嫩，又好入味，每條菜心都吸收左馬拉盞既鮮香鹹香。馬拉盞味道吾會太霸道，反而可以好和諧咁襯托出通菜既清甜，惹味之餘，仲好適合送飯.泰式菠蘿炒飯 $138最受歡迎既泰式菠蘿炒飯，一上枱已經吸引到我！菠蘿殼裝住炒飯，幾得意，最啱打卡呃like~炒飯飯粒分明，吾會油淋淋，裡面仲有雜豆、雞肉同埋鮮甜嘅菠蘿肉，每一啖都可以食到唔同嘅層次，鹹香蔥又帶少少酸甜，大人小朋友都好啱食！仲有，肉鬆同腰豆係分開上，中意既話可以自己加，呢個細節位好貼心。炒飯整體味道帶dd甜酸，配上菠蘿既果香，真心推介.泰式凍奶茶 $48呢杯奶茶嘅味道好香濃，茶味同奶香平衡得好好，最重要係甜度岩岩好，吾會太甜。同喺泰國飲嘅泰式奶茶有少少不同，呢杯近符合香港人既口味，飲落好順喉，吾會覺得膩.
繼續閱讀
依間泰式餐館星期四晚黎度，全爆滿，好彩一早訂咗位。我哋點咗：冬陰功$98味道層次多，酸酸、甜甜、辣辣，加上好多香料嘅獨特氣味，例如香茅嘅清新，辣椒嘅辛辣，雜菇嘅原野香，鮮蝦嘅甜……加起嚟令味蕾有很多層次嘅享受。蝦肉蛋呀，仲有蝦膏㗎 ！生菜肉碎包，雞$88加入咗紫洋蔥粒呀、蔥粒、千層塔、芫荽、仲有其他調味料，頗辣，各種香料，配菜加埋混合嘅味道層次非常豐富、濃郁，仲有唔少得檸檬葉嘅清新，炒得好香。豬肉肉碎肉質嫩。配埋新鮮又爽脆嘅生菜，不得了！喇沙湯蝦米線$88喇沙湯底帶椰香。豆卜吸收晒喇沙湯底，非常美味。魚片蛋也有原味。鮮蝦已經剝咗殼，食得好方便，而且彈牙。每條米線沾上喇沙湯，都充滿着佢嘅獨特味道，米線又滑又彈。加上爽口芽菜， Yummy ！泰式甜品小拼盤$98椰青大菜糕糕鹹鹹甜甜又滑又凍，底層係大菜糕，好好味。唔要啦唔該。椰汁西米露糕超香椰汁，面嘅椰汁糕超滑超香。下面嘅西米露，加咗粟米粒、芋頭粒、馬蹄？令口感豐富。千層糕質感比平時食嘅偏軟，比較容易食，煙煙韌韌，加上椰汁，非常美味。椰青班戟暖笠笠，口感煙靭黏黏，有椰青肉，好得意，而且椰青味濃郁。
繼續閱讀
🔥香港人嘅口味其實都好多元化，我相信除咗日本菜、粵菜之外,日常gathering最受歡迎嘅其中一種肯定就係泰國菜。🍢早幾日同屋企人喺k11買完嘢行完街，落到樓下見到對面馬路呢一間開咗好多年嘅泰國菜，對上一次過嚟食都應該係十幾年前喇，反正兩個人都咁肚餓就入去試下有咩午餐好食先。一入到去門口接待嘅係泰國人，裝修好靚！門口有一架tuktuk車模型，有一啲流水嘅設計擺件，充滿泰國風味🥰食屎嘅堂食位置喺下一層落到去感覺到裝修好豪華係充滿宮廷風嘅裝修🥰🥰侍應帶到我哋坐低，同我哋介紹午餐只係75蚊，仲有大menu裏面嘅其他食物。🐔泰式無骨海南雞首先必須講下佢嘅海南雞汁真係好有喺泰國食到嘅風味！海南雞都係行嫩滑路線，有椰香嘅油飯同埋野菜，野菜係用蒜蓉炒過㗎，唔係是但烚下就攞嚟跟餐👍👍🐷豬肉串燒配糯米飯青木瓜沙律青木瓜沙律最緊要就係新鮮，咬落去爽口清脆！呢度嘅豬肉串燒做得非常之好火喉恰到好處，唔會燒得太燶保留到裏面濃厚嘅肉汁，配上特製嘅串燒醬料，仲要每串都係大大串，絕對唔會係食三四碟都唔飽嗰種🥰🦐泰式炸蝦餅呢度炸蝦餅份量一啲都唔少，一共有八大件，每件都好厚好大粒，值得一講嘅係佢麵包糠係用超細嗰款，放入口唔會有粗鞋嘅感覺，同埋火喉掌控得好好唔會炸到深啡色👍🐔泰式無骨鳳爪呢個雖然只係加28蚊嘅跟餐小食，但係估唔到佢嘅份量會咁大！裏面有青木瓜、蕃茄、特色調味醬同埋鳳爪等等,絕對係誠意之作💓🥤泰式椰汁冰 泰式龍眼冰我哋惠顧午市套餐，加一個椰汁冰同埋龍眼冰只係加八蚊一杯，呢度嘅特飲跟餐都幾抵，椰汁香濃，龍眼冰真係有啲龍眼肉喺入面，童叟無欺👍🍮泰式椰汁西米糕每次出去食飯，最緊張又最鍾意嘅環節當然就係食甜品啦！呢度嘅椰汁西米糕唔係用魚膠粉嚟整，面頭嘅椰漿唔會硬，唔係凝固咗嗰一款，係軟滑得嚟好creamy嘅表層，下面有西米、芋頭、粟米，呢一個甜品令到我眼界大開！仲好食過平時返泰國食嗰種😂意外驚喜嘅係，一餐食到我哋兩個飽住包外賣走，埋單只係三百幾蚊😂
繼續閱讀
跟家人行完街就到餐廳吃晚飯，餐廳佈置充滿泰國情懷，食物水準也不錯，當日叫了以下食物:蒜蓉包 - 法包烘得香脆，充滿蒜香味。燒鮮菠蘿 - 菠蘿燒過後更加香甜及juicy。泰式炸蝦餅 - 炸蝦餅鮮味彈牙，點埋雞醬甜甜酸酸就更好味。泰炒椰菜仔 - 椰菜仔及椰菜苗食落爽脆，食到陣陣蒜香味。肉碎生菜包豬 - 豬肉碎加埋魚露及乾蔥頭同炒，食落辣辣哋，好惹味，夾埋生菜一齊食就更清爽。越式蟹肉炒粉絲 - 蟹肉粉絲炒得有穫氣，條條分明但又唔油膩。芒果糯米飯 - 芒果香甜，糯米飯分別有黑白糯米，食落口感不同，再淋埋咸咸甜甜嘅濃郁椰汁，好好味。珍多冰 - 椰汁味香濃，加上煙韌嘅綠色粉條，豐富了口感。泰式奶茶 - 奶茶味道正宗，奶味香濃，但又不會過甜。#香港 #香港美食 #香港探店 #香港泰國菜 #東南亞餐廳 #尖沙咀 #新泰東南亞餐廳 #新泰 #咖喱 #尖沙咀泰國菜
繼續閱讀