新泰東南亞餐廳

今日黎到尖沙咀，見到呢間泰國菜門面靚、又多人等位，一於試吓佢咩料😎店員有好大部分都真係泰國人，所以都幾好幾有去左泰國🇹🇭嘅感覺🤣 我地叫左一份香芒軟殻蟹米紙卷、一碟串燒、印度薄餅、濕炒海鮮河、龍眼冰、芒果糯米飯、椰青沙冰。軟殻蟹卷都幾好食，而且有香茅香葉，好傳統正宗🥸 串燒就豬、牛、雞都有，一次過滿足3個願望🤣👍🏻😜 配埋個汁都唔錯芒果糯米飯好正～ 好Fresh好解膩，芒果好食😋對濕炒河比較好奇所以叫左😜 好。多。料！完全唔係hea你😎 勁多海鮮，又有幾款菜、菇，包羅萬有。個薄餅好賬卜卜，都唔錯，好有空氣感，不過大家記得要趁熱食！攤凍左就唔好食ga啦🤘🏻平日夜晚都爆場，可見好受歡迎！裝修、環境都幾靚😉…查看更多

新泰東南亞餐廳😘😘😘港式泰風味尖沙咀加拿分道、店外內充滿、濃厚氣氛泰式餐廳、寬敞梳化、令人泰舒服！✨午市套餐$75星洲喇沙蝦米線喇沙湯底香濃、帶有微辣的椰漿風味、晶瑩透徹、爽脆彈牙鮮蝦、米線滑順有嚼口、搭配魚片、雞蛋、豆卜、口感層次豐富、每一口都散發著熱帶風情、色彩繽紛、賣相吸引眼球👀食不停口、舔舔脷👅👅+$28馬拉盞通菜馬拉盞醬鹹香濃郁味、配通菜一流、色香味俱全、通菜鮮嫩爽脆、清香四溢、炒過後色澤嫩綠、令人食慾大+$8紅豆冰泰式紅豆冰清涼甜美、紅豆軟糯、搭配椰漿香滑、冰晶細膩、口感爽口、不太甜、非港式款、泰好味😋✨醃無骨鳳爪沙律$78酸辣做得非常出色、無骨鳳爪夠爽脆、夠入味、夠開胃👍🏻、配紅蘿蔔絲、洋蔥絲、中芹絲、切邊鮮甜蕃茄、色澤艷麗、賣相好靚、一流開胃小菜⋯⋯✨燒西冷牛扒$138燒西冷牛扒外焦內嫩、表面呈現迷人的焦糖色、肉質鮮嫩粉紅、散發濃郁牛味、搭配鮮嫩綠白牙苗、醃漬白、紅蘿蔔條、泰式特色醬汁、色彩繽紛、賣相吸睛、讓人垂涎欲滴🤤✨芒果糯米飯$78黑、白糯米飯柔韌滑順、黑米的香氣增添層次感、淋上椰漿後更添濃郁風味、配搭香甜的熟芒果粒、色彩對比鮮明、口感豐富、錦上添花、回味無窮😍✨泰式凍奶茶$48奶茶香濃滑順、茶香與奶香完美融合，甜度適中、帶有微微的香料泰風味、清涼解渴！新泰東南亞餐廳尖沙咀加拿分道25-31號國際商業信貸銀行大廈地下1A號舖及地庫港鐵尖沙咀/尖東站N2出口步行1分鐘…查看更多

今日到尖沙咀食泰國菜。好彩有訂枱好快就有位了。餐廳枱與枱之間有著足夠空間，座位也幾舒適。我們點了香芒軟殼蟹米紙卷，泰式炸蝦餅，燒鮮菠蘿，蒜蓉包，泰式干炒雞河，泰式甜品大拼盤。香芒軟殼蟹米紙卷：軟滑米卷包著軟殼蟹，芒果，牛油果，香草令到口感更好更清新，味道更多層次。泰式炸蝦餅：8件大蝦餅，炸得金黃香口配合泰式醬汁食更加可口。蝦味濃又爽口彈牙。燒鮮菠蘿：燒過表層鎖住菠蘿汁更加好味道。蒜蓉包：烘得鬆脆可口，法包配上濃郁蒜蓉及牛油香味。泰式干炒雞河：份量都算多，好多新鮮蔬菜，加上雞肉炒得夠鑊氣。泰式甜品大拼盤-椰青大菜糕：大菜糕做底層甜甜地。泰式椰汁西米糕：椰汁味濃加上底層西米，芋頭，粟米更有口感。千層糕：軟軟地又煙韌既口感好得意加埋椰汁味。椰青班戟：煙韌既口感加上濃郁椰青味道。芒果糯米飯：酸酸甜甜芒果，加上黑糯米及白糯米不同口感配起甜甜地椰汁更加好味道。…查看更多

今日到尖沙咀新泰東南亞餐廳食晚飯。朋友預約好時間，去到好快就有座位了。今日點了泰式炸蝦餅，燒鮮菠蘿，肉碎生菜包，蒜蓉包，泰式炒椰菜仔，越式蟹肉炒粉絲，泰式凍奶茶，珍多冰，芒果糯米飯。泰式炸蝦餅：炸到金黃色，外面脆入面熱。蝦膠味道和口感都好。燒鮮菠蘿：外面脆完美將菠蘿入面菠蘿汁鎖住，鮮甜可口 肉碎生菜包：豬肉碎加入香料爆香，辣辣地開胃好味道，再配以新鮮生菜包著來吃感覺好。蒜蓉包：香口蒜蓉包，味道口感都好。泰式炒椰菜仔：椰菜仔新鮮好味道。菜炒得岩岩好唔會太淋或太生。無草青味，帶出菜新鮮鮮味。越式蟹肉炒粉絲：粉絲份量都多，炒得味道好，軟硬岩岩好，配合蟹肉菜等配料好味道 。泰式凍奶茶：奶茶茶底香茶味，奶茶滑口。珍多冰：味道好加上有咬口果肉一流。凍凍地解暑。芒果糯米飯：芒果果肉甜及多汁。糯米飯軟硬度得宜，椰汁加上更加好味道。…查看更多

星期五晚同朋友去食，見門口企滿曬人等位，但我地四人位等左十分鐘左右就入得！好快！入到去發現原來餐廳好大，座位很多，裝修非常泰國風情，很有feel👍🏻我地四人坐六人枱，座位又闊又舒服，環境亦都乾淨。服務員好忙，同我地下單嘅時候都不斷同其他同事交流🤣上菜速度好快，整體食物偏甜，餸菜都係微辣，真係好適合香港人口味，難怪咁多人幫襯！！泰奶都好好飲，推薦！茶、奶、糖味都有，叫少甜飲到尾味道都仲係到👍🏻食完都明點解咁多人幫襯，雖然價錢貴少少，份量亦偏少，但值得一試，有聚會我都會再去食👍🏻…查看更多

專程來到尖沙咀新泰東南亞美食餐廳，因為知道餐廳都好受歡迎，所以專程約7點前就到餐廳，比較容易有位置！果然來到的時候人不算太多人，但坐落之後大約七點半已經全餐廳坐滿，真係極之受歡迎嘅餐廳；我們點了餐廳的招牌菜：燒春雞黃薑飯、越式庶蝦、馬拉肉骨茶等等！這裏用機械人送餐比較有特色，雖然唔係送到每一台客人前面，但都覺得佢比較有效率！餐廳服務員態度亦都相當之好！燒雞黃薑飯，果然係餐廳的打卡名菜，當劏開雞肉看見肉下面的熱騰騰嘅香茅黃飯，實在令人口水流！再加上沙律一併食，口感層次相當複雜，但唔會有黐口的感覺，雞肉亦都多汁，皮雖然唔脆，但係食落都好香；而庶蝦再加上下面嘅檬粉，淋上魚露醋，實在係十分之美味，最緊要就係啖啖肉！蝦沙律十分之開胃，雖然辣辣地，但也有甜辣嘅香味，柚子的甜味更加中和了辣味！最尾我們想點椰皇雪糕芒果糯米飯，但可惜當晚沒有棷皇，所以只點了芒果糯米飯但都十分出色。…查看更多

我和朋友一起到尖沙咀新泰東南亞餐廳食晚飯，這是朋友介紹在尖沙咀開張不久的一間東南亞美食餐廳，這餐廳比較特別，餐廳入口在地舖，而餐堂就在地牢，環境亦都相當闊大；我之前也有幫襯過別的新泰餐廳，感覺裝修都頗為一致；但發覺餐牌內的餸菜都有一些更新，好快趣我哋就點咗幾個新泰餐廳比較出名嘅餸菜如蔗蝦、肉骨茶和柚子蝦沙律，燒春雞釀香茅黃飯；這裏的服務員服務周到，不停為我們加添暖水！肉骨茶首先送到檯面，雖然沒有油炸鬼等配送，但當歸嘅香味亦都唔錯，排骨亦都淋滑，至於庶蝦方面就好有特色，三條庶蝦下面放滿檬粉，更有魚露醋奉上，食落都好有特色；柚子蝦沙律十分醒胃，酸酸辣辣不錯嘅開胃菜；燒春雞釀黃飯，賣相吸引，再加埋一小碗嘅沙律，打卡最佳選擇，可能黃飯在雞裏面比較潮濕，所以最初食嘅時間會覺飯粒比過淋，但當加埋沙律一齊食嘅時候，又剛剛好所以記緊食黃飯的時候要加埋沙律一齊食呀！會有不同層次感！而又唔會黐口，宜雞肉方面，雖然係燒雞但係都仲算淋滑和有肉汁，好有雞味；最後我哋點咗個椰汁香芒糯米飯做甜品，濃濃的椰汁之下有黑白兩半球狀的糯米飯，再加上半個芒果，芒果十分之清甜，糯米飯有煙韌感，再加上甜甜嘅椰汁！要嚟作為一個甜品簡直是絕配，亦都為呢個晚餐劃上一個完美嘅句號。…查看更多

中午時候喺尖沙咀一帶搵嘢食，行經加拿分道，俾架篤篤車🛺吸引到我，原來嗰度有間咁特別嘅東南亞餐廳。行樓梯落去餐廳，地方好大，裝修都好靚，坐位十分寬闊。我同朋友安排坐喺卡位，有幾個大咕臣，坐得好舒服，絕少餐廳會有咁舒適的環境，真係坐到唔捨得走。食物種類有好多，款式亦不少，最後我哋兩個人叫咗兩個午市套餐，再升級優惠order兩個小食。 越式蟹肉炒粉絲、冬陰功海鮮金邊粉、泰式炸春卷、泰式炒什菜，餐飲叫咗凍咖啡和熱奶茶，再加多個芒果糯米飯做甜品。🌟🌟冬陰公海鮮金邊粉用料十足，冬陰公湯底酸辣適中，有菇菌、海鮮和大量香料，好飲到連湯都飲埋。🌟🌟越式蟹肉炒粉絲分量多，用料豐富，帶少許辣味的扎肉夠惹味，雖然係炒粉絲，但一d油膩感都沒有。🌟🌟外脆內軟的泰式炸春卷，配埋清新嘅醬汁，好味🤤🌟🌟餐廳內有一個可愛的傳餐robot 😍😍…查看更多

唔知大家有冇同邊班friend就經常食咩菜式㗎呢？😂 我有班Friend係每次約出嚟食飯，經常都會不自覺就揀咗泰國菜🇹🇭 （但係大家都唔食得辣😅）呢間都算係我哋近排一間成日去嘅飯堂😚 而且地點大家都就腳，就喺尖沙咀K11商場對面～～好多人覺得泰菜就係辣(?) 但我哋正正就係一班唔食得辣又鍾意食泰國嘢嘅人，其實都有好多選擇😌炭燒豬頸肉🐷、泰式炒金邊粉、馬拉盞炒通菜🥬（少少辣啦呢個就🤏🏻) 都係我哋每次必叫！！🤤今次仲叫咗焗咖哩軟殼蟹麵包🥘 慢慢一路切麵包，一邊沾上咖哩汁～超夾！一份好足料！我哋4個人食都超夠飽🤣 仲有甜品，泰國甜品必叫🥭芒果糯米飯，而我自己最鍾意係佢呢到個糯米飯仲係暖暖地嘅！！！食落口煙煙韌靭配埋椰汁真係Perfect Match🤤💚BTW，呢度嘅環境、食物質素嚟講真係性價比高！一班朋友傾吓計 又坐得舒服，都係人均$200幾🙌🏻…查看更多

這是我們第二次到這間餐廳，訂了晚上6:00，可能是因為假日繁忙時段，今次有限定時間，入座起計90分鐘，7:20就last order了，食得有點急。炸蝦餅，蝦肉彈牙，又唔太咸肉碎生菜包，賣相麻麻地，生菜有點細塊，味道尚可金邊粉，好好味，又唔乾泰式生蝦，差不多檯檯都叫，我就冇食菠蘿炒飯，呢個一般啦，味道略為淡 燒豬頸肉，燒得岩岩好，肉質又嫩又彈牙 串燒，有齊雞牛豬，我試了雞串，雞肉好嫩有汁青咖喱雞+ 印度酥餅，咖哩裏的雞肉略為太少，只得幾塊，而且酥餅太硬太乾，一點也不鬆脆，這味餸稍為失色冬蔭功，不辣，1-3人飲其實岩岩好芒果糯米飯，必叫，椰汁比較多，$68試吓無妨這間餐廳門口日日排長龍，相信是因為味道好而且價錢合理，室內裝修又靚坐得好舒服，侍應都是泰國人，食物有保證，下次必定會再來…查看更多

呢間餐廳有3間分店，今次試咗尖沙咀呢間，餐廳裝修幾靚，環境幾大，食物種類都好多，主要係泰國菜，亦有少量越南同星馬菜，我今次就試咗幾款泰國菜試半咗半打雜錦串燒，有雞、牛、豬各兩串，燒得唔乾，而且個沙嗲汁有適量嘅花生，幾惹味馬拉盞通菜用咗好多馬拉盞炒，所以味道好夠，好好味，但就油咗少少主食揀咗麵包焗咖哩軟殼蟹，呢碟價錢相對貴啲，可能係預4人食，因為好多麵包，我兩個人食真係超級飽😂咖喱係幾甜同唔辣果款，入面有好多蛋白，撈埋個包食好正，軟殼蟹份量都多，所以都算抵食野飲就同朋友一人一個椰青沙冰，沙冰多到滿瀉，好重椰子味，好香好甜，椰青入面係冇哂椰子肉，應該係刮哂啲肉黎整個沙冰，所以真材實料，值得飲最後試埋佢個芒果糯米飯，有紫米同糯米，椰漿都好多，夠哂送糯米飯食，但芒果就唔夠熟，所以有啲酸，但整體都唔差呢間值得一試！…查看更多

終於放假啦！Happy Thursday 當然要去食下好野啦，天氣開始熱就好想食泰國嘢，今晚去咗尖沙咀加拿芬道嘅新泰。椒鹽軟殼蟹（$78）平時成日叫小食拼盤，今次試新嘢，份量唔算太多，大概有七至八件，好香脆惹味！燒豬頸肉沙律（$72）以為係一盤撈好嘅沙律，原來同生菜包一樣係要自己包㗎！不過好足料，燒豬頸肉嘅油分同洋蔥、生菜嘅清新平衡返，可以食多幾包。鴨肉生菜包（$78）個人最愛幾多道菜，爽脆嘅生菜包住炒香肉碎，好有滿足感！青檸蒸魚（$168）今次揀咗蒸烏頭，肉質比較厚又滑，唔會太多骨，好啱鍾意啖啖肉嘅我！入口有青檸嘅清香加埋香茅、金不換同唔同香料嘅香氣，上菜係用明爐上，一路食都可以保持住熱度，另外會有一碗酸辣湯汁，當煮到有少少乾嘅時候可以因應自己口味加少少湯汁。菠蘿沙冰（$38）出面天氣太熱啦，一定要飲沙冰，呢度有好多款沙冰揀，最後我揀咗一定甜嘅菠蘿version，泰國椰青（$45）必點飲品之一，鑽石泰國椰青有得飲有得食椰肉，下次要再飲椰青沙冰！芒果糯米飯（$68）泰國嘅甜品一定唔少得芒果糯米飯，軟糯黑糯米同傳統白糯米飯上面淋咗暖暖嘅椰汁同芝麻，雖然芒果唔算太甜，但食到芒果糯米飯覺得自己去咗泰國，感覺好開心！…查看更多

疫情兩年黎望穿秋水都未等到可以去泰國旅行呢排實在太掛住，即刻約咗個friend 食下呢間成日排長龍嘅新泰。想講每次想walkin 都幾難等位，今次終於食到！原來入面咁大咁多位，見到仲有vip room。點解可以仲有咁多人排，心諗真係咁好食？本身以為燒豬頸肉沙律係凍食個種，點知同生菜包係friend。唔緊要，我同個friend 一人一個私家生菜籃仲開心。講返個餡，燒豬頸肉係會用埋d 金不換之類嘅香料炒，勁香！雖然油d，用生菜包住食fresh 好多。第一次食鴨肉鬆嘅生菜包，估唔到d 鴨味嘅生菜包都幾match，唔錯嘅創新口味。用咗好多蒜粒加青紅椒炒，好惹味喎！我覺得送啤酒一定好正！不過嗰日冇叫到酒今次個主菜就係明爐烏頭！就係呢種酸酸辣辣嘅味道，仲有下面個火滾住條魚熱辣辣，醒胃又鮮味，好有曼谷夜市大排檔整嘅風味，係可以一解思鄉之愁。其實我成餐最期待就係佢，一上枱噴煙嘅？原來d 糯米紫米飯都係熱上，連個椰汁都係熱架！食落係比平時香勁多倍！加上酸酸甜甜嘅芒果，我覺得個糯米飯係呢間餐廳必點嘅選擇！飲埋個清新嘅椰青，刮埋d 椰肉食，真係心諗幾時先可以去到泰國？…查看更多

朋友們中意泰國菜，今次專登同朋友慶生食，就因為有點奇怪上菜次序而發生蝦碌慶生😂😂#小胖遊尖沙咀🐠 —————————————————事緣係我哋同餐廳講想喺個芒果糯米飯插上蠟燭俾個驚喜朋友🕯點知當我哋食緊主食嘅時候，侍應就送上芒果糯米飯，仲係朋友面前問係咪要點蠟燭啊？😳朋友本身仲以為係餐廳免費送😂定過神嚟先發現原來係我哋為佢準備嘅”生日蛋糕”🎂由於我哋成日生日驚喜都fail，所以真係笑咗🤭雖然有點搞笑，但食物仲係好正！.🔹鴨肉生菜包🦆 $78因為鴨肉好似比較少見所以嗌😂但肉質上唔係好食得岀同平時普通有咩分別，但好香檸檬葉等香料味，又好有辣勁🌶包埋生菜🥬唔錯！.🔹 麵包焗咖喱軟殼蟹🦀 $208賣相💯 熱辣辣麵包裝住滿滿咖喱同大隻軟殻蟹💛 咖喱算偏甜而唔辣，好香椰汁味🥥🦀炸到脆卜卜，浸係咖喱都係香脆又惹味麵包沾上咖喱🍛真係不得了，一個人起碼食到3嚿😋.🔹冬蔭公(小)🔥 $78咪睇佢細細碗，3個人飲都好夠🥣飲落第一次有如蕃茄般鮮甜，慢慢仲有澎辣勁喺口腔中擴散，好好飲😋而且入面好多料，蝦頭有膏🦐，蝦肉都爽口的.🔹串燒(雞、牛、豬 每樣2串) $88🍖肉類燒得唔錯，唔會太柴/韌，味道夠香唔會太濃味👌🏽小編最中意雞肉，夠嫩又Juicy多汁🐔大家仲可以自選組合，例如全牛/3雞2牛1豬🍡.🔹芒果糯米飯 $68🥭芒果好甜，黑糯米比較有嚼勁，普通糯米就似Mochi煙韌，適合中意唔同咬口嘅人😬.🔹綠豆沙冰/芒果沙冰 $382款都勁好飲，個人偏向綠豆沙冰，因為無咁常見————————————————🧜🏻‍♂️口水度：🌕🌕🌕🌕🌗🤑CP值💰：🌕🌕🌕🌗🌑🧚🏻‍♀️打卡值：🌕🌕🌕🌗🌑🥰舒適度：🌕🌕🌕🌕🌖👅再食指數：🌕🌕🌕🌕🌕.♟Overall♟小小蝦碌慶生日😂餐廳無催我地交枱，食左差唔多2個鐘多，成餐飯都食得好開心🥳Sun Thai係小編s十分喜歡嘅餐廳，食物有水準，而且環境又坐得舒服仲好多款式未食過，所以一定keep住再食…查看更多

間唔中都想食下泰國🇹🇭菜 今晚兩個人晚餐就簡咗新泰東南亞餐廳！之前成日經過尖沙咀都見到門口好多人排隊，好彩個晚係閒日唔洗等就可以入～ 門面裝修好有泰國風🛺🌴猶如置身泰國🇹🇭個晚兩個人都好肚餓！叫左好多野🤤食到飽飽濟濟豬肉碎生菜包- 食落小辣幾惹味 都包到成8塊 好充料🤤 串燒沙嗲- 我地簡左3雞3豬 雞肉好嫩滑🥰 忍唔住食晒 豬肉我地都以為會好「鞋」但食落又唔會喎！燒原條魷魚🦑 配酸辣醬 - 雖然魷魚🦑唔算大條 但個燒汁真係好香！點埋個酸辣醬 食唔停口～～～～馬沙文牛腩 另加薄餅 - 想食咖哩又想食特別d 唔想簡青咖喱 🍛於是第一次簡左呢款馬沙文牛腩 意外地好食 食到有好多牛腩、薯仔、蔬菜🥬 配埋薄餅 超好食！ 不過因為後期食到好飽 只能食小小🥲芒果糯米飯- 講到泰式甜品點少得芒果糯米飯！就算幾飽都要叫😍 佢有普通糯米同紫米 個人鐘意食紫米多d 加埋椰汁🥥好正～～～～飲品方面叫左椰青😋😋味道不錯！整體而言 好滿足既一餐！餐廳適合一大班朋友嚟食！因為可以試多幾樣野🥰🥰🥰…查看更多