新泰東南亞餐廳

今日去咗這一間《新泰》東南亞餐廳位於尖沙咀、整間由外到內都好有泰式風格、係以淺啡色為主調木系裝置整間店鋪、以黄光色澤坐著寬敞舒適感覺都唔錯！望見餐牌都好多選擇、同時都睇到二人套餐 $228，都叫咗嚟試吓好似幾抵食、三款食物同一款主食揀，仲包兩杯嘢飲！越式蝦米紙卷呢一款蝦米紙卷五顏六色都幾好、用咗通透軟綿米紙包裹蝦及其它配料、入口軟綿帶點多重爽口、沾吓酸醋汁更加好食又醒胃！泰式青咖哩雞印度烤餅呢一款青咖哩雞望見賣相都唔錯、真的好有地道風味、佢嘅青咖哩汁香而美味、配埋雞肉及其它配料、雞肉又有咬口沾滿汁液都唔錯、尤其是佢嘅烤餅啖啖口感、點吓青咖哩汁烤餅別一般的味道！馬拉盞炒通菜呢一碟馬拉盞炒通菜好有地道風味、翠綠通菜色澤加埋佢嘅味道、感覺好似蝦醬一樣咁惹味、佢嘅味道好香濃美味一樣咁爽又好食！港式凍奶茶 +$3 凍檸檬茶 +$3泰式甜品小拼盤$98呢一款一碟有4種味道、一共有8件細細件、有椰香大菜糕、椰汁西米糕、斑斕糕及其它糕、每一款都唔錯尤其是斑斕口感煙糯、甜度適中帶點斑斕味道！ …查看更多

尖沙咀新泰實測｜$498等位煉獄換來天堂味！軟殼蟹春捲香脆等位等到佛系，上菜慢過泰航，但軟殼蟹春捲一咬昇仙！ 🕰️等位修行場- 19:00取號｜20:15入座- 店員狂奔傳菜，眼神死透：「冬陰功要等30分鐘，得唔得？」🦀 軟殼蟹米紙卷（$98） ✅ 米紙薄透如蟬翼，裹住原隻炸軟殼蟹，蟹膏噴射醬料陣 ✅ 神醬助攻：青芒絲＋斑蘭蛋黃醬，酸辣切割油膩 ⚠️ 暗黑美學：醬汁多到滴濕檯布，食相狼狽度＋200% 🥘 冬陰功（$128） - 湯底用**雞湯＋蝦頭油熬成奶橙色，酸辣層次似交響樂 - 海鮮量：大蝦×4＋草菇炸彈，香茅貫穿天靈蓋 🌶️ 後勁警報：辣度直逼泰東北版（店員溫馨提示：「小辣都係咁㗎」） 🦑 原條烤魷魚（$148）｜炭香鎖魂- 魷魚筒釀香茅檸檬葉，烤到微焦「脆皮蕾絲邊」 - 蘸醬叛變：青辣椒醬混魚露，鮮辣度吊打超市貨 等45分鐘，餓到想生啃炭爐 🥭 芒果糯米飯（$88） ｜椰漿｜熱辣淋落冰糯米，冷熱交戰似火山雪 ｜芒果｜菲律賓呂宋芒甜到蛀牙，厚度切1cm超大方 ｜脆米｜撒黃金炸米添口感，抵消前面辣味創傷 …查看更多

呢間泰國菜成日行過，今晚終於去試吓啦，一入門口佢個裝修就好似去左泰國咁，有架Tuk Tuk。落咗條樓梯先知原來餐廳都幾大，仲有啲房，如果一班人食飯私隱度都幾好。睇睇Menu有好多唔同種類的泰菜選擇。冬蔭功（小）唔好睇少呢個小的份量，都好足料，有兩隻大蝦，好多菇，佢個酸辣度剛好，好平衡，唔會互相搶味。燒豬頸肉燒得好香，肥瘦適中，點埋個有少少辣的醬汁真係好開胃。燒牛柳沙律呢度的牛柳俾得一啲都唔吝嗇，好多塊，少少半生熟兼好juicy，配料又西芹，洋蔥，蒽，青瓜，個汁真係有啲辣，但辣得黎好惹味，如果唔係好食得辣的，建議叫少辣。泰式蝦炒金邊粉用蛋包住金邊粉，整得好靚，入面有三隻蝦，金邊粉炒得好有鑊氣，而且份量都唔少。番石榴沙冰飲得到番石榴果肉粒，好真材實料，好refresh。椰青沙冰用一整個椰青裝住沙冰，都係飲到啲椰子肉，又唔係死甜，飲得到佢個真材實料，夏天飲真係好透心涼。呢度的野食飲品性價比真係好高呀，以尖沙咀地段黎講一啲都唔貴。…查看更多

平日行尖沙咀成日都會經過，但未有機會試，今日終於食到 ! 星期六日最好book位，因為真係好多人食餐廳係地庫，由地面行落去的樓梯已經好靚，真係帶你入去東南亞甘!!地方好大，都有好多店員，位置坐得好舒服🥢香芒軟殼蟹米紙卷口感清新，非常適合夏天食，軟殼蟹外酥內嫩，芒果添了甜味和清新的果香，與軟殼蟹的鹹香相得益彰，加入沙律菜，增加了口感的層次和清脆感🥢馬拉肉骨茶湯底呈現深褐色，味道濃厚，帶有中藥的香氣，加入當歸、玉竹、甘草、黨參和川芎等，有一種獨特香味層次感，肉骨鮮甜，肉質軟嫩🥢咖喱芝士焗青口青口被厚厚的芝士覆蓋，表面微微金黃，散發著濃郁的奶香，青口鮮嫩，口感滑順，咖喱的香氣濃烈，帶有微微的甜辣感，口感層次分明🥢巴東牛展慢火燉煮，肉質變得非常軟嫩，醬汁濃稠，由椰奶和多種香料製成，味道微辣，伴隨香甜的椰奶味，配印度酥餅一流🥢印度酥餅外皮金黃酥脆，咬下去時發出清脆，內部加入酥油、糖粉和香料製作，口感柔軟，奶香濃郁，口感微甜🍹泰式凍奶茶茶香濃郁，沒有苦澀味，甜而不膩，結合紅茶中和甜度，奶香醇厚，加入淡奶令整體口感更加醇厚🍹龍眼冰龍眼果肉鮮嫩多汁，帶有自然的甜味，飲落清爽可口，甜度不會過租，沒有加入糖水…查看更多

成日經過尖沙咀呢間新泰東亞餐廳，門面好闊落，但見唔到餐廳內部，所以決定同朋友一齊試下呢間泰國菜book 左7點，餐廳內部都好大，環境唔錯，5個人都有卡位坐，叫左5樣野串燒6串，有雞牛豬配帶有甜味既沙嗲醬，串燒既肉都叫做大串，配上醬汁唔錯叫咗個豬肉生菜包，肉碎好辣但又好刺激，但有點酸味，將肉碎放喺生菜上面清新得來又好辣好刺激，追住食追住食！越式燒春雞釀香茅黃飯，雞肉軟腍，香茅飯味道唔錯，軟飯，個人比較鍾意乾身少少，雞肉點醬再配上飯幾好食泰式蝦炒金邊粉，賣相好靚，表面有層薄蛋皮包住金邊粉，金邊粉唔辣，加左青檸汁及花生碎，味道ok泰式明爐魚，唔記得影相，魚肉好滑，配上酸甜嘅湯，令到啲魚都好酸甜，好開胃，下次可以試埋其他…查看更多

同友人行街行到攰，就搵間坐得舒服嘅餐廳食個晚飯，繼續慢慢傾。行到K11對面見到新泰，之前食過其他分店，野食都唔錯，就同友人encore。兩個人叫咗兩個沙律、沙嗲串燒、Pad Thai同芒果糯米飯。泰式柚子蝦沙律 - bb辣，柚子好鮮甜，有蝦有鮮魷，幾開胃。無骨鳳爪沙律 - 酸酸辣辣，又係開胃菜。泰國嘅沙律冇得輸，好適合行到攰又熱嘅我哋，即刻開胃哂。生洋蔥一啲都唔辣，處理得好好。沙嗲串燒 - 雞肉好嫩滑，友人最愛豬，個醬都好出色，甜甜地。泰式炒金邊粉 - 大大碟，超足料。係有啲偏甜，不過有青檸酸味中和返。芒果糯米飯 - 我鍾意白色糯米，夠晒咬口同煙靭。芒果好清甜，好食！…查看更多

新泰尖沙咀分店 每次路經都人山人海較難係冇預約既晚餐時段下直接入座建議預早電話訂位古舊泰式裝潢 光線比較昏暗泰式干炒河 $98可選雞/ 牛/ 豬肉份量多 有少量蔬菜配搭粗身河粉口感煙un爽口豬肉片大大件調味平衡有進步空間泰式燒春雞釀香茅黃飯 $228製作需時原隻燒春雞 唔算太大隻 2個人可以食得晒跟一碗惹味沙律 同埋醬汁燒春雞唔算太入味釀係入面既香茅黃飯質偏林身蒜蓉炒貴妃苗 $98新鮮翠綠 脆嫩爽口 份量多係飛天通菜以外既其中一個好選擇燒焗蒜蓉帶子 2隻 $108帶子以連加1約$60@1黎講體積算細口味酸酸辣辣相比起啟德雙子匯分店 尖沙咀分店較遜色以整體食物質素 服務態度 環境舒適度黎比較另外由於尖沙咀分店需要上落樓梯到地庫用餐眼見未有lift 行動不便/ 坐輪椅既食客要留意可以選擇啟德雙子匯分店…查看更多

新泰 (尖沙咀 加拿分道)地址:尖沙咀加拿分道25-31號國際商業信貸銀行大厦地下1A舖及地庫。港鐵在尖沙咀/尖東站N2出口，1分鐘就看到一個寬廣的店舖，門口寬闊，招待員友善和禮貌微笑😊入到室內地方寬廣，空間感足夠! 香芒軟殼蟹米纸卷：白色透米紙軟綿綿卷包着香芒、米粉、沙律生菜和炸軟殼蟹，咬入口清新塞滿口感😋 加上沾酸醋汁，非常美味! 燒西冷牛扒(5成)：買相吸引，加上配料番茄仔、白蘿卜條，紅籮白酸酸甜甜。 牛扒切片，肉汁juice，咬入口有厚感有微少黑胡椒，另有2種醬汁沾上汁是另一種感受。 泰式生蝦：新鮮彈牙生蝦，加上紅辣椒同蒜片很特別，肉質甜，加上特別調味料，入口咬和聽到咬聲很滿足！ 泰珍珠椰菜苗炒香菇：青綠色珍珠椰菜苗炒香菇和紅蘿條。椰菜苗炒得好，入口香甜，配上香菇和紅蘿，爽脆不油膩! 菠蘿排骨: 買相非常吸引，半個菠蘿放滿排骨、菠蘿、青瓜、合桃、蕃茄仔、 紅椒、加上芝麻。 排骨咬入口酸甜煙韌，加入各種配菜一齊食非常之豐富美味，如有一碗飯更加滿足。…查看更多

响尖沙咀食嘢正常都係比較細碟😅唔應該咁講，應該話👉🏼一般會比較份量健康😆 但價錢又唔會平啲 。扮細食既女士，就無計啦，要keep fit但男士就餐餐話食唔飽，往往離開咗間餐廳，唔夠30分鐘，又要再買嘢食，真係好鬼黐線😂今日是呢間，就有少少出奇老鼠👉🏼居然都大碟頭喎 。叫左個虾醬炒飯，一放低，可能燈光昏暗，感覺有少少似紅色😅頂，咁點搞先？ 但係食完一啖，個人叮一聲👍🏼👍🏼 原來得喎，味道係good既 。而且大碟，唔係的骰既份量 。老公叫左個喇沙，仲要好巨，實在係有型 。（未去到面盤咁大，但都好大碗）不過就對個炒通菜好失望，條菜仲老過我老豆🙈如果係俾一百幾十，呢個係性價比高既，見悶就試吓啦 。…查看更多

呢間泰國餐廳位於尖沙咀午市套餐全部都係$75好抵食！ 單點價錢都好唔貴足料好味！-🔸蒜茸越南牛油雞翼($98)雞翼外脆內嫩蒜香味突出後勁帶牛油香味惹味可口😋🔸辣椒實炒大蜆($128)蜆肉鮮嫩粒粒蜆都炒到開曬口👍🏻辣味適中炒得好香口呀！🔸香辣海鮮炒河($108)河粉炒得香辣愛辣之人一定鍾意海鮮有青口、蝦、魷魚份量十足而且幾高質特別鐘意魷魚大大塊而且口感一啲都唔韌兼有鮮味🩷🔸香草肉碎炒飯($98)炒飯粒粒分明肉碎香辣🔸泰式凍奶茶($48)奶茶香濃冰涼解渴甜度可揀少甜👍🏻🔸芒果沙冰($55)沙冰口感細膩芒果味濃郁清甜解暑一流呀！…查看更多

呢間喺K11附近嘅泰國菜，都屹立喺尖沙咀好耐，原來餐廳別有洞天，要行樓梯落一層先到食飯地方，環境闊落，好適合談天。都幾surprise原來呢間嘢都有幾多人食㗎喎。上菜速度都唔錯，我哋叫咗：🍳咸魚炒介蘭 鹹魚比好多，芥蘭味道正，都算爽口
🍳鴨肉生菜包 泰國人嘅少少辣其實真係好辣，基本上我係完全食唔到，全靠同行朋友食晒佢，但係好惹味！
🍳奄列海鮮炒飯冇估到佢個蛋可以炒得咁滑又唔燶鋪喺面，入邊好多海鮮，有青口蝦魷魚，兩個人食好夠飽
泰國椰青最正嘅係依間嘢店員唔會趕你走，慢慢傾慢慢食🤣…查看更多

今次去咗新泰東南亞餐廳，成間店裝修幾有泰國feel，有隻嘟嘟車仲幾搞笑。主食選了海南雞飯套餐…. 雞肉夠滑啖啖肉，薑蔥醬好香，雞油飯粒粒分明唔會太油….配菜清炒雜菜爽脆，冬瓜湯好多冬瓜😙😙個泰式炒金邊粉….金邊粉夠晒香，蝦口感彈…炒得好惹味，正！小食叫咗燒魷魚，啖啖彈牙咬口靚，配甜辣醬好好味😚😚米紙卷都唔錯，皮煙韌包住啲菜幾清新，蘸啲醬汁又多一層味…小食街邊豬肉串也不錯…..飲品叫咗紅豆冰和綠豆沙冰😃…查看更多

新泰東南亞餐廳提供泰國、越南、星馬地道菜式，在香港經營二十多年，廚師來自泰國，擁有多年經驗，擅長以時令食材炮製各款東南亞地道美食。必吃招牌菜包括酥炸香茅魚、麵包焗咖喱軟殻蟹及泰式生蝦等。呢次試左位於尖沙咀既分店，鋪頭裝修充滿泰式風情擺設都岩曬大家打卡沙律方面 試左泰式柚子蝦沙律$118蝦肉新鮮有咬口配合沙律酸酸甜甜既汁，十分開胃柚子既甜都加添左一份健康既味道，沙律仲有配菜如芫茜 蔥 炸蒜口感十分豐富主菜方面 試左泰式蝦粉金邊粉$118金邊粉炒得好有鑊氣 條條分明口感食落爽彈配合外既蛋絲一齊配合食會更完美蝦肉配合金邊粉味道都十分夾 兩者既調味都岩岩好飛天通菜$98通菜炒得好有鑊氣 食落條條都好有嚼勁調味唔會過鹹仲有少少辣椒絲去吊吊味，令到成碟通菜十分吸引總結呢間餐廳既菜式都好適合香港人既口味餐廳環境十分大 食客同食客之間既距離十分足夠值得推薦…查看更多

一入去成個環境已經好舒服🥰裝修又靚 可能誇張咗少少但第一個feel真係有啲似泰國啲staff都係講泰文係爭咗少少冷氣見隔離枱都放咗兩個風扇仔喺張枱度😂成個menu都好吸引 唔小心就叫咗好多嘢樣樣都超超超高質😎無論係醃生蝦 米線卷 青咖喱配roti 南瓜飯定炒雜菜 🥰🥰🥰都真心有下次尤其係個冬陰公 係飲過最正嘅冬陰公 大癲唔係叫嘅嘢多 真係應該叫個大嘅冬陰公🙈如果冷氣可以多返少少就好啦😌飲完個冬陰公出咗汗😂係一個同朋友食飯吹水嘅好地方🥰…查看更多

星期六的晚上去到，發現很旺場，環境不錯。坐得舒服，氛圍也很好。食物看餐牌似乎不貴，但是上枱份量不多，要叫得比較多，四個人連甜品吃了11樣東西，剛剛飽的程度。人均消費三百多。不算便宜，已經沒有叫飲品，因為自己帶了酒，開瓶費收$100一支。如果有叫飲品一個人一定超過400。因為他的飲品也偏貴。食物味道不錯的，但不是驚艷的程度，屬於正常水平。青木瓜沙律真的比較細碟這個拼盤百多元，除開要超過$10一粒。燒魷魚也是過百元的，跟手掌差不多大。芒果糯米飯也只有半個芒果和兩個乒乓球大小的飯。…查看更多