晚市開返，相信大家陸續約朋友食飯聚一聚。開飯仔提提你，而家食飯可以同時贏獎品嘅機會嚟喇，只要去指定餐廳用膳，就可以參加「密密食．密密賞」遊戲，有機會贏取Apple iPhone 13 Pro、TEFAL 特福 FX202D 氣炸鍋、人氣酒店禮品卡、餐廳專屬折扣碼等獎品。今次介紹其中6間亞洲菜餐廳，有印度同韓國嘅過江龍、正宗東南亞餐廳、人氣串燒店，同特色泰國菜，總有啱約飯局嘅選擇。
【30年正宗東南亞菜館】新泰東南亞餐廳
呢間餐廳喺香港已經開業超過30年，港九新界都有分店，由泰籍廚師主理，供應多款泰、越、星馬菜。必食推介係爆炸蟹，靈感嚟自港式橋底辣蟹，但唔單止有蒜蓉，仲有打拋葉、香茅等多款香料一齊爆香，香辣惹味。酥炸香茅魚配青芒沙律、香芒軟殼蟹米紙卷、麵包焗咖哩軟殼蟹等都係推介。記得留肚食甜品，泰式甜品大拼盤最啱開心Share。
詳細介紹► 【泰籍廚師】超地道！30年老字號 必試香辣爆炸蟹
爆炸蟹香中帶辣最啱送酒，泰式甜品大拼盤有芒果糯米飯同時令甜點、分量十足
【即叫即燒串燒酒吧】芝加哥串燒酒場 
太和中心店 / 美豐花園店
無論係放工後Happy Hour，定約埋一班朋友睇波，都好啱去呢間環境氣氛一流嘅串燒酒吧。全部串燒都係即叫即製，招牌係燒日本廣島蠔系列，選用加大碼3L刺身級廣島蠔，大隻肉厚，簡單加蒜蓉蔥花燒一燒已經非常鮮甜！鍾意食海鮮嘅可以試埋蒜香牛油燒龍蝦尾，而鹽燒牛舌心、培根蘆筍卷，同燒土匪雞翼同樣值得一試。
詳細介紹► 大埔人氣串燒酒場 食和牛串燒．游水海鮮
蒜香燒日本廣島蠔即開即燒夠新鮮，培根蘆筍卷配搭得宜、香口唔油膩
【獨特南印度菜】Anjappar Chettinad Indian Restaurant
香港有唔少印度菜餐廳，不過專注於南印度菜嘅代表，就要數到呢間嚟自印度清奈嘅連鎖餐廳。香料特別從印度空運到港，風味正宗；所有肉類都係清真肉，亦有素食選擇。南印度菜特色之一係香氣濃烈，例如Mutton Nalli Roast就用Chettinad香料配搭烤羊髀。主食方面Butter Dosa同Kashmiri Naan都好受歡迎，點咖喱或者配香料醬汁食一樣夾。
詳細介紹► 【唔止得咖喱】香港少見南印度菜 濃香烤魚、炸雞、竹筒飯
Mutton Nalli Roast嘅香料味道濃烈、香嫩可口，Kashmiri Naan口感鬆軟
【75分鐘串燒放題】龍井
自認係大胃王嘅話，要唔要挑戰下75分鐘可以食到幾多串串燒呢？荃灣呢間餐廳推出「75分鐘串燒放題」，$50/位可以任食豬、牛、雞、羊串！即叫即燒再加上秘製醬汁，啖啖滋味。另一必食係煲仔飯，同樣即叫即整有飯香，臘腸滑雞飯嘅臘腸更選用香港出品，食落帶酒味。加上餐廳營業至晚上12點，收夜啲都唔怕！
詳細介紹► 瘋狂任食串燒$50！全日都有串燒放題·煲仔飯
「75分鐘串燒放題」包括任食豬、牛、雞、羊串，煲仔飯則有超脆飯焦
【韓劇《社內相親》同款烤雞】Goobne Chicken 銅鑼灣店 / 中環店 / 旺角店
飛唔到去韓國見Oppa，都可以食Oppa同款美食！話題韓劇《社內相親》裡面，女主角申夏莉家人開嘅正正就係Goobne Chicken烤雞店，喺韓國已經有過千分店，香港分店亦特別推出電視劇套餐。佢哋嘅烤雞做到外皮香脆雞肉嫩滑，而且喺焗爐烤焗同時帶走多餘油分，比起一般炸雞更少油更健康。
詳細介紹► 香港都食到！大熱韓劇《社內相親》烤雞
《社內相親》套餐有齊烤雞同蜜糖BBQ芝加哥薄餅，烤雞外層好似炸雞咁香脆但更少油分
【高CP值泰國街頭風味】Milu Thai มิลู่ไทย
餐廳位於銅鑼灣港鐵站附近，裝修以泰國街道嘅塗鴉為主題，唔少菜式賣相特別仲好啱打卡！例如招牌菜之一火山排骨，從曼谷拉差達火車夜市引入，加入多款泰國香料熬煮嘅排骨真係排到成座山咁高，酸酸辣辣咁食到停唔到口啊。火焰燒雞亦係熱賣菜式，皆因上枱後會淋酒然後點火，做到好似芭提雅烤雞咁香噴噴。
詳細介紹► 多重外賣泰菜優惠 泰廚煮出超掛念地道味！
火山排骨夠大份可供3-4人享用，火焰燒雞即席點火令雞肉外脆肉嫩
想知道去邊啲餐廳可以享盡更多優惠，記得要留意我哋之後嘅報道同Facebook喇。
密密食．密密賞
活動日期：2022年4月29日至6月9日
活動詳情：（按此）