新泰東南亞餐廳

營業中

休息中

今日黎到尖沙咀，見到呢間泰國菜門面靚、又多人等位，一於試吓佢咩料😎店員有好大部分都真係泰國人，所以都幾好幾有去左泰國🇹🇭嘅感覺🤣 我地叫左一份香芒軟殻蟹米紙卷、一碟串燒、印度薄餅、濕炒海鮮河、龍眼冰、芒果糯米飯、椰青沙冰。軟殻蟹卷都幾好食，而且有香茅香葉，好傳統正宗🥸 串燒就豬、牛、雞都有，一次過滿足3個願望🤣👍🏻😜 配埋個汁都唔錯芒果糯米飯好正～ 好Fresh好解膩，芒果好食😋對濕炒河比較好奇所以叫左😜 好。多。料！完全唔係hea你😎 勁多海鮮，又有幾款菜、菇，包羅萬有。個薄餅好賬卜卜，都唔錯，好有空氣感，不過大家記得要趁熱食！攤凍左就唔好食ga啦🤘🏻平日夜晚都爆場，可見好受歡迎！裝修、環境都幾靚😉

今晚好友推介「新泰東南亞餐廳」用餐，位置在加拿分道某商業大廈地庫，進入餐廳令視覺非常有驚喜，寬闊的用餐大堂佈置得華麗又舒適，還有多間VIP房間，方便顧客用作小型宴客廳，服務員不少是泰國人，她們廣東話流利、待客有禮親善。我們六點半入座，不消半小時已經滿座，温馨提示；記得請先訂座。我們點選三款好味道又新穎小食：酥炸鮮蝦毛~酥炸的香氣與鮮蝦毛的鮮甜，令食欲大增，又可蘸少許泰式甜醬，別有一番風味。鍋巴牛肉~牛肉很鬆軟，醬汁夠冶味，配酥脆鍋巴，口感一流！燒原隻魷魚~魷魚肉質軟滑可口，自家製豉油鮮香，配合得宜！泰式青咖哩牛肉~青咖哩有辣味，味道香濃不鹹，用印度薄餅和蒜蓉包蘸青咖哩汁吃最爽，配合青咖哩汁還有綠色番茄，令我有點兒驚喜呢！椰汁木薯~暖烘烘的甜品，粉糯糯的木薯，香噴噴的椰汁，甜絲絲的糖漿，構造一份簡單美味可口甜品，吃得頗窩心。

位於尖沙咀嘅新泰東南亞餐廳 場地好大 而且座位之間都有一段距離😜 食物質素同環境都好好 價錢合理 值得一試👍🏽🍀冬蔭功 (大)材料好足☺️ 有4隻蝦🦐 多片秀珍菇 香茅 天椒 芫荽 乾蔥等香料😛 所以味道好香好夠濃 飲落口偏酸少少辣🌶️ 但幾好飲嘅😉🍀巴東牛展配印度酥餅味道好香濃😍 牛展夠淋身 吾煙靭🐮 就咁食都吾會好鹹 調味調配得好好👍🏽 配埋印度酥餅一齊食 多左一層口感🤩 煙靭嘅酥餅 加埋易嚼嘅牛展 再點少少咖哩汁🍛 口感同味道都一流🥰🍀鴨肉生菜包泰式肉碎生菜包🥬 通常都係用豬肉 不過依間餐廳有鴨肉選擇 所以決定試下佢🦆 味道鹹左少少🤏 但加埋生菜包住 中和返都可以接受嘅🤣 香料味好重 少少辣 味道吾錯 只係吾係好食到鴨肉味🫣 🍀泰式明爐魚爐魚有少少部位煮老左 所以有啲煙韌🥹 但其他部位都吾錯 有嚼勁得黎吾會太韌😛 魚味夠濃 點埋泰式酸辣醬更加好食😋 爐魚算大條 份量夠3個人食☺️🍀泰式菠蘿炒飯用左菠蘿做底咁上枱🍍 份量好多好滿🤣 每一匙羹都有啲配料 三色豆 提子乾🍇 雞肉🐔 菠蘿粒😜 腰果同肉鬆另外碟囝上 可以隨口味加🤫🍀椰汁冰椰汁味好濃🥥 飲落口吾會太稀 口感豐富🥰

就算冇食過都一定經過過嘅泰國菜😋尖沙咀已經有兩間分店 而且超多人食唔知幾時可以做到總有一間係你左近😂店內空間好大 座位亦都闊落 我哋一行四人星期五晚6點多都唔使等就入得！而且價錢中等 係朋友聚腳嘅好地方.🎈燒西冷牛扒 ($118)肉嘅生熟程度有啲參差 有啲位好韌 但係有啲位就嫩滑可以見到中間係剛剛好嘅粉紅色 外表隱約有烤過嘅味道 呢個位都做得OK比較欣賞嘅係個泰式酸辣汁 配埋一齊食幾開胃😋評分: 7.5/10.🎈泰式蝦炒金邊粉 ($108)作為泰國傳統名菜pad thai其實基本上每次去泰國餐廳都必點🤣呢個嘅外型就100分啦 用蛋網包住打卡一流略嫌金邊粉炒得比較碎 味道不過不失應有嘅配料青檸 花生碎都有齊勝在份量夠大 性價比比較高評分: 7/10.🎈泰式青咖喱 ($88)呢個越食越辣 咖喱椰香味幾重😋雞肉唔韌 配料都幾多份量大到有種食極都食唔完嘅感覺😂評分: 7/10.🎈印度酥餅 ($32)呢個配咖喱一齊食係絕配😍酥餅烤得幾香 外脆內煙韌而且上碟嘅時候都冇淋哂 係飽肚之選👍評分: 7.5/10.🎈醃無骨鳳爪沙律 ($68)說實話呢個我有啲surprise🧐個醬汁隱約有點柚子味 食落都幾

實在太掛住泰國，今晚就要同團友尋味泰菜！一入門口見到架TukTuk，好有feel沿住樓梯落一層就係餐廳裝飾充滿泰式風情，店員們熱情好客，成餐飯食得好開心！P.S. 晚飯時間九成滿座，要臨走無乜人先影到串燒沙爹 $88共6串，可揀牛丶豬丶雞，我哋揀咗每款肉各2串，個人認為最好味係雞肉鴨肉生菜包 $78好香口，肉質同泰式炒豬肉無乜分別，爽脆生菜夾住充滿青檸丶香葉香味嘅肉碎，正！蟹肉炒粉絲 $98見係食評推薦菜之一，蟹肉就無乜味，反而粉絲炒得好入味，有鑊氣泰式炒花蛤 $108推介！個汁好味，花蛤新鮮、惹味！印度酥餅 $32因為要點花蛤汁而叫，一碟有7件，眼闊肚窄，最後食淨要打包青檸梳打 $38Fresh~ 梳打水成樽上，份量唔止一杯石榴沙冰 $38淡淡石榴味，唔算甜，解渴之選。芒果糯米飯 $68幾飽都要點返個甜品，賣相幾好，比預期好味，仲有兩種糯米，糯米仲係暖嘅，又多椰漿，芒果清甜，食完好滿足！甜品選擇多過其他泰式餐廳

這間餐廳已經不是第一次吃了，已經食過幾次，能夠令我百吃不厭，除了食物好食，也因為他的食物份量很多很大碟!沒有想過今天晚上竟然全場爆滿，好在朋友一早訂了位。餐廳都幾多座位，佈置亦帶有一點泰國風格。餐牌上有多款泰國菜可以選擇!小食拼盤，這裡的小食拼盤非常大份，小食包括有蝦餅、魚餅、春卷和肉碎生菜包，蝦餅和魚餅炸得剛剛好，唔會過火，彈牙鬆脆。而肉碎味道惹味，酸酸辣辣，用上生菜包住特別美味!鐵板蠔仔炒蛋，蠔仔肉都幾多，由於用些鐵板的關係，夠哂熱辣辣，再配上辣醬一齊食，帶出了鮮味!紅咖哩鴨，第一次食咖哩食鴨，味道幾夾，鴨肉是燒鴨，肉質唔會太鞋，咖哩唔會太辣，帶有少少甜味。再配上薄餅一齊食更加惹味，這裡的薄餅煎到脆卜卜而且鬆軟，很惹味!鹽焗烏頭，朋友最愛吃鹽焗魚，這裡的烏頭都幾大條，而且很多肉，魚入面有塞滿泰式香料如香茅等，用上鹽焗更能保持魚的鮮味，而且魚肉鮮甜，唔會變霉，點埋附有的酸辣醬更加美味!椰青沙冰，非常大杯沙冰，用上整個椰青盛著，味道清甜，帶有少少椰奶的味道!青檸梳打，用上泰國的梳打水，一樽梳打水大概可以分到兩杯!這間餐廳真係食極唔厭，味道正宗而且份量也很多，是我最喜愛的泰國餐廳!