新泰東南亞餐廳

營業中

休息中

香港飲食業低迷的環境下，也不乏超旺場的高質餐廳。座落在繁忙街道的地庫，座位很多，客人也很多。平日晚餐時間也要排隊，餓鬼上身的倆口子幸好排隊不到10分鐘就可入座！串燒沙爹 $108Satay Skewers豬、牛、雞各2串，比坊間其他泰國菜串燒，這裡份量明顯較多，每串都啖啖肉，很有肉地。沙爹醬反而份量比預期中少，但串燒本身就有底味，而且醃得頗入味，沾一點點偏甜的沙爹醬，惹味得一口接一口。泰式蝦炒金邊粉 $118Pad Thai其中一樣最愛的泰國菜，賣相很不錯，鮮蝦大大隻，誠意滿分。金邊粉炒得乾身、夠鑊氣，調味適中，酸甜平衡。麵包焗咖哩軟殼蟹 $248Curry Soft Shell Crab Baked in Bread Bowl超級邪惡！大大個農夫包單吃也很高質，外皮微脆，麵包鬆化帶口感。中間掏空，注滿濃郁惹味咖哩，360度環抱麵包，吸盡精華。軟殼蟹也很有肉地，連腳趾都是肉肉地，還有蟹膏，炸得香脆不油膩，與咖哩是天作之合的和諧。原個椰青大菜糕 $75Coconut Jelly本身是8成飽，但又甜品癮起，不想吃芒果糯米飯般Heavy，反而對椰青大菜糕甚有好感，不但沒失望，而且超乎預期的高

今次已經係第二次嚟新泰食野，仍然係環境舒服裝修靚，但唔同嘅係愈來愈多人排隊，我地都等咗大約10分鐘先有位坐。麵包焗咖哩軟殼蟹﹕黃咖哩隻味好濃，溫度啱啱好，入到口又唔會太凍。麵包皮脆但內裏鬆軟，點住麵包食一流！日本南瓜焗海鮮飯﹕食落覺得好有驚喜，原來個飯係冬蔭功味！海鮮唔算多，但個飯加埋南瓜，已經非常好食，十分推介~泰式咖啡﹕甜得嚟有淡淡嘅咖啡味，非常好飲！總結﹕新泰無論喺環境、食物同服務方面都非常高質，價錢唔算好貴，值得再幫襯~

假期前夕約左朋友食飯,去到時因為時間仲早仲有朋友未到, 咁我同另外個朋友就諗住等齊人先啦. 點知門口負責接待既呀姐係咁催我地掃安心出行又話方便我地一陣人齊就可以直接入去. 到朋友黎左佢又叫我地出去跟返人龍排隊, 咁你頭先講咁多黎做乜🤷🏻‍♀️唔單止我地, 佢對其他食客既態度都好差, 行遲一步又係咁嗌佢話開左枱啦你快啲啦😕仲有訂枱時明明係講90分鐘要交枱, 黎到又改口話70分鐘,當刻都嬲嬲地真係想轉場. 到頭來我地坐低左5分鐘就即刻嗌嘢食, 反而係啲侍應忙到冇時間黎落單, 仲好似有啲發晦氣咁話佢好忙叫我地等等😕由坐低到所有野上齊足足要50分鐘, 你仲好意思同人講70分鐘交枱? 仲要我地眼見個場咁大其實仲有好多位, 真係有需要咁樣催食客咩? 野食係唔錯既, 價錢以尖沙咀區都好合理, 但真心冇興趣再返去受氣啦

呢間餐廳有3間分店，今次試咗尖沙咀呢間，餐廳裝修幾靚，環境幾大，食物種類都好多，主要係泰國菜，亦有少量越南同星馬菜，我今次就試咗幾款泰國菜試半咗半打雜錦串燒，有雞、牛、豬各兩串，燒得唔乾，而且個沙嗲汁有適量嘅花生，幾惹味馬拉盞通菜用咗好多馬拉盞炒，所以味道好夠，好好味，但就油咗少少主食揀咗麵包焗咖哩軟殼蟹，呢碟價錢相對貴啲，可能係預4人食，因為好多麵包，我兩個人食真係超級飽😂咖喱係幾甜同唔辣果款，入面有好多蛋白，撈埋個包食好正，軟殼蟹份量都多，所以都算抵食野飲就同朋友一人一個椰青沙冰，沙冰多到滿瀉，好重椰子味，好香好甜，椰青入面係冇哂椰子肉，應該係刮哂啲肉黎整個沙冰，所以真材實料，值得飲最後試埋佢個芒果糯米飯，有紫米同糯米，椰漿都好多，夠哂送糯米飯食，但芒果就唔夠熟，所以有啲酸，但整體都唔差呢間值得一試！

今朝明明好好天，點知夜晚就落大雨仲要紅雨添，好彩約咗男朋友係新泰食飯，舖頭就喺K11 Paul Lafayet個出口行過對面就係，好方便都唔使點樣淋雨！呢間分店都係第一次嚟，門面好大仲有架泰國篤篤車係度，好似返咗泰國咁😛呢間分店就係地庫，入到去個場都好大好闊落，就算人多都唔逼，但今日星期一，八點嚟到都坐咗九成滿，真係好誇張🙈食泰菜點可以冇馬拉盞炒通菜呢，第一件事就叫咗呢個先！一如以往好惹味，馬拉盞都落得好足夠，少少辣，啱晒我呢啲食唔到大辣嘅人😛主菜方面，我想食海鮮佢又想食肉，咁就一人一樣啦，我就揀咗麵包焗咖喱軟殼蟹一嚟到個賣相已經好吸引，一影完相已經忍唔到要即刻開餐😋😋咖喱係屬於唔辣嘅黃咖喱，椰奶味比較重，食落去唔算濃味嘅咖喱，用嚟配麵包剛剛好。主角軟殼蟹就夠熱夠脆，香脆可口啖啖肉，呢個絕對係人多時分享最好，而且店家都幫你分好哂，多人分都唔洗切嚟切去。男朋友就揀咗越式燒雞釀香茅黃飯一上枱就知道冇揀錯，賣相滿分，雞油同香料嘅味道令你一聞到就流哂口水，切開入邊釀咗滿滿嘅黃姜飯，食呢個最緊要小心燙口😝😝雞皮脆得嚟唔乾，雞肉仲keep到嫩滑，啲飯先係精華🤤🤤 好彩今次叫咗呢個冇要菠蘿炒飯🤪最後

無得去泰國，唯有食泰國嘢止下癮😭如果唔係朋友介紹都唔知呢度有間泰國菜，仲要抵食夾大件，唔怪得咁爆場啦🤔【泰式柚子蝦沙律】非常足料，蝦同柚子都大大粒，要嚟做頭盤好開胃😋【泰式炸蝦餅】新鮮炸起熱辣辣，咬落彈牙👍🏼【肉碎生菜包(豬肉)】份量十足，如果香料味重D會更好🤔【麵包焗咖哩軟殼蟹】比較有特色嘅一道菜，賣相非常吸晴🤩咖哩汁夠濃郁，要嚟配麵包一流👍🏼👍🏼👍🏼【泰式蝦炒金邊粉】金邊粉炒得夠乾爽，入口酸酸哋食得多都唔覺膩🤤【泰式奶茶】個人覺得如果可以少甜，同埋茶味再重D會更好😆【椰青沙冰】每一啖都隱約食到椰青肉，沙冰裝滿晒成個椰青，椰香十足🥥👍🏼

生日飯無訂枱 臨時決定食泰菜找到這間泰菜可以walk-in 餐廳很大 有圓枱 又有卡位 方便大伙吃飯麵包焗咖喱軟殻蟹: 周邊的麵包脆脆, 點咖哩汁一流, 咖哩不會太辣, 軟殻蟹都有好幾件, 豎身插住可減慢變為淋身香芒軟殼蟹米紙卷: 家人不想吃太多煎炸食物所以點了米紙, 沒有特別, 靠點醬汁補充味道蒜蓉炒貴妃苗: 我第一次食貴妃苗, 好嫩口, 不會老身, 蒜蓉炒好清甜, 中和泰菜的煎炸及辣味泰式柚子大蝦沙律: 沙律夠辣, 柚子甜而不苦, 好多花生果仁, 作為頭盤挺開胃椰青沙冰: 一定要飲, 清甜透心涼, 像椰奶雪糕般份量十足, 可以由三人分享兩個肉碎生菜包豬: 生菜生鮮, 但已經太飽, 打包回家吃, 兩日後炒熱, 肉碎好香香葉味南瓜布甸: 推薦, 因為第一次食用南瓜做的布甸, 味道好好, 有南瓜味, 又似芒果布甸軟淋淋, 我平時不吃南瓜, 都覺得好吃, 賣相好特別