147
19
8
營業時間
今日營業
07:00 - 23:00
星期一至日
07:00 - 23:00
以上資料只供參考, 請與餐廳確認詳情
食家推介
相關文章
中式點心我都算係幾喜愛❤️每次放假經過太子 @letsyumcha 門口總是人頭湧湧，搞到我一直心思思想去品嘗一下！最近工作比較忙碌通常收工都食埋先屋企，上星期五喺太子附近收工就諗起可以試下飲夜茶🤣平日夜晚唔算太多人，仲可以食飽行一陣先返屋企添～據聞佢哋老闆以前係點心部總廚，做左起碼三十年以上，之前仲參加過旅遊發局主辦的比賽，佢地既蝦餃就係得奬作品之一！一場黎到皇牌蝦餃$36就一定要點啦～蝦餃大大粒，蝦仁好大隻又夠爽口彈牙，蝦餃皮薄身吸左蝦肉汁，一口一件係好滿足😌果然名不虛傳！沙爹金錢肚$31豆卜舖底，沙爹味夠濃夠入味！喜歡金錢肚既必點～春風得意腸$42都係推薦之一！我起初以為係包住油炸鬼嗰種，原來係腸粉包住豬網油再包蒜蓉炸春卷，口感好豐富！紫薯流心煎堆仔$32依家既炸物都相當高質素，除左創意有心思，味道都相當有驚喜，煎堆仔軟糯又夠紫薯香甜，流心奶黃好香好香，估唔到都幾夾，連不愛甜食既「優靈先生」都大讚！椒鹽魷魚鬚$42好耐無食過炸魷魚鬚，完全係細個酒樓既味道👅滿滿回憶！鳳爪排骨飯$42今日真係好大食🫠見人地個蒸飯咁靚又走去加多個😂排骨份量好多，好似食極都有咁，我最喜歡佢蒸完夠爽身唔油，小小豉油調一調就已足夠！總結：長龍店總有道理，點心質素偏高，種類都算幾多，下次等我帶媽咪過黎試下先！
繼續閱讀
之前有朋友來這裡用饍, 好像吃得津津有味, 所以我收藏了 😁 訂位出了意外, 幸好員工讓我們入座, 而且照舊安排卡位給我們坐 🫶🏻餐廳即叫即蒸, 所以製作需時, 要耐心等候 🙂 正正因為即叫即蒸, 所有食物全部都旦熱騰騰的 🤩 春風得意腸 $42腸粉皮滑, 內含很多餡, 除了大蝦外, 蟹籽鋪面, 還有很多配菜如油炸鬼, 粟米等等, 滿有口感, 甚有驚喜! 😍蒜香蝦春卷 $28外皮炸到十分脆口, 亳無油膩味! 都有不少配料, 雖然比腸粉少, 但都有洋蔥, 蘿蔔, 生菜跟大蝦, 一樣很有口感! 👍🏻千島醬脆皮蘿蔔糕 $33炸蘿蔔糕真的第一次試, 所以除了上面兩個, 這個都是必點點心! ☺️ 外脆內軟, 蘿蔔糕並不粉糯, 雖然非一絲絲蘿蔔, 不過口感跟味道也不俗。灑了大量千島醬, 另加木魚在面, 一吃會有日本感覺 😚紫薯流沙煎堆仔 $32煎堆“仔”這個名字有誤導成份, 大大個, 口感比平時吃的煎堆硬身, 外面帶微微紫薯味, 入面有奶皇流心, 煎堆皮略帶鹹, 入面就有奶皇甜味, 內外夾擊, 多重享受 😬得獎蝦餃之王 $36蝦還是大大粒, 彈牙爽口又鮮甜, 外皮雖然不是非常厚, 但再薄身一點就更理想 🫠 怎樣說都以得獎點心為賣點, 要求比其他點心高很正常 🤓另外還點了其他點心與一個飯, 但未有太特別, 就不多寫了。 唯一要說的就是朋友吃飯時不停說“金鳳米要食多啲” 🙄香菇燒賣 $32黑金流沙包 $36金針雲耳雞飯 $46餐廳免收加一, 但茶錢每位$5, 餐廳雖然不大, 但很乾淨, 又光鮮 😉 用餐時間限時一小時二十分鐘, 十至十五分鐘等蒸點心, 所以大約一小時用餐。由於餐廳真係座無虛席, 限時都理所當然, 大家“得閒”就來“飲個茶”吧~~
繼續閱讀
唔知有無人同我一樣成日挑起條筋就想去飲茶🤣今次就去咗位於太子嘅#得閒飲茶試吓即叫即蒸嘅點心🫖🫖🫖☕️#蒜香蝦春卷一黎就係炸到卜卜脆嘅春卷🤪除左有彈牙嘅蝦，重有好多蔬菜中和炸物嘅油膩感🥬🥬 最正係紫椰菜🤪#懷舊香菇燒賣唔知有無人同我一樣中意食豬肉嘅燒賣🙋🏻♀️🙋🏻♀️🙋🏻♂️🙋🏻♂️呢間的確係豬肉嘅比例比蝦多，會有肉香同油潤🤤但都會比起蝦膠燒賣邪惡d，睇你岩唔岩喇🐷🐷#紫薯流沙煎堆仔香口，一上黎係熱到爆🔥咬開係流沙奶黃，加埋個煙韌嘅紫薯外皮🔥🔥一人一粒就岩岩好🤤🤤#灌湯京滬小籠包啲湯都講得上係爆出嚟🤪皮薄餡多，但又未到一夾就爛，肉重帶有少少薑味🫚好食😋😋😋整體嚟講真係好抵食，夜晚想飲茶嘅唔會失望，下次嘅試吓得獎蝦餃先🦐🦐______________________________#蒜香蝦春卷💰 HKD:$28#懷舊香菇燒賣💰 HKD:$32#紫薯流沙煎堆仔💰 HKD:$32#灌湯京滬小籠包💰 HKD:$29
繼續閱讀
今日好想飲茶，但係又唔想飲啲傳統嘅茶樓，問吓朋友有咩好介紹，佢就叫我去咗呢一間得閒飲茶，個名幾得意咁就俾佢吸引咗啦，哈！呢度點心款式好多，有啲都幾有創意，酥炸魷魚，份量都幾大碟，外層炸粉都幾薄，外層脆口入邊剛剛好，我最鍾意食酥炸魷魚～灌湯餃，湯底清甜好味，灌湯餃個皮唔算太厚正常，內裏有蝦、荀，肉，調味得啱啱好好好味～流心奶皇包，熱辣辣，入口爆漿流心，咬一口奶黃即刻爆出嚟流，哈！所以食嘅時候大家要小心啲，哈哈～另外，我哋仲叫咗幾個點心，全部都幾好味～
繼續閱讀
香港美食文化之一：飲茶，以前飲茶通常都係白天的事情，隨住時代嘅轉變，依家夜晚都可以食到點心. 太子這間點心店，經營時間朝七晚十一，吸引我幫襯嘅其中一點就係全日免收加一服務費，即等於打咗個九折一樣.點心價錢亦都幾親民，好似蜜汁叉燒包（三隻）同潮州粉粿（三隻）都係$20，燉湯都係$36，仲要好足料. 今次我哋叫咗香菇燒賣$32、蒜蓉粉絲蒸墨魚仔$38、得獎蝦餃之王$36、章魚飯$42、花生瘦肉燉雞腳湯（套餐加配只需$30），茶位$6. 香菇燒賣同蝦餃也是大大粒，用料好足，蝦餃皮薄通透，蝦彈牙爽口，燒賣豬肉餡料比例平均，蒜蓉粉絲蒸墨魚仔平飲茶好少食到，蒜味香口，章魚飯有河葉墊底，蒸出嚟啲飯特別香＇飯嘅質感軟硬適中，肉餅有口感之餘肉質鮮嫩彈牙，唔會蒸過龍無哂水份，燉湯用料好足，雞腳入味淋身，服務方面也不錯，性價比高，整體來講不錯.
繼續閱讀