得閒飲茶

尋日嚟過見排晒隊，今朝一早再嚟「挑戰」⋯⋯早嚟唔使排，真係「得閒飲茶」⋯⋯二條友已經好勞力，特登叫多幾款試真啲～沙爹金錢肚(優)得獎蝦餃之王糯米雞龍蝦湯鮮竹卷春風得意腸千島醬脆皮蘿蔔糕3.6牛乳太陽蛋瑪卡燉竹絲雞先嚟春風得意腸～咬落去口感層次好豐富，腸粉皮有水準～好食。招牌蝦餃～同樣個皮一樣出色,入面淨蝦仁調味啱啱好，係比一般嘅酒樓好。龍蝦湯鮮竹卷，賣相同色水都唔錯，但個龍蝦湯無味，鮮竹卷亦一樣，淨係個色同「相」可以，無「內涵」。千島醬脆皮蘿蔔糕，上網睇果時同上一個鮮竹卷都有啲期望，但現實係當你食第一啖之後，你會諗～又千島醬又咁厚炸漿入面又係粉～肥死🤣，所以我第二舊係，整走晒啲炸漿至食，發覺原來入面淨粉連臘肉都無，而且仲要無味，原本啲味淨嚟自個醬同上面啲柴魚片。糯米雞，正常味道，入面唔係傳統多啲蠔油色果隻，而係你見到右下角橙橙紅紅果隻。沙爹金錢肚，都幾重沙爹味，正常發揮，唯獨啲豆卜，好似事後放落去，個色同一般放底入晒味的不同，都收貨。燉湯，好清，味唔濃，唔知係咪因為一早，所以未夠火，我個人覺得欠火喉。呢個甜品，我個人幾欣賞同鍾意，口感有啲似燉奶，真心不錯。回頭度：6/10食咗八樣嘢埋單$270,呢個價錢同今日係星期日，真係好扺 扺食。暫時覺得唔係所有點心都出色，整體合格有餘，下次試吓其他。以上純粹個人食後分享，絶無收取任何報酬或優惠，對以上言行，本人原意承擔一切責任。…查看更多

☸️寶石媽媽美食好介紹☸️寶石媽媽一直都愛去酒樓飲茶架，但寶石媽媽唔鍾意一早飲，因為一早飲茶太飽了。所以今次介紹全日都有得一盅兩件既好地方。得閒飲茶 Let’s yum cha 有好幾間分店，我最鍾意去太子分店，好近太子港鐵站，鐘意幾時去去得！今次約了三五知己一齊去，因為咁樣先食得多款式呀。得閒飲茶 Let’s yum cha主打傳統和特色創意點心，所有點心即叫即蒸，用心製作，點心價錢又平民化。老闆曾擔任大酒樓的點心部總廚，30多年做點心經驗。曾參加香港旅遊發局主辦的比賽「2011美食之最大賞」﹣榮獲至高榮譽金獎、甜品創意大獎、蝦餃之王美譽。蝦餃係一定要叫的點心，這是飲茶的規矩，亦係對飲茶的專重。之後要叫返個蟲草花魚翅灌湯餃好好懷念以前，當爸爸媽媽叫得灌湯餃，一定係有好事發生了。醬皇蒸鳳爪，山竹牛肉球係媽媽至愛，而我最愛的是鳳爪汁同牛肉球的喼汁。黑金流沙包絕對係一款武器，因為熱辣辣貪快食，一定會焫親架，就算放凍左都係好好味，但真係要小心，流心包好流好容易滴到衫架。春風得意腸係香脆可口。鍋巴什果沙律絕對係童年滋味。千島醬脆皮蘿蔔糕係大推，因為我好愛佢個種外脆內軟既口味，配左千島醬既香甜，我一個可以食一碟囉。最後叫左蒜蓉蒸蝦飯，用蒸籠蒸，真係乾爽而且蝦味入晒啲飯入面。正！原來最近大眾點評頒發必吃榜榮譽，Yahoo Food ，多間港媒，大陸媒體都有採訪蝦餃之王。如果飲茶飲到悶悶地，想食不一樣的點心，就真係要去得閒飲茶試試啦！✳️得閒飲茶 Let’s yum cha ✳️✳️香港太子運動場道7B號地舖✳️#太子 #太子美食#食好西#美食#聚會#foodie #高質 #香港美食 #pollywings_foods#香港探店 #香港必食#吃吃喝喝的日常 #美食日常#香港美食 #香港旅遊攻略#飲茶#點心#一盅兩件#燉湯#腸粉#流心包#叉燒包#蝦餃#燒賣…查看更多

夜晚想食點心🥧搵到系太子地鐵站附近就有呢間點心店，地理位置好方便。落單系用QR code📱茶位每人$6，無另收加一。我地兩個人總共叫左6樣野😌點心全部都系即叫即蒸😚𖤘 得獎蝦餃王｜ᴴᴷᴰ𝟹𝟼見到呢個名 無辦法吾嗌啦！蝦餃皮薄煙韌 裡面蝦肉爽口彈牙😋𖤘 沙嗲金錢肚｜ᴴᴷᴰ𝟹𝟷呢個我超中意！沙嗲汁極濃郁！金錢肚完美地索晒d汁 好入味！😍𖤘 龍蝦湯鮮竹卷｜ᴴᴷᴰ𝟹𝟹呢個組合幾創新！賣相好吸引🤩鮮竹卷索晒湯汁 咬落去爆晒d汁出黎 勁滿足🤤而且雖然佢浸系湯度 但表皮仍然保留到少許脆度👍🏻不過美中不足系 吾系好食到龍蝦味.🤔𖤘 蜜汁叉燒腸｜ᴴᴷᴰ𝟸𝟿由細到大 飲茶都必叫腸粉🤣呢度嘅腸粉皮頗透薄，可以從表面睇到裡面嘅餡料。而且個叉燒餡都幾足料，塞滿滿的😋𖤘 千島醬脆皮蘿蔔糕｜ᴴᴷᴰ𝟹𝟹有別於傳統嘅香煎蘿蔔糕.呢款蘿蔔糕絕對夠創新！加入左柴魚片同埋千島醬，即刻變左好似食章魚小丸子咁！估吾到呢個組合又幾match 喎！𖤘 蒜香蝦春卷｜ᴴᴷᴰ𝟸𝟾春卷炸得香脆乾身 吾會好油.內餡有蝦肉，另外仲有d椰菜。食起上黎除左口感更豐富之外，加入左蔬菜中和一下 感覺無咁膩添！整體點心質素都吾錯😋😋下次可以再黎encore試多啲其他款式😌…查看更多

其實唔覺唔覺太子都有好幾間點心店，大部份都幾好食，包括今次我要介紹嘅呢一間同樣唔錯🧡🌟得獎蝦餃之王 $36寫明得獎咁梗係要叫😆入面真係滿滿嘅蝦肉，爽彈鮮甜，蝦餃皮仲帶點煙韌😙🌟香菇燒賣 $32蝦餃同燒賣係必食之選吧🤪豬肉餡肥瘦適中，香菇嘅鮮香同肉汁嘅甘甜，咬落去餡料好juicy🤩-🌟椰香黃金糕 $22越嚟越少酒樓做呢個啦🙂‍↕️佢呢度有得食蒸嘅，冇咁油膩🧡一籠三件😚入口軟糯中帶少少黏性，QQ彈彈好好食🥹🙌🏻椰香好出但唔會太甜，作為甜品或小食都咁正😋🌟千島醬脆皮蘿蔔糕 $33呢個可以稱得上係中日合璧！好特別！蘿蔔糕炸到圓柱形狀，配上千島醬同柴魚碎片，同以前飲豉油或者甜醬嘅感覺非常唔同，酸酸地同蘿蔔糕都算幾夾，而且唔會搶咗蘿蔔糕嘅味🙌🏻不過如果多啲臘味就好啦😗🌟黑椒牛仔骨蒸飯 $46雖然賣相唔係幾靚，但份量十足，我哋兩個人每人「不」咗兩小碗都仲有飯😆牛仔骨煮得夠淋，黑椒味香濃但唔會太辣，啲汁滲落下面嘅飯度，撈飯好好食😚 呢間點心店雖然唔係大集團，但點心質素絕對拍得住酒樓🧡好食過稻香好多😫茶介係每人$6，一啲都唔貴😙…查看更多

由朝都晚，任何時間想飲茶就可以去飲茶，嘆返一件兩件😎😎Li度全日免加一，仲有多款蒸飯選擇😍😍尤其推薦蒜蓉蒸蝦飯，真係原隻海蝦開邊蒸😋😋😋😋而點心比傳統酒樓點心精美💗💗薯媽推薦：得獎蝦餃皇🥟啖啖都係蝦肉🦐及紫薯流沙煎堆🧆一咬開流沙汁已經湧哂出黎😋😋😋😋另外佢嘅蟲草花魚翅灌湯餃都非常足料，除左食餃外，細佬仔係連湯都飲哂😋😋小朋友最岩食，又開胃又可以當湯飲，一舉幾得👍👍…查看更多

📌太子水滾茶靚 一盅兩件實不相暪，平民食堂其實系由細飲茶飲到大，傳統點心就食得多，而要保留傳統手藝之餘加入新派創意其實真系吾容易。而，依間酒樓吾止有得飲早茶，而且仲可以一個人靜靜地飲夜茶 一 得閒飲茶 @letsyumcha🐷香茹燒賣 $32傳統點心，豬肉燒賣口感紮實充滿肉香😋👍🏻👍🏻🐤醬皇蒸鳳爪 $25我其實好鐘意噒鳳爪，個醬惹味得黎帶些小香辣😋👍🏻🐷蜜汁叉燒包 $22叉燒包亦系由細食到大，鹹中帶甜既經典味道😋👍🏻🦞龍蝦汁鮮竹卷 $33新派創意點心，用龍蝦汁代替平時常見既蠔油汁，而最令人驚豔既系鮮竹卷食落仍然脆脆地😋👍🏻👍🏻🦐得獎蝦餃之王 $36蝦餃皮晶瑩剔透，蝦肉帶鮮味，而且爽口彈牙😋👍🏻👍🏻🍠紫薯流沙煎堆仔 $32新派創意點心，賣相有d特別，算炸得幾脆，一咬開面既奶皇流沙餡都幾香😋👍🏻整體而言，點心價錢算親民，水準都可以，同三五知己飲啖茶食個包又或者想要自己一個靜靜地飲夜茶都系吾錯既選擇📍得閒飲茶地址：太子運動場道7B號地舖…查看更多

最近去咗太子嘅 得閒飲茶，老闆係有「蝦餃皇」美譽嘅點心師傅，仲榮登 大眾點評必吃榜2024，真係要朝聖一下。 🔸 得獎蝦餃— 招牌必食，蝦肉爽彈鮮甜、皮薄透光，咬落仲真係有筍尖，數過起碼有三粒蝦。 🔸 鵪鶉蛋燒賣 — 傳統燒賣加鵪鶉蛋，口感層次豐富，肉香同蛋香融合得啱啱好。 🔸 春風得意腸— 腸粉滑溜，餡料有滿滿蝦膠，加上脆皮，好好味🔸 魚翅灌湯餃— 真係有翅係個湯到，餃入面爆哂餡🔸 滋補燉湯試咗羊肚菌燉水鴨同五指毛桃燉豬骨，暖胃養生。 🔸 「太陽蛋」奶凍原來係以 3.6 牛乳製作，造型似太陽蛋，蛋黃係jelly黎，奶香濃郁，口感香滑，打卡味道兼備。 由傳統到創意款式，全部點心都見到師傅嘅心機同功夫，味道有水準之餘，賣相仲好精緻。無論係想同朋友輕鬆飲茶，定係搵靚景打卡，呢度都係一個好選擇。 …查看更多

星期日差少少十二點去到門口，等兩張枱，好快就有位。蝦餃（$36），餃皮夠彈性，夾起唔易穿，蝦肉餡一般，唔算太爽口。燒賣（$32），豬肉餡紮實，有彈性，不錯。鳳爪（$25），醬汁夠濃味，鳳爪有咬口唔會太腍身，不錯。潮州粉粿（$22），一般，梗係好似差啲嘢咁，但又講唔出。蔗糖馬拉糕（$30），鬆軟，微甜，可以。龍蝦湯鮮竹卷（$33），個汁真係唔錯，將脆卜卜嘅鮮竹卷浸滿湯汁一齊食，味道更豐富，推薦。紫薯流沙煎堆仔（$32），即炸，外層脆脆米，中層紫薯糯米皮，最入面流沙蛋黃，三重口感，而且味道亦不錯，推薦。京蔥香煎菜肉包（$26），即煎，油咗少少但可接受。包底微脆，餡料京蔥味欠奉，一般。茶錢每位$6，免收加一服務費。整體食物質素可以，收費合理，但座位較逼。…查看更多

假日午市人氣爆棚，首推「得獎蝦餃之王」（$36），皮薄透光卻韌性十足，內餡塞滿兩隻爽彈鮮蝦，中間夾雜筍粒提升層次，不愧為2011年「美食之最大賞」金獎之作。創意點心「千島醬脆皮蘿蔔糕」（$33）顛覆傳統——炸成圓柱形的蘿蔔糕淋上千島醬與柴魚片，外脆內軟如港式章魚燒，酸甜解膩。另「黑金流沙包」（$36）視覺吸睛，撕開燙手包身鹹蛋黃奶黃傾瀉而出，濃郁流心令人驚艷。人均$90-$100可嘗多款創意點心，蝦餃、流沙包必試，蘿蔔糕創新有驚喜。環境懷舊舒適，唯部分蒸飯稍普通。整體瑕不掩瑜，假日想避開酒樓人潮享受「即叫即蒸」點心，值得專程到訪。 …查看更多

晚餐突然好想食點心😋所以搵咗間全日供應點心喺太子嘅點心舖試吓🫶🏻呢度有唔同種類點心，例如即叫即蒸點心、腸粉、煎炸食物、蒸飯、燉湯等等，價錢幾親民，唔收加一服務費都算抵食👍🏻💛得獎蝦餃之王個名聽落好犀利所以一定要叫😂蝦餃大大粒有好多鮮甜爽淡嘅蝦肉😍💚醬皇蒸鳳爪醬料好惹味但唔會太鹹，鳳爪炆得好淋又入味👍🏻💛黑金流沙包唔算好流沙，不過餡料有蛋黃同奶黃香味🤩💚懷舊鵪鶉蛋燒賣好少地方有呢款懷舊點心😙豬肉餡肥瘦適中，有淡淡嘅冬菇香味😋好推介‼️💛蒜蓉粉絲蒸墨魚仔粉絲份量好多，墨魚仔索晒蒜蓉味😌有少少嚼口💚香脆鮮奶卷最後呢款當做甜品🥰就算唔係即刻上菜食，春卷皮仲好香脆，鮮奶餡淡淡甜味，加埋脆卜卜嘅外層食落好滋味🤤…查看更多

突然好想飲茶， 因太晏有好多茶樓都準備落場， 所以唯有搵點心店， 睇咗好多間食評， 好多都讚呢間食品唔錯， 所以抱住嘗試心態一試。 由於得兩個人食， 可點有限， 只點了6個點心， 潮州粉果， 醬皇蒸鳳爪， 蜜汁叉燒包， 而以下3個是店舖推介， 蒜香蝦春卷， 蝦餃之王， 千島醬脆皮蘿蔔糕。 頭三款點心味道都不錯， 粉果皮薄餡適中， 叉燒包的皮無蒸到腍晒，鳳爪亦無蒸過火， 店舖推介的蒜香蝦春卷滿滿的餡， 外皮真的好香脆， 唔會食到滿口油， 真係好好味😋， 蝦餃王皮薄同埋係原隻蝦， 超有誠意👍🏻， 千島醬脆皮蘿蔔糕炸粉唔厚， 非常脆口， 面頭加咗d柴魚乾再多一點味道層次。 總括嚟講， 食物方面真心好食， 唔係hea😋👍🏻 希望可以keep住水準啦。…查看更多

太子地鐵站幾分鐘路程就到達「得閒飲茶」地理位置相當便利，附近亦有不少直通巴士可以回內地北上前食點點心再乘車主打傳統和創意點心，全部即叫即蒸而蝦餃更是招牌點心，有蝦餃之王美譽✾ 得獎蝦餃之王 $36蝦餃皮薄晶瑩剔透，從外層看到粉色蝦肉內餡原隻飽滿蝦肉，爽口彈牙✾ 蟲草花魚翅灌湯餃 $38大大隻灌湯餃在蟲草花魚翅湯中湯清甜不油膩，餃皮薄滑輕易弄穿令內餡豬肉和蝦肉連湯一起食很豐富✾ 醬皇蒸鳳爪 $25鳳爪醬香入味，輕輕一抿就脫骨✾ 灌湯小籠包 $30小籠包湯汁豐盈，一咬就爆出湯汁湯汁多到連湯匙都載不住，流出來豬肉內餡鬆軟富油脂甘香，再加點醋和薑絲帶出肉鮮味✾ 棉花雞 $33雞肉嫩滑，魚肚軟綿吸滑湯汁搭配爽口蟲草花，增加點口感✾ 千島醬脆皮蘿蔔糕 $33外層炸至金黃鬆脆，蘿蔔糕軟綿帶蠟味鹹香唧滿千島醬和灑上木魚絲，彷似日式小丸子…查看更多

「得閒飲茶」唔單止係一句口頭禪，更係香港人生活嘅節奏。最近試咗一間主打高質點心餐廳，質素令人驚喜。餐廳堅持蒸點心「即叫即蒸」，上枱時熱氣騰騰。🦐得獎蝦餃之王皮薄透光，摺紋工整，一咬開就見飽滿嘅鮮蝦餡，爽彈鮮甜，蝦味濃郁。🥟灌湯小籠包亦係亮點，湯汁豐盈，肉餡鬆化，記得用匙羹接住湯汁，小心燙口！ 🌟黑金流沙包外型吸睛，竹炭包皮鬆軟，一撕開鹹蛋黃流沙澎湃湧出，香甜帶微鹹，食完唔會膩。🥬XO醬菜苗餃以微辣XO醬提味，菜苗清新爽脆，惹味得嚟唔會蓋過食材原味。 🦐韭黃鮮蝦腸腸粉皮滑溜透薄，蝦肉大隻彈牙，韭黃香氣點綴得恰到好處。🌟餐廳點心即製，熱度與新鮮度滿分，食物真材實料，間中想慰勞自己或同朋友慢嘆一餐，呢度係穩陣之選。 …查看更多

呢間點心專門店定價親民，茶位只係6蚊無加一，性價比極高。店內點心即叫即蒸，選擇又多。甜品方面實在太吸引，次次都忍唔住試吓佢哋嘅「邪惡甜品」。無論係傳統定創新款式，每一道甜品都充滿驚喜。好似香脆鮮奶卷，外層脆卜卜，內裡滲出濃郁奶香，真係令人驚喜！至於主食，原籠荷葉蒸飯係必點之選。米飯吸收荷葉嘅清香，口感軟糯，再配上濃郁香口嘅牛仔骨，簡直係完美嘅味蕾享受！配搭一碟白灼菜心，清新爽口，完美搭配。最後嚟一個3.6牛乳太陽蛋，濃濃奶香滲透每一口布丁，滑溜溜嘅質感令人意猶未盡。整體而言，呢間餐廳唔單止菜式豐富、味道出眾，更帶俾人地道又愉快嘅用餐體驗！溫馨提示：周末飲茶高峰時段要預留番充足時間等位…查看更多

行主教山水庫，經過運動場得閒飲茶，之前食過，覺得點心可以，小店預咗快餐食點心，環境比較擠，差不多滿座，入到去一位男侍應招呼我哋坐7號二人枱，斜對正開門位，心諗好快完成午餐，但人出人入，食正風口位，落完單見到裏便剛有人離坐，同侍應講想轉枱被拒絕，算啦，都好快食完！但真係每分鐘都有人開門一次， 食風位，分分鐘都被風兜口兜面吹到正，當有人起身埋單經過要走，就要褪一次位，真係食到由背脊骨落！食完埋單，我覺得這個三剎位不應該讓顧客坐，同侍應反映，卻被搶白一番！之前一次坐了角落卡位，坐了一會，佢哋話員工準備開飯，要我們轉枱，還可以接受！這次員工的態度好差，貼錢買難受，附近仲有得揀，得閒也不會再嚟！😤…查看更多