得閒飲茶

營業中

休息中

香港美食文化之一：飲茶，以前飲茶通常都係白天的事情，隨住時代嘅轉變，依家夜晚都可以食到點心. 太子這間點心店，經營時間朝七晚十一，吸引我幫襯嘅其中一點就係全日免收加一服務費，即等於打咗個九折一樣.點心價錢亦都幾親民，好似蜜汁叉燒包（三隻）同潮州粉粿（三隻）都係$20，燉湯都係$36，仲要好足料. 今次我哋叫咗香菇燒賣$32、蒜蓉粉絲蒸墨魚仔$38、得獎蝦餃之王$36、章魚飯$42、花生瘦肉燉雞腳湯（套餐加配只需$30），茶位$6. 香菇燒賣同蝦餃也是大大粒，用料好足，蝦餃皮薄通透，蝦彈牙爽口，燒賣豬肉餡料比例平均，蒜蓉粉絲蒸墨魚仔平飲茶好少食到，蒜味香口，章魚飯有河葉墊底，蒸出嚟啲飯特別香＇飯嘅質感軟硬適中，肉餅有口感之餘肉質鮮嫩彈牙，唔會蒸過龍無哂水份，燉湯用料好足，雞腳入味淋身，服務方面也不錯，性價比高，整體來講不錯.