麵家

營業中

休息中

雞白湯河粉 新派麵店見到登龍街新開一家面檔，主營港式粉面。店舖裝修以原木色為主，乾淨明亮非常cozy。我嗌左一碗乜都有湯河粉，一碗乜都有撈幼面，湯底試左招牌雞白湯。店家每日現煮，湯頭鮮甜，完全可以飲晒。送有雲吞，牛丸，墨丸，貢丸，牛腩另外仲有菜。撈麵配搭蔥油，超級惹味。麵家所有面都係香港製造，來源於老字號永樂，河粉使用70年歷史既雙喜，支持本地👍有心小店。P.S.菜脯超好味🤤辣椒油都好香，鍾意食辣既朋友仔一定要來試試

新式麵店裝修，樓底高，大玻璃，感覺簡潔舒適。點了雙拼湯麵，櫻花蝦雲吞+慢煮牛腩大地魚雞白湯幼麵，兩款餸都很好食。雲吞蝦大鮮味，內有櫻花蝦及其他材料，多重口感。牛腩軟滑，半肥瘦，有油香，慢煮方式較一般牛腩好食，有誠意。麵沒有梘水味，湯濃厚鮮甜，唯對於不習慣濃味的我，喝完後有點口渴。另外很喜歡有三條菜心，全碗麵變得清爽圓滿。菜脯、辣辣油也不錯。服務有禮，一班青年人用心經營，希望可以保持水準及繼續進步。加油！

平時搵食都比較鍾意搵小店，感覺上好似比較有heart 啲，唔會太公式化. 今次食嘅係位於銅鑼灣登龍街嘅麵家. 主打自家製港式粉麵，聽講啲牛腩係自己炆同雲吞都係自己包. 至於招牌雞白湯就熬至少8個鐘，用上大量雞骨雞殼雞肉去熬製，真係真材實料，真係少啲heart都做唔到.咩都有麵🍜依個麵真係啱晒我依啲貪心乜都想試吓嘅人，因為佢真係咩都有啲，有雲吞、墨丸、牛丸、魚蛋、牛腩及貢丸，麵都有幾款可以揀，我選了河粉配招牌雞白湯湯底雞味出，唔會過濃過重口味，清而不淡，色澤出，一啖湯一啖河粉咁食幾正.河粉柔軟滑身，厚薄適中，牛腩有別於傳統粉麵店嘅外型，佢係比較薄身，肥瘦均勻，唔會炆到鞋口，牛丸貢丸墨丸爽口彈牙.招牌櫻花蝦雲吞魚蛋撈麵撈麵汁可以選腩汁或蠔油，我選咗腩汁，另外湯就選配招牌大地魚雞白湯大地魚味比較出，比單純雞白湯濃郁，這個湯底配雲吞幾夾，雲吞大大粒，咬開成隻蝦喺裏面，用料十足，皮薄餡靚. 魚蛋口感柔滑鮮味出，麵底加咗錢要蝦籽麵，灑上蝦籽，彈牙香口.一問之下，原來係出自老字號永樂粉麵廠，而河粉就係來自出名河粉嘅另一老字號雙喜，果然選料上有花過心思絕不馬虎.另外叫咗豆漿同時令油菜，蔬菜新鮮翠綠.至

登龍街多嘢食就係人都知，今日行過見到一間麵舖，門面一啲都唔似傳統麵舖，一於入去試下！雖然店面唔太大，但樓底好高，枱椅好精緻，環境非常舒適！菜牌上應有盡有，一般麵店有嘅佢都有，睇睇下就畀一個名吸引住~~咩都有撈麵~~即係有咩呢？？🍜咩都有撈麵：顧名思義佢店裏面有嘅都有～牛腩、雲吞、魚蛋、墨丸、牛丸、貢丸！！啲丸全部都好彈牙爽口～牛腩佢用嘅係坑腩，所以又淋又入味～雲吞大大粒，仲浸住響個湯度，熱辣辣，又爽口～一定要一提佢個湯🥰，味道好特別，飲落完全唔係一般粉麵舖嘅味道，原來全部都係用鮮雞淆製嘅雞白湯，所以一啖就飲到好香濃嘅雞味，跟個撈粗～一流！！🍜三餸麵：牛腩、牛筋、雲吞跟幼麵，配菜唔洗講，啲麵好爽口彈牙！就算食到味都唔會變到好冧～呢個湯我揀咗大地魚底雞白湯，響雞湯嘅層次上又多咗一陣大地魚嘅香味！！叫多個油菜，再嗌個原味豆漿～飽晒！！

係銅鑼灣做完運動經過v point見到有間新嘅麵店下午茶走咗去食雞白湯麵同我想像中好唔同佢唔係撞座銀好濃嘅雞白湯反而係清清地比較鮮味可以成碗飲晒再加埋極大粒雲吞都幾有驚喜我覺得佢個蔥油撈麵比佢個湯麵更加好食蔥油非常之香啲面有彈牙啲餸都冇揸流攤牛腩牛筋都非常之入味同埋軟熟個墨魚丸超級大粒又有墨魚味最重要係成間舖頭乾淨企理食完又唔會好口渴即係代表唔係真係好多味精好有自家製嘅風味食夠10碗仲會送一碗麵都真係幾抵食

聽友人講近排係CWB開左新餐廳，鍾意食粉麵既我地，決定一齊試下。小店裝修乾淨企理，主打港式粉麵及無味精湯底，麵係超過50年老字號永樂，河粉係超過70年既雙喜，全部都係香港制造。聽聞雞白湯工序繁複，日熬至少8小時，難怪湯頭咁鮮甜🤤我同友人飲晒成碗，之後無口乾，相信係真材實料。粉麵大大碗，而且出品用心，幾高CP雙拼金錢肚｜墨丸金錢肚軟腍索味，墨丸爽口彈牙雙拼牛筋｜秘製慢煮牛腩牛腩軟腍入味，牛味香濃😋牛筋口感軟腍，有助增肌補充骨膠原時令油菜紅茶花伝檸茶可樂

有多間麵食的登龍街，最近又巿麵店進駐。店家標榜做法和食材用心。先講湯底，餐廳設有兩款湯底一款是大地魚雞白湯，另一款是雞白湯，雞白湯入口清甜有鮮味，全日每日堅持至少熬煮8小時。麵食，幼麵、粗麵都用上了本地老字號麵食品牌永樂麵廠出品，沒有鹼水味，更食到面的麵粉和蛋香，入口爽口彈牙。而主打的牛腩更用上慢煮方式，保存了肉香，同時有軟腍的口感。還有自家製的菜脯，咬落索索聲，很爽口。推介「咩都有湯麵」，一碗有幾款丸、牛腩及雲吞。雲吞更值得表揚，自家鮮包，大大隻又皮薄多餡，還有蝦籽味和大大隻蝦肉。可惜光顧當天，是放工時間，店家初初開業，很多食物都售罄，下次再去光顧，再試試更多好吃的。

今晚同友人係銅鑼灣食飯，去了間港式粉麵小店，其實說小也不小，因為店舖空間算頗大，跟傳統細小的港式麵店不太一樣，門面霓虹燈招牌幾時髦，店內裝潢以木系餐桌為主，靚裝修，乾淨企理，佈置又帶點港式情懷。餐牌上更註明他們用的麵是超過五十年老字號永樂、河粉用超過七十年的雙喜，真係完全香港製造，真係要支持下。秘製慢煮牛腩麵 $58店家的牛腩全部是自家炆慢煮牛腩，可以選肥腩或瘦腩，個人喜歡偏肥的，油香多一點，牛腩炆到好腍身好入味，不鞋口亦不痴牙。幼麵麵身幼、麵質爽口彈牙。那碗無味精湯底好好飲，我選了招牌大地魚雞白湯，日熬至少八小時嘅湯底，難怪咁鮮甜，飲完暖笠笠。咩都有撈麵 $86配料真係咩都有一點，包括墨丸、牛丸、魚蛋及貢丸，每粒都口感結實又彈牙，當然仲有美味牛腩，不過最驚艷的是店家自己新鮮包的雲吞，大大粒，幾乎食到原隻大蝦，勁足料。時令油菜 $22、飲品 $10起食麵當然要配碟油菜，菜心柔嫩無渣，水準正常。飲品有式可樂、豆漿及茶可選。

今日就嚟到銅鑼灣登龍街試下一間超有誠意的小店【麵家】主打所有粉麵湯底均可揀選熬製超過８小時【無味精】的濃厚【雞白湯】，或招牌大地魚雞白湯。更配上香港製造50年老字號永樂的【麵】及超過70年老字號的雙喜【河粉】！ 店鋪環境企理，裝潢設計既有時代感又保留舊式麵家，更設有有高檯位，用QR CODE落單，可因應個人口味customizer，非常方便。秘製慢煮牛腩麵 $58招牌大地魚雞白湯 配河粉未食先飲一啖湯，味道清得來好香濃的大地魚味， 配上自家炆的牛腩，牛腩都炆得好腍滑，真係會追住食！咩都有撈麵（雲吞/墨丸/牛丸/魚蛋/牛腩/貢丸） $86+$12蝦子麵 / 多青 / 蔥油（正常）貪心的me梗係要咩都試下，撈麵可揀蠔油、腩汁或蔥油；麵就+$12蝦子麵，最有驚喜就係大大粒雲吞裡有原隻日本櫻花蝦，配上雞白湯！ 雞白湯真係好濃郁，成碗湯入晒！！真係好鬼正！-時令油菜 $22-Overall嚟講真係上菜又快，環境又NICE!最正係成碗麵都好用心製造!個人中意味濃d！所以雞白湯真係好啱我～牛腩同雲吞都係必食

有時放工簡簡單單食碗麵🍜 上個禮拜就去新開嘅港式粉麵店👉🏼 麵家，吸引我之處就係店家嘅招牌雞白湯湯底，至少熬咗8個鐘🤩 我最鍾意食麵而又可以飲埋湯㗎喇～餐廳裝修比坊間嘅粉麵舖用心，整體感覺乾淨舒服😌➿ 時令油菜($22)➿ 秘製慢煮牛腩撈麵 ($66) * 腩汁欣賞佢哋嘅牛腩都係自己炆煮，肥瘦比例平均，口感軟腍，牛味都幾濃🐮 撈麵附上嘅上湯都係用返自家製嘅湯，高質高質！➿ 咩都有麵($78) * 蝦籽麵(+$12)顧名思義，有好多配料，有大大粒爽口彈牙自家製鮮蝦雲吞，亦都有四款丸類(墨丸、牛丸、魚蛋、貢丸)，同埋幾舊牛腩～ 鮮蝦雲吞好食到覺得一前真係唔夠喉😛 湯底都係一大重點🌟招牌大地魚雞白湯，湯頭呢清甜反映好真材實料，同撈麵嘅上湯唔同，雞白湯大地魚、仲有蝦籽麵嘅味道，層次豐富咗～➿ 零系可樂（+$10）➿ 紅茶花伝檸茶 (+$15)🌟欣賞佢對麵底都有要求，又有行動支持made in hk嘅品牌～麵係用超過50年歷史嘅老字號👉🏼 永樂，河粉就用超過70年歷史嘅雙喜～🐳

“招牌櫻花蝦雲吞魚蛋麵”($55)“咩都有撈麵”($86)“時令油菜”($22)平時都幾鍾意食潮州粉麵但呢啲麵檔通常都比較舊同油笠笠所以多數都係買外賣返屋企食😂不過最近經過銅鑼灣發現有間新開嘅麵家舖面乾淨企理又光猛,即刻入去食返碗麵先🤭呢道主要提供湯麵/撈麵,亦都有淨食各款乾麵係選用超過50年歷史嘅永樂粉麵廠保證食到最正宗嘅港式情懷☺️首先點咗碗招牌櫻花蝦雲吞魚蛋幼麵湯底可以選擇雞白湯/大地魚雞白湯🐔我就揀咗淨雞白湯☺️雞白湯每日熬至少8個鐘,味道超鮮甜🥰個湯好飲到最後成碗清哂🤤櫻花蝦雲吞大大粒,食落又香蝦肉又爽口🦐白魚蛋都好彈牙,正😋另一碗點咗咩都有撈麵拼蔥油有齊雲吞,墨丸,牛丸,魚蛋,牛腩,貢丸麵底揀咗蝦籽麵(+$12),食落鹹鮮十足😚連平時唔多好蝦籽麵嘅我都覺得好好食😛食粉麵又點少得叫返份油菜🥬加上蠔油一齊食成件事好圓滿😆

咩都有湯麵三拼撈麵時令油菜好味指數：😋😋😋😋😋抵食指數：💲💲💲💲💲環境舒適：😌😌😌😌環境衛生：🧹🧹🧹🧹🧹服務質素：💁🏼‍♀️ 💁🏼‍♀️ 💁🏼‍♀️ 💁🏼‍♀️工作了一星期，好累，不想煮飯，想簡簡單單吃點東西。去了銅鑼灣這間新開的麵店用餐。這間小店與一般港式麵店感覺不同，環境比較乾淨企理，空間較寬敞，裝修亦較用心。麵有分湯麵🍜或撈麵。2款都試了。湯麵可選大地魚雞白湯或雞白湯。而撈麵就配一小碗雞白湯。招牌雞🐓白湯雞味濃郁，不覺有味精。原來工序繁複，每日要最少用8小時熬成。湯底真的好好味，喝得一滴也不剩。店的麵是出自超過50年老字號的永樂。幼麵爽口彈牙。而河粉是香港制造，出自超過70年的雙喜。三拼麵選了牛筋、牛坑腩、金錢肚。慢煮牛腩自家炆，不韌。牛筋超腍又入味。金錢肚吸滿腩汁。咩都有湯麵有幾款丸、牛腩及雲吞。雲吞是自己新鮮包，大大隻皮薄餡靚，有蝦籽味，又有大大隻蝦在內。最後要提的是醃菜脯爽口又美味，期待店家會一樽樽的賣給客人。

白雞湯牛雜麵牛雜真心正 😍😍夠腍 又有口感😍 。味道足 。冇雪味 仲要完全冇酥味👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻連牛肺牛蒡 都好好食超掂👍🏻力推好食過太安樓牛雜好似叫乜都有撈麵 👍🏻❤️一個撈麵有齊 牛腩 墨丸 牛丸 貢丸 魚蛋 魚片 仲有乒乓波雲吞 同白雞湯 。樣樣都唔錯牛腩係我鍾意食嘅肥腩夠晒牛味又好鬼淋蝦子雲吞勁大粒 😍老細話係招牌菜之一 啲丸款款都唔錯 牛丸仲幾Juicy添我同老公都好鍾意佢個白雞湯底 。仲要唔使加錢❤️下次經過會一定會再食

慢煮牛腩麵煮得好腍，又好味湯底係魚湯冇味精，所以我全部飲晒…我鍾意周圍食嘢，我食咗好多間牛腩都冇呢間咁好食…最冇得輸就係平而好食😋老闆真係好有誠意去煮呢個麵，所以我都稱讚他…有時間你哋可以去試吓點解我講話冇得輸…我希望老闆繼續堅持同執着做食物嘅熱情希望我哋香港可以食到一間有水準而又價錢公道嘅食物🥘…加油👍🏻😋😋🥰🥰