麵家

營業中

休息中

麵家 Min Gaa雲吞麵店fusion, 用左雞白湯底. 價錢以地點講唔算貴, 環境乾淨, 唔怪得晚上6點幾都爆場 雲吞、金錢肚、秘製慢煮牛腩三拼撈麵 $86用左老字號「永樂麵廠」麵, 口感爽口無咩鹼水味. 簡單拌甜醬油好食雲吞另外用大池魚雞白湯裝, 圓圓大粒, 好似沾仔記. 皮薄餡除左原隻蝦同好豬肉, 據說仲有櫻花蝦同蟹籽粒相對個味無咁出. 個雲吞肉味為主, 無平時食開咁爽彈牛腩可按喜好揀肥瘦, 選左肥. 牛腩切得均稱, 肥位較香濃牛味, 軟腍無渣. 金錢肚另加$10, 爽口入味火辣紫薯三拼撈麵 $84加$10要牛腩, 同魚蛋墨丸, 魚蛋夠彈口, 墨丸都好香. 夾埋佢個辣咖喱好惹味. 紫薯無實體, 已溶入咖哩中, 所以咖喱口感更綿溶溶好掛麵. 所有撈麵湯會另上, 選左日式雞白湯, 口感濃到帶微稠, menu 寫無味精、無添加, 經8小時熬製, 飲落的確幾香濃. 而大池魚雞白湯就相對清dd, 最後飲哂時令油菜 $22當日係菜心苗銅鑼灣登龍街18號V Point地下3號舖

呢間位於銅鑼灣嘅麵家係一間好有心思嘅港式粉麵小店！餐廳主打招牌雞白湯，聽講呢個湯底係每日至少用8個鐘頭熬製而成，工序繁複，絕無添加任何味精，可以放心飲哂成個湯底！店內裝修以木系嘅簡約風為主，環境乾淨企理～✨招牌櫻花蝦雲吞麵櫻花蝦雲吞特別大粒，因為係餐廳自己每日新鮮包嘅！皮薄餡靚，散發住濃郁嘅海鮮鮮味！雞白湯清澈而鮮甜，質地順滑，係進店必點！幼麵係選用咗「永樂」呢間超過50年老字號嘅品牌粉麵廠！麵質同味道都好經典，充滿港式情懷～✨秘製慢煮牛腩拼牛丸河慢煮牛腩亦都係餐廳自家炆嘅，肥瘦均勻，肉質軟腍！牛丸爽口彈牙！大地魚雞白湯就多咗一份魚嘅鮮味，味道甜美！而河粉都係香港制造嘅，選用咗超過70年歷史嘅呢個品牌「雙喜」！河粉比一般嘅偏幼身，質地柔滑細膩～鍾意食辣嘅人，千祈唔可以錯過小店嘅辣椒油同埋辣菜脯啊～✨時令油菜-菜心苗呢到嘅油菜可以自己選擇配蠔油定係腩汁，今次揀咗配腩汁！微甜嘅腩汁同菜心苗嘅清新口感相得益彰～✨壹品豆漿✨檸檬可口可樂

「麵家」喺銅鑼灣V Point地下，裝修企理又光猛，白色磚牆配木系枱凳，成間店乾淨到反光！晚市衝過嚟食碗熱辣辣嘅粉麵，簡直係打工仔救贖～ .🔥🍠火辣紫薯咖哩三拼撈麵限時新品！紫薯蓉溝咖喱汁竟然超夾，幼滑得嚟帶微甜，辣度夠哂過癮（食得辣必試！）。三拼揀咗 慢煮牛腩（瘦一點版）＋貢丸＋雲吞，牛腩係自家炆足鐘數，咬落鬆化唔黐牙；轉咗蝦籽麵超聰明，掛滿咖喱汁嗦嗦聲！貼心提供咖喱汁另上，唔怕浸淋麵～ .🐔 雙拼（櫻花蝦雲吞＋牛筋）配招牌雞白湯老實！日日熬8粒鐘嘅湯底真係無得輸，飲落濃到黏嘴唇，成碗清晒仲想encore！配櫻花蝦雲吞幼麵，乒乓波咁大粒嘅雲吞係每日新鮮包，蝦仁爽彈＋粉嫩豬肉餡，鮮甜到震～ 牛筋煮到半透明，啜落「咻」一聲溶喺口，配永樂50年麵廠嘅幼麵，港式情懷滿分！ .🥬時令油菜揀咗腩汁菜心苗，菜心苗嫩到無朋友，腩汁鹹香吊出菜甜，簡單但高質！ .🥛豆漿解辣一流～ .總結：慢煮牛腩同手包雲吞真心高質，細店用心做嘢，環境舒服到可以hea足成個下晝。午市快食、下午茶輕量、晚餐輕食都啱key，銅鑼灣搵食記住mark實！

銅鑼灣美食集中地燈籠街原來有間港式粉麵🍜 雖然呢條街有幾間麵店 但係佢嘅定位都幾唔同‼️ 呢度將港式粉麵提升咗好多✨ 飲到雞白湯 又用香港老字號永樂同雙喜嘅粉麵🇭🇰❣️咩都有麵 $78個名簡單直接 有雲吞 墨丸 牛丸 魚蛋 貢丸 牛腩💦 咩都有啲好豐富🔥慢煮牛腩係自家炆 仲可以揀肥啲瘦啲 肉味濃唔柴🐄 招牌櫻花蝦雲吞自己新鮮包 皮薄餡靚成粒乒乓波🦐魚蛋同魚片都有 好彈牙🐟 另外墨丸我念念不忘 新鮮到食到墨魚粒嘅膠質🦑麵底揀咗幼麵 配上大地魚雞白湯 湯底有平時粉麵店兩倍濃郁但唔咸💕真係清淡得來又好食 仲可以加啲辣菜脯或者辣油變化下🤌🏻🤪❣️秘制慢煮牛腩拼牛筋 金錢肚 撈麵 $96撈麵仲另外有碗湯 招牌雞白湯感覺到熬咗好耐 擺咗一陣面頭有啲膠質💦 唔似係日本拉麵嗰種雞白湯比較中式 有啲蜜棗嘅甜味又唔會有肉臭味🐓呢個價錢雖然貴啲但係反映咗係肉量🐄🐄🐄真係俾咗超級多料‼️牛筋係超級軟腍入晒味甜甜地 冇牙婆都食得超好食‼️呢碟嘅牛腩仲靚 肉質再結實啲 加上醬油肉味濃到一瞬間以為食緊嘢野味🤣金錢肚好靚仔 處理得乾淨 爽口彈牙又入味🌟❣️時令油菜-菜心苗 $22鍾意佢蠔油分開上可以食得健康啲🙂‍↔️🥬條菜本身已

🇭🇰 Causeway Bay 銅鑼灣｜Min Gaa 麵家New noodle place alert! This restaurant may look like the other noodle 🍜 place but what’s so special about it is their unique broth that is used for the noodle! It takes over 8️⃣ hours to make their wonton noodle broth! Even the wonton are made by themselves everyday to ensure the quality and freshness! 😆Here are some noodles that I tried:•𝐒𝐞𝐜𝐫𝐞𝐭 𝐒𝐥𝐨𝐰 𝐂𝐨𝐨𝐤𝐞𝐝 𝐁𝐞𝐞𝐟 𝐁𝐫𝐢𝐬𝐤𝐞𝐭 𝐍𝐨𝐨𝐝𝐥𝐞𝐬 (𝐂𝐨𝐧𝐜𝐞𝐧𝐭𝐫𝐚𝐭𝐞 𝐂𝐡𝐢𝐜𝐤𝐞𝐧 𝐒𝐨𝐮𝐩)The beef brisket 🥩 is perfect in terms of texture and I love the

平時好少食港式粉麵，但見到呢一間係用自己煲嘅雞白湯，就即刻好有興趣來試一下。同朋友叫咗一個湯麵，同埋一個撈麵。湯底可以選擇雞白湯或者大地魚雞白湯。聽店員講個湯底每日都要熬煮至少八個鐘，最重要係冇味精，所以一入口即刻真係feel到嗰種好鮮甜嘅感覺，完全一滴不留飲晒。另外嗰個雲吞真係大大粒，一咬開每一粒都有一隻大大嘅蝦，全部都係店家自己親身包的。仲有個慢煮牛腩，一入去好鮮嫩，炆得好入味。另外成間舖頭好有舊式嘅港式情懷，乾淨企理，服務員超級好嘅服務，令到我已經好想下次再幫襯，多啲支持有心既小店

銅鑼灣登龍街真係好多嘢食，今次見到呢間牛腩雲吞麵，試完真係想再encore ! 有心小店，環境乾淨企理 🍜秘製慢煮牛腩+招牌櫻花蝦雲吞+魚蛋雞白湯河粉自家炆慢煮牛腩口感軟腍，雲吞係自家新鮮包，用櫻花🌸鮮蝦同肉碎，大大粒，滿滿嘅餡料，真係做到皮薄餡靚，魚蛋又滑又彈牙，家姐超鍾意食 🥰湯底係雞白湯鮮味十足，每日熬製八個鐘，好有自家湯嘅感覺，細佬可以成碗飲晒，河粉亦係香港製造，70年老字號嘅雙喜，都係香港製造

🐥今次試食用鷄白湯整嘅港式粉麵，味道原來係超夾又濃郁👅好有驚喜呢🥳🍜咩都有麵：樣樣都想試吓就一定要試吓呢碗咩都有麵喇😋呢碗揀咗香濃掛湯嘅雞白湯湯底🐤鮮甜嘅湯底夾住煙韌嘅麵條🍜好滋味呀🈵入面仲有雲吞🥟墨丸🐙牛丸🍡魚蛋🍢牛腩🐂貢丸🍡樣樣都咁好食🤤🥟招牌櫻花蝦雲吞麵：佢哋嘅雲吞好大粒💯size大到好似一粒小籠包🉐皮薄餡靚🈵隻隻都飽飽滿滿好多料添✅雲吞仲係朝早包完就晏晝賣🩷晏晝包完就夜晚賣雲吞🉐好新鮮呀👍呢碗我揀咗蝦籽麵同大地魚雞白湯湯底💯蝦籽麵口感彈牙好推介✅加埋大地魚嘅雞白湯湯底味道仲濃仲鮮甜😋超鍾意❤️🥦時令油菜：小食揀番碟菜🥬好嫰口✅都算大份👍🥤紅茶花伝檸茶：係檸檬紅茶同蜜桃紅茶嘅混合體👍味道唔錯✅🥤冷萃烏龍茶：茶味甘甜✅入口有冇淡雅花香💯順喉清爽😋唔甜👍

第一次去銅鑼灣登龍街呢間麵店食麵。入面以木枱凳為主，佢有圓枱同bar枱，環境乾淨企理。裝修有D似八十年代的麵館，富有港式情懷。我叫咗三拼麵。櫻花蝦雲吞、慢煮牛腩、墨魚丸。面底我揀咗幼麵。櫻花蝦雲吞好大粒，非常足料。雲吞入面加入左櫻花蝦，比平時傳統嘅雲吞，味道同口感更加豐富，多咗櫻花蝦嘅味道，咬入口更加香。慢煮牛腩，佢哋嘅牛腩係自家炆，炆得好好味，好爽口，半肥瘦，咬落去有牛嘅油香味同埋好濃郁嘅牛肉味。墨魚丸爽口彈牙。湯底係大地魚雞白湯，每日熬足8小時，味道濃郁，好有魚嘅鮮味同清甜。我差唔多成碗湯飲晒。佢哋嘅麵係選用超過50年老字號嘅永樂粉麵廠。品質有保證。喺銅鑼灣可以搵到一間40幾蚊就可以食到一碗麵嘅麵店，係好難得！經濟實惠之餘，仲要係好味、質素好。呢間富有人情味小店，值得推介！

行過銅鑼灣，比呢間鋪頭出面寫住「無味精濃厚雞白湯」同「秘製慢煮牛腩」吸引左入去。今次嗌左兩款傳統港式粉麵，一個係慢煮牛腩櫻花蝦雲吞金錢肚米粉配大地魚雞白湯。碗麵一上枱，真係嘩左一聲出黎！啲牛腩肥瘦適中，牛味勁濃，肉質軟嫩帶有嚼勁👍🏻雲吞又係自家製勁大粒，仲見到有成隻蝦係入面架！另一碗係咩都有麵配雞白湯。招牌雞白湯工序繁複，日熬至少8小時嘅湯底，湯底可以飲哂河粉係用超過70年的雙喜牌，香港製造。咩都有麵係有雲吞、墨丸、牛九、魚蛋、牛腩同貢丸。墨丸同魚蛋彈牙，貢丸味濃。呢碗可以滿足咩都想試下嘅朋友～每枱仲有自家菜甫同自家辣椒油任落，岩晒鍾意惹味嘅你～麵家店員親切，入面有靚裝修，而且乾淨企理，最平$48就食到一碗麵，係午市同下午茶必吃之選～

銅鑼灣想搵高質粉麵，近年好多人都推介「麵家」，裝修明亮新淨👍最出名就係佢既兵兵球咁大粒既雲吞 真係必叫必試😀飲埋佢每日新鮮熬製既雞白湯 真係好似食緊拉麵咁招牌櫻花蝦雲吞麵雲吞內餡大粒飽滿，皮薄餡靚，雲吞加入櫻花蝦，咬落有層次又帶鮮香🦐🦐麵底選用港式爽彈幼麵，每碗都配招牌雞白湯，湯底用超過8小時熬製😀夠鮮甜無味精，飲落唔口渴，雞味特別濃郁秘製慢煮牛腩撈麵🐮🐮主角牛腩用心慢煮，牛味香濃、軟腍入味配埋撈麵一齊食更覺滋味再加牛筋、金錢肚等配菜，份量豐富，非常足料食食下仲發覺店內仲有「咩都有麵」😆即係一次過試齊多款餸料，岩哂大胃王呀 我都想試下呀下次麵質真係好彈牙 原來係用左永樂粉麵廠😍係超過50年本地老字號品牌以傳統工藝生產各類手工粉麵 主打包括蝦子麵誠意之選呀❤️📍麵家 (銅鑼灣)📍香港銅鑼灣登龍街18號V Point地下3號舖

餐廳有別於一般嘅傳統粥麵店，以熬製超過8小時嘅雞白同大地魚雞白湯作為湯底，湯頭濃郁而唔膩。店內採用嘅乾麵、河粉同雲吞皮都係選用香港老字號品牌永樂粉麵廠同雙喜，隰桑可以將香港傳統手藝傳承落去。期間限定菜色有火辣紫薯咖喱撈麵，辣勁十足，仲有粒粒紫薯加添口感，麵條軟硬撐度適中，點湯食幾夾，菠菜麵比較少見，散發著淡淡香氣而且帶咬口，蝦籽麵口感細膩，無鹹水味，各有千秋，值得試試。有選擇困難症嘅不妨叫咩都有麵，有齊牛腩、雲吞、牛丸、墨丸、魚蛋、貢丸等，配料豐富，粒粒彈牙、牛腩仲可以揀要肥定瘦，慢煮熬製，肉質軟綿，金錢肚夠淋又入味，牛筋入口滑溜，食落大滿足。最後記得要加埋店內自家製辣椒醬同鮮辣菜脯，絕對可以令味道昇華。

今晚嚟咗一間好有人情味鏡麵食小店麵家，食得出用心製作，誠意之選，價格合理，性價比幾高秘製慢煮牛腩拼魚蛋撈蝦子麵，自家炆慢煮牛腩口感軟腍，蝦子麵係超過50年嘅老字號永樂，係香港製造，大地魚雞白湯好清甜，完全可以當自家湯咁飲，魚蛋又滑又彈牙招牌櫻花蝦雲吞拼墨丸河粉，雲吞係自家新鮮包，用上鮮蝦同肉碎，滿滿嘅餡料，真係做到皮薄餡靚，墨丸爽口彈牙，湯底雞白湯鮮味十足，每日熬製八個鐘，好有自家湯嘅感覺，成碗飲晒，河粉亦係香港製造，70年老字號嘅雙喜，都係香港製造香脆魚皮，魚皮夠晒脆卜卜，驚喜嘅係有Shake Shake粉，識落更加香口惹味飲品揀咗相對健康嘅豆漿同埋烏龍茶麵家環境乾淨企理，坐得幾舒服，亦都幾受歡迎，keep住坐滿人，午餐定晚餐都係幾好嘅選擇

店員親切，落單時還會細心介紹食材來源，真係好有心。🍜 咩都有麵 ,有雲吞、墨丸、牛丸、魚蛋、牛腩、貫丸一次過滿足！配上蝦籽麵，麵條爽口彈牙，蝦籽香氣撲鼻，唔會太鹹，啱晒鍾意重口味又唔想太膩嘅人。🥟 雲吞係店主親手包，每粒都飽滿，蝦肉鮮甜，皮薄而不易散，咬落去有種「爆汁」嘅驚喜感。🐂 牛腩係慢煮炆製，入口即化，牛味濃郁但唔會有羶味，配埋大地魚湯底，真係一口接一口停唔到。🥬 蠔油菜心清甜爽脆，蠔油唔會搶味，反而提升咗菜心本身嘅鮮味，係一個好平衡嘅配角。

港式粉面x雞白湯‼️呢間餐廳賣點一定系個靚湯底，每日新鮮熬制8小時！有雞白湯 / 大地魚雞白湯兩款選擇～兩款都好推薦，夠曬鮮甜，完全系家的味道😆餐廳系用50年老字號永樂嘅面，香港製造品質有保證👍🏻必試推介🌟▫️自家制慢煮牛腩牛腩好出色，肥瘦均勻，牛味濃郁▫️自家制雲吞每日新鮮包，好似乒乓波咁大粒非常飽滿，鄙薄餡靚另外佢哋嘅菜甫譜同辣椒油都好正！加落撈面一齊食超夾👍🏻面家 (銅鑼灣)銅鑼灣登龍街18號V Point地下3號鋪