🙋🏻‍♂️餓底探員今晚去咗金鐘調查呢間泰國菜，佢係泰國過江龍Nara飲食集團旗下嘅一個品牌，除咗有Nara品牌嘅招牌菜式，仲有一系列創新菜式，打破咗餓底對泰菜嘅既定觀念👍🏻 🥥Coconut Chicken Soup $128 🙋🏻‍♂️表示個椰子雞湯入面有好多雞肉，配上蘑菇，香茅，辣椒乾等配料，用火㷫住保溫，呢個位好貼心，飲落個湯鮮甜濃郁，雞肉嫩滑，加上泰式地道香料，夠晒惹味 🍗Signature Appetizer Platter $218 🙋🏻‍♂️表示個拼盤有肉丸，炸豬頸肉，單骨雞翼，炸蝦餅同春卷，餓底最愛個肉丸，食落爽彈多汁，味道辣辣地，炸豬頸肉外層口感酥脆，食落有咬口，有別於一般嘅炭燒豬頸肉，幾特別 🍜Pandan Noodles with Fish Maw & Chicken $158 🙋🏻‍♂️表示個斑蘭金麵配上大大嚿花膠同雞絲，斑蘭金麵炸到酥脆，花膠軟腍有咬口，雞絲嫩滑，配上濃厚嘅湯汁，食落非常惹味 📈吃貨指數 😋好味度 8/10 🔙返啅度 8/10

🙋🏻‍♂️餓底探員今晚去咗旺角調查呢間新派川菜，佢有多款菜式都好signature，賣相吸引，造型搶眼，勁igable，今次終於有機會嚟朝聖，好期待 🦐荔枝蝦球 $108 🙋🏻‍♂️表示個蝦球整成荔枝外型，逐粒掛咗喺棵樹上面，盤入面加咗乾冰，令大量煙霧滲出嚟，賣相非常吸晴，打卡一流，蝦球炸得酥脆，食落口感爽彈，味道鮮甜，配上加入荔枝肉嘅甜酸醬，食落酸酸甜甜，好開胃 🍞炸饅頭 $58 🙋🏻‍♂️表示個炸饅頭放咗喺隻船上面，船頭有面大旗幟同個孔明figure，一碟饅頭可以咁有心思，難怪每枱都必點，饅頭炸得香脆，食落口感鬆軟，配上煉奶食落更加香口 🐟酸菜魚 $268 🙋🏻‍♂️表示個酸菜魚好大窩，入面有酸菜，豆卜，辣椒，藤椒，芫荽等配料，底下有寬粉，魚肉厚身，口感嫩滑，餓底㨂咗小麻小辣，食落帶微辣麻香，非常惹味 🍚蔥花豬油撈飯 $32 🙋🏻‍♂️表示個飯面頭有蔥花同豬油渣，配上豬油同豉油，將豬油同豉油倒入個飯撈勻一齊食，味道有啲似臘味糯米飯，食落充滿脂香 🍑水蜜桃雜果茶 $88 🙋🏻‍♂️表示個雜果茶一大壺，非常搶眼，入面有橙同檸檬，飲落味道清甜，充滿淡淡嘅水蜜桃香味 📈吃貨指數 😋好味度 8.5/10 🔙返啅度 8.5/10

🙋🏻‍♂️餓底探員今晚去咗將軍澳調查呢間台式手作飯團店，所有飯團都係鮮米手作，用上優選食材，幾個月前喺觀塘分店已經食過，見佢將軍澳分店可以堂食，於是就入內光顧 🦀網紅蟹肉飯團 $41 🙋🏻‍♂️表示個蟹肉飯團入面有蟹棒，肉鬆，香菇，油條酥，生菜同沙律醬等配料，用紫糯米同海苔包住，食落個飯口感軟糯，蟹棒鮮甜，加上其他配料層次感豐富 🐓奈良雞肉海苔卷 $39 🙋🏻‍♂️表示個海苔卷入面有雞肉，肉鬆、用珍珠米同海苔包住，配上脆米同麻辣醬，食落飯粒分明，雞肉嫩滑，麻辣醬味道香辣惹味，脆米口感香脆，令個飯卷食落增添層次感 🧀芝芝火火 $33 🙋🏻‍♂️表示杯飲品係芝士奶蓋火龍果，成杯紫紅色，好搶眼，飲落芝士奶蓋香滑濃厚，味道帶鹹香，火龍果味道鮮甜，果味香濃 🥥椰果四季春 $25 🙋🏻‍♂️表示杯四季春底下有滿滿嘅椰果，茶味清新，飲落有粒粒椰果，口感煙韌，味道唔會太甜 📈吃貨指數 😋好味度 8.5/10 🔙返啅度 8.5/10

🙋🏻‍♂️餓底探員今晚去咗觀塘調查呢間日本料理，餐廳走木系風，裝修充滿和式風情，食物種類多，壽司，刺身，串燒，炸物小食甚至燒肉都有，啱啱一眾鍾意日本料理嘅吃貨 🥗蟹籽沙律 $45 🙋🏻‍♂️表示個蟹籽沙律底下墊滿青瓜絲，配上蟹籽同蟹柳絲，唧上蛋黃醬，個沙律食落有青瓜嘅清新同蟹籽嘅鮮甜 🥩牛肉他他 $88 🙋🏻‍♂️表示個牛肉他他配上洋蔥，蒜蓉，蔥花，蛋黃同醬汁，牛肉口感軟腍，食落牛味香濃，連埋啲配料一齊食層次感豐富，香濃惹味 🍗雞五味盛 $118 🙋🏻‍♂️表示個雞五味盛有免治雞肉棒，雞軟骨，雞腎，蕃茄仔等串燒，免治雞肉棒食落脂香有咬口，雞腎同雞軟骨都有嚼勁，食落香口 🐟神之特上刺身 $198 🙋🏻‍♂️表示盤刺身有三文魚，赤蝦，帶子，左口魚裙邊等刺身，擺盤精美，赤蝦鮮甜，口感彈牙，左口魚裙邊食落有咬口，帶子口感煙韌，味道鮮甜，整體刺身都好新鮮 🍲鍋燒烏冬 $78 🙋🏻‍♂️表示個烏冬有天婦羅蝦，蛋，日本魚蛋等配料，湯底鮮香，烏冬口感爽滑，天婦羅蝦鮮甜，係略嫌浸咗落湯食落唔脆 🍊桃園柚子梳打｜藍柑乳酸梳打 $28 🙋🏻‍♂️表示杯柚子梳打味道甘甜帶乳酸味，底下有好多柚子肉，杯乳酸梳打成杯藍色好夢幻，飲落有柑嘅甜味又有乳酸味，幾特別 📈吃貨指數 😋好味度 8.5/10 🔙返啅度 8.5/10

🙋🏻‍♂️餓底探員今晚去咗大坑調查呢間酒吧餐廳， 環境舒適，空間闊落，喺度食飯或者飲兩杯傾下偈都可以好chill 🦐Spanish Garlic Shrimp with Chilli Garlic Oil $138 🙋🏻‍♂️表示大蝦面頭放滿蒜頭同炸蒜片，淋上香辣蒜油，大蝦口感彈牙，味道鮮甜，加上香濃嘅蒜味，食落好惹味 🥦Grilled Baby Asparagus with Brown Butter $78 🙋🏻‍♂️表示個蘆筍苗用brown butter烤煮，口感鮮嫩，味道清新，食落有鮮甜嘅牛油味 🥩Charcoal Grilled Wagyu M6 Ribeye $398 🙋🏻‍♂️表示個和牛肉眼厚切大片，炭燒至五成熟，表面燒到焦香，食落口感軟腍嫩滑，充滿肉汁，配上沙律菜，味道清新 🦀Crab Pasta $288 🙋🏻‍♂️表示個軟殼蟹意粉係是日精選，面頭放上食用花，淋上鹹蛋黃醬，意粉口感彈牙，軟殼蟹炸到酥脆，味道鮮甜，鹹蛋黃醬味道香濃，令個意粉食落creamy入味 📈吃貨指數 😋好味度 8.5/10 🔙返啅度 8.5/10

🙋🏻‍♂️餓底探員今晚去咗荃灣調查呢間拉麵店，店鋪走木系風格，兩邊有吧枱，店內播放著日文歌，恍如置身日本街頭拉麵館，充滿地道風味 🦐櫻花蝦拉麵 $88 🙋🏻‍♂️表示個拉麵面頭有好多櫻花蝦，仲有火炙豚肉，流心蛋，蔥花等配料，湯底濃厚，飲落有香濃嘅櫻花蝦味，拉麵有直麵同曲麵選擇，麵質軟硬度都有得揀，餓底㨂咗硬身曲麵，食落口感爽彈，非常掛湯，每啖都有櫻花蝦味，火炙豚肉食落軟腍，入口即化，加上其他豐富配料，食完大滿足 🥔北海道牛肉薯餅 $32 🙋🏻‍♂️表示個牛肉薯餅炸到脹卜卜金黃色，配上mayo，外層酥脆，非常香口，內層軟糯，咬落滿滿嘅薯蓉同牛肉粒，夠晒creamy香滑 📈吃貨指數 😋好味度 8/10 🔙返啅度 8/10

🙋🏻‍♂️餓底探員今晚去咗觀塘調查呢間漢堡扒店，餐廳位於工廈入面，主打食手打漢堡，配菜同醬汁都可以自選，最驚喜係配上蘭王蛋，整穿個蛋黃時睇見橙紅色嘅蛋黃汁慢慢流出嚟，視覺效果好治癒，呢間手打漢堡可以媲美日本漢堡扒界天花板——挽肉と米，仲有呢度嘅手打漢堡係每日限量供應，要食記得早啲去呀 🥩手打和牛漢堡扒丼飯 $128 🙋🏻‍♂️表示個和牛漢堡配上蘭王蛋同日式泡菜，個丼飯浸住喺秘製漢堡汁入面，選用澳洲和牛，漢堡食落口感軟糯，入口即化夠juicy，個并飯用上日本米，粒粒飽滿，飯粒分明，秘製漢堡汁加咗洋蔥，味道甜甜地 🥩手打芝士安格斯漢堡扒丼飯 $118 🙋🏻‍♂️表示個安格斯漢堡配上蘭王蛋同芥辣酸瓜，個丼飯浸住喺咖喱汁入面，厚厚嘅安格斯漢堡口感有咬口，食落牛味香濃，咬開有濃郁嘅芝士，咖喱汁甘香，辣味會慢慢滲出嚟，非常惹味，店員話原來芝士安格斯漢堡同酸瓜配白味噌汁味道更加夾，白味噌汁加咗忌廉，味道清淡，令芝士同酸瓜味更突出 📈吃貨指數 😋好味度 9/10 🔙返啅度 9/10

🙋🏻‍♂️餓底探員今晚去咗尖沙咀調查呢間韓式居酒屋，餐廳走木系風格，地方闊落，環境清幽，好有格調，嚴選高質食材，由韓國直送，質素有保證 🍗韓式炸雞 $208 🙋🏻‍♂️表示個韓式炸雞有多款口味選擇，餓底揀咗蜜糖同芝士，炸雞份量多，炸得酥脆，食落嫩腍啖啖肉，芝士味香濃，蜜糖味香甜 🦪韓國鮑魚釜飯 $220 🙋🏻‍♂️表示個釜飯除咗有鮑魚，仲有香菇，西蘭花，紫菜等配料，鮑魚食落鮮甜，口感有嚼勁，個飯食落焦香，配埋個醬料味道更加惹味 🥩韓牛大蔥卷 $880 🙋🏻‍♂️表示個韓牛大蔥卷有16件，份量超多，仲配上泡菜炒飯，店員會先將韓牛卷煎熟，之後留起幾件剪碎再加入泡菜同飯一齊炒，韓牛卷食落脂香，咬落有清新嘅大蔥味，炒飯食落焦香，味道香濃帶微辣，非常惹味 🍷Lavender Seoul 127 $118 🍹Snowing Night $118 🙋🏻‍♂️表示兩杯cocktail賣相精緻，杯Lavender Seoul 127用韓國桑莓酒，檸檬汁同薰衣草糖漿調配，面頭有枝薰衣草做裝飾，飲落甜甜地，味道fruity，杯Snowing Night用咗韓國清酒，橘子醬同青檸調配，杯入面有片檸檬果乾，杯邊有海鹽，飲落味道清甜，鹹鹹地又帶有果香 📈吃貨指數 😋好味度 8.5/10 🔙返啅度 8.5/10

🙋🏻‍♂️餓底探員今晚去咗旺角調查呢間火鍋店，見佢120分鐘火鍋放題$198起，21:30後入座仲可以無限時任飲任食到02:00，當時接近9點，於是就等到9點半先入座，等候區有水果茶同nuts供應，門口有大大隻熊仔打卡位，可以趁等候時消磨時間，好貼心 🥩6款小鮮肉放題套餐 $238 🍽️小食 🙋🏻‍♂️表示自助吧有幾款小食可以自取，分別有鬼馬油炸鬼，咖喱魚蛋同鱈魚燒賣，鬼馬油炸鬼食落香脆，可以配煉奶或者放入湯底吸收湯汁，魚蛋彈牙，咖喱汁香濃，食落惹味，鱈魚燒賣味道鮮甜，口感爽彈夠特別，真心推介👍🏻 🐟時令刺身拼盤 🙋🏻‍♂️表示惠顧火鍋放題會附送時令刺身拼盤，有 三文魚，北寄貝，八爪魚同帶子，各款刺身味道都鮮甜 🍄膠原蛋白養顏美容鍋 +$70 🙋🏻‍♂️表示個湯底用咗多款含有豐富骨膠原嘅原材料，經過長時間熬煮，飲落濃郁滋味，蘊含豐富嘅膠原蛋白，夠晒養生美顏，仲有一樽樽湯底可以自己refill 🥩肉類 🙋🏻‍♂️表示有6款小鮮肉選擇，包括美國精選肥牛，美國四方肥牛，田野鄉村嫩豬花肉等，牛肉口感軟腍，牛味香濃，豬花肉口感鮮嫩有咬口 🦐海鮮 🙋🏻‍♂️表示有墨魚滑，竹籖蝦，沙白等海鮮供應，墨魚滑口感彈牙，蝦肉質爽彈，食落好鮮甜，沙白味道鮮甜 🍡丸類｜🐖炸午餐肉 🙋🏻‍♂️表示有多款丸類選擇牛筋丸，墨魚丸，香菇貢丸，芝心丸，陳皮魚蛋等，各款丸口感都幾彈牙，牛筋丸咬落juicy，墨魚丸鮮甜，芝心丸有流心芝士，味道香濃，另外午餐肉係餓底打邊爐必食嘅，呢個仲要炸過嘅，口感香脆，味道脂香 🫔炸響鈴 🙋🏻‍♂️表示響鈴好大條，炸到金黃色，口感酥脆，食落好香口，吸收咗湯底嘅精華味道香濃鮮甜 🍦甜品 🙋🏻‍♂️表示甜品有好幾款口味嘅雪糕供應，餓底㨂咗蜜瓜，海鹽同伯爵茶味，雪糕顏色夢幻，個人最鍾意海鹽味，食落唔太甜帶海鹽鹹香，味道特別 ⚠️自助吧除咗小食，仲有沙律，涼拌，水果，醬料同飲品供應，款式選擇多，另外座位上有幾個沙漏，分別有1同3分鐘，可以去提示煮食時間，非常貼心嘅設計👍🏻 📈吃貨指數 😋好味度 8.5/10 🔙返啅度 8.5/10

🙋🏻‍♂️餓底探員今晚去咗九龍灣調查呢間熊仔主題餐廳，餐枱上都放有小熊毛公仔，窗邊位仲有大大隻熊嘅毛公仔，店內放滿花卉同雲朵裝飾，最近佢哋推出咗獨角獸主題美食，色彩繽紛，好夢幻 🦄仙氣獨角獸乳酪碗 $98 🙋🏻‍♂️表示碗乳酪粉紫色，面頭放滿大量雜莓，食落係香芋味嘅乳酪，味道香甜，加上大量雜莓，食落充滿果味，好fruity 🥪獨角獸魔法三明治 $85 🙋🏻‍♂️表示個三文治入面有芝士，厚蛋，芋泥同肉鬆做餡料，多士烘到焦脆，食落芝士香濃，雞蛋口感厚實，充滿蛋香，加上香滑芋泥同鬆軟嘅肉鬆，層次感豐富 🫛綠野仙蹤意大利飯 $92 🙋🏻‍♂️表示個意大利飯加咗枝豆，所以成個飯粉綠色，配上香煎帶子，個飯入面有香濃嘅芝士，口感黏稠，食落又有枝豆香味，帶子煎得香口，味道鮮甜 🦄甜蜜芋泥獨角獸梳乎厘 $158 🙋🏻‍♂️表示厚厚嘅梳乎厘配上香芋忌廉，棉花糖，芋泥，獨角獸朱古力牌等配料，好靚好吸睛，梳乎厘口感鬆軟綿密，空氣感滿滿，食落充滿蛋香，香芋忌廉香滑，配上香濃甜蜜嘅芋泥同棉花糖，成個梳乎厘味道層次好豐富 🦄綿棉獨角獸沙冰 $68 🙋🏻‍♂️表示杯沙冰粉紫色，杯邊有啲雲朵，面頭用忌廉同棉花糖砌成獨角獸造型，好夢幻，打卡一流，飲落口感香滑，有啲似奶昔，充滿香濃芋頭味 🦄繽紛獨角獸咖啡 $62 🙋🏻‍♂️表示杯咖啡面頭係香芋味奶泡加上用棉花糖砌成獨角獸造型，配上一小樽咖啡，可以自行倒入杯中，飲落有香濃嘅咖啡味同香甜嘅香芋味，等棉花糖融化，味道會更加香甜 📈吃貨指數 😋好味度 8.5/10 🔙返啅度 8.5/10