鳥海山鐵板燒

營業中

休息中

深水埗平民價「鳥海山鐵板燒」大部份食材由日本空運到港，二人「鳥海山鐵板餐」人均毋須 $700-🔹沙律沙律菜新鮮爽脆，配搭車厘茄及胡麻醬，清新開胃-🔹是日精選刺身順序食法：魷魚、帶子、池魚及油甘魚魷魚配搭三文魚籽，柔潤Q彈軟嫩，味道層次佳；帶子肉嫩鮮甜；池魚輕爽，清新鮮美；油甘魚幼滑細膩，甘甜清爽-🔹活龍蝦原隻開邊龍蝦賣相得體；龍蝦肉厚雪白，鮮味十足，口感爽彈，肉汁豐富；以濃郁甘甜的蝦膏及牛油作調味，能吃到食材的原味道-🔹活鮑魚南非鮑魚被切至厚薄適中，爽滑彈牙，啖啖酒香令人回味-🔹鵝肝多士鵝肝入口即化，甘香醇厚，油脂豐富；配搭香脆牛油多士，完美！-🔹牛肉薄燒柔軟帶點嚼勁的牛肉包裹著香蒜及蔥花，脂肪比例適中，肉香不俗-🔹野菜炒椰菜新鮮爽口，調味剛好，蒜香滋味-🔹炒飯濃郁的蛋香撲鼻而來；米飯炒得乾身且粒粒分明，加入櫻花蝦及蔥花等，鮮香豐富，油膩感低-🔹味噌湯熱度十足，非常暖胃

🥢是日精選刺身！首先上嘅係「是日精選刺身」，嘩！啲刺身新鮮到好似啱啱游上水咁！ 帶子厚身肥美，入口鮮甜，口感彈牙。油甘魚油脂分佈均勻，入口即化，甘香無比！ 加埋師傅特調嘅醬油同埋wasabi，簡直係perfect match！我同朋友都覺得餐廳嘅刺身好新鮮！作為頭盤來講冇得輸！🥢沙律：食完刺身，嚟個清新嘅沙律醒醒胃。「沙律」菜新鮮爽脆，配搭日式和風醬汁，酸酸甜甜，非常開胃！車厘茄非常新鮮粒粒到爆汁！好食！🥢鐵板燒活龍蝦，活鮑魚：重頭戲嚟啦！「鐵板燒活龍蝦，活鮑魚」，師傅即場將生猛嘅龍蝦同鮑魚放上鐵板燒，睇住佢哋慢慢變熟，香氣四溢，真係引人犯罪！ 龍蝦肉質彈牙，鮮甜無比，加埋少少海鹽調味，已經好好食！師傅用咗龍蝦蝦頭嘅膏，做返龍蝦嘅調味，成隻龍蝦原汁原味咁樣食，真係好好食！而且口感非常好. 喺控制生熟嘅程度都做得唔錯，絕對唔會有太熟嘅情況出現！鮑魚口感Q彈，味道濃郁，南非鮑魚一向係信心嘅保證，再加埋師傅特別配製嘅醬汁，更加好食！🥢鵝肝多士：絕對係必點之選！ 煎到外脆內軟，入口即化，油脂香氣喺口腔爆發，配搭香脆嘅多士，口感豐富，令人回味無窮！🥢牛肉薄燒：「牛肉薄燒」用嘅係頂級和牛，師傅將牛

深水埗好少見有高質日式鐵板燒經朋友介紹下 得知本身係長沙灣既鳥海山最近搬左黎深水埗新店門面係日式裝潢加上竹林設計 ⛩️坐位分為2邊 一邊係鐵板燒位置可以睇住師傅整野食🧑‍🍳👩‍🍳而另外仲有普通餐枱 方便同朋友傾計💬餐廳內仲有好多日式裝飾🇯🇵店員話全部都係老闆由日本拎返黎既珍藏🎎鐵板燒二人套餐 ($1198/2人）套餐包括：精選刺身、沙律、活龍蝦、活鮑魚、鵝肝多士、牛肉薄燒、野菜、炒飯、味噌湯\ 🍣精選刺身 /當日刺身有皮剝、帶子、金雕同油甘魚腩店員介紹食既順次序由淡到濃味 第一次食皮剝 問店員 先知原來皮剝係冬季白身魚中既貴族 係香港餐廳比較少見 皮剝上加左肝臟做成既醬 醬料入口即化 魚肉爽脆 \ 🦞活龍蝦 /當中最吸引一定係活龍蝦🦞原隻新鮮龍蝦 用龍蝦膏加牛油炒香未上菜都已經聞到香味!! 💨💨龍蝦完美吸收龍蝦膏同牛油既精華 味道鮮甜 肉質鮮嫩彈牙 😋\ 活鮑魚 /鮑魚新鮮大隻 啖啖肉 熟成度剛剛好 咬落去爽口彈牙😋😋\ 🍞鵝肝多士 /鵝肝厚身 煎到脆面 一口一口鵝肝多士食落非常有滿足感👍最後值得一讚係店員nice 又細心💁‍♀️💁會觀察客人 有需要時主動提供手套同濕紙巾💕而食物亦得體 適

返工日子諗住同同事食好啲， OpenRice完之後發現原來深水埗晏晝都有得食鐵板燒，所以就試吓。叫咗個$138嘅set，仲要唔使+1 ，有師傅喺你面前整即刻覺得勁抵。個餐有麵豉湯刺身雞扒、魷魚筒、炒椰菜同埋薄牛肉燒，樣樣嘢都幾好，親民鐵板燒嚟講我覺得好食過大X代嗰隻鐵板燒。

叫左熱門鳥海山鐵板餐，先黎刺身。剝皮魚：肉質較為結實，食落口感較脆口，有淡淡地魚鮮味。真鯛：貴為鯛魚中之王，肉質較爽口，鮮味濃烈而不肥膩，可連皮食。魚皮好薄，除了去鱗等基本功夫外，食落無筋，可見刀功有番咁上下。油甘魚：光線之下，可見滿滿既魚油，鮮味而甘甜，非常回味。活龍蝦🦞，熟度剛剛好，有濃郁龍蝦味，新鮮彈牙。活鮑魚味道濃郁，口感煙韌有彈性。鵝肝多士，充滿肝香油份，配埋多士啱晒。牛肉薄燒，肉味濃郁，廚師將牛肉放上鐵板即刻熟咗，散上胡椒同鹽調味。炒飯即炒，熱辣辣上碗，有櫻花蝦香味。最後，就係晚餐味噌湯及甜品😋

之前係佢地長沙灣舊舖都食過, 覺得幾抵食又好味, 所以知道佢地新鋪重開當然要再嚟試下.最欣賞佢地鐵板餐包羅萬有, 刺身、龍蝦、鮑魚、鵝肝、牛肉都有齊, 性價比非常高.💰鳥海山鐵板餐 二人前 $1198🍽️ 沙律🍽️是日精選刺身總共4款刺身, 包括櫻魚鯛、笛鯛、油甘魚等, 依順時針次序食, 味道由淡到濃, 安排好有心思.🍽️ 活龍蝦 加入咗龍蝦膏去煎龍蝦, 所以香氣十足而且味道濃郁, 龍蝦肉質亦新鮮爽彈, 而且擺盤亦非常吸睛.🍽️ 活鮑魚剛上碟已經聞到一陣酒香, 相信師傅烹調時有加入酒去提鮮, 入口除咗食到鮑魚既鮮味之外, 亦食到陣陣牛油香, 所以非常惹味.🍽️ 鵝肝多士 鵝肝夠厚身, 表面煎至金黃香脆, 內裡粉嫩, 食到鵝肝滿滿既油脂香.🍽️ 牛肉薄燒牛肉包住大量香蔥, 所以食到牛肉既肉香之餘, 仲食到濃郁既蔥香, 而且香蔥既爽脆口感亦中和咗煎牛肉既油膩, 令口感更清新.🍽️ 野菜🍽️ 炒飯炒至金黃色而且粒粒分明, 夠哂乾身, 師傅仲加入咗櫻花蝦去炒, 令成個飯既香氣提升咗去另一個層次.🍽️ 甜品香芋糯米糍

拍拖紀念日慶祝，所以揀咗食鐵板燒慶祝鐵板套餐(二人前)有龍蝦有鮑魚有鵝肝兩個人先1198好抵食可惜嘅係中間滿座只可以坐旁邊嘅位但環境好靚傾計嘅話都相對舒適先嚟嘅係沙律然後就是日精選刺身職員會介紹由平目開始食先，金目鯛、魴鮄、油甘魚每種都好鮮甜唔止擺盤好靚由白身至油脂較高咁食好有心思嘅安排活鮑魚好有口感足分吸收牛油嘅香味活龍蝦每人有半隻伊勢龍蝦煎到香嘅龍蝦肉上面滿佈龍蝦膏醬汁超級惹味殼除咗擺盤美麗仲有少量肉係裡面職員會比濕紙巾你抹手鵝肝多士鵝肝好厚身好淋油脂滲入煎到好香嘅多士超好食牛肉薄燒包住好多蔥超惹味味噌湯飲完個人好暖笠笠炒飯好好味，炒到粒粒分明好香嘅蛋香同埋蝦乾同香蔥炒野菜麻油加蒜嘅香味最後仲有甜品雪米糍

朋友係深水埗附近返工，中午都會黎呢間日本鐵板燒食lunch，話性價比高，超級推薦我黎食鐵板燒。今日終於有動力收工出黎try try。由於時間尚早，店鋪唔算多人，環境舒服，光線充足，俾客人好干淨嘅感覺。店鋪設有bar 枱，可以觀賞師傅係鐵板上製作每一道菜。有兩個二人鐵板套餐選擇，今次揀左鳥海山鐵板餐。♦️首先黎個麻醬沙律，開左個胃先♦️是日刺身精選有四款（平目，金鯛，金線鯛與香港紅衫魚同科，油金魚）店員提醒食客從淡味開始品嚐，這樣可以享受每款刺身100%嘅鮮味，而唔會互相搶味。♦️活龍蝦整隻龍蝦上枱好吸精，肉質鮮甜彈牙，配上龍蝦膏製成嘅醬汁，提升龍蝦嘅味道店員提醒龍蝦腳都有肉，亦好貼心遞上濕紙巾給食客抹手。♦️活鮑魚鐵板燒鮑魚我都係第一次食，估唔到另有一番風味。鮑魚好有咬口，size又大。♦️牛肉薄燒牛肉包住蔥粒＆炸蒜，每啖都充滿肉汁＆香蔥味。♦️ 鵝肝多士鵝肝入口即溶，配上香脆多士，減低鵝肝油膩感♦️櫻花蝦炒飯材料使用日本珍珠米＆櫻花蝦，蛋，蝦size切成與飯大小相約，炒至粒粒分明，炒出黎嘅飯香氣四溢。

每次來到深水埗，都是品嚐那些港式平價美食。這次換換口味，試試在長沙灣搬過來的「鳥海山鐵板燒」！🌟 鳥海山鐵板二人套餐（$1,198）⟡‧₊ 是日精選刺身刺身共有四款，店員細心地推薦了由淡至重的味道順序來品嚐。其中，我最愛的還是三文魚。刺身整體表現合符預期，厚度和新鮮程度都正常🐟⟡‧₊ 活龍蝦活龍蝦的肉質厚實且彈牙。廚師將蝦膏與牛油混合製成醬汁來爆炒，讓蝦肉吸收了濃郁的牛油香氣，味道不俗🦞⟡‧₊ 活鮑魚活鮑魚已切成細片，並帶有醬油的鮮味。但鮑魚略顯過熟，咬下去有點韌🙈⟡‧₊ 鵝肝多士鵝肝煎得入口即溶，搭配脆卜卜的牛油多士，平衡了鵝肝的油脂香氣🪿🍞⟡‧₊ 牛肉薄燒牛肉薄燒中包裹著炸蒜和香蔥，肉質半肥瘦，吃起來不會乾柴，簡單的調味已足夠🐮另有炒野菜、沙律、味噌湯以及雪米糯作為甜品，讓整餐更加豐富和圓滿☺️

今次揀左人氣之選的鳥海山鐵板餐二人前，一共有9道菜，非常之豐富。是日精選刺身店員建議我哋由味道淡到濃咁食，平木，大目魚有柚子醋點綴，真雕，油甘魚肥美新鮮，魚油滿溢。沙律菜和蕃茄仔非常新鮮，加埋日式芝麻醬，超開胃。活龍蝦師傅先將原隻龍蝦拆肉，再將蝦頭裡面的蝦膏加上牛油製作成醬汁，同蝦身一齊炒，龍蝦肉質鮮甜，佢係我最鐘意的菜色！活鮑魚：師傅將鮑魚切成細片，岩岩好每啖食到一片，好有咬口。鵝肝煎到外脆內嫩，油脂慢慢在口腔內散發出來，而且令到多士多一層味道，好好味！牛肉薄燒將牛肉捲住蒜片和蔥粒，肉味香濃，軟腍多汁朋友最愛！炒飯要講一講服務先，侍應超好，水會refill，食龍蝦會比定濕紙，然後佢見我麻麻地蔥，問左我一句，之後就同大廚講我個份走蔥！so sweet ! 炒飯炒得乾身，粒粒分明！野菜加左炸蒜一齊炒，好香口。味增湯湯入面有海帶同埋豆腐粒，好味飯後仲有甜品~芝麻糯米糍

聽朋友介紹，這間鳥海山由長沙灣搬過黎深水埗，話高質素，有口碑。今晚我就去試試。新裝修幾大方得睇，我兩公婆選了龍蝦鐵板二人套餐，先來個麻醬沙律🥗開開胃先。刺身上枱，有擺盤嫁，店員話刺身要又淡味食起，濃味最後食，鯛魚真係好新鮮👍🏻。下一道菜是鐵板鮑魚，味道調校得好，鮑魚新鮮咬落彈下彈下，好正👍🏻。是日主角出場，活龍蝦鐵板燒，賣相靚，金黃色，因為用返龍蝦膏做汁，超級正，濃厚的口感，爽口的龍蝦肉，極其出色。必食👍🏻👍🏻。再來有鵝肝多士，食落口有一種好醇的感覺，加上有脆口多士，掂🫰🏻。最後有牛肉薄燒、炒野菜、炒飯、味噌湯，好飽啦😋😋😋。二人龍蝦餐$1198，食到咁開心，超值👏🏻👏🏻👏🏻。

今日約埋老公食鐵板燒，呢間小店位於深水埗，原來呢間係新店，之前開係長沙灣。支持香港消費有幸訂到鐵板前既客人真有福，一邊欣賞到師傅烹調一邊享用美食前菜先上沙津冷盤有4款精選刺身，職員悉心建議食用既先後次序，由淡味食到濃味，很有儀式感第一道鐵板燒活鮑魚，新鮮貨加上用牛油炒香，特別香口，而且Size蠻大仔隻。第二道鐵板燒牛肉蒲燒，牛肉嫩嫩，內裏包著香蔥同香蒜，加上牛肉油脂香口，有入口即溶口感。第三道鐵板燒鵝肝多士，超厚一片，配著鬆脆嘅多士，滿滿鵝肝油脂味道，好幸福第4道主菜鐵板燒活龍蝦，龍蝦非常新鮮，師傅火喉掌控得好好，還會利用原有龍蝦既膏調汁，絕配食到舔舔脷，還建議可食用龍蝦身剩餘嘅肉，附上濕紙巾，很貼心。第5道鐵板燒炒飯，食每一間鐵板燒重頭戲就係炒飯，蛋炒飯配櫻花蝦，食起泥粒粒分明有蝦香同蛋香。第6道鐵板燒炒野菜，清甜爽口最後，送上麵豉湯同雪糕糯米糍作結尾得閒可以再返泥食

記得兩三年前食過鳥海山鐵板燒，一直念念不忘。最近知道鳥海山搬到深水埗開新店，對我來講地點比之前更方便，冇藉口唔再去幫襯下！新店環境闊落四正，座位佈局大致分兩邊。一邊係望到師傅下廚的吧枱位置，另一邊係普通餐枱座，枱與枱之間距離充足。坐低店員詳細講解餐廳菜色後，按我哋需要落單。鳥海山鐵板餐¹¹⁹⁸- 沙律生菜新鮮脆口，配上麻醬調味，相當開胃！- 是日精選刺身（粒貝、石門鯛、間八，油甘魚）店員上菜時細心講解每款魚的特性，食用嘅先後次序，配合什麼醬料才發揮到刺身的鮮味，真的不得不讚！刺身肥美鮮味，值得一提是粒貝刺身極為爽脆，肉質纖細幼嫩帶咬口，味道爽口清甜，帶淡淡海水味！- 活鮑魚將南非活鮑魚經鐵板燒後，切成每件一口份量。食落鮮甜爽口還帶有點牛油香味，肉質結實得來容易咀嚼！- 活龍蝦澳洲活龍蝦份量十足，鮮甜厚肉彈牙，配合燒汁同蝦膏烹調，味濃而不會掩蓋龍蝦本身的鮮味！- 鵝肝多士鵝肝油脂豐盈，入口即溶，配上香脆多士，減低了鵝肝帶來的油膩感，呢道菜好食到想再來多碟。大推！- 牛肉薄燒牛肉內有炸蒜令肉味提升不少，而表面有蔥花解膩，口感豐富！- 炒飯未上菜已經聞到炒飯嘅香味，炒飯乾身粒粒分明。仲有份量

我發覺依家喺香港食飯，平咗好多，唔知係咪因為經濟差嘅原因。 呢間新開嘅鐵板燒，做緊套餐有四款刺身，龍蝦，鮑魚，鵝肝呢啲高質嘅食材，都係$600一個人左右。如果係以前，冇$1000一個人都落唔到樓。 呢 4款刺身，都好鮮味，由淡到濃味咁食，最後係煙燻嘅刺身魚。跟住就開始食鐵板燒。 首先食一個燒鮑魚，師傅用大量嘅牛油，煎到個鮑魚好香，有少少焦面。 再切到一片片，好易入口，唔會好韌。。 跟住就到龍蝦。係原隻龍蝦，好多肉。 啲肉質唔霉，好新鮮彈牙。好驚喺出面食龍蝦。 會食到啲腍啤啤，冇咬口嘅龍蝦肉。 職員仲叫我哋可以撩埋個殼入面嗰啲龍蝦肉，都有唔少肉！ 跟住就到每個人都會鍾意食嘅鵝肝多士。都唔使點樣評論，一定係好食㗎。多士就煎到好脆，鵝肝就就好嫩，入口即溶。 呢個係香蔥和牛卷，蔥嘅份量好多，牛肉牛味都好濃，好食跟住就到一碗麵豉湯同埋炒飯，同埋炒雜菜，其實而家已經食得好飽。 所以呢三樣我哋都食唔晒。

「鳥海山鐵板燒」位於深水埗華盛大廈，雖離地鐵站不足5分鐘路程，但由於附近無商場，所以人流唔多，一般都唔會經過，唔預先Search定餐廳我都未必有機會食到……裝潢就如普通日式鐵板燒餐廳嘅格局，感覺較平民，食物選擇豐儉由人，二人套餐$948起（唔排除餐廳有時有其他優惠)，但我今次選擇左$1198嘅鐵板燒餐，另加$80升級大龍蝦🦞是日精選刺身四款：真鯛、伊良、油甘魚、三文魚腩，真鯛肉質細嫩，微微甘甜；伊良同為白身魚，肉質較滑而軟腍，魚味較清淡；油甘魚及三文魚就不用多說了。活龍蝦：鮮活龍蝦肉質嫩滑，且爽實具彈性，非常新鮮，以蝦膏味噌調味炒煮，醬汁濃郁鮮甜，與龍蝦肉十分搭配，巨香！活鮑魚：肉質爽滑，無需過多調味，已能表現出鮮嫩多汁。鵝肝多士：鵝肝肥美厚肉，肉質幼嫩多汁，有種入口即化嘅Texture，配返多士食無咁膩。牛肉薄燒：薄切牛肉包裹著香蔥及炸蒜，牛肉充滿肉汁，加埋鐵板炒製過嘅惹蒜，非常香口惹味。炒飯：飯夠乾身，粒粒分明，含大量櫻花蝦，咸香味突出，都幾好食。最後有鐵板野菜及味噌湯作結尾……