鳥海山鐵板燒

營業中

休息中

叫左熱門鳥海山鐵板餐，先黎刺身。剝皮魚：肉質較為結實，食落口感較脆口，有淡淡地魚鮮味。真鯛：貴為鯛魚中之王，肉質較爽口，鮮味濃烈而不肥膩，可連皮食。魚皮好薄，除了去鱗等基本功夫外，食落無筋，可見刀功有番咁上下。油甘魚：光線之下，可見滿滿既魚油，鮮味而甘甜，非常回味。活龍蝦🦞，熟度剛剛好，有濃郁龍蝦味，新鮮彈牙。活鮑魚味道濃郁，口感煙韌有彈性。鵝肝多士，充滿肝香油份，配埋多士啱晒。牛肉薄燒，肉味濃郁，廚師將牛肉放上鐵板即刻熟咗，散上胡椒同鹽調味。炒飯即炒，熱辣辣上碗，有櫻花蝦香味。最後，就係晚餐味噌湯及甜品😋