影片
電話號碼
59039699
營業時間
今日營業
12:00 - 15:00
18:00 - 22:00
星期一
全日休息
星期二至日
12:00 - 15:00
18:00 - 22:00
以上資料只供參考, 請與餐廳確認詳情
之前喺長沙灣食過這間店舖，原來搬咗嚟深水埗， 記得上次食嘅時候食材好新鮮， 今日出咗糧又再嚟食一食喺門口睇餐牌就見到 鳥海山鐵板餐二人份有龍蝦，有鮑魚，仲有鵝肝多士第一道菜前菜 - 沙律第二度菜就係是日刺身-有四款侍應介紹順時針咁食一睇就知魚生新鮮鐵板料理的重頭戲，莫過於「活龍蝦」與「活鮑魚」整整一隻龍蝦起肉鐵板炒， 最特別係醬汁係以蝦膏調製所以蝦肉蝦膏味濃，師傅精準火候鎖住肉質彈性， 絕對係食到停唔到口活鮑魚彈牙有口感， 調味唔會好複雜，食返原本鮑魚的海鮮味， 覺得鮑魚最好嘅烹調方法就係鐵板 燒， 有鑊氣又惹味牛肉薄燒裏面捲咗一些蔥同埋炸蒜好期待的鵝肝多士厚切鵝肝煎至外皮酥脆, 下面多士以牛油煎香， 每一口都是熱量與幸福的拉鋸戰再嚟炒飯粒粒分明，有蛋香同埋櫻花蝦最後再加一個炒雜菜鐵板燒嘅精髓係既可以品嚐美食又可以睇到師傅炒功精湛餐廳逢星期一休息
繼續閱讀
今晚同朋友嚟食鐵板燒，由於時間尚早，我地係第一批客人環境舒服，好新淨我地揀咗鳥海山鐵板餐，睇落好豐富新鮮沙律是日精選刺身：侍應建議由右上角開始順時針食唔錯，好新鮮燒鮑魚：幾好食，唔會過韌燒龍蝦：好好食龍蝦肉已經切做一粒粒方便食用，而且龍蝦汁好濃！侍應仲俾濕紙巾我地，提醒個殼可能仲有少量龍蝦肉幾貼心鵝肝多士：好食一啖食哂，鵝肝喺口中慢慢融化，啲油滲落多士到好食牛肉薄燒：唔錯，牛肉包住蔥，咬落去好香蔥味味噌湯炒飯：好食！好香，炒到啲飯粒粒分明炒菜：都唔錯，熟度剛好雪米糍：最後仲有甜品每一道菜我地都食哂，整體都幾好食，呢個價錢食到咁高質素真係幾抵食
繼續閱讀
知道呢間鳥海山由長沙灣搬咗嚟深水埗，今日放工食餐好既，一於試試佢先～鳥海山鐵板燒二人前 $1198/2位🩷🩷🩷🩷🩷1️⃣野菜沙律由滿滿又濃郁的胡麻醬沙律開始😁2️⃣是日精選刺身共有四款，擺盤幾有感覺。由白身魚食到較濃郁的紅身及炙燒魚刺身。金線魚：有膠質感，魚味突出深海池魚：口感截然不同，好爽彈師傅係油甘魚面頭已經放咗粒胡椒功課鹽，特別提鮮👍🏻太刀魚：改返微微炙燒，逼出魚油，好濃郁，食完成口魚油香味3️⃣燒活鲍魚上碟已經聞到香濃嘅醬汁味🤭咬落牛油香氣好重，調味幾好喎。鮑魚好有咬勁，啖啖肉！4️⃣燒活龍蝦賣相好吸引啊～龍蝦好香之餘，啖啖龍蝦肉沾滿咗由龍蝦膏整成嘅醬汁🤤龍蝦肉好彈牙，好新鮮，鮮味極濃，超正！！5️⃣牛肉薄燒雖然話薄切，但牛肉捲埋都幾厚身，多肉，幾Juicy～佢嘅鹽燒調味剛剛好。如果有埋乾蒜片，成個層次同口感相信會更上一層樓🤭6️⃣鵝肝多士我剛同多士從來都係一絕嘅配搭，煎得好香脆，非常焦香。鵝肝肉調味相對少啲，肥美回甘，鵝肝油同多士融為一體7️⃣鐵板炒野菜偏濕身的炒野，簡單炸蒜調味。食完咁多濃味嘢，清一清感覺上健康啲😝8️⃣鐵板炒飯炒得都好乾身，有淡淡櫻花蝦同蛋香味。飯粒size相對細啲，忍唔住問店員攞隻匙羹嚟𢳂飯🤣9️⃣味噌湯再飲返碗暖笠笠味噌湯先🔟甜品臨完結呢餐前，食返粒維記雪米糍甜食呢個價位，食到咁多嘢，食材又新鮮，好抵食！
繼續閱讀
位於深水埗的日式鐵板燒餐廳。 在長沙灣上班的朋友曾推薦這間鐵板燒，但長沙灣此地本人甚少踏足，得知現時餐廳選址在深水埗重開，然而，深水埗雖與長沙灣只是一站之隔，卻方便得多呢~至少附近仍有那些年的回憶 - 黃金電腦商場,總算終於有動力和朋友去嚐嚐了。 ⋆____ 鳥海山鐵板餐 $1198 (2人） _____⋆ ✿ 沙律.✿ 是日精選刺身刺身共有四款，分別是帶子、笛鯛、平靜魚及油甘魚；店員提醒可以由淡至濃味的刺身開始品嚐。四款刺身都新鮮鮮甜，尤其油甘魚口感軟綿，魚油豐富，鮮嫩非常。.✿ 活龍蝦餐廳會連同一整隻龍蝦殼一併一上桌，光是賣相已十分吸引。龍蝦肉質鮮甜又厚肉，口感爽口彈牙；搭配用龍蝦膏及牛油製成的醬汁調味，入口更是鮮甜又充滿油香。.✿ 活鮑魚鮑魚的非常新鮮又大隻，切好一件件後上桌更方便食客吃用。鮑魚肉質爽彈，味道濃香鮮美。.✿ 鵝肝多士鵝肝不算大件厚肉，但表面煎得香脆，入口油香豐腴；搭配超多牛油的脆多士，重口味人士肯定大愛。 .✿ 牛肉薄燒牛肉肉質軟嫩，肉味濃郁；而內裡更是包裹著大量香蔥，更是香口又惹味。.✿ 炒野菜┆炒飯┆味噌湯
繼續閱讀
同事之前嚟過呢間喺佢屋企附近嘅鐵板燒食飯，話食物質素好高，於是我就約埋朋友放工過嚟試吓！餐廳好似曾經搬過，呢間新店裝修新淨又有格調，我同朋友坐咗喺和式窗邊位，叫咗個「鳥海山鐵板套餐 二人前」，話咁快就先嚟兩份沙律前菜：之後係是日刺身，侍應耐心介紹進食次序，刺身刀功好好，食落好柔軟有魚味，唔需要點豉油就好正啦～聽到鐵板區師傅煮食嘅聲音，就知道有熱辣辣嘅嘢食啦～！先嚟一人一隻活鮑魚，已經切好一件件，好香口彈牙！然後係一隻活龍蝦，師傅起咗龍蝦肉，再用蝦膏醬汁炒到龍蝦肉爽口彈牙，令人回味無窮！牛肉薄燒好惹味，入面包滿咗蔥粒，咬落去仲係熱辣辣～鵝肝多士係全日最邪惡，鵝肝火喉恰到好處，份量啱啱好，多士脆口度剛好，兩樣配合埋一齊，食完都唔好話好漏！最後嚟個炒雜菜同埋炒飯，個飯大大碗仲有櫻花蝦，飯粒分明，炒菜份量又足，熱辣辣咁上枱，最後乾杯埋個面豉湯，食咗大約1.5小時，傾住計、欣賞住裝修咁嘆完個餐～
繼續閱讀