鳥海山鐵板燒

營業中

休息中

記得兩三年前食過鳥海山鐵板燒，一直念念不忘。最近知道鳥海山搬到深水埗開新店，對我來講地點比之前更方便，冇藉口唔再去幫襯下！新店環境闊落四正，座位佈局大致分兩邊。一邊係望到師傅下廚的吧枱位置，另一邊係普通餐枱座，枱與枱之間距離充足。坐低店員詳細講解餐廳菜色後，按我哋需要落單。鳥海山鐵板餐¹¹⁹⁸- 沙律生菜新鮮脆口，配上麻醬調味，相當開胃！- 是日精選刺身（粒貝、石門鯛、間八，油甘魚）店員上菜時細心講解每款魚的特性，食用嘅先後次序，配合什麼醬料才發揮到刺身的鮮味，真的不得不讚！刺身肥美鮮味，值得一提是粒貝刺身極為爽脆，肉質纖細幼嫩帶咬口，味道爽口清甜，帶淡淡海水味！- 活鮑魚將南非活鮑魚經鐵板燒後，切成每件一口份量。食落鮮甜爽口還帶有點牛油香味，肉質結實得來容易咀嚼！- 活龍蝦澳洲活龍蝦份量十足，鮮甜厚肉彈牙，配合燒汁同蝦膏烹調，味濃而不會掩蓋龍蝦本身的鮮味！- 鵝肝多士鵝肝油脂豐盈，入口即溶，配上香脆多士，減低了鵝肝帶來的油膩感，呢道菜好食到想再來多碟。大推！- 牛肉薄燒牛肉內有炸蒜令肉味提升不少，而表面有蔥花解膩，口感豐富！- 炒飯未上菜已經聞到炒飯嘅香味，炒飯乾身粒粒分明。仲有份量

我發覺依家喺香港食飯，平咗好多，唔知係咪因為經濟差嘅原因。 呢間新開嘅鐵板燒，做緊套餐有四款刺身，龍蝦，鮑魚，鵝肝呢啲高質嘅食材，都係$600一個人左右。如果係以前，冇$1000一個人都落唔到樓。 呢 4款刺身，都好鮮味，由淡到濃味咁食，最後係煙燻嘅刺身魚。跟住就開始食鐵板燒。 首先食一個燒鮑魚，師傅用大量嘅牛油，煎到個鮑魚好香，有少少焦面。 再切到一片片，好易入口，唔會好韌。。 跟住就到龍蝦。係原隻龍蝦，好多肉。 啲肉質唔霉，好新鮮彈牙。好驚喺出面食龍蝦。 會食到啲腍啤啤，冇咬口嘅龍蝦肉。 職員仲叫我哋可以撩埋個殼入面嗰啲龍蝦肉，都有唔少肉！ 跟住就到每個人都會鍾意食嘅鵝肝多士。都唔使點樣評論，一定係好食㗎。多士就煎到好脆，鵝肝就就好嫩，入口即溶。 呢個係香蔥和牛卷，蔥嘅份量好多，牛肉牛味都好濃，好食跟住就到一碗麵豉湯同埋炒飯，同埋炒雜菜，其實而家已經食得好飽。 所以呢三樣我哋都食唔晒。

「鳥海山鐵板燒」位於深水埗華盛大廈，雖離地鐵站不足5分鐘路程，但由於附近無商場，所以人流唔多，一般都唔會經過，唔預先Search定餐廳我都未必有機會食到……裝潢就如普通日式鐵板燒餐廳嘅格局，感覺較平民，食物選擇豐儉由人，二人套餐$948起（唔排除餐廳有時有其他優惠)，但我今次選擇左$1198嘅鐵板燒餐，另加$80升級大龍蝦🦞是日精選刺身四款：真鯛、伊良、油甘魚、三文魚腩，真鯛肉質細嫩，微微甘甜；伊良同為白身魚，肉質較滑而軟腍，魚味較清淡；油甘魚及三文魚就不用多說了。活龍蝦：鮮活龍蝦肉質嫩滑，且爽實具彈性，非常新鮮，以蝦膏味噌調味炒煮，醬汁濃郁鮮甜，與龍蝦肉十分搭配，巨香！活鮑魚：肉質爽滑，無需過多調味，已能表現出鮮嫩多汁。鵝肝多士：鵝肝肥美厚肉，肉質幼嫩多汁，有種入口即化嘅Texture，配返多士食無咁膩。牛肉薄燒：薄切牛肉包裹著香蔥及炸蒜，牛肉充滿肉汁，加埋鐵板炒製過嘅惹蒜，非常香口惹味。炒飯：飯夠乾身，粒粒分明，含大量櫻花蝦，咸香味突出，都幾好食。最後有鐵板野菜及味噌湯作結尾……

雖然深水埗俾人嘅感覺係舊區，但係其實裏面都有好多寶藏餐廳，尤其係因為可能租金比較平，喺餐廳食到嘅嘢性價比都會高好多。今次兩個人食咗呢一個二人鐵板餐，覺得真係非常物超所值，講緊每人唔使$600食到勁大碟龍蝦，龍蝦真係超多肉，特別鍾意佢用龍蝦膏整嘅醬汁，味道濃郁但係唔會覺得好膩，龍蝦味真係好香，唔會過熟，淨係呢一道菜已經值回票價。龍蝦之外仲要有四款刺身食喎，講緊唔係三文魚喎，有厚切油甘魚架，燒鮑魚我都比好高分，少少醬汁但係又保留返個鮑魚嘅鮮味，口感爽滑得來唔會太過煙靭。另外蔥花牛肉卷同埋鵝肝表現都好好，鵝肝用多士配搭非常經典，材料都係優質嘅。基本上佢嘅套餐同外面食到嘅，無論係份量定係質素都睇齊，座位都坐得舒適，服務親切，但就真係收緊深水埗嘅價錢，性價比非常之高！

轉咗地址之後無論環境定食材都升級咗✨為咗對比吓新舊店嘅質素，再試返佢哋嘅鳥海山鐵板餐，價錢同以前一樣，冇加價喎 ($1198)是日精選剌身總共有四款剌身，每款兩片，店員會推薦食用順序，都係時令嘅海鮮款~全部都好新鮮，唔係連鎖迴轉壽司店嘅質素，包括:- 帶子- 石垣鯛魚- 間白- 油甘魚鮑魚鐵板燒 - 食落爽口，唔痴牙- 總共兩隻，每隻有四塊厚切片龍蝦鐵板燒- 份量好多- 調味出色- 原殼上，店員推薦挖埋殼入面食鵝肝多士- juicy多汁- 完全不膩牛肉薄燒 - 入面包住蔥- 肥瘦均勻 (最怕太肥)- 啖啖肉、多汁櫻花蝦炒飯- 夠乾身，粒粒分明- 多櫻花蝦，有蝦味野菜- 調味落咗蒜粒- 滿滿一盤，一定夠飽甜品仲有兩粒雪米糍高興見佢哋轉咗新址之後多咗客人，平時lunch set都好抵食，想食鐵板燒的話推薦呢間✨

鐵板燒一定等於貴價野？NoNoNo~~今日就幫大家搜羅咗一間位於深水埗，價錢親民，但一樣高質嘅鐵板燒！曾經係長沙灣開業，舊址結業後不少食客大感不捨，終於等到佢地係深水埗重開！二人前套餐都只係大約千二蚊，已經滿足到捧住個肚～當中有前菜沙律/精選刺身/活龍蝦/活鮑魚/鵝肝多士/牛肉薄燒/炒椰菜野菜/味噌湯/炒飯/甜品～一般鐵板燒店該有嘅都有齊～刺身一共有四款，由較淡身嘅白身魚開始食起。個人最愛油甘魚～活龍蝦🦞，龍蝦肉同整隻龍蝦殼一齊上碟，感覺好澎湃好完整。以龍蝦蝦膏煮成醬汁，味道非常香濃，龍蝦肉口感厚實爽彈。鮑魚略煎，口感鮮嫩爽脆，味道濃郁仲帶有牛油香味，yum yum～鵝肝多士，鵝肝細膩滑嫩，入口即化～再來一個牛肉薄燒左，油花豐富，包住蔥花同炸蒜片，味道好有層次～最後品嚐埋炒飯、炒野菜同味噌湯，仲有雪米糍做甜品，滿足了☺️

好久沒去鳥海山了！原來已經從長沙灣搬到了深水埗附近，位置更加方便，今晚就伙同朋友去捧場鳥海山鐵二人套餐1,198.00沙律以清爽的芝麻醬沙律打開脾胃是日精選刺身帆立貝 真鯛 油甘魚 都是我相當喜愛的刺身款式！活龍蝦這一隻活龍蝦不得了，以牛油炒香，入口滿滿的油香更鮮味活鮑魚煙靭有勁的鮑魚，調味很足，味道濃厚鵝肝多士把肥厚的鵝肝煎香，簡單配以多士，油香滲到多士之中，不俗牛肉薄燒而想不到牛肉還是入口即化 捲着蔥帶着肉跟菜的層次感野菜炒飯以櫻花蝦把飯粒炒得乾身分明，值得一讚味增湯入口鹹香十足，加入嫩滑的豆腐粒相當特別炒野菜把椰菜加入調味料炒香，入口爽脆鮮嫩最後兩球糯米糍作結！

人氣之選既鳥海山鐵板餐二人前，共有9道菜，非常豐富。是日精選刺身：店員建議我哋由味道淡到濃咁食，九繪魚、石鯛、金線鯛、油甘魚，肥美新鮮，魚油滿溢。沙律：沙律菜和蕃茄仔新鮮爽脆，配上日式芝麻醬，酸酸甜甜，好開胃。活龍蝦：師傅先將原隻龍蝦拆左肉，再將蝦頭裡面既蝦膏加上牛油製作成醬汁，與蝦身一起爆炒，龍蝦肉質鮮甜爽口。活鮑魚：師傅將鮑魚切成細片，一啖一口，Q彈有嚼勁。鵝肝多士：鵝肝煎到外脆內嫩，入口即溶，油脂慢慢在口腔內散發出來，令人陶醉。牛肉薄燒：將牛肉捲住蒜片和蔥粒，肉味香濃，軟腍多汁，回味無窮。炒飯：飯炒得乾身，粒粒分明，香氣四溢。野菜：加左炸蒜一齊炒，十分惹味。味增湯：湯入面有豆腐粒和海帶，加倍滋味。

今日同朋友慶祝生日，梗係要賀一賀佢！揀左黎新開既鐵板燒專門店，烏海山，佢個二人套餐先1000頭，價錢算好平民，一於試試佢！記得黎之前book 定位，可以要求位係吧台位，一路睇師傅鐵板燒一路食。前菜沙律係一份簡單既麻醬沙律，作為前菜最適合不過！是日精選刺身，共有4款。店員好細心甘介紹每一款刺身名稱同埋建議食既次序，最好由淡味既開始試。刺身好新鮮，肉質鮮甜，清淡又帶點油脂，個人最中意油甘魚刺身，師傅係上面放左少少柚皮，吃落非常清新而油甘魚越食越香，油脂慢慢係口入面散開，非常有層次！鐵板鮑魚，上菜時已經非常香，鮑魚已經幫你厚切左，一口大小。肉質非常厚身，好彈牙，而隻醬汁好惹味，越食越鮮！鐵板龍蝦係依個套餐既賣點，師傅已經幫手起左肉，并用龍蝦膏同埋醬汁炒香左龍蝦肉，賣相好靚！龍蝦食落彈牙，而蝦膏味道好霸道甘跑出，好香！一碟大概有10舊龍蝦肉，份量都幾大。鵝肝多士好有汁，首先多士煎到香脆，而鵝肝外脆內軟，咬落d 油脂慢慢係口入面散開，非常邪惡係正爆！牛肉薄燒係用薄牛肉包住香蔥黎煎，牛既油脂完美融入，香蔥又可以提香同中和油膩感，配搭好用心，好味！驚你唔飽仲有野菜，炒飯，味噌湯，值得一提係炒飯用料非

今次食咗$1198鳥海山鐵板二人套餐，連加一大概$700一位，以晚市鐵板燒嚟講唔算太貴，一樣有龍蝦、鮑魚、鵝肝等鐵板燒常見嘅高級食材。首先有沙律同埋刺身，刺身係3款鯛魚同埋三文魚，石鯛、真鯛嘅肉質有彈性，而三文魚十分肥美。第一樣嘅鐵板燒係活鮑魚，簡單以牛油煎香之後係活龍蝦，加$80可以加大龍蝦，就咁肉眼望未必見到個分別，但係一食就知比平時大隻，因為唔只係龍蝦頭，連平時好少會拆嘅龍蝦腳都有肉食，師傅將龍蝦尾起肉再用龍蝦膏、醬油炒香，肉質非常鮮甜又彈牙，係咁多道菜入面最喜歡嘅一道食完海鮮就到鵝肝多士，鵝肝入口即溶，底下多士都有用牛油煎香牛肉薄燒裏面係炸蒜同埋香蔥最後有炒椰菜、炒飯同埋面豉湯

今日又同朋友留港周圍搵好嘢食，居然係深水埗區食到一個滿足度100分嘅日式鐵板燒二人龍蝦鐵板燒套餐價錢$948，係深水埗區絕對唔平，但有好多嘢食，包括刺身、沙律、活龍蝦、比自魚、牛肉薄燒、野菜、炒飯、味噌湯，未食先興奮頭盤有四款刺身，全部都好新鮮，最精彩係燒龍蝦，大廚將彈牙龍蝦肉加埋d膏一齊炒真係香口到停唔到口，美味100分比目魚同牛肉薄燒完全係水準之上，令人喜出望外，午市仲要唔收加一，難怪好多熟客幫趁真係區區都有好嘢食

今日嚟咗食呢間新開無耐嘅鐵板燒 我地就叫咗個特大海虎蝦二人前沙律沙律菜配上胡麻醬 非常開胃四點刺身 (各二切)擺盤好靚 店員建議我地可以由淡至濃味咁食 刺身好新鮮 最鍾意係左口魚鮑魚二隻食落有好濃郁嘅牛油香味 肉質細膩兼富有嚼勁特大野生海虎蝦一隻店員會將原隻海虎蝦殼一齊上枱 仲提醒我地蝦腳都可以食用 蝦肉已經拆咗出嚟方便我地食 蘸埋由蝦膏製成嘅醬汁 入口彈牙 蝦殼入面都仲有少少膏同肉添A5和牛 (120G)和牛口感嫩滑 油脂分佈均勻唔會過於油膩 旁邊仲配上蒜片同鹽清酒煮蜆清酒味唔算好濃 但可以帶出蜆嘅鮮味 蜆肉鮮嫩飽滿炒飯蛋炒飯炒得夠哂乾身而且粒粒分明 仲有櫻花蝦係入面野菜用炸蒜做調味 食完咁多濃味野食返清清地balance返味噌湯百喝不厭嘅味噌湯 飲完成個身都暖笠笠甜品用餐廳送嘅雪米糍結束呢一頓豐富嘅晚餐

呢幾年都食多左鐵板燒,好多都好好,呢間好有驚喜。性價比好,有好多野食。首先食左個前菜,芝麻醬好開胃。跟著食刺身,非常新鮮,有omakase既水平。活龍蝦--2人份量,勁大隻,好juicy,bouncy,用左龍蝦汁去炒佢,超入味。我同朋友食到wow wow聲!活鮑魚--睇得出好生猛,食落亦非常彈牙,同埋洗得好乾淨。鵝肝多士,煮法同平時食開既有d唔同,更加綿滑,多士有好香既牛油味。牛肉薄燒--大概7成熟,食到牛味,唔老,蔥花好香。野菜--係炒椰菜,好好食,好香。炒飯炒到一粒粒,仲有櫻花蝦,再提升左個味道既層次呀!Miso soup,係今晚既好總結,飲到暖粒粒。最後甜品係綠茶雪米糍,糯米皮煙韌,綠茶味又係我至愛。大推呢間店,因為每一碟都好賞心悅目,好好食,有誠意之作。

今日約咗朋友喺深水埗食飯，我哋都鍾意食日本嘢，又想食得特別少少，所以搵咗呢間日式鐵板燒試吓。我哋點咗個二人鐵板餐 - 鳥海山鐵板餐，因為睇落都非常豐富，價錢又OK。是日精選刺身總共有四款刺身，店員好細心地介紹，提我哋可以由較淡味嘅白魚刺身開始食起。每款刺身都非常鮮甜，真鯛爽甜，三文魚腩肥美沙律新鮮沙律菜同小蕃茄配上胡麻醬，非常開胃。活龍蝦呢個龍蝦真係不得了，係呢個套餐嘅亮點，整隻龍蝦鐵板燒得好香，亦都好貼心地起咗肉，蝦膏加上牛油同日式調味，超級香。活鮑魚鮑魚已切成小塊，好入味，口感軟彈。鵝肝多士鵝肝煎得好香，油香喺口中滲出，正牛肉薄燒薄切牛肉卷有四件，肥瘦相間，好香口。野菜菜用上日式醬汁炒香，唔會太油膩。炒飯炒飯粒粒分明，加上小蝦乾，更添鹹香。味噌湯飲碗味噌湯，暖暖胃。雪米糍最後食埋呢個小甜品，非常滿足。

今晚同朋友嚟食鐵板燒，由於時間尚早，我地係第一批客人環境舒服，好新淨我地揀咗鳥海山鐵板餐，睇落好豐富新鮮沙律是日精選刺身：侍應建議由右上角開始順時針食唔錯，好新鮮燒鮑魚：幾好食，唔會過韌燒龍蝦：好好食龍蝦肉已經切做一粒粒方便食用，而且龍蝦汁好濃！侍應仲俾濕紙巾我地，提醒個殼可能仲有少量龍蝦肉幾貼心鵝肝多士：好食一啖食哂，鵝肝喺口中慢慢融化，啲油滲落多士到好食牛肉薄燒：唔錯，牛肉包住蔥，咬落去好香蔥味味噌湯炒飯：好食！好香，炒到啲飯粒粒分明炒菜：都唔錯，熟度剛好雪米糍：最後仲有甜品每一道菜我地都食哂，整體都幾好食，呢個價錢食到咁高質素真係幾抵食