雅 ‧悠蔬食

營業中

休息中

是日green day 梗係要搵間健康素食餐廳，為自己身體refresh 一下，今次揀來尖沙咀 金馬倫道的「雅。悠蔬食」，一間以紫色為主的高質素食餐廳，感覺真優雅。午餐很多款套餐選擇，另加$10有中或西湯以及餐飲，套餐價錢由$88起。西湯是「蘋果南瓜甘筍忌廉濃湯」配香脆法包， 湯很清甜順喉，法包也酥脆可口。中湯是「粉葛蓮藕陳皮赤小豆湯」配烤南瓜紅石榴燕麥黑松露沙律，這中湯夠火喉，而且很滋潤。主食為「花菇栗子梅菜茄子煲配羽衣甘藍菜飯」，花菇及茄子很入味，再配以惹味的梅菜混合飯來吃超夾，好吃到停不到口。另一個是「 素瑤柱生肉絲上海粗炒配椒鹽椰菜花」，炒得好有鑊氣，味道跟一般上海菜館差不多。飲品是「檸檬蜂蜜生薑茶」味道不錯，另加$10可升級飲品，點了「紫貝天葵荔枝梳打」 紫背天葵配荔枝微酸中帶甜，加上梳打後感清爽。

多年前朋友介紹到訪。疫情下，再次光顧。Openrice 預約留座。我們相約在午飯時間後一點的時段，我還是第一次光顧午市。（晚市有每人最底消費$200）套餐選擇也不少。我們三人分別叫了三個sets share, 包括鮮茄芝士菠菜秀牛焗飯$78；花菇栗子梅菜茄子煲配羽衣甘藍菜飯$88；台式鹽酥菇，配素滷肉羽衣甘藍菜飯$98；另加$10 粉葛蓮藕陳皮赤小豆湯，配吼南瓜紅石榴禮物黑醋沙律。三個餸都各有特色。最好味係個中式素湯，好清甜，真材實料冇味精，其次我選栗子煲及羽衣甘藍菜飯。不定時食下素菜，令腸胃休息一下，清清地都幾好！

悠蔬食的特點是融合多國菜式(Fusion) 以及使用新鮮天然食材，帶給您和家人朋友一個全新的蔬食體驗。有多款精緻甜品，滿足所有男女老幼的口味，是家庭或朋友歡聚的好地方。 “悠蔬食”致力推廣健康清新的蔬食文化。以新鮮食材和高超廚藝，輔以高雅舒適環境，為您提供一處悠閒自在的餐飲好去處。本店齊集中西日台泰系頂尖蔬食廚師，融合多國菜式。 雅‧悠蔬食（尖沙咀分店） 地址：尖沙咀金馬倫道48號中國保險大廈3樓 （尖沙咀地鐵站 B2出口 或 尖東地鐵站 P3 或 N2出口 ） 電話：3706 5827； Whatsapp：6796 8636 天‧悠蔬食（荃灣分店） 地址：荃灣楊屋道18號荃新天地2期地下 G08-11號舖 （荃灣西站 C3 或 D 出口） 試左佢三款菜價錢雖貴但質素幾好質素 會黎試

悠蔬食一直都係一間好有口碑既素食店，試過兩次晚市去荃灣西既分店都全院滿座。今次趁住出尖沙咀做野，有幸試到第一輪既午市套餐。一入到餐廳，温雅淡逸的少女風撲面而來，全店以紫色為主調，由門面、卡位、天花和燈罩也以紫色配搭，而且有深淺粉紫作出平衡，睇落去已經十分舒服。 午市套餐由78至98都有，菜式包搭中西日泰台美都有，睇黎大廚都幾多涉獵。咁我今日就揀咗D餐，有台式滷麵配腐皮卷&南瓜天婦羅，難得黎到食野，我仲加埋中式前菜同埋老火湯，總價就係98蚊包埋一杯飲品。 首先黎到既係前菜同湯，原本餐牌寫胡麻醬，我仲以為係日式果隻，但黎到先發覺係近似平時食腸粉果隻麻醬，呢個配搭幾特別，令到茄子同牛蒡絲添上香味。湯品好足料，飲到最後個底都仲有好多豆，不過就略嫌調重咗小小。 接住就係今日既主菜，當滷麵放上檯面時，我第一樣諗既唔係點解多料到鋪平成個表面，而家顏色咁重會唔會好鹹？但一食落去就知道冇d咁既事，因為滷水主要用係藥材同埋甜醬汁等調味，完全唔會覺得鹹，食完都仲想飲幾啖湯咁上癮。配料包括有滷蛋、白蘿蔔、紅蘿蔔、菜同麵筋，全部都好入味，滷水汁完全滲哂入去材料入面。最令我欣賞既係麵條本身，因為廚房係用滷水去將煮

好一般的素食餐廳🥴香港有其他更好選擇唔可以話佢難食，但真是好一般，香港地，咁多數菜，現在流行素食，真係有好多好多更出色的素食餐廳！蔬菜已經去除了肉類的鮮味，所以需要有較高質的烹調手法和調味，甚至要有覺精緻的擺盆，才可以吸引顧客，而呢間做唔到。1️⃣前菜毛豆，和餐湯，已經算是整個餐最正常的東西，毛豆調味比較甜，不過也可以，餐湯味道不錯，可入口2️⃣這個炒飯已經算是比較正常，冇乜調味，比較清淡，菠蘿炒飯的菠蘿放在上面，完全無處理烹調過。不過菠蘿尚算新鮮，甜美。因此，這個餸菜合格。3️⃣兩個朋友都叫了這個泰式炒麵，完全沒有泰式的感覺，很難食，如果當是普通炒麵，可以勉強呑下！最恐怖是炸牛油果🥑，相當油膩，牛油果很苦，超級劣質！4️⃣意粉也很一般，很軟這麼難食的東西，大概$150一個套餐，如果是好吃的，那麼很抵食，如果是這麼難食的東西，就是很貴了。總括而言，這間餐廳有待改善，短期內不會再來光顧。

今日有野出尖沙咀做所以先出黎食個午餐先去左試一間素食餐廳多食蔬菜有益嘛～其實而家嘅素食餐廳已經變得好多選擇中西日韓泰嘅素食都有好似今日呢間餐廳大玩Fusion午餐餐牌可以任選中西素湯配多國美食我今日就揀左菜花忌廉湯忌廉湯比平時食嘅輕盈佢仲有淡淡嘅薑味所以係refreshing嘅主食我揀左大啡菇炒金邊粉炒金邊粉都係偏濃味嘅所以無肉其實無乜影響炸椰菜花有驚喜炸過後無平時咁食咁鬆散面層有少少椒鹽，少少調味幾特別！焦糖海鹽榛子千層呢款甜品都有驚喜千層皮薄濕潤忌廉香滑拍得住名牌嘅出品！

呢間餐廳之前向荃灣分店食過都已經覺得有驚喜，今次朋友帶我來尖咀分店。同樣餐廳裝修新穎午市套餐主食亦很多元化，韓式，泰式，西式，日式，中式都有 最后我們三人點了花菇蘿蔔支竹炆素腩煲配珍珠糙米飯$88，素腩用了猴頭菇代替，味道醬汁非常十足，但份量如果多少少就更加好。野菜大啡菇炒金邊粉配椒鹽椰菜花$88整碟都炒得好乾身，一點也不油膩，椒鹽椰菜花沾了生粉炸很脆口。泰式鳳梨炒飯配沙爹串燒$88非常口食😋😋😋食完主菜，我們還加配了佢地既限定甜品#巧克力蜜糖吐司遇上香草雪糕脆脆多士加左oreo餅乾再加埋雲尼拿味雪糕超好味。平時食飯食都唔知想食咩，不仿試下素食都會令你有意想不到的味道。雅悠蔬食（尖沙咀分店）📍金馬倫道48號中國保險大廈3樓

今日突然想食素，就上OpenRice搵到這間似乎幾好😊上到去見都full哂，要等一等。等咗5分鐘有位，侍應帶我哋入坐😊我見到其他人食緊都係午餐，份量唔太大份，所以我哋就叫多少少食😋花菇蘿蔔枝竹炆素腩煲配珍珠糙米飯，味道真係似牛腩煲味👍🏻撈飯食一流👍🏻泰式菠蘿炒飯配沙爹串燒，菠蘿炒飯好正好多菠蘿粒，好野味，串燒完全似牛肉串燒，估佢唔到咁好味👍🏻👍🏻推介👍🏻👍🏻野菜大啡菇炒金邊粉配椒鹽椰菜花，又一野味之選，同平時食嘅泰式炒金邊粉係一樣咁好味😋反而椒鹽椰菜花係味道麻麻。甜品有幾款選擇，我揀咗朱古力吐司配vanilla 雪糕，吐司加上朱古力醬撈埋雪糕一齊食，嘩，冇得頂，好好食，雪糕好香滑。食到好飽😋店內環境光線充足，但係坐位比較細，有啲迫。整體ok👌🏻

友人推薦這間餐廳，一來到門口，便被店鋪的裝潢所吸引，紫色主調帶給人一種雅緻的感覺，－洗中式素菜那種圍爐的村土味，讓人很想進去一嘗新鮮美味的素食。餐廳的午市套餐性價比很高，有2款前菜以供選擇，我選了蓮藕海底椰湯配蓮藕薯仔沙律，湯味道清甜，充滿椰香，蓮藕亦新鮮可口，生津解渴，作為前菜非常合適，沙律令人驚喜非常，廚師將蓮藕炸了再撒上糖，甜而不膩，薯仔作冷盤處理，二者配上蜜糖醬汁，令人胃口大開！主菜我點了燒汁豆腐扒配素滷肉羽衣甘藍菜飯，豆腐在燒汁的薰陶下每分每寸都充滿燒汁的香甜味，但又不會味道過濃，送飯一流！素滷肉跟市面上一般滷肉味道無異，有八角的香味，豆腐跟滷肉配上菜飯，味道合襯，三者各擅其長，不會搶去另外兩者的風頭，菜飯安守本分，負責帶出豆腐和滷肉的香味，再加上黃蘿蔔和生薑，令我不知不覺間就將看似大份的主菜吃得一乾二淨了。唯一有點失望的是飲品，我點了檸檬蜂蜜生薑茶，但味道偏淡，扣了少許分數。總體而言，這份午市套餐令人驚喜，味道配搭出色，令人胃口大開，亦改變素食只有白菜吃的傳統觀念，前菜及主菜可謂清新可人，令人欲罷不能😋餐廳環境舒適，服務員態度可親，絕對值得一去再去！

過幾日係年初15，本來諗住當日食素，但係由於嗰日老細下晝請食飯嘅關係，所以就決定提早幾日，補返當日應該要食嘅素。～～～呢間素食餐廳嘅素好靚，係素食界非常之出名，而且我鍾意佢就算一個人嚟食都唔會覺得好尷尬，因為成個餐廳嘅感覺好似私房菜咁，成個環境比較優雅安靜，好舒服，尤其尖沙咀呢間分店嘅座位間隔幾有私隱，啲侍應亦都唔會望住，服務態度好好。～～～睇完餐牌，樣樣都好似好好食，揀咗好耐最後就揀咗佢哋嘅晚市套餐。個套餐入面有前菜、手卷、湯品同主食，仲有埋甜品。～～～前菜：四喜烤麩同麻醬沙薑豆絲粉皮，烤麩好入味，冬菇非常香甜。麻醬沙薑豆絲粉皮亦都出色，清新嘅青瓜絲加埋豆絲同粉皮，真心同雞絲粉皮味道唔係差好遠。～～～手卷&湯品：蘆荀素香鬆苜蓿芽手卷非常清新，記住要快啲食，唔好擺太耐，如果唔係紫菜會變軟身無咁脆口。蟲草花竹笙黃耳百合燉湯飲落滋潤得黎無咩油，而且好多材料，高質。～～～主食：椰香冬陰鮮蔬意大利飯配吉列蒟蒻味道幾可亂真，同平時食嘅海鮮冬陰公意粉味道超似，可能仲好食多少少先tim，炸魷魚係用蒟蒻整成，加埋炸粟米芯，同埋大量嘅菇粒同瓜，完全係令人食到停唔到口，食完呢個之後覺得人多真係有原因嘅。～

📍雅 ‧悠蔬食 (尖沙咀)🔍尖沙咀金馬倫道48號中國保險大廈3樓B號舖-----新年大魚大肉，瘋狂地同親朋戚友食咗好多日，今日就決定清一清腸胃，放工嚟咗尖沙咀呢一間素食餐廳食晚餐。一走進餐廳，淡淡嘅粉紫色同純純嘅白色，清清雅雅嘅感覺令人瞬間心曠神怡。餐牌有多款素食，但有別於傳統嘅素食餐廳，佢哋嘅素並唔係素叉燒、素燒鵝、素雞嗰種，造型非常精緻，而且顏色天然，令人食慾大開。泰式鳳梨炒飯$108 ： 炒飯口感味道非常豐富，裏面加入左大量素嘅肉鬆、菠蘿、素火腿、素菇粒等等，仲有少少黑醋沙律菜伴碟中和油膩感，整體味道完全唔輸有肉嘅炒飯，而且份量好多，食完感覺滿足。鮮蔬豆腐粉絲煲$108：調味調得啱啱好，唔會太清淡，又冇好油膩或者濃味，粉絲索曬湯底，滋味非常，而且佢嘅豆腐仲唔係一般嘅豆腐，而係用咗千葉豆腐，更具口感及彈性。另外提提大家，B仔唔係初一十五，亦都唔係星期五或者假期去，但係都好hit好多人，想食記得最好提早book位。-—-👶🏻B仔整體評價：8.1/10個👍🏻👶🏻B仔抵食程度：7.5/10個👍🏻👶🏻B仔環境評分：8/10個👍🏻👶🏻B仔味道評分：8.5/10個👍🏻👶🏻B仔回頭機會：8/10

8個人，在二人一枱的限聚令下，找地方聚會，慶功不容易。當中有人素食，所有更加少選擇。最後，叮一聲，想起這間，悠蔬食，他們共有兩間店，一在尖沙咀，一在荃灣。素食已經慢慢變得普及化，已經不只是因為宗教而吃素。現在很多人有着不同原因而素食。悠蔬食的菜牌種類豐富，有日式的小菜，有的是韓式，當然有中式及西式，所以我說是一家fusion素餐廳。從Menu可見，可以知道店主及廚師，是花了不少心思去鑽研菜譜。其實素食可以很精彩。我們叫了四個set lunch，另外叫了三個小食：土匪雞翼， 焗田螺及pizza。再加三個散叫嘅餸：咕嚕猴頭菇，雜菜粉絲煲，馬拉盞炒雜菜。冇影低所有菜式，因為忙於傾計及分餸。Set lunch 送湯及飲品，飲品有柚子蜜，薑茶等等選擇。另外，他們有無酒精的嘉士伯啤酒。絕對啱宗教素食者過下癮。

第1次到尖沙咀分店享受素食午餐！餐廳環境寧靜，座位舒適員工服務一流，nice nice,用心介紹餐牌的食物。午餐我就選了泰式🍍炒飯拼沙爹串燒。湯就選西湯，原因因為這西湯加了薑。暖胃驅🥶一流！炒飯完全和泰式別無差別，非常入味，串燒口感及醬汁簡直和食肉無分別。昨天是十日齋的二十四，感恩有這餐廳，我又完成十日2齋的任務。份量也足夠，最後我選了千層紫薯糕，yummy ! 大家如果想嘗試3餐有1餐食素，極推荃灣店及尖沙咀店的雅悠蔬食。

餐廳把素食嘅主義, 再融合世界各地嘅煮食方法, 發揮得淋漓盡致, SET LUNCH 可選擇既種類好多, 有泰式, 有西式, 目不暇給, 我點選咗個泰式鳳梨炒飯, 有微辣嘅 , 只係68蚊, 另外再加十蚊配前菜同埋湯品嗰個香脆法包, 焗到非常之香脆, 再加少少香蒜, 非常之惹味野菜粟米雪耳忌廉濃湯, 非常之杰身嘅, 湯頭蘊含著豐富嘅雪耳, 咬口爽脆, 非常之香這個鳳梨炒飯我覺得比一般泰式餐廳做得更加之好每粒炒飯炒得分明,爽口, 紫菜, 粟米, 蘿蔔, 青瓜切成碎粒, 豐富咗口感, 最緊要係個醬汁, 辣辣地, 又香, 非常惹味 再加菠蘿非常的juicy, 令到炒飯味道提升不少

今個聖誕冇得出街食，外賣已經變成常態，平常嘅Party food 食到悶悶哋，今次試下素食Party Menu 先～我哋叫咗一個 6人套餐（$788）再加一個黑松露鮮蔬炒飯（$288），佢嘅服務都唔錯，Whatsapp 落單，可以幫手叫埋go go van，都幾方便！仲俾夠餐具同碗，雖然知道唔環保，但我哋實在係咩都冇，有埋碗仔真係大讚👍🏼6人餐包括：🍴紅菜頭蘋果合桃沙律🍴小食雙拼：酥脆腐皮卷、泰式如餅（各6件）🍴牛油果玉子壽司卷（6件）🍴素瑤柱金菇扒時蔬🍴千島醬牛油果薄餅🍴蕃茄田園忌廉燴扁意粉🍴精選純素甜品 - 斑蘭椰汁千層糕、宇治抹茶乳酪蛋糕佢每盒上面都細心用人手寫好係咩，份量都頗多，雖然我哋因為等齊人遲咗開始，基本上D嘢食都凍晒，但依然樣樣都出色好好食！完全冇因為凍咗會影響質素，相信熱食會仲正！素瑤柱金菇扒時蔬好出色，因為係用一條條好細條那種菜苗，唔係一般蔬菜，Party menu 一D都唔hea 你！唯一覺得唔好食嘅係宇治抹茶乳酪蛋糕，佢個味怪怪哋，上面嘅紅豆太甜，呢個係敗筆🙈