765
61
23
| 餐廳: | 雅 ‧悠蔬食 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
開飯介紹
新式素菜店，裝修簡潔，以紫、白色為主題，致力推廣健康清新的蔬食文化，韓、泰、西、日、中式的選擇皆有之，饒有口碑。
繼續閱讀
營業時間
今日營業
11:30 - 16:30
18:00 - 22:00
星期一至日
11:30 - 16:30
18:00 - 22:00
公眾假期
11:30 - 16:30
18:00 - 22:00
公眾假期前夕
11:30 - 16:30
18:00 - 22:00
以上資料只供參考, 請與餐廳確認詳情
有關獎賞計劃
相關文章
我向來會定期食素菜，今日相約朋友去雅悠素食，位置在尖沙咀非常方便，店主多年推廣健康素食，餐廳以紫色為主，高雅而優靜，食物外型都不似素食我們叫了套餐包中湯或西湯、兩款前菜、手卷、主菜及甜品，我選了中式湯，服務員好殷勤同細心前菜有兩款，鮮果沙律及蒟蒻翠玉瓜鮮果沙律包括火龍果, 提子🍇、車厘子🍒、花生🥜及蔬菜🥬, 清新開胃蒟蒻翠玉瓜、蒟蒻好Q彈而翠玉瓜好爽口，加埋蘿蔔絲條同芝麻增添美味中湯是蟲草花椰子百合黃耳竹笙燉湯🥣材料好豐富，湯好足料，滋潤補身手卷：香芒牛油果苜蓿芽手卷🥑🥭苜蓿代替了米飯，配上芒果牛油果，好Fresh, 紫菜好香脆，店員提醒要盡快食，避免紫菜變淋不夠脆主菜: 椰香冬䕃野菌炒飯伴迷你泰式拼盤炒飯用珍珠米，粒粒分明，好有椰香味，滲入冬䕃香味酸酸辣辣，加入野菌好健康，面頭鋪了太陽蛋，外型好似印尼炒飯迷你泰式拼盤泰式春卷、串燒及泰式蝦餅，沙嗲醬獨特調味，不太桸味道不錯咸香茄子猴頭菇栗子豆腐煲素猴頭菇咬落有菇味，材料滿滿，有茄子、粟子同豆腐，味道同傳統魚香茄子煲冇分別，同樣惹味甜品古法黑芝麻糕 （二件）有濃郁黑芝麻香味，口感軟糯
繼續閱讀
本身自己都幾鍾意食素食😬再訪新派素食餐廳「雅 ‧悠蔬食」💜.⚠️此餐廳收取10%服務費💰.鐵板黑椒汁烤大啡菇拼素漢堡扒配意式薯菜🥘套餐$268💰大啡菇加入一啲素肉烤焗🍄非常Juciy🤤素漢堡肉感豐富緊實🥩加上黑椒汁，好味道👍🏻配上粟米筍🌽蘆筍、西蘭花🥦紅蘿蔔🥕雲耳、翠玉瓜🥒番茄🍅飽肚感十足.周打猴頭菇黃耳桃膠忌廉濃湯🥣跟餐$0💰猴頭菇同忌廉味道濃郁🍄🟫加上黃耳、桃膠☺️滋潤養顏.香芒牛油果苜蓿芽手卷🍙跟餐$0💰利用苜蓿芽代替米飯🌱用脆卜卜紫菜包住苜蓿芽、芒果🥭牛油果🥑感覺清新帶草青味😌.香酥芋圓🧆跟餐$0💰.紫薯紅菜頭雪球🍠跟餐$0💰紫薯蓉綿滑😗混合紅菜頭粒及蘋果粒🍎爽脆清甜.土匪腐皮卷(4件)🍗單點$98💰腐皮卷呈炸雞髀造型😍灑滿孜然粉🌶️香噴噴💨外皮炸得香脆，香口惹味😆.黑糖珍珠芋圓遇上豆乳布甸🍮跟餐$38💰豆乳布丁滑順香濃🥛可惜珍珠同芋圓已變硬🥺.熱滋潤蘋果雪梨海底椰🫖單點$38💰有唔少蘋果🍏雪梨、海底椰椰肉🥥.凍雪梨青檸蘆薈冰茶🍹跟餐$10💰有粒粒雪梨同蘆薈果肉🍐
繼續閱讀
雅 ‧悠蔬食今次要介紹一間素食餐廳喺尖沙咀中國保險大廈3樓叫「雅 ‧悠蔬食」，入到去見到裝修椅紫色為主，紫色都係我鍾意嘅顏色，高雅得嚟唔會好浮誇，坐得好舒服，輪椅人士要上嚟食素絕對好方便，有升降機上3樓，餐廳入面通道算闊落，經過尖沙咀嘅你如果想食素菜不妨揀呢一間餐廳啦！午市套餐1.湯品：南瓜扁豆玉米忌廉濃湯 配香脆法包+姬松茸佛手瓜蓮藕雪耳湯 配芝麻蜜汁薯仔蓮藕（10/10）兩款湯入面嘅湯料非常豐富，南瓜扁豆玉米忌廉濃湯好濃稠，法包好脆身，芝麻蜜汁薯仔蓮藕個蓮藕口感幾煙韌，最初以為係炸蓮藕，唔知比佢外型呃咗！2.芝士蕃茄吉列猴菇焗黃金蛋炒飯+凍咖啡$108（9.5/10）呢個芝士蕃茄吉列猴菇焗黃金蛋炒飯個口感好似焗豬扒飯，芝士多到可以拉絲，猴菇口感勁似豬扒，再加埋炒飯底簡直完美，飲品揀咗凍咖啡，咖啡味比較偏酸！3.黃金素叉燒飯 配蕃茄炒滑蛋+凍檸茶$108（9/10）呢個黃金素叉燒飯外貌真係好似叉燒，連口感都一樣，叉燒有少少咸，仲配埋蕃茄炒滑蛋，飲品揀咗凍檸茶，如果檸檬味再多少少就更好！4.生椰拿鐵千層班戟$28（8.5/10）呢個生椰拿鐵千層班戟如果跟餐叫就$28，散叫價$58，拿鐵味可以重少少，中間果層Cream如果可以少返少少就更好！備註：如果持有恆生或匯豐信用卡，星期一至五中午有九五折優惠（星期六日、公眾假期及初一同十五除外）2人總共價錢$268，其他有加一服務費！個人口味總評分：9.25/10 地址：尖沙咀金馬倫道48號中國保險大廈3樓B號舖Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#雅 ‧悠蔬食 #中國保險大廈 #素食 #尖沙咀美食 #尖沙咀好去處 #香港美食 #無障礙餐廳 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
平時做開食肉獸嘅我，最近去咗尖沙咀嘅雅 ‧ 悠蔬食，呢間素食餐廳望落平平無奇，但食完真係令我好驚喜！一入到去就感受到環境乾淨、寬敞，燈光柔和，令人有種放鬆嘅感覺，特別適合朋友聚餐或者收工過來食一餐輕鬆嘅晚餐。我點咗一個晚市套餐，首先上嚟嘅係兩款前菜：•上海素海蜇：素海蜇口感脆脆，當中又帶有一點嚼勁。搭配嘅醬汁酸酸甜甜，特別開胃，真係好適合夏天食。•泰式鮮果沙律：呢道沙律色彩繽紛，裡面有新鮮嘅提子、紅肉火龍果同菠蘿，配上泰式酸甜醬，甜中帶酸。*手卷驚喜*跟住上嚟嘅係香芒牛油果苜蓿芽手卷。呢道手卷外皮薄脆，裡面包住成熟嘅牛油果，滑得嚟又香濃，香芒嘅甜味同苜蓿芽嘅清新完美結合，味道更加提升！*濃郁湯品*黑松露椰菜花忌廉濃湯，質地滑順，黑松露嘅香氣讓人一聞就流晒口水。椰菜花嘅細膩口感配合忌廉嘅濃郁，真係令我一口接一口，好食到唔想停口。*主菜豐富*主菜係椰香冬陰野菌炒飯配迷你泰式拼盤。炒飯嘅米粒分明，唔會黏埋一齊，每一口都能感受到米粒嘅彈性。椰香味道濃，冬陰功嘅酸辣味配合椰香，讓人感受到濃厚嘅泰式風味。迷你泰式拼盤裡有春卷、仿肉串等炸物，每一口都帶來唔同嘅驚喜，特別係春卷，外脆內軟，搭配甜酸醬，味道更加出色。*清涼飲品*柚子青檸蘆薈冰茶清新解渴，柚子嘅微苦同青檸嘅酸味配合得剛剛好，加上滑滑嘅蘆薈粒，清爽又帶點層次。最後，甜品係紫薯乳酪蛋糕，上層紫薯餡同滑滑嘅乳酪相互交融，食落去既唔會太甜，下層既餅底又不會太硬，充滿層次感，令人回味無窮。*額外加點*由於套餐嘅味道太吸引啦，我地忍唔住額外點咗泰式素大哈炒金邊粉及追加甜品芒果雪山綿綿冰。金邊粉同香菇豆腐炒得軟硬適中，香氣四溢，食上去滑順可口，上面嘅素大哈相對清淡，與濃味嘅金邊粉水配合得剛剛好。芒果雪山綿綿冰分量好足，上面鋪滿新鮮嘅芒果粒同芋圓，清涼可口，食完之後真係好滿足。
繼續閱讀
今日就同朋友去左雅 ‧悠蔬食素食餐廳環境典雅舒適，晚市套餐包括兩款前菜，手卷，湯品,主菜同甜品上海素海蜇味道酸酸甜甜，口感Q彈泰式鮮果沙律新鮮生果配搭沙律菜，清新開胃湯單有中湯同西湯選擇 黑松露椰菜花忌廉濃湯質地濃稠，入口係滿滿既忌廉奶香同黑松露味香芒牛油果苜蓿芽手卷紫菜咬落香脆，芒果同幼滑既牛油果完美結合豆乳黑木耳雜菌時蔬有多種配料，豆乳既香醇令蔬菜更鮮甜XO醬金不換野菌素牛肉燴扁意粉配吉列牛油果吉列牛油果炸到金黃香脆，素牛肉口感逼真 ，扁意粉索滿XO醬同金不換既獨特香氣古法黑芝麻糕黑芝麻味香濃，甜而不膩焗蓮茸西米布甸口感軟糯，有西米既Q彈，又有蓮蓉既香甜
繼續閱讀