雅 ‧悠蔬食

🙋🏻‍♂️餓底探員今晚去咗尖沙咀調查呢間新派素食店，本身好少食齋菜，經朋友提議就嚟體驗下，結果改變咗餓底我對素食嘅觀念，店舖用上粉紫色為主調，氣氛好和諧，店員態度非常友善親切，喺度用餐好愉快，感覺好賓至如歸👍🏻🥑悠蔬食小食拼盤 $178📸表示個小食拼盤分別有酥脆腐皮卷，泰式如餅，沙嗲串燒，酥炸蒟蒻同吉列牛油果，全部炸到金黃色，好吸引🙋🏻‍♂️表示個炸蒟蒻口感似炸墨魚餅，食落煙韌，吉列牛油果外層用紫菜包住，味道有啲似韓式炸粉絲卷，只係入面包住牛油果，腐皮卷食落酥脆，味道鮮甜，泰式如餅口感爽彈，充滿豆香，串燒食落香口，配埋個沙嗲醬，味道同一般用肉做嘅沙嗲串燒一樣咁好食🍽️晚市套餐 $268🥔日式藜麥野菜松子薯球🫛滷水花菇毛豆百頁豆腐伴醬燒牛蒡📸表示個薯球外形成個雪糕球咁，配上藜麥，松子等配料，百頁豆腐配上毛豆，牛蒡等，兩款前菜都做到咁精緻，誠意十足👍🏻🙋🏻‍♂️表示個薯球味道香甜，配上藜麥同松子提升咗口感層次，百頁豆腐滷製過，食落香濃入味，配上鮮甜嘅花菇同毛豆，仲有甘香嘅牛蒡，味道好豐富🥭香芒牛油果苜蓿芽手卷📸表示個手卷包住滿滿嘅苜蓿，配上芒果同牛油果，店員仲熱心提醒要盡快食，避免紫菜腍咗影響口感🙋🏻‍♂️表示個手卷食落紫菜香脆，苜蓿味道清新，配上香甜嘅芒果同牛油果，味道特別🍄姬松茸竹笙黃耳百合燉湯📸表示個燉湯用上姬松茸，竹笙，黃耳同百合等配料燉製而成，非常足料🙋🏻‍♂️表示個燉湯飲落充滿濃厚菇菌味，非常香甜，黃耳味道甘香，食落有豐富嘅膠質，好滋潤🍛青咖哩藜麥野菜燴猴菇配印度煎餅及珍珠糙米飯📸表示個主菜一上枱就聞到香濃青咖喱味道，青咖哩用上野菜同猴頭菇，面頭有大量藜麥，配上印度煎餅同糙米飯，非常健康嘅主菜🙋🏻‍♂️表示個青咖哩味道帶微辣，食落香濃惹味，配上多款野菜，有西蘭花，茄瓜，青椒，豆角同猴頭菇等等，食落清甜味鮮，印度煎餅香脆，糙米飯粒粒分明，好有米香，兩樣都好適合配個青咖哩汁嚟食🍨紫脆金迷 $78 (套餐加配$38)📸表示呢個甜品係杯芭菲，入面有香芋雪糕，麻糬，奇亞籽，哈蜜瓜，面頭放上酥皮脆餅，士多啤梨同杏仁片，賣相非常吸引🙋🏻‍♂️表示個香芋雪糕味道香甜，麻糬口感煙韌，酥皮脆餅食落酥脆香口，哈密瓜同士多啤梨鮮甜，成杯芭菲充滿豐富嘅味道同口感，好好味⚠️餐牌上某啲食物會有圖案提示食物或製作過程會含蛋或奶嘅成份，方便食客或素食者，有需要可同餐廳提出免蛋或奶，呢點非常貼心📈吃貨指數😋好味度 9/10🔙返啅度 9/10…查看更多

多年前朋友介紹到訪。疫情下，再次光顧。Openrice 預約留座。我們相約在午飯時間後一點的時段，我還是第一次光顧午市。（晚市有每人最底消費$200）套餐選擇也不少。我們三人分別叫了三個sets share, 包括鮮茄芝士菠菜秀牛焗飯$78；花菇栗子梅菜茄子煲配羽衣甘藍菜飯$88；台式鹽酥菇，配素滷肉羽衣甘藍菜飯$98；另加$10 粉葛蓮藕陳皮赤小豆湯，配吼南瓜紅石榴禮物黑醋沙律。三個餸都各有特色。最好味係個中式素湯，好清甜，真材實料冇味精，其次我選栗子煲及羽衣甘藍菜飯。不定時食下素菜，令腸胃休息一下，清清地都幾好！…查看更多

約左朋友食晚飯聚會，她帶我到呢間（雅·悠蔬食）晚飯，一入到去餐廳見到坐滿食客，淨番兩個位😅，原來朋友之前已經book 定枱。我地每人都叫左個dinner set，每一樣野都好好食呀，食物上枱時全都時熱熱的。前菜：滷水花菇毛豆百頁豆腐伴醬燒牛蒡 及紫薯紅菜頭雪球 - 好味湯品：雪燕椰菜花南瓜甘筍湯 - 味道香濃，好味茶樹菇竹笙黃耳百合燉湯 - 足料既食材，味道香濃主菜：青咖哩野菜猴頭菇配印度薄餅及珍珠糙米飯 - 食到淨番啲青咖哩汁都想飲埋😅百靈菇青醬鮮豆包黑松露薯蓉焗千層闊面 - 食到濃郁既黑松露既味道，好香甜品：班蘭椰汁千層糕及法式香芋千層酥（尖沙咀店限定）上枱擺設得好靚，不太甜，好味加配手卷：蘆筍素香鬆苜蓿芽手卷 及 香芒牛油果苜蓿芽手卷 - 紫菜好脆，苜蓿芽好fresh👍🏻…查看更多

第五次來悠蔬食~支持用心製作精緻素食的小店。餐廳位於尖沙咀金馬倫道樓上舖，環境簡約整潔。黑松露椰菜花野菌忌廉意大利飯伴香烤茄子套餐 $258大啡菇雙薯藜麥焗千層闊麵套餐 $248我們每人點了一份晚餐，包前菜、手卷、湯品、主菜、甜品和飲品，相當豐富。前菜前菜包括醬燒百靈菇山藥伴日本黑豆、奇亞籽紫薯蘋果薯仔伴莓乾及泰式香茅金柚鮮果沙律。醬燒百靈菇山藥伴日本黑豆百靈菇和山藥爽口入味，醬汁鹹度適中，日本黑豆口感軟糯，稍甜。奇亞籽紫薯蘋果薯仔伴莓乾醬汁酸甜開胃，蘋果爽脆，紫薯軟熟，加了super food奇亞籽，含豐富膳食纖維，更有口感。泰式香茅金柚鮮果沙律有驚喜，醬汁酸甜微辣，生菜爽脆，柚子清新，加了花生碎口感更佳手卷蘆荀素香鬆苜蓿芽手卷店員再三提醒我們要盡快吃，不然紫菜會變軟。手卷內沒有飯，以滿滿的苜蓿芽代替，更輕盈健康，紫菜非常薄脆可口，蘆荀清爽，尤其喜歡素肉鬆，鹹香惹味。香芒牛油果苜蓿芽手卷牛油果軟滑，芒果清甜，配合爽口苜蓿芽和鹹香素肉鬆，口感味道豐富。 湯品猴頭菇竹笙黃耳無花果百合燉湯以燉盅端上保持溫度，熱得冒煙，相當足料，大大件猴頭菇和黃耳，無花果更添清甜。牛肝菌桃膠忌廉濃湯 雖然是忌廉湯但一點也不會膩，味道濃厚香滑，牛肝菌味清香，桃膠爽滑養顏。主菜黑松露椰菜花野菌忌廉意大利飯伴香烤茄子醬汁如奶油般濃郁，黑松露味很香濃，茄子香嫩，蘆筍爽脆，配拉絲芝士更惹味。意大利飯顆粒分別，熟而不爛，有嚼勁。大啡菇雙薯藜麥焗千層闊麵 鋪滿金黃色的拉絲芝士，內有酸甜蕃茄醬解膩，吃得出是以新鮮蕃茄製作而不只是人工茄膏。有四層千層麵，每一層中間均有雙薯焗紫薯、薯仔、豆乾，還有super food藜麥，充滿膳食纖維和蛋白質，相滿飽肚，建議和朋友一起分享。甜品古法黑芝麻糕芝麻味濃郁， 口感爽滑，如果軟糯一點更好。店家以馬蹄粉和粟粉取代較便宜的魚膠粉，名副其實純素甜品。椰香紫薯千層班㦸 +$25每次來最期待就是這裡的招牌千層班㦸，每月不同口味，吃過紫薯、抹茶、伯爵茶和泰茶味，最喜歡頭兩款。紫薯味濃厚，忌廉奶香幼滑，有十六層班戟，口感豐富。其實還想試期間限定的法式香芋千層酥，有機會再來。飲品香脆五穀杏仁牛乳 套餐+$15杏仁奶香滑，五穀片健康富口感。餐牌…查看更多

今晚約左朋友到尖沙咀行街街+Dinner ，之前我地都食過銅鑼灣店悠蔬食，覺得質素吾錯，知道佢地尖沙咀有分店，就決定去呢度晚餐，走到門口，見到好多枱食客，環境令我坐得好舒服。看看餐牌，點了兩個dinner set ：先係三款前菜（醬燒百靈菇山藥伴日本黑豆特別好食，醬汁好香濃得黎吾會覺得咸，另外兩款都吾錯好開胃）；手卷（香芒牛油果苜蓿芽手卷，紫菜好脆、苜蓿芽好fresh，兩者加埋口感好正）；湯品（我揀左牛肝菌桃膠忌廉濃湯，香濃既牛肝菌味豐富了味蕾😋）；主食 （西西里鮮茄🍅野菜燴扁意粉伴吉列牛油果🥑👍👍😋，青咖哩野菜猴頭菇配印度薄餅及珍珠糙米飯，好野味，豐富食慾）；甜品（古法黑芝麻糕👍香香的芝麻味）…查看更多

今次黎左尖沙咀新開既西式素食餐廳，平時做開食肉獸，間唔中都要健康d食下素🥗餐廳風格好可愛，以紫白二色為主調💜•Dinner Set ($258)前菜 🥣涼拌杞子百合黑木耳幾爽口，酸酸地好開胃👄-🎃日本南瓜莓乾薯泥平時麻麻地南瓜既我都覺得幾好食🤤-🥗泰式鮮果沙律有🍇提子，🍍菠蘿，火龍果等水果，下面有沙律菜，幾清新👅•🌯香芒牛油果苜蓿芽手卷呢樣係全晚我至愛✨✨佢有成3塊紫菜包住🥭香芒，🥑牛油果，苜蓿芽，估唔到成個味道可以咁夾咁正！重點係紫菜極脆，好少可以keep到咁脆口，超好食😋😋•🍲猴頭菇竹笙黃耳雪蓮子燉湯足料，燉湯夠清，好滋潤健康😻•🍝黑松露意式野菜焗螺絲粉 伴 香脆腐皮卷野菜有🍄菇，露荀等，加左好多芝士🧀同黑松露黎焗個粉，味道好香好突出!香脆腐皮卷外層好脆，入面勁多層腐皮，口感好似食緊肉咁，好味呀🍗•🍰焦糖海鹽榛子千層班㦸（+$25）cream夠香滑，味道幾好，同lady m 比個蛋皮較厚🍴•🍯檸檬蜂蜜水（+$10）幾好，蜂蜜味夠～————————————（5⭐️滿分，💫為半分）整體環境：⭐️⭐️⭐️⭐️食物外觀：⭐️⭐️⭐️⭐️味道：⭐️⭐️⭐️⭐️性價比：⭐️⭐️⭐️回頭指數：⭐️⭐️⭐️💫————————————…查看更多

我呢個食肉獸平時食嘢每餐都要有肉，今次有朋友推介話要試吓呢間新嘅素食餐廳，所以我哋約埋幾個女仔一齊去試下食齋，香港好似好少素食餐廳，咁耐以來我都係去過一間，呢間係第二間，我覺得餐廳環境裝修得幾靚，係粉紫色做主題，比較有新派嘅感覺，女仔影相都靚啲我哋叫咗幾款嘢食，夜晚如果set dinner就會比較抵啲不過一個人就未必食得晒，所以幾個share就會好啲我哋食咗pizza，菇扒餐，素食手卷同甜品我比較推薦素食pizza，我覺得Pizza好香白松露味都正，熱辣辣又好香口👍🏻扒餐係兩塊超大菇配薯菜 大菇整到好入味 同個汁都好夾，不錯不錯！最後食埋個甜品😋我覺得咖啡千層班戟好好味，真係值得一試！大家都食到好飽，呢餐有豐富又健康哈哈，我覺得比其他素食餐廳來講做得好得多😃下次會同朋友再去食！…查看更多

聽朋友介紹就想同女朋友情人節去撐吓枱腳，點知原來咁多人(2月14～其實多人都正常😭)之後就book咗平日，叫咗晚市套餐嚟試，點知真係幾驚喜！😳前菜有我最喜歡嘅青絲粉皮😋真係食前菜都食飽之後本身想叫忌廉湯，可惜店員話賣曬😭就叫咗中湯～一向少飲中湯，但見到好足料，而且我女朋友好中意飲，連渣都食埋(除左粒蜜棗啦當然😂)喺我對面嗰個飲湯飲得津津有味嘅時候，手卷都出場啦！（上菜速度幾快，抵讚👍🏻)一啖咬落去，有牛油果嘅香、芒果嘅甜、同苜蓿芽嘅清新(好似賣廣告咁xd🤣～但真係好好食，好開胃最估唔到原來素食都有咖哩，而且猴頭菇咬落去嗰感覺好爽，重有少少似食緊雞肉，送飯幾好～我最欣賞都係個印度薄餅，好香，煎得好酥脆，用嚟點咖哩一流！可能因為我中意d香口野😋所以最後就叫咗呢款甜品～應該因爲係即叫即整，所以好夠脆！另外，蘋果唔係罐頭生果個種，一食就食得出，餡料重加咗提子乾點綴吓，令成個批嘅味道無咁單一整體而言，價錢同食物都非常滿意，可惜太受歡迎啦，如果大時大節想食就要預先book位…查看更多

老婆大人近期較重視健康飲食，特別推介這間素食店，老實講，我這個食肉獸惟有捨命陪君子店子在三樓，裝修幾骨子👍可能時間尚早，顧客未算多，但勝在夠清靜🥰打開餐牌，選擇都多，Dinner set包括前菜丶手卷丶湯品丶主食和甜品，還可配飲品，和我印象中的傳統素菜完全不同，可以自由配搭，又可以一齊share，不錯前菜是麻醬牛蒡青瓜粉皮丶柚香紅菜頭蘋果拌合桃及脆藜麥羅馬蕃茄芝麻醬，口味清新，吃起來很和味，尤其是蘋果紅菜頭，賣相美麗，加上香脆合桃，好味我們不約而同的都選擇香芒牛油果苜蓿芽手卷，脆卜卜湯品中我選了松茸竹笙黃耳百合燉湯，香濃的菇菌味道，齒頰留香老婆揀了白松露椰菜花忌廉濃湯，看見她飲得津津有味，一定也不錯啦主菜分別選了牛肝菌栗子芋頭野菌啫啫煲配珍珠糙米飯和和風鮮蔬一品豆乳鍋配稻庭烏冬牛肝菌煲醬汁香濃，完全不覺得是素菜，栗子甘香，芋頭粉糯，絕對推介豆乳煲有菇菌類外，還有麵筋和鮮腐皮，味道層次豐富，烏冬爽滑，都是精彩之作🍹飲品都好吸晴🥧🍩🍰食埋個甜品就完滿了，吃過這餐廳對素食的演譯，令我對素菜多了不同的體驗🥂…查看更多

原來齋菜可以咁好食？朋友很愛吃蔬菜，於是我們來到這間雅悠蔬食，嘗嘗新派的齋菜。雅悠蔬食裝潢以白和粉紫作為主色，高貴中帶點少女的味道。我們點了兩個dinner set，除了覺得最抵食，更解決了選擇困難症的麻煩，而且每樣食物都令我們驚喜萬分，以西式方法烹調齋菜，打破我們對傳統齋菜的刻板印象。店員首先會端上三款，，分別為涼拌日本黑豆亞塔子黑木耳，秘製千島醬拌四季豆和柚香紅菜頭萍果。光看前菜已經覺得雅悠蔬食很用心，三款前菜均不同顏色，色彩繽紛鮮明，視覺首先得到享受。日本黑豆亞塔子黑木耳我和朋友都十分喜歡涼拌日本黑豆亞塔子黑木耳，以酸醋調味，十分開胃，第一次吃到亞塔子，還特意上google查看，原來是一種棕櫚樹的果實，類似椰子的東西，但口感煙韌淸甜，呈半透明，黑木耳十分爽口，黑豆有嚼勁。這道前菜不止口感豐富，營養價值一樣高，黑木耳能補鈣、補鐵、防止膽固醇過高與血管硬化，黑豆則補腎益脾。秘製千島醬拌四季豆四季豆清新的味道，加上甜甜的秘製千島醬，意外地十分配合，加上脆脆，口感更豐。柚香紅菜頭萍果紅菜頭是一向公認的健康食物，具有抗氧化作用，能防癌抗衰老，味道我認為不及其餘兩種，個人不是太喜歡即食紅菜頭，蔬果和合桃倒是很合胃口，但基於其功效，也要全部吃光。蘆筍素香鬆苜宿芽手卷香芒牛油果苜宿芽手卷苜宿芽手卷又是必試，沒有飯粒的手卷，我想只有雅悠蔬食才有。我們分別點了兩款手卷嘗嘗味道，紫菜很脆，包著一大撮苜宿芽，吃落充滿草青味，而我們更偏愛香芒牛油果苜宿芽手卷，因為加入香芒和牛油果，手卷多了一份甜味，十分美味。日本花菇椰子黃耳竹笙燉湯是日最愛要數這個燉湯，以白色小盅呈上，以保持燉湯的温度。燉湯十分足料，有椰子，粟米，冬菇，蘑菇，黃耳和竹笙，沒有擺放瘦肉一齊煲，卻比肉湯更清甜，而且沒有肉湯的油脂，岩晒不想肥，但又喜歡吃的我們。青咖喱野菜猴頭菇配印度薄餅及珍珠糙米飯吃完了前菜中湯，更期待主菜了！青咖喱野菜猴頭菇以青色陶瓷煲裝起，放在一個圓形木板上，印度薄餅及珍珠糙米飯則整齊放在旁邊，外表十分討喜。裡面的蔬菜包括椰菜花、青椒、紅椒、翠玉瓜等，還有最美味的猴頭菇，猴頭菇脫水，口感很乾很特別，而且十分香。印度薄餅香酥可口，珍珠糙米飯煙韌，至於青咖喱，略嫌不夠稠，味道比較温和，少了辣的刺激感，是比較清淡的咖喱，與蔬菜健康的形象配合，推薦給喜歡清淡一點既朋友。大啡菇鮮豆包栗子紫薯焗千層麵 相比起青咖喱，喜歡濃味的朋友可以選擇大啡菇鮮豆包栗子紫薯焗千層麵。千層麵以紅色長形陶瓷器皿裝起，只見上面滿滿都是芝士，烘焗後呈金黃色，十分吸引，香氣十足。切開千層麵，裡面都是栗子和紫薯，香甜美味，千層麵爽滑，我最愛的大啡菇切片鋪在千層麵上，多汁解膩，配上香濃的蕃茄醬和芝士，實在比很多餐廳的肉碎千層麵更美味更特別。焦糖海鹽榛子千層班戟 雖然焦糖海鹽榛子千層班戟要另外加錢，但食完覺得轉對了，很喜歡千層班戟的味道。與千層蛋糕不同，千層班戟口感較煙韌有咬口，加上焦糖味道剛好，不會太甜膩！芒果脆脆芭菲 另一款甜品，我們點了芒果脆脆芭菲 ，尖沙咀店限定。芒果，焦糖脆脆和奶油隔著一層一層鋪滿，上面是芒果味雪糕，最後以一朵忌廉小花作為裝飾，並灑上紫色粉以配合餐廳主色。味道不錯，但自己唔太喜歡焦糖脆脆，覺得太甜，還是較喜歡千層班戟，但朋友卻十分喜歡這個芭菲。檸檬蜂蜜薑茶(熱) 朋友點的檸檬蜂蜜薑茶，薑味十足，驅寒暖胃。香脆五穀杏仁牛乳(凍) +15我點了香脆五穀杏仁牛乳，十分香滑，杏仁味突出，但凍飲加了冰，溶卻後味道稍稍淡了，建議點熱牛乳，相信更美味！這間新派素菜館實在令我們十分驚喜，值得推薦給朋友！食過都想再食呀！Menu…查看更多

早前和某位食素的朋友相聚，本來我覺得有點惆悵，因為我們吃葷的，往往要遷就素食者的習慣和口味，有時真的不知該去哪裡飯聚。但那位素食朋友，同樣對美食很有要求，今次她帶我來雅悠蔬食，她說這裡的菜式味道都很色香味俱全，所以她相信這餐我會很滿意。這裡的裝潢及座位以紫和白色為主，感覺相雅緻，光線亦相當充足，讓人感到很舒服。我們叫了一個晚巿套餐，份量都足夠我們二人了。前菜有三款素沙律，賣相都幾吸引，份量小小的但剛剛好足夠。前菜 (泰式香茅金柚鮮果沙律)，柚子的酸甜和香茅的配搭都相當夾，配以花生和車厘茄，讓味道多一點層次。前菜 (日式藜麥新薯球)，藜麥，苜蓿芽和薯蓉的組合，清新得來加添爽口感。前菜 (麻醬沙薑豆絲粉皮)，蘸了芝麻醬的豆絲粉皮，口感彈牙，有點像手撕雞。青瓜絲和黑白芝麻粒，加添了爽口感。手作小漢堡，小巧的漢堡，上下的麵包採用白色的包，夾住中間苜蓿芽、素漢堡、蕃茄等，色彩鮮艷奪目，相機食先及呃 like 必選。白包的質感像中式包點般鬆軟綿綿，以苜宿芽代替西生菜，咬落去相當爽口，中間那塊素漢堡扒，口感亦都彈牙軟腍，和肉類質感都幾相似，細細件都幾滋味。湯品：猴頭菇竹笙黃耳雪應子，用料相當十足。湯的味道相當清甜，絕不油膩，猴頭菇亦相當軟腍。香芒牛油果苜蓿芽手卷，外型精美，尤其是鮮橙黃色的芒果和嫩綠色的牛油果，令手卷的顏色更為搶眼。紫菜卷相當脆口，而咬下去並沒有米飯，而是清新爽口的苜蓿芽，配以香甜軟滑的芒果和牛油果，多重的口感既特別又美味。紅燒花菇獅子頭，同樣份量都相當豐富呢。大量的花菇和竹笙、白菜和獅子頭，舖了濃稠的冬菇汁，份外惹味。配以珍珠糙米飯，而白飯的比例較糙米飯多很多，所以米飯入口起來能夠維持到香軟度。獅子頭的口感亦跟肉類頗類似，感覺軟腍彈牙。甜品 (古法黑芝麻糕, 宇治抹茶紅豆乳酪蛋糕)，黑芝麻糕挺實得來口感彈牙，亦帶點黑芝麻的甜味。抹茶乳酪蛋糕味道偏酸，吃不出抹茶的甘澀茶香。這裡的素食小食和主菜，較坊間的中式素菜餐廳，多了幾份創意，食材都較為天然美味，以後我和食素的朋友們又多個聚腳點了。…查看更多

可以在openrice訂位，非常方便，set dinner 中主食有五款。前菜丶手卷，主食丶甜點，我們叫了雞樅菌紫薯千層麵、冬蔭功意大利飯、黑松露野菇意粉，好吃，可以再去。…查看更多

香港人生活緊張又繁忙,好多時都忘記關注自己的健康，但係只要記住多菜小肉的飲食原則，就一定對自己身體好了當然，偶然吃一餐素菜更加對身心都更加健康啦，所以每星期我都會有一兩天戒肉食素呢:)不過有時食素又的確係幾悶幾寡嘅，但今次發現這間餐館後，完全對素食有了一個全新的體驗，亦向所有身邊的朋友推介這間餐廳~無論是裝修及菜式，表面上同一間西式餐廳無異，最鬼斧神工嘅係……連味道都俾佢扼埋，仲以為食緊肉添餐廳以紫色格調為主，給人一種浪漫西餐廳feel ,而且擺設也很講究，看得出老闆係一個有要求的人打開餐牌一看，就如西餐廳一樣，有散叫的亦有set dinner,款式及份量都非常之多，有前菜、手卷、湯品、主食、甜品，而主食更有6款之多可供選擇，我與友人望住個餐牌都研究咗好耐先決定到竹笙紅棗蓮子百合黄耳燉湯平時飲嘅湯大多數都係用肉類或豬骨熬製，但諗唔到原來純用素來燉的湯都會咁清甜好飲四喜烤夫非常入味，黑木耳好爽口，毛豆都好好食呀，可惜只得幾粒，好快就俾友人吃光了 麻醬沙薑豆絲粉皮清香的麻醬分佈在晶瑩彈牙的粉皮上，青瓜絲又能帶出清新的味道，作為前菜令人非常開胃 柚香紅菜頭蘋果伴合桃驟眼看以為是西瓜粒， 放入口中先至知道原來係比紅菜頭染成紅色的蘋果粒， 蘋果粒當然係好爽口啦，紅菜頭同合桃又係非常天然又有益的食品、令人味蕾大增 和風牛肝菌野菜忌廉扁意粉牛肝菌香氣馥郁，加入野菜忌廉更能帶出牛肝菌更多層次和風味 椰香鮮茄冬陰功意大利飯配香酥蒟蒻冬蔭功配鮮蝦原本係最經典嘅組合，但呢道菜卻帶到俾我一種全新的味蕾感受，冬蔭功除了酸辣香口，再加上香氣濃重的椰奶，就連質感較硬的意大利飯也調節至飽滿煙韌，但又不失硬度質感 蘆薈素香鬆苜蓿芽手卷/ 香芒牛油果苜蓿芽手卷一啖咬落去，先至知道原來呢個手卷入面係冇 白飯的，裏面充滿著苜蓿，口感清爽 紅棗乳酪蛋糕紅棗能補血，乳酪能減肥、用紅棗做成的糕點，色香味營養都有，令人難以抵抗！ 紅棗桂圓椰汁糕紅棗、桂圓、杓子茶飲得多，改變一下做個糕點，又唔太甜，煙煙靱靱都唔錯…查看更多