影片
更多
2021-02-26
163 瀏覽
過幾日係年初15，本來諗住當日食素，但係由於嗰日老細下晝請食飯嘅關係，所以就決定提早幾日，補返當日應該要食嘅素。～～～呢間素食餐廳嘅素好靚，係素食界非常之出名，而且我鍾意佢就算一個人嚟食都唔會覺得好尷尬，因為成個餐廳嘅感覺好似私房菜咁，成個環境比較優雅安靜，好舒服，尤其尖沙咀呢間分店嘅座位間隔幾有私隱，啲侍應亦都唔會望住，服務態度好好。～～～睇完餐牌，樣樣都好似好好食，揀咗好耐最後就揀咗佢哋嘅晚市套餐。個套餐入面有前菜、手卷、湯品同主食，仲有埋甜品。～～～前菜：四喜烤麩同麻醬沙薑豆絲粉皮，烤麩好入味，冬菇非常香甜。麻醬沙薑豆絲粉皮亦都出色，清新嘅青瓜絲加埋豆絲同粉皮，真心同雞絲粉皮味道唔係差好遠。～～～手卷&湯品：蘆荀素香鬆苜蓿芽手卷非常清新，記住要快啲食，唔好擺太耐，如果唔係紫菜會變軟身無咁脆口。蟲草花竹笙黃耳百合燉湯飲落滋潤得黎無咩油，而且好多材料，高質。～～～主食：椰香冬陰鮮蔬意大利飯配吉列蒟蒻味道幾可亂真，同平時食嘅海鮮冬陰公意粉味道超似，可能仲好食多少少先tim，炸魷魚係用蒟蒻整成，加埋炸粟米芯，同埋大量嘅菇粒同瓜，完全係令人食到停唔到口，食完呢個之後覺得人多真係有原因嘅。～
～～～
呢間素食餐廳嘅素好靚，係素食界非常之出名，而且我鍾意佢就算一個人嚟食都唔會覺得好尷尬，因為成個餐廳嘅感覺好似私房菜咁，成個環境比較優雅安靜，好舒服，尤其尖沙咀呢間分店嘅座位間隔幾有私隱，啲侍應亦都唔會望住，服務態度好好。
～～～
睇完餐牌，樣樣都好似好好食，揀咗好耐最後就揀咗佢哋嘅晚市套餐。個套餐入面有前菜、手卷、湯品同主食，仲有埋甜品。
～～～
前菜：
四喜烤麩同麻醬沙薑豆絲粉皮，烤麩好入味，冬菇非常香甜。麻醬沙薑豆絲粉皮亦都出色，清新嘅青瓜絲加埋豆絲同粉皮，真心同雞絲粉皮味道唔係差好遠。
～～～
手卷&湯品：
蘆荀素香鬆苜蓿芽手卷非常清新，記住要快啲食，唔好擺太耐，如果唔係紫菜會變軟身無咁脆口。蟲草花竹笙黃耳百合燉湯飲落滋潤得黎無咩油，而且好多材料，高質。
～～～
主食：
椰香冬陰鮮蔬意大利飯配吉列蒟蒻味道幾可亂真，同平時食嘅海鮮冬陰公意粉味道超似，可能仲好食多少少先tim，炸魷魚係用蒟蒻整成，加埋炸粟米芯，同埋大量嘅菇粒同瓜，完全係令人食到停唔到口，食完呢個之後覺得人多真係有原因嘅。
～～～
甜品：
椰汁紫薯千層糕：望落去個樣已經好靚，食落去唔會好甜，口感Q彈，令人好想外賣打包多一客返屋企食。
～～～
推薦度：🔥🔥🔥🔥🔥🔥🔥🔥
雅 ‧悠蔬食 (尖沙咀)
尖沙咀金馬倫道48號中國保險大廈3樓B號舖
張貼
