雅 ‧悠蔬食

營業中

休息中

今日係父親節，同朋友食咗個午市套餐，之後點咗個加錢嘅套餐甜品。埋單時先見到甜品charge 咗正價。問侍應的時候，佢話今日甜品因為係父親節所以係正價。明明係有套餐餐牌個喎，點解甜品就話冇套餐價？感覺十分伏，覺得俾人呃嘅感覺好差好差。好少少嘅餐廳都會話「酌情」用番套餐價，大家好落台，但係呢度嘅侍應淨係講咗幾次話唔好意思落單嘅同事冇提醒。臨走前，仲係咁講拜拜，心諗再好食都唔會再有下次，搞到假期都冇晒癮。

間唔中食下素都幾正，發現尖沙咀一間高質樓上素食鋪，夜晚食客都幾多，雖然價錢偏貴，最平嘅主菜都要$100以上，但食物質素唔錯，仲有好多唔同款式選擇。餐廳嘅裝修係紫色格調，俾人感覺好溫柔好舒服。和風素鰻魚炒飯 $118 上一枱就聞到好惹味嘅香味。醬油完美沾染飯身，醬香味濃，每一口飯都分外滋味，紫菜碎為碟炒飯更加添上一點顏色同口感。泰式素大哈炒金邊粉 $118素大哈炸粉裏面個舊有啲似係蟹柳，食落幾彈牙，口感同味道與吉列蝦有得比。而金邊粉就叫咗中辣，味道都真係幾火辣，又開胃，整體唔錯。

炎炎的夏日🥵🥵🥵天下午🔥🔥🔥🔥☀，熱到快昏倒了。看openrice找一下，想吃清淡些的一點午餐。🔎🔎🔎🔎搜尋到在尖沙咀這素食店有下午茶優惠😀😀😀😀😀，就預訂了去吃下午茶。點知……去到没有下午茶，只有午餐。😶😶白白捱餓了，去等下午茶！😑😑而且剩餘只有很少時間用餐，就快已到店落埸打烊了。😬😬😬😬食物質素較之前遜色了😦😦但是仍是美味的！😉😉甜品也出色。服務也殷勤，招呼好的。☺️☺️☺️☺️下次，應該會再次去光臨吃……午餐。🙄🙄🙄😆😆😆

午市套餐Menu 上面，寫明可以$30 加甜品，點知埋單時候，服務員說沒有這個優惠，因為是父親節，但店內任何地方都冇說明，Menu上面亦冇寫，落單時候有沒有通知，只係我們埋單時，他們告知我們。 真是騙人的！

尖沙咀仿真度極高既素食店💁🏻‍♀️好多典型嘅都市人都好似我咁無肉不歡🤣見呢間素食店好多人推介就決定一試有別於傳統素式呢到有少少fushion嘅感覺素肉嘅味道同真肉好似 幾乎可以以假亂真🧐之前覺得食素一定唔夠飽 但出乎意料地飽腹感同平時差唔多.🎈土匪腐皮卷 ($78)佢嘅靈感一定來自於士匪雞翼😎不類外感同口感都非常相似平時食雞翼肉質都係一絲絲 呢到嘅腐皮卷都係一層層食落又幾過癮🤣 實際上其實就係一塊腐片包到似隻雞翼咁去炸 外層有一層孜然粉 未到十足但都九成似土匪雞翼👍炸既手勢亦幾好 唔會淋油 幾推薦不過要留意嘅係中間模仿雞骨嘅係一枝棒棒食嘅時候要小心啦！.🎈泰式如餅 ($88)顧名思義就即係模仿緊魚餅🤣咬落去一絲絲 我以為自己真係食緊肉🤣入面仲有啲一粒粒好似蒟蒻咁既物體 仿真度幾高同樣都炸得唔淋油 手勢幾好.🎈和風素鰻魚炒飯 ($118)一上枱已經感覺到夠鑊氣 聞到香噴噴既燒汁味飯係用珍珠米 炒得乾身 粒粒分明 配料有d齋鰻魚肉紅蘿蔔粒 幾得意真係似鰻魚😂😂可能我小食齋所以有啲大驚小怪由於炒得夠爽身既關係 所以都好食.🎈總括而言餐廳以紫色為主調 比起傳統素式有種創新啲嘅感覺味道不錯幾有特式

#Fusion素食晚餐-約朋友喺尖沙咀食晚飯 點知佢臨時加班要甩底 一個人又唔想喺街鋪迫位等枱 最後揀咗金馬倫道商廈嘅素食餐廳 餐牌選項比想像中豐富 有唔少fusion菜式 拍板叫咗個一人晚市套餐 盛惠$248-🧆#烤夫🥗#華都夫沙律四喜烤夫麵筋紮實夠味道 西式代表有華都夫沙律 蘋果切粒以外 有薯仔粒松子粒同冰菜 脆嫩爽口又養生-🌯#蘆筍素香鬆苜宿芽手卷素手卷都係第一次食 蘆筍青瓜小豆芽味道清新 素肉鬆脆香 面頭有開胃沙律醬-🥦#西蘭花桃膠忌廉濃湯呢個fusion湯頗有驚喜 桃膠融化 喺濃湯當中變成啫喱狀 西蘭花湯底濃稠 熱度夠-🍝#黑松露美國蘆筍南瓜紫薯焗千層闊麵千層麵熱呼呼 溶芝士要趁熱食 反而唔多食到黑松露味 材料豐富有營 紫薯少甜入口軟熟 同茄子粒薯仔粒幾搭 番茄醬可以俾多啲 增加濕潤度之餘 口感會更好-🍰#榛子咖啡乳酪蛋糕豐富晚餐要由甜品做收結😍 蛋糕質感紮實 榛子味濃得嚟有咖啡香 加埋朱古力醬 成為一個甜美嘅組合-📍#雅 ‧悠蔬食尖沙咀金馬倫道48號中國保險大廈3樓B號舖

平時素食俾我嘅感覺係比較簡單同清淡🙈但呢間新派的素食餐廳俾到個驚喜我呢間餐廳嘅風格好統一由招牌、座位到座位都係紫白色為主👍🏼👍🏼因為咩都想試吓食 同埋套餐價錢性價比高啲所以就試咗餐廳既晚市套餐❤️佢有兩款前菜、手卷、湯、主菜同甜品如果要飲品就要加配🍹🍴黑松露美國蘆筍南瓜紫薯焗千層闊麵 （$248）🍝主菜一上到嚟係熱辣辣 芝士非常多仲可以拉絲😋佢大約3層麵皮而每層再夾唔同嘅材料一入口食到好大陣黑松露味紫薯同南瓜都軟熟又好甜～🍴香芒牛油果苜蓿芽手卷呢個手卷好特別係冇飯粒既手卷只有滿滿嘅苜蓿芽🌱第一次嘗試苜蓿芽既感覺係好新鮮味道幾特別同好味🍴舞茸竹笙黃耳百合無花果燉湯呢碗湯非常足料 所以個湯好甜同冇味精💕同埋好入味☺️🍴華都夫薯仔松子冰菜沙律啲材料好新鮮 冰菜非常特別🌿 薯仔都好甜🍴四喜烤麩味道甜甜地 非常入味 忍唔住令人一啖接一啖😆🍴杏汁椰香椰汁糕杏仁味同椰子味非常重 ～食落好fresh質地軟糯😋咬落好有咬口～食素食原來都可以有咁多選擇！下次會再encore！

今日同老公來到尖沙咀呢間樓上素食餐廳，講明素食我係無咩期望，點知滿有驚喜！.餐廳裝修走白紫色格調，坐位也幾舒服🥰食物上枱，完全睇唔出係素食！悠蔬食小食拼盤 $158一上來完全睇唔出係素食，絕對係似泰式小食拼盤😂一共有五款，全部炸得幾好，第一次食吉列牛油果🥑，紫菜包住牛油果外脆內軟幾好食，酥脆腐皮卷口感煙煙韌韌，泰式哈餅、如餅味道真係模仿得好似，只係口感唔同左，酥炸蒟蒻也相當不錯，全部點泰式辣醬都好好食呀😋泰式鳳梨炒飯 $108同平時食的好唔同無咁油膩，味道好泰式風味但口感又好濕潤幾得意，食落口有d脆脆口感好特別，jo非常喜歡呢好好食！泰式奶茶千層班戟 $48呢個真心幾好食，唔太甜泰式奶茶味又出，正😋清潤蘋果雪梨汁 $45好健康的鮮榨果汁，好清甜好fresh，喜歡🥰.完全無諗過素菜都可以整到咁好食，唔講我以為自己食緊泰菜😂素食的朋友一定要來試下，相當有質素👍🏻

早前因為疫情關係，所以甚少相約朋友一起飯聚。最近疫情稍為緩和，加上已完成接種兩劑疫苗，因此今晚就相約兩位同事在公司附近食晚飯，揀了同樣在尖沙咀的雅*悠蔬食。我們點了兩個套餐，套餐包括餐湯，2款前菜，手卷，主食和甜品或加錢轉特色甜品。另外再單點了一客黑松露薯蓉大啡菇和一個手卷。是晚套餐選擇如下：湯：姬松茸竹笙黃耳百合燉湯x2前菜：四喜烤麩x2 ＋ 杞子冰菜沙律x2手卷： 蘆筍素香鬆苜蓿手卷x1＋香芒牛油果苜蓿芽手卷主食： 白松露美國露筍南瓜紫薯焗千層闊麵x1 ＋青咖哩野菜猴頭菇配印度煎餅及飯x1甜品： 紅豆椰汁糕(2件) 伯爵紅茶乳酪蛋糕 (1件)一如以往，環境食具衛生舒適，食物色、香、味俱全

🥗必食頭盤：香芒牛油果🥑苜蓿芽手卷，脆脆紫菜包着苜蓿芽和芒果🥭，清爽開胃。牛油果和沙律醬亦增加味道層次。🥣餐湯：中湯是滋潤的燉黃耳百合腰果，膠質豐富。西湯是西蘭花露荀桃膠湯，香濃creamy。🍴主菜：焗千層麵材料豐富，除左滿滿的焗芝士，茄醬亦加了藜麥。🍴主菜：菠菜蓉茄子🍆意粉，這個醬汁較清淡，闊條意粉煮得剛好，又容易掛汁。🍰甜品：泰式奶茶千層蛋糕，奶茶味濃郁，值得一試👍🏻味道：🔅🔅🔅🔅新鮮：🔅🔅🔅🔅分量：🔅🔅🔅衛生：🔅🔅🔅🔅速度：🔅🔅🔅（5🔅為滿分）

成日都大魚大肉😜😜有時都想食得light啲!! 去寶乜蓮乜食齋好似又old school咗少少😅最後Be即興去食咗個少女心素食💜. 坐低叫咗個晚市套餐🍽️先嚟咗兩個前菜🤍泰式鮮果沙律(最特別係放咗好多果仁)💜 ＋🤍秘製青瓜黑木耳伴琥珀腰果(好清爽! 鍾意卜卜脆又甜甜哋嘅腰果)💜再嚟埋🤍香芒牛油果苜蓿手卷(見到🥑就必揀啦! 仲有好清新又少食到嘅苜蓿☘️)💜之後上埋🤍茶樹菇竹笙黃耳百合雪蓮子燉湯(絕對唔係重口味嘅味精湯😌好足料)💜 主菜揀咗🤍紅咖哩野菜猴頭菇配印度煎餅及白飯💜(超級鍾意嗰個咖哩汁😍好香好濃!!而且猴頭菇食落真係好鬼似雞肉😍加上滿滿野菜配料好豐富)嚟埋跟餐甜品🤍紫薯乳酪蛋糕(唔好睇的的骰骰細細件🤤質地其實係好厚實足料! 紫薯x乳酪好夾又唔會太甜)💜

是日和好友在尖沙咀閒逛，想起有朋友介紹過有間食素的店的食物不錯，我們便決定到此晚餐~一入到去坐感覺不錯，見到餐牌跟平時去開的齋店有點不同，不是傳統的芋頭魚和腐皮素鴨，而是西式和日式素食。今次我和好友點了悠蔬食小食併盤和和風鰻魚炒飯開心SHARE食=]悠蔬食小食併盤($158)，可以淺嘗五樣小食又唔怕食唔曬，酥脆腐皮卷係腐皮卷住雪條棒，帶有啖啖茨汁味，泰式如餅、泰式哈餅、酥炸蒟蒻魚圈、酥炸素生蠔，味道同賣相都滿分，食落好似食緊有肉嘅一樣。和風素鰻魚炒飯($118)，有鑊氣、夠火候、足料！味道咸甜適中有鮮味，非常高質！

🍽🍽🍽🍽🍽🍽🍽🍽🍽晚市套餐$248-前菜：華都夫薯仔松子沙律、上海涼拌素海蜇-手卷：香芒牛油果首蓿芽手卷-湯品：黑松露野菜桃膠忌廉濃湯-主菜：牛肝菌松子菠菜忌廉意大利飯配吉烈蒟蒻-泰式奶茶千層班戟+$25-藍蝶花雪梨汁+20🍽🍽🍽🍽🍽🍽🍽🍽🍽✔️好鐘意呢間素食店用咗紫色做裝修💜💜，連餐牌都係紫色架，成件事好少女好愉悅，令人覺得食素係一種享受☺️✔️太多選擇唔知食咩，揀晚市套餐就最啱，一個套餐有齊前菜、湯品、手卷、主菜同甜品，食完大滿足✔️ 前菜嘅上海涼拌素海蜇像真度非常高，好似真海蜇咁爽脆彈牙；華都夫薯仔松子沙律係健康之選，有大量纖維又飽肚✔️ 香芒牛油果首蓿芽手卷有驚艷到我， 用咗首蓿芽代替壽司飯，入口口感比較清新,而且咬落索索聲，好爽脆✔ 主菜嘅牛肝菌松子菠菜忌廉意大利飯配吉烈蒟蒻真心推薦。 米係用咗短短圓身米，做到濃郁稠密口感，吉烈蒟蒻食落似炸魷魚，香酥有嚼勁 😆✔️甜品加同飲品加錢upgrade 咗泰式奶茶千層班戟同藍蝶花雪梨汁，泰式奶茶千層班戟好！好！食！茶味出，唔太甜，食完個口唔會甜惹惹。 藍蝶花雪梨汁藍中帶紫靚靚好igable,飲落係雪梨汁健康清甜味道✔️ 尖沙咀地段，fullset

近年，大魚大肉嘅菜式好似已經唔係受歡迎指標素食餐廳愈來愈多，睇得到嘅係本地人素食需求增加TST呢間素食餐廳個個月都好似唔同款式，似乎係值得Encore嘅選擇睇返資料，主打叫多國素菜大多數清新蔬食都為偏新派素菜中西日台泰菜式都變到素食，以新鮮感嚟講都算keep得住套餐睇落幾豐富，有前菜+餐湯+手卷+主菜+甜品價錢上可圈可點，散叫就平啲前菜為泰式風格，有泰式鮮果沙律、秘製青瓜黑木耳配琥珀腰果兩種都幾醒胃，前者內含火龍果粒、蘋果粒等而後者含調味醋、黑木耳，腰果輕脆有咬口手卷有蘆筍素香鬆苜蓿芽手卷、香芒牛油果苜蓿芽手卷，皆可免蛋奶紫菜必須盡快食先會夠脆前者有大量比較少見嘅苜蓿芽，好重青草味，好Fresh而素湯方面，目前有牛肝菌野菜雪燕忌廉濃湯、茶樹菇竹笙黃耳百合蓮子燉湯前者係西湯而後者則為中湯，中湯好似幾足料唔太油膩同太鹹，似乎幾有火喉，適合間中轉涼時飲用現時主菜有6款可擇，中/西/意/泰/印都有，幾精緻自己揀咗士多啤梨醬燒猴菇配羽衣甘藍菜飯$248紅噹噹士多啤梨醬燒猴頭菇幾有驚喜，色澤搶眼以猴頭菇取代咕嚕肉，咕嚕汁則變成士多啤梨汁醬汁酸甜，內有士多啤梨粒、奇異果片，好開胃猴頭菇蘸上炸粉再炸，

講真當我平時食疼多肉時，便會想品嚐一下用心煮的素食，而我只諗到呢間，我會選擇位置係尖沙咀旺區的「雅。悠蔬食 」素食餐廳，因為這間素食餐廳著重健康飲食還用心烹調各種素食。早前到了這間素食餐廳點了冬菇炆茄子煲配菜飯果然是味美俱全，每一啖都有家的感覺，不含味精！最後為食的我加埋一客中式甜品：自家製的即磨的腰果露，好有腰果香滑，啖啖滋味呀！雅 ‧悠蔬食 (尖沙咀) 地址: 尖沙咀金馬倫道48號中國保險大廈3樓B號舖