金公館 (康怡廣場北座)

營業中

休息中

人在柴灣上班的關係，所以好友們便常常來東區找我吃飯。這一次，我們很想吃北京填鴨，所以便找到了這一家金公館。很有趣的熱水壺，它是連在那個茶几上，又會自動加水和翻熱。蒜泥白肉偏清淡的蒜泥白肉，很適合我的好友們，因為他們不是很喜歡太濃味的食物四川膽膽麵四川的辣味和花生醬味，中和得很好，不會只有辣味而抹掉花生醬味石頭鍋蝦醬芥蘭很有鑊氣的芥蘭！芙蓉賽螃蟹這個的調味和火侯也尚可，但略為有點粉粉的口感雞湯雲吞雞湯不錯，濃而不膩雲吞也足料和數量很多！北京填鴨 半隻醬汁很特別，提供了傳統的醬汁，也提供了胡麻醬北京填鴨配上胡麻醬，別有一番風味（皮也很不錯，因為很薄身）總結來說，整體上不錯，價錢也合理。

好掛住抗疫之前可以一家人出去食飯！個疫情一個月前，啱啱先好返啲，難得可以同小朋友出街食，而家又要抗疫在家了！對呢間太古分店嘅金公館 印象非常好，除咗店員熱情有禮之外，食物質素都非常好！而且CP值好高平日星期一至五，就可以優惠價，食到老壇子酸菜魚，原價$238 ，半價後只係＄119，而且魚塊豐盛又夠嫩滑，配菜嘅酸菜都香脆爽口，非常推介！片皮鴨半隻$238～配菜有西芹、大葱、青、哈密瓜，醬料有烤鴨醬和酸梅醬，款式多，而且可以任意配搭！鴨肉質素非常之好，上碟仲係熱嘅，個鴨皮非常香脆，如果下次烤鴨量多點就好了，呢度半隻比較細，可能太好味😋我哋兩個大人都覺得唔夠食！另外加$98就有雪菜鴨絲炆年糕，年糕軟滑好好食，推介👍

近日，疫情開始有反彈嘅跡象，不過趁仲未好嚴重，都想同家人一齊慶祝生日。今次就揀咗呢間位於太古的中式菜館——金公館。是日係星期五，七點都唔算好多人，我哋入座之後就決定菜單！第一個菜就係鍋巴脆皮糖醋魚，鍋巴炸到脆卜卜，魚肉亦都外脆內軟，連細骨都可以食到，蘸埋糖醋汁，非常開胃，推薦！第二個就係招牌北京填鴨，鴨片厚薄適中，又脆口，連青瓜同京蔥絲一齊食，加埋甜醬同芝麻醬，令人流哂口水！第三個就係小炒——霸王脆骨蝦球，蝦球爽口彈牙，辣辣哋，好惹味！第四個就係好出名嘅傳統名菜——夫妻肺片，佢嘅肺片好入味，又爽口，對於鍾意食辣嘅我就覺得好正，想拎啲辣汁去撈飯食！食完四個菜式之後，係時候要食個甜品滋潤下，呢個用桂花做嘅桂花冰粉唔會太甜，味道啱啱好，啖啖桂花嘅香氣，用嚟收尾簡直一流！總括嚟講，今次嘅生日飯非常滿意，見到屋企人食得咁開心，我就開心，希望疫情快啲過去，我哋再可以開開心心咁去食過！

前幾日過嚟飲完茶 覺得好好食 夜晚又帶朋友仔過嚟食晚餐 今次我哋就唔係叫點心 而係叫咗啲小菜 例如有椒鹽九肚魚 炸饅頭 靈芝菇炒萵筍絲 同蒜蓉炒芥蘭～～～上次點心覺得好好食 而今次嘅小菜味道都冇令我哋失望 款款都好高質 朋友表示非常滿意 而且個環境幾好坐 約朋友傾偈確係幾適合～～～椒鹽九肚魚 $72 ：酥酥脆脆嘅九肚魚 外脆內軟 熱辣辣地上台 幾分鐘嘅時間就俾我哋一掃而空可見佢係幾咁好食 椒鹽味道啱啱好 唔會太鹹又唔會太辣 恰到好處～～～炸饅頭$42：我呢個澱粉王最鍾意就係食炸饅頭 有炸饅頭嘅地方基本上我都唔會錯過 而呢度嘅炸饅頭水準 就係我食過數一數二好食嘅 香脆得來食落去唔油膩 健康又美味 加埋煉乳就更係冇得挑剔～～～靈芝菇炒萵筍絲 $88 ：食完炸嘢就食返啲蔬菜類清下腸胃 平時屋企好少會買靈芝菇 加上萵筍切絲 對於我呢個廚藝白癡來講 實在唔係太容易 所以就叫咗呢一碟小菜試吓靈芝菇彈牙非常 萵筍就香香脆脆 好食～～～蒜蓉炒芥蘭 $68：秋冬係食芥蘭嘅好季節 最近d 芥蘭特別翠綠 特別靚 所以我哋都叫咗一碟嚟食下 而食完確實證明係冇叫錯嘅 咬落卜卜脆 正

麻麻辣辣酸菜魚plus大件高質靚點心～～～終於嚟到悠長假期嘅最後一日 呢個星期日我同大舊👦🏻 就嚟咗康怡嘅呢間金公館食午餐 大概12點幾嚟到等咗一陣位 就可以入座 門口嘅阿姐非常好人 態度好好 ～～～坐低之後 我哋叫咗兩糊茶 分別係菊花同埋鐵觀音 兩款茶嘅質素都非常之好 菊花清香 鐵觀音夠濃味解膩～～～金公館鮮蝦餃王$32：粒粒飽滿晶瑩嘅蝦餃 皮包餡靚 蝦肉又多又爽口 而且超大粒～～～蠔豉豬骨粥$32：蠔豉份量好多 整個粥底都非常綿滑 豬骨味香濃 非常好吃 一上台已經被我們非常快地消滅掉 食完感覺暖胃又舒服 差想叫多一碗～～～酸菜桂魚片$178：裡面有萵筍 桂花魚 寬粉等 萵筍爽脆香甜 桂花魚非常嫩口 非常份量不少 鮮味十足 寬粉彈煙韌 吸了酸菜魚的汁感覺份外鮮美 整體都很不錯 另外酸菜也爽脆可口 不會很鹹 加上有菊花花瓣配搭 非常漂亮 吃下去 麻麻辣辣 一個字 爽～～～推薦度：🔥🔥🔥🔥🔥🔥🔥🔥🔥金公館 (康怡廣場) (太古)太古康山道1-2號康怡廣場3樓T4號舖

我們11人, 叫兩份午市6人套餐, 再加甜品, 好豐富, 每碟餸都很好味, 所以我可以食了兩個白飯,  而且菜式很特別, 沒飲茶吃點心那麼悶, 例如 : 話梅石榴及熗炒花菜, 別具特色。 甜品同樣出眾, 桂花冰粉, 口感順滑又清甜,  蓮蓉焗西米布甸是白蓮蓉, 不會太甜。張單明顯計錯數, 計少了一份午市6人套餐的價錢, 我們之後用支付寶比返金公館的聯絡人, 希望他們真要小心收錢啦, 本身已經好低食, 又好味, 再收少了錢, 怕他們生意難做。

因收到銀行送的二人晚餐套餐連紅酒一樽，行去試吓。我們一行4人，所以便加多一碟鷄，一碟牛，白飯兩碗，一碗担担麵。這店是食川菜的。我覺得味道比較濃，應有落味精。我們因另外叫了餸，所以便要額外比多$400. 我只可以講可以的一餐，味太濃，多落調味料，無咗食物原有新鮮的味道。

去開吉之島shopping 就順便係度飲茶，中午時份好多人排隊，我地等左穿分鐘左右就入去喇。餐廳裝修好靚，店內十分忙碌，呢日點左幾款點心很正。茶水係菊普夠特別同清香，$13/位茶錢都高質。我地點了蝦餃燒賣 $30＋ 籠，即點即蒸，約十分鐘就上了，很有大粒足料。也點了馬拉糕，呢款係有提子既特別有口感呀。叉燒飯既叉燒半肥瘦，$50＋ 幾抵食。再黎份雞扎，大大舊雞，冬菇同魚雲。蘿蔔糕 食到啖啖蘿蔔糕條，如果提供埋辣醬甜醬就滿分總結： 係康怡飲茶好去處，可惜周末康怡廣場$300 得免費兩小時泊車，飲完茶時間所剩無幾。

川北涼粉 $42都比較少喺出面餐廳食到既一樣菜式，麻、香、辣齊備，非常好味既前菜。叉燒腸 $28好足料，皮薄餡多，粉漿好滑身。蟹籽燒賣皇 $32蝦肉同豬肉都爽口彈牙，大大粒熱辣辣，調味亦非常到位。蟹柳綿花雞 $32分量夠哂多，雞肉同魚肚各有3件，大冬菇墊底吸哂肉汁，大件夾抵食。雞湯小籠包 $32皮太薄，小籠包中間沒有太多空間，皮與皮中間貼住令至一夾就穿，蒸既時間亦不足夠令雞湯仍係固體湯汁變得好少，有點失望。流沙奶皇包 $26包質地鬆軟，奶皇甜度得宜，香滑，如果可以再流心多啲就更好。豉汁蒸鳳爪 $28辣味適中，入味，醬汁同鳳爪好夾，非常惹味。

喺太古行完街跟住就去咗金公館食晚餐今晚冇乜人，而且座位都好闊落上菜速度又好快叫咗一個二人餐，再散嗌幾個小菜二人餐一共有七樣嘢有半隻片皮鴨片皮鴨腳餅皮超級薄，而且煙韌有彈性配菜有青瓜，西芹，哈蜜瓜，京蔥醬料有四款，最傳統嘅甜醬，酸梅醬亦有我第一次見嘅芝麻醬同桂花醬係好奇心嘅驅使下，我都試左桂花醬包蜜瓜同埋片皮鴨但係實在太甜我覺得完全係九唔搭八都係鍾意最傳統嘅配搭多啲呢個豆干係凍食，用油同蔥撈都幾開胃豬肉好爽口，而且味道唔會太過鹹豬肺湯好香杏仁味而且每一碗湯入邊都超多材料有菜有雞腳亦有豬肺雲耳炒勝瓜冇特別呢個係胡麻淮山，係凍嘅淮山非常之爽脆，估唔到夾埋胡麻醬一齊食係會咁正叫咗炸饅頭，煉奶都幾香滑而且個饅頭外層酥脆，內面鬆軟唔會有一種好油膩嘅感覺呢個係其中舖頭嘅招牌菜南瓜炒米粉就咁食個米粉其實係完全冇特別記住要刮少少南瓜肉撈埋喺米線度食就會有一種幾特別嘅感覺食完濃味嘢食食啲清淡啲嘅嘢都幾好唔想食飯，呢一個米線都係一個幾好嘅選擇最後有一個桂花糕作為呢一餐飯嘅完結超級多桂花，而且好清香

琴日去做節，叫左過北京填鴨試吓啦，睇廚窗見到個師傅喺度片鴨，估會ok啦，但係食嗰時 d鴨肉一d都唔暖、仲係有小小凍凍哋添，一d鴨味都無😪😪 又叫過鍋巴脆皮糖醋魚 ，等鬼死咁耐，唔知係咪漏單，同職員講完不久 條魚就嚟啦。但條魚又怪 頭細身肥大，真係好似條錦鯉咁樣 搞笑，都算啦，但夾開肉嚟食，d炸漿粉勁厚、味道咸到苦ge, d獻汁結到好似漿糊咁,條魚要退番比佢。但是一讚 是員工態度好 講了幾次唔好意思。 但以後唔會再去食

餐廳堂食終於放寬到4人一枱，街上即刻多咗人流，餐廳嘅生意都明顯返生，可喜可賀！呢晚同屋企人去近屋企嘅金公館食飯，唔係好使等位，餐廳內座位多而且上菜快，返桌能力都幾唔錯。我地4個人開咗一壺茶，叫咗3個小菜加一個炒飯已經好足夠。埋單大概一百蚊位，都算實惠。雞絲粉皮份量比起外間其他餐廳多好多，麻醬俾得好慷慨，足夠撈晒成個粉雞絲每一梳都大大條，70蚊唔使真係好抵叫💪🏻椒鹽鮮魷好出色！上菜時熱辣辣非常新鮮，炸粉好薄而脆，鮮魷又滑又夠肥美，面頭少少辣粉同點埋喼汁好惹味蜜椒薯仔牛柳粒又係熱辣辣，鑊氣十足薯仔粒走過油，每一粒外面都脆脆地所有材料都切成一口大小，均勻沾上蜜汁，少少甜令人食指大動😍最後食埋個瑤柱蛋白炒飯就飽晒炒飯粒粒分明之餘碟底又唔係太肥，食落無乜油膩感，幾推介👏🏻

今日去咗太古城搵朋友攞啲野，跟住順手約埋佢去飲茶，呢間金公館我上次同媽咪試過，覺得好唔錯所以要encore~~~我地兩點幾去到已經好多人，等左一陣先入到去～～～睇睇餐牌，有小炒，點心仲有主食，我地想叫啲點心，大家share d 慢慢食，最後我地叫左 5個點心同一個小炒～金公館鮮蝦餃皇 4 件 皮薄蝦肉扎實碧綠鮮蝦腸粉蝦粒大大粒，腸粉軟滑香煎蓮藕餅炒得香脆陳皮鮮竹牛肉球牛肉足料有咬口薑蔥牛柏葉爽口惹味 之後就係上既小菜老干媽肉片炒年糕，辣辣地既肉片配合埋年糕，超惹味，年糕煙韌 正呀～～～

As we were free in the morning, we tried 金公館 for breakfast. They offered a breakfast combo, which provides you both congee and dim sum, and it is just $35!For congee, we chose congee with leaned meat and preserved egg (皮蛋). It's silk like but not too watery. As for the dimsum, we chose 南乳豬手 and the portion is quite large. We enjoyed this breakfast a lot!

好耐未試過同女朋友兩個收完工之後去酒樓撐吓枱腳，食下中式嘅飯估唔到而家連酒樓都有試吓最興嘅酸菜魚食。老壇子酸菜魚，兩個人食細嘅份量已經絕對足夠，面頭上有好多魚片，每一片都有十足嘅厚度同埋非常之爽口彈牙。但係肉質柔嫩，而且魚嘅味道非常之入味，麻香同埋酸辣結合得非常之好，酸菜魚入面另一個重點當然係酸菜，酸菜雖然唔會話太酸但係應該有嘅酸酸鹹鹹嘅味道十足，而且酸菜因為唔係太酸嘅關係，所以係可以食㗎，配埋下面嘅一啲寬粉兩個人食一定會夠飽因為寬粉嘅份量都幾多，而且非常之彈牙配上酸辣嘅味道非常之夾。黃金炸饅頭表面炸得非常之脆身但係又唔會油，炸嘅時間啱啱好，所以唔會太黑或者係太硬，其實因為即炸嘅關係所以岀面仲係熱辣辣，表面金黃而入面軟綿綿嘅饅頭，配上旁邊甜甜地嘅煉奶係一個非常之好嘅中式配搭，覺得呢個比起其他一般茶樓做得更加好。土豆絲方面雖然份量係幾多不過個人認為酸同埋辣辣地嘅味道唔夠多，因為入邊嘅辣椒都唔係好夠多，所以土豆絲嘅味道都唔係太多，即係唔係太夠辣如果辣返少少會更加好，同埋土豆絲都偏硬。個人比較鍾意食軟綿綿小小嘅。最後職員嘅服務態度幾好，而且上菜嘅服務都幾快，而價錢都唔算貴，晚市來講都算食得過