金公館 (康怡廣場北座)

營業中

休息中

朋友們行經見「金公館」二人餐好豐富，便入內點了一套，再加了一個小菜一起食，相信今晚可滿足我們這班為食貓香蔥雞蛋豆乾粒豆乾切成小丁，口感軟硬適中，味道帶有五香味，再淋上香葱油十分香，是一道好味的前菜。青城山杏汁白肺打開盅蓋巳聞到陣陣杏汁香氣，奶白色的湯十分濃郁，清甜潤肺，大白菜吸盡濃湯清甜腍滑，豬肺件口感唔錯，真係一盅足料的湯水。烤北京填鴨半隻，摩摩皮，醬料，配菜半隻填鴨都份量不少，師傅將填鴨皮肉分開，再去除皮下脂肪，真係令人食得更健康。配上摩摩皮、醬料和配菜一起包來食，真的不錯。咕嚕蝦球大大隻海蝦外層炸脆，蝦肉爽口彈牙，還有新鮮菠蘿和燈籠椒加入酸甜汁內一起兜炒，真係夏天的醒胃好菜式。靈芝菇萵筍絲 萵筍絲青綠爽脆，再配上靈芝菇，清新又健康。雞湯小籠包 皮薄餡多，內部充滿湯汁，食前再加上浙醋，醒胃又解膩，食多兩粒都冇問題。杞子桂花糕 外表晶瑩通透，口感軟硬適中，清甜潤喉，甜品中不二之選。蜜椒鱔球鱔球十分厚身肥美，花後再炸脆，形狀捲起呈菊花狀十分美麗，再加上色彩繽紛的燈籠椒和西芹一起快炒，美味又爽口，配上甜甜地的蜜糖醬汁和少許黑椒碎，惹味可口。總括來講，食材多元化，餸菜份量十足，真係好味又

來到金公館食扁皮鴨， 金公館位置很方便，位於太古地鐵站上蓋。椒鹽魷魚椒鹽魷魚炸到卜卜脆，炸的時間剛好，不會油膩。北京填鴨廚師切得很漂亮，鴨皮沒有一點脂肪，摩摩皮伴隨着是四種醬汁（最特別是桂花醬）及四種配菜（ 哈密瓜，葱，青瓜，西芹）。反而用桂花醬配北京填鴨有驚喜。二食- 豆腐鴨湯材料有鴨，豆腐及菜。濃郁的鴨味，及份量很充足。蜜汁叉燒一上碟，見到蜜汁叉燒肥瘦均勻，咬落去唔會老， 有口感。 擂沙湯丸一共有3粒，擺碟精緻，咬落去，芝麻汁流出來，甜度適中。紅糖糍粑外脆內軟有口感。

約咗好耐冇見嘅舊同事係太古城康怡廣場嘅金公館飲茶。《金公館》個名聽落好似上海D高級別墅😂原來佢係一家集粵、京、川、滬嘅菜館。店內有大大張壁劃相當揚眼！我只知道佢哋係“大花面”🤭,吾知你哋又識吾識京川粵劇面相點分同有咩特徵呢?坐落一陣,叫咗壺香片。估吾到呢度採用自動加水同煲水,自己㩒個制就搞掂,相當方便！我哋點咗幾個點心蘿蔔千絲酥外皮一層層酥脆,內裡蘿蔔蓉鮮甜碧綠鮮蝦腸腸粉吾太厚,入口算滑,裡面d蝦都幾大隻爽口黑椒金錢肚金錢肚軟腍,有d蘿蔔係底杏片原籠馬拉糕馬拉糕鬆軟,上面有好多杏片蠔皇鮮竹卷外皮軟糯,內餡多汁呢度都幾受歡迎,午市同下午茶都幾多人等位！

金公館位於太古康怡廣場，一出地鐵直達廣場再上三樓就到達，十分方便。地方簡潔乾淨，門口位置有京劇壁畫，很有特色。內進有舒適的卡座，旁邊放有自動充水及煮滾的水壺，略卻要找職員添茶的麻煩，十分方便！**茶芥 $13/位****花生小食 $10/碟**金公館除了主打四川菜，還有粵菜和京菜，三款都是我杯茶。今晚只有二人兩個胃，簡單點了幾款菜式：《白肺湯 $58*2》職員大力推介是餐廳的招牌湯，所以點了兩盅。湯奶白色有微微杏香，湯中有豬朋、雞腳等湯料。《雞絲粉皮$62》麻醬夠惹味，粉皮爽口，雞絲入口份量多。《招牌口水雞$88例牌》口水雞是一道經典的四川涼菜，口感麻辣鮮香，雞肉嫩滑，惹味。有片皮鴨，必試。《片皮鴨半隻$238 半隻》半隻份量都足夠3人共享。片皮鴨撇走多餘脂肪後更加突出片皮鴨的香脆口感，再送上醬汁配料就更加美味。《四川擔擔麵$48》麵底份量大，足夠2-3人分享。湯底夠麻醬，是我杯茶，加上麻辣夠開胃，湯質地亦不會太杰，濃稠度剛好。《紅糖糍粑$42》外層有咬口，內裡煙韌好吃，必定要配上黃豆粉及紅糖醬才提味，職員更細心替我添加紅糖醬！環境舒適有私密感，完全不嘈吵，可以舒舒服服跟朋友邊吃邊談，

七點十五分，叫了一個餐內有小籠包一客，八點幾其他嘢上齊，吹了小籠三次也未到！八點三左右，經理同我地講小籠包賣晒（隔離枱也有不滿），要求轉其他食，咁早無小籠包之前D員工又唔覆就一定不滿，最後我估逼佢也無用，結果轉了其他食物！八點半，見到對面見隔離枱（他們起碼係八點入座）上小籠包！即時叫經理嚟，佢話「你地話轉其他食物ok」,我話「你騙我左先」結果說幾句唔好意思，笑一笑就走開！原來早到唔一定有得你跟餐的食物，遲到就會有！

今晚嚟到太古康怡廣場嘅金公館，一次過嘗試吓京川粵菜。頭盤叫咗個雞絲粉皮，胡麻鮮淮山，仲有我最鍾意嘅椒鹽九肚魚，質素都唔錯，特別係椒鹽九肚魚，炸粉唔會太厚，九肚魚味突出。之後再叫咗個靈芝菇萵筍絲，我從來未食過呢一種菜，感覺好新鮮。然後，就係今晚嘅主角烤北京填鴨半隻，北京填鴨皮脆，肉厚，唔會太多肥膏，正合我心意。特別鍾意有桂花嘅醬，甜甜地，好適合。今日特別想食甜品，好彩中餐廳嘅甜品都唔錯，我哋叫咗雷沙湯丸，入面熱辣辣嘅芝麻超級好味，又叫咗杞子桂花糕同桂花冰粉，特別適合而家越嚟越熱嘅天氣。

今日陪屋企人去開太古食飯，當中有家人強烈推介呢間金公館作晚餐，於是去試一試先。餐廳座位都相當多，即使假日時，相信亦不用等太久。先點了一份椒鹽酥肉，一上枱已相當香，咬一口，肉質軟身，滲出淡淡的肉汁，證明師傅控制燶侯恰當，發揮出肉最好的質素，最加上旁邊有點點辣口的佐料，可為味蕾帶上點點的刺激，作開胃菜相當一流。然後是今天的重點美食片皮鴨，有片胸皮、胸肉及腿肉，而且份量亦較多，鴨油香濃厚，鴨肉則較結實，配上青瓜、黃麵醬與薄餅進食，食到最原始的風味。然後是金銀蒸娃娃菜，不得不說，粉絲完全吸收了香味，淡淡都食得出香味，配上娃娃菜的咬口口感，相當出色。

好耐無約過朋友飯聚啦，難得晚市可以堂食，大家返工又係港島區就相約3個好朋友聚下舊。同事就介紹了一間由正宗四川師傅主理的太古中菜─金公館，唔單只環境舒適，而且裝修富有中國特色，一於就揀佢啦！金公館依間太古中菜主打片皮鴨、酸菜魚，Venus 其中一個好朋友超鐘情於中國文化，連口味都非常中化，另一個就好鐘意食魚，最後嗰個就話想食辣，完全符合哂3位朋友所有要求。金公館中菜位於太古康怡廣場3樓，一出地鐵站搭電梯就到，非常方便就腳。一到門口已經見到好搶眼戲曲造型裝飾長鏡十分架勢！老壇子酸菜魚大家都好肚餓的關係，所以我哋叫咗好多餸，好似Venus其中一個朋友仔剛坐低就即刻叫咗老壇子酸菜魚。 Venus 本身怕腥、唔鐘意食魚，但見到隔離枱食到好滋味咁都想試試。令人驚喜係太古金公館中菜嘅酸菜魚唔腥之餘魚肉仲好滑，朋友仔都估唔到平時無點食魚嘅我會食完又食。真係要大讚太古金公館中菜的酸菜，用咗無筋酸菜超爽脆，聽介紹先知原來醃制方法都好講究！係用四川成都傳統老壇古法醃制酸菜，酸菜用上原汁母水、秘制香料，將新鮮菜喺恒溫恒濕環境下醃20-30日。食落超入味，完全都唔輸蝕俾魚肉㗎！差啲唔記得仲有我最愛嘅薯粉做底，加

昨晚去咗康怡廣場3樓，被一間有齊京、川、粵菜式供應嘅食肆「金公館」的大型京劇畫報吸引住，而且覺得門口post出嚟嘅菜式都幾合胃口，於是入咗去食晚飯。老壇子酸菜魚半份（$148）第一次食酸菜魚，半份已經好大盆，兩個人食係食唔晒嘅！唔食得辣可以要求小辣。一上枱賣相已經相當吸引，先嚐一口，湯底濃郁，材料除魚片外，還有勁多配菜如鹹酸菜、辣椒乾、萵筍、芝麻、葱等等，味道又酸又辣，極其醒胃。桂花魚肉片分量比預期多，薄切，肉質好軟滑，味道鮮甜可口，魚油甘香美味。二人套餐（$438）呢個套餐非常之抵食，四百幾蚊有七樣嘢食，好豐富呀！香蔥雞蛋豆乾粒呢款涼菜好香蔥油味，豆干豆味濃，質感爽夾滑。清城山杏汁白肺湯自己唔會整，嫌功夫又多又煩，難得呢個套餐有呢個杏汁白肺湯，當然唔可以錯過。湯底既美味又滋潤，還有淡淡的杏仁香味。雖然個盅唔係太大，但係煲湯料都好多，有白菜、豬肺、豬肉、雞腳等，認真足料。烤北京填鴨（半隻）皮脆，肉嫩，最好的是上枱前啲肥油已經被切走，所以唔會食到成口油。摩摩皮夠薄身，而且每片都隔有一張紙，唔拍黐埋一齊， 而且仲可保存摩摩皮嘅熱度。配料有青瓜、大蒜、萵筍，仲有哈密瓜條。醬汁也有三四款之多。

📍金公館📍Jin Gong Guan 🇭🇰香港太古康山道1-2號康怡廣場3樓T4號舖🇭🇰 Shop T4, 3/F, Kornhill Plaza, 1-2 Kornhill Road, Tai Koo, HK🌐太古 🌐將軍澳人均消費: HKD286味道: 👅👅👅👅賣相: 👀👀👀👀👀價格: 💰💰💰💰環境: 🌹🌹🌹🌹服務: 👨🏻性價比: ⭐️⭐️⭐️⭐️回頭率: 🔆🔆🔆🔆最近食得太多日本菜，食一下我第二喜歡的中菜🤣 今天食康怡廣場金公館的京川菜！近年真的有很多什麼館什麼館什麼館的中菜😂地點方便，但人真的超多！📋二人套餐 $438二人餐包括前菜甜品等有七道菜，跟單點相比便宜得多，例如說：我點半隻北京填鴨+兩個湯都$300多，所以我們四人點了一個二人餐比較划算🙊🆗香蔥雞蛋豆乾粒🥢豆乾做佐料食得多，直接當前菜食就未試過坦白說，香蔥我覺得不需要🤣豆乾口感偏硬，咬下去比較實。而豆乾是沒有雞蛋味的，乾脆叫豆乾粒會比較實際🙊⭐️青城山杏汁白肺湯🥣我自己對杏仁比較抗拒，但杏汁白肺湯工序麻煩，不多餐廳有，所以都要試試！一碗不多，裡面有雞腳，豬肉，菜乾等，杏汁味很淡，但湯清甜，感覺很潤喉潤肺，絕不是味精湯👎🏻烤北京填

位於港鐵太古站A2出口的康怡廣場內有不少食店。 今晚好友約了在廣場三樓的"金公館"晚飯，聽名字頗有品位！ 第一次來這個廣埸很有新鮮感！"金公館"的門面令人眼前一亮！京戲人物畫像鏡面作裝飾很有氣派！內部裝潢也很清雅，卡位有磨沙玻璃相間各有空間。坐在卡位上感覺舒適！自助加水機非常方便……翻開餐牌不少精緻南北美食選擇，尤其是川式小食非常吸引！價格親民，性價比高！好友建議今晚一於吃齊京川粵菜！先點個川味小食紅油豬耳 $ 52話説小食但份量也不少，豬耳爽口有嚼勁！醬汁麻而少辣很惹味！烤北京填鴨(半隻) $ 238皮很脆，配上醬汁及配料非常香脆美味！稍嫌皮太簿，若有些脂肪可能會便香口！醬汁配搭比一般的特別……桂花，海鮮，芝麻和酸梅等醬汁。由於中間有熱水暖着，摩摩皮非常鬆軟，有溫度！配料除了青瓜，西芹，京葱外還有哈蜜瓜，味道非常之夾！椒塩鮮魷 $ 72外皮夠鬆脆，肉質嫩！翠湖紅燒豆腐 $ 88值得一讚！ 豆腐非常嫩滑！整個菜很爽口！蜜椒鱔球 $ 98嫩滑肥美鱔球啖啖肉，酸甜茨汁醒胃，配菜又爽甜！好味道！這頓晚飯太滿足了！埋單前還買了現金卷即時使用，多一重着數！

難得可以約到好朋友食晚飯, 就約她公司附近食晚飯就來到太古金公館。店以中式現代裝修,地方寬闊有多張圓台及卡位座選擇。**點了二人套餐 $438 , 有七款食物*好有效率, 好快送上來**【香蔥雞蛋豆乾粒】雞蛋豆乾粒是由雞蛋及豆而製成,口感及味道似豆腐乾,具有淡淡雞蛋香配香蔥,是不錯前菜。 **【青城山杏汁白肺湯】 這的豬肺湯具滋潤功效,並加入了杏汁,入口更清甜滑溜美味,一定要趁熱飲呢!**【烤北京填鴨】 (半隻)這鴨皮帶鬆化帶點油份不會過肥,皮又帶點脆,真的酥香撲鼻,十分甘香,附有嫩鴨肉,可配京蔥,是配以青瓜和哈蜜瓜(好特別)帶點爽脆,還點特製多款醬,把好薄的薄餅捲起來,忍不住一口接一口吃,回味無窮。**【靈芝菇炒萵荀絲】萵荀絲炒得不油膩,其入口爽又鮮,配上靈芝菇更多鮮味。**【咕嚕蝦球】看似簡單咕嚕蝦球,想不到入口無比外脆內軟,加上醬汁甜甜酸酸,令人胃口全開,一陣子已經食左大半碟。**【京式小籠包】小籠肉餡肥瘦比例適中,外皮不算厚,可惜湯汁不是很多,稍為蒸得過耐。**另點【酥炸桶蠔】 $188炸蠔外皮炸漿簿身香脆可口,有濃濃蠔味,是佐酒不錯小食及小菜。**【杞子桂花糕】桂花糕軟滑、彈

今晚約了友人來到港島區的康怡廣場「金公館」晚飯，此店開業數年，口碑不錯，一間食肆能夠多元化地提供粵、川和京菜三處不同地方，不同口味的菜餚，實在並不容易。店舖不算太大，但佈置簡約，員工殷勤有禮，此店其中一個特式是無須侍應沖茶，只要按按掣，水壺底部會注入清水，然後自動煲滾，頗有創意。今晚點了數款粵式菜餚：青城山汁炖豬肺湯 - 滋潤養顏的手工湯水，呷一口，陣陣杏香，暖入心扉，豬肺乾淨軟滑，相當滋味，由於煮一碗白肺湯工序多而繁複，並非間間餐館有供應，此店的師傅確有一手。蜜椒鱔球 - 肥美的白鱔炒球，配以三色椒、洋蔥和蜜糖，色香味俱全，用來佐酒，相當匹配。紅燒花膠海參煲 - 優質厚身的花膠和海參炆得夠火候，入口軟滑入味，令人回味無窮。清炒菜心 - 蒜蓉起鑊，揀選新鮮嫩綠的菜心，入口爽甜，鑊氣十足。本來還想加添甜品，但實在太飽，下次再來將會試試此店的酸菜魚和北京填鴨，因門外的介紹相當吸引。

今晚去完康怡Aeon，順便食埋飯。係Aeon附近搵餐廳，上到三樓有條樓梯上一層。見到有中菜，日本菜，再行前幾步見到有間“金公館”。見到有個2人餐有片皮鴨食。唔駛諗，即刻睇吓有冇位。因為我超鐘意食皮片鴨。而且好耐都冇食過了。見到就唔會錯過。仲有一樣好介紹, 就係會自動加水及煲滖d水的. 第一次見. 話返轉頭，呢個二人餐好抵食。$438（1）香葱雞蛋豆腐粒（2）青城山杏汁白肺湯（3）北京填鴨半隻（4） 靈芝菇萵筍絲（5） 咕嚕蝦球（6）雞湯小籠包4個（7）杞子桂花糕2件前菜香葱雞蛋豆腐粒，豆香, 葱油又香，豆腐切成小粒，一啖一粒青城山杏汁白肺湯，有豬肉，白菜，雞腳，豬肺一齊煲，清甜北京填鴨半隻，鴨皮片得好薄，沒有肥糕，皮薄，每塊皮包上一片鴨皮，青瓜，西芹，哈密瓜，甜醬，麻醬一齊食。超正。最值得一讚就係鴨肉，軟滑及鴨味香濃。靈芝菇萵筍絲，好好好大碟呀！靈萵筍絲爽脆又甜咕嚕蝦球，酸酸咪咪夠醒胃，每碟有6-8粒蝦球。雞湯小籠包4個，皮薄饀靚，每隻都有清甜湯的杞子桂花糕2件，甜味剛好，桂花香最初唔知原來每碟餸都咁大碟，所以我地仲加咗一碟脆香豬手，脆香豬手有驚喜，當職員將豬手放到枱上，貌似好硬，但食

想一次過吃齊京、川、粵菜，去金公館絕對係一個正確選擇。金公館係太古康怡廣場3樓，地方寬敞，佈置典雅，環境舒適，有多款京、川、粵菜任君選擇。進門時見到廚窗掛滿隻隻鴨身飽滿，油脂豐富，色澤亮麗的烤鴨，加上還有限定優惠半價片皮鴨，心想今晚這半隻烤鴨走不掉了。安坐後，才發現一個新玩意。這裡有個自動充水茶壺，放在裝置上，茶壺就會動加水及加熱，這個自動充水茶壺裝置真的很方便，可以隨時有大熱滾水泡荼，值得一讚。限定優惠半價片皮鴨，當然不能錯過。這個片皮鴨夠派場，店員會先放下一個八寶盒，中間嘅蒸籠放左饃饃皮，而旁邊空格就分別裝有酸梅醬、桂花醬、甜醬、麻醬、青瓜條、京蔥絲、蜜瓜條等。主角片皮鴨，切成方塊，大小均勻，厚薄一致，有皮也有肉，食落皮脆肉嫩，夠油脂又不膩滯，跟配料、醬料用香軟饃饃皮包著食，好滋味。再加個1食野菌炒鴨絲，野菌、芹菜、紅蘿蔔絲、鴨絲炒得既夠鑊氣又夠入味，用來送飯一流。青椒清香魚材料雖然簡單，但味道出奇的好。起骨草魚切成薄片，完全無骨，魚肉嫩滑有彈性。配料有青爽萵筍和菇片，再加上滿佈莞茜和芝麻的清甜湯底和幼滑烏冬，飽肚又健康。甜品紅糖糍粑，即叫即做，熱辣辣，糍粑外皮鬆脆、內裡軟綿綿帶點