蘇媽.蘇媽馬來西亞茶餐室 (已結業)

蘇媽.蘇媽出名好食，性價比高，原來在尖沙咀都開咗分店！檸檬薏米水（凍）$28(單點原價$39，選購1款飯/麵類或3款小食，可以優惠價選點飲品)好多薏米，檸檬味好香，好飲！開胃得嚟解渴！清新！好舒服！辣死你嗎 配參巴魷魚 $66參巴魷魚，份量多，香辣有後勁，惹味！乾魚仔，脆卜卜參巴醬，QRCode點餐時可選 整碟仲有蝦片、蛋、青瓜、花生同椰漿飯，豐富！椰香咖央多士 $35好食！咖央醬充滿好香濃的斑蘭香、椰香！多士又烘焗得香脆！百吉爹肉骨茶（三層肉）$58好重藥材味之餘，入口感覺舒適順喉，藥材味濃郁但完全不嗆口、不攻鼻！ 配三層肉能浸泡出肉香，飲落湯頭多一份豬肉甜味！而且可以免費添加的肉骨茶，熱熱的，證明肉骨茶膽一直熬煮，難怪藥材味濃郁！ 滿足！☀️👩🏼‍💻小備註： 餐牌會有提示肉骨茶含當歸、川芎等藥材。顧客須按自身體質狀況食用，而孕婦及長期病患者，餐牌提示不建議食用～白飯 (加配) $18_______________蘇媽.蘇媽馬來西亞茶餐室 (尖沙咀)尖沙咀加連威老道10號加威中心地下_______________

今日同朋友喺尖沙咀行街，所以就去咗呢間蘇媽蘇媽，懷念下馬來西亞嘅美食。呢間分店裝修得好靚，出面係Bar， 我哋食完嘅時候七點幾出面都已經好多人排曬長龍。檳城福建蝦麵 （老鼠粉）湯底濃郁好重蝦味，老鼠粉都幾索汁，煙煙韌韌，而且都有好多餸有豬腩片，蝦等等。蝦食得出係新鮮嘅，夠彈牙 湯咖哩麵 （米通粉）第一次試米通粉果然一試愛上，因為中間係通窿嘅，所以超級無敵掛汁，咬落做到爆汁嘅效果。咖哩湯有少少似喇沙， 而且佢有帶有少少酸味，唔會好辣，所以即使食到最尾都唔會覺得好油膩。配料都做得好出色，薯仔超軟淋好綿，仲有兩大件嘅魚片頭。馬拉沙嗲串燒 （雞豬牛各一） 值得一讚係沙嗲醬好濃，幾重花生味，食落好惹味。 燒得都幾好，唔會過熟，食落都幾嫩玻璃魷魚配通菜分量好大，上面嘅魷魚晶瑩剔透，彈牙，配埋通菜，感覺健康啲。配咗兩個醬， 但係兩個醬比較辣嘅，所以建議大家醬要揀分開上。飲品最後叫咗兩杯馬來西亞拉茶，可以自己揀甜度，我叫咗少甜，覺得都係比平時嘅奶茶偏甜少少，不過茶味香濃。整體嚟講喺尖沙咀呢個地區食到呢個價錢嘅美食。性價比真係好高。

星期五夜晚7點店內已坐滿人，要排隊等候，要留意番暫時無得book 枱🙅🏻‍♂️椰香咖央多士 $32幾乎枱枱都有叫呢的多士🙀有得揀大火烤同細火烤，今次揀左大火，所以比較香脆乾身，我諗我下次都係揀返細火，我中意外脆內軟口感多d☺️ 咖央醬捈得好厚，椰香味重，仲有陣陣牛油香，甜甜的推薦度4/5一字骨肉骨茶 $128枱紙有寫食用方法先飲湯，然後調蒜蓉醬豉油醬再沾醬食一字骨，step by step跟住食，食岀每樣食物的味道👍🏻肉骨茶藥材味濃，微微藥材苦，感覺滋補健康🫶🏻一字骨瘦肉多，脂肪含量不高，食完無罪惡感，肉裡有陣陣肉骨茶味，沾上醬汁後更野味，不過較重口味同味精味重推薦度 3.5/5椰汁班蘭冰 $36就係東南亞味道，椰香香甜加冰，好爽😄夏天夠解熱解渴推薦度 4/5蘇媽.蘇媽馬來西亞茶餐室 (尖沙咀)尖沙咀加連威老道10號加威中心地下

第一次食蘇媽係喺灣仔，已經係一年前啦！嗰陣嘅椰香咖央多士一直都令我念念不忘！今日終於有機會可以再食！可以見到塊多士係煎到兩邊都金黃色，咬落去係脆卜卜！中間仲有融融地嘅牛油，mix埋個醬真係好正！些少美中不足嘅係個多士唔夠熱！如果再熱啲會再好多啲！上次灣仔食係熱騰騰，香噴噴🤤🤤老鼠粉係第一次食，聽落個名幾得意咁🤣可以見到材料都好豐富。姨姨提醒我地要趁熱撈晒啲材料佢🍽老鼠粉原來就係金邊粉，可能係因為形狀相似？味道方面就冇睇落去咁鹹，味道唔算好重，不過好香魚乾味🍽串燒三川52蚊，個size 比預期中細😵‍💫味道係正常，肉質幾嫩滑。但cp值唔高，可以有其他更好選擇😵‍💫

平時好少食馬來西亞菜，對馬來西亞菜都不太認識🙈 但亦有追蹤馬來西亞YouTuber，見菜式也相當吸引，在朋友推薦下，來到蘇媽試下馬來西亞菜，當日午膳時間都有好多人排隊，餐廳都滿座。🤩🍽檳城亞參叻沙米線Asam Laksa🍜有魚蓉、青瓜、生菜、紅洋蔥、薄荷葉絲，魚蓉份量不多，較傾向素為主的麵類，而大量嘅配菜令整碗麵較為清爽容易入口。辣椒增添刺激味蕾，米線麵質地較稔，令整體可圈可點，如果米線硬些會更好。👍🏻🍽辣死你嗎 Nasi Lemak🥘配烤雞脾椰漿飯的飯粒分明但卻不失軟糯口感，略帶椰子香氣，增添食慾。配合小蝦片、魚乾仔、炒花生及參巴醬伴飯，增鮮之餘亦為米飯增加香脆嘅口感，雞脾醃製入味、雞皮煎香蘇脆，鎖住烤製的餘溫更顯風味。🍽椰香咖央多士 Kaya Toast🥪咖央醬有濃厚的椰香味外🥥，還夾帶著香濃的牛油味，再配上烘得香脆可口的多士，令人不禁一口接一口，是必點小食之一！🍹檸檬薏米水、凍奶茶奶茶的奶味濃厚。喜歡酸味味的，一定要試檸檬薏米水，酸味非常之醒神💡

應該大多數人都聽過或者食過蘇媽， 而事實上佢真係特別好食， 所以先咁出名， 尤其係佢嘅肉骨茶特別出名 除咗可以任飲之外 再加埋配菜 絕對係飽滿嘅一餐馬拉沙嗲串先嚟一個小食， 燒豬牛雞， 再加上沙爹醬， 更凸顯串燒味道玻璃魷魚配通菜玻璃魷魚爽口彈牙， 加上秘製辣椒醬， 味道更加惹味， 通菜 爽甜， 唔一定要配腐乳醬， 配備製辣椒醬一樣好味咖哩米湯粉有蘿蔔魚蛋豆卜鮮蝦等各種配料， 樣樣新鮮， 融入湯底之中， 咖哩味十足， 而且十分香滑， 湯粉軟硬適中豬腳彎肉骨茶藥材味十足嘅肉骨茶， 加上 肥瘦均勻嘅豬腳彎， 既保身又保腳

早排去Ｓｏ Ｂａｒ後便想念起肉骨茶約朋友逛街前想簡單吃 又來到了這裡蘇媽人氣長旺 還好七點前還不用排隊復古冰室風 座位不算闊落但乾淨企理餐牌選擇頗多 必點的肉骨茶都有十款好味足料性價比高 長期滿座不是偶然-⧫⧫ 百吉爹肉骨茶 - 豬腳彎 ⧫⧫ $𝟓𝟔招牌的肉骨茶有多款部位可選 好吸引有雜錦／一字骨／棒棒骨／三層肉 等按著步驟先混醬 蒜蓉辣椒黑豉油頭抽店員很快奉上熱湯 湯頭充滿藥材香氣採用當歸川芎等藥材 有養生補氣功效肉湯及藥材味道很平衡 兩者相輔相成接著開始吃肉 肉另上好處是不會過熟選了有皮有肉的豬腳彎 份量相當足夠豬皮及筋膜炆得軟冧 漿口亦充滿膠原肉的部分大大舊也入味 口感比較結實沾醬後變得惹味 蒜香及辣椒提昇味道湯頭任添就再來一碗 胃暖心暖很滿足-⧫⧫ 椰香咖央多士 ⧫⧫ $𝟑𝟐也是幾乎每檯必點 多士本身極之酥脆裡面塗上滿滿咖央醬 椰香牛油香交織小烏胃的我放棄主食叫多士 決定正確-⧫⧫ 魚仔醬撈啦啦 ⧫⧫ $𝟓𝟔未見有人寫過 海鮮控出於好奇叫來試啦啦其實是蜆 不算飽滿反而醬汁搶鏡魚仔醬有ＸＯ醬影子 夾雜魚仔勁惹味-⧫⧫ 馬拉沙嗲串燒 ⧫⧫ $𝟒𝟖 / 𝟑串喜歡它自由度高 可以每串自

發跡於深水埗嘅蘇媽·蘇媽陸續開分店，最近仲開到去尖沙咀加連威老道，當然要帶埋老公嚟試吓。尖沙咀分店嘅餐牌同深水埗嘅基本上大同小異。餐廳入面嘅環境比老店更乾淨企理，裝修亦有馬拉華人風格。枱上已經放有黑豉油、頭抽、辣椒同蒜蓉，原來係用嚟點肉骨茶入面嘅配料。枱上嘅餐紙仲有教你點樣調配。落咗單點咗百吉爹肉骨茶之後，店員隨即奉上兩碗熱辣辣嘅肉骨茶，而呢個湯係無限添飲，都係蘇媽蘇媽出名之處。百吉爹肉骨茶有數款唔同嘅食材可供選擇，今次我哋就揀咗啫喱骨，其實即係類似我哋平時食開嘅豬軟骨，總共有四大件，啫喱骨之下仲有豆卜同金菇，我覺得呢個係喺多款肉骨茶入面性價比最高嘅一款。海南鴛鴦燒麵包嘅麵包比較深色，帶有一種特別嘅香味，再加上入面一層厚厚嘅牛油以及咖央醬，熱辣辣非常好味。辣死你嗎係我最推介嘅主食，最鍾意佢嘅花生同乾魚仔配上椰漿飯，今次揀咗配參巴魷魚，魷魚相對地都幾辣，不過又覺得好惹味。馬拉沙嗲串燒分別有豬、牛、雞，而且係任意配搭。佢嘅沙嗲醬充滿濃濃嘅花生味道，非常香口。由於食完辣嘢，所以都決定飲番杯恐龍下蛋，冰凍白咖啡上面配上一球雲呢拿雪糕，再加有朱古力波同美祿粉，大人細路都鍾意。

之前去過其他分店的「蘇媽、蘇媽馬來西亞茶餐廳」食佢哋嘅肉骨茶覺得不錯，知道尖沙咀有分店就試下其他食物😋店員安排入座之後就用QR code落單，快捷方便！湯咖喱麵（米通粉）第一啖食落好似星加坡喇沙，湯底會比較濃郁，咖喱味好香濃，辣度適中，配料有豆角、豆卜、芽菜、薯仔、魚蛋、魚肉卷、酸柑汁等，配菜樣樣都好新鮮，豆卜吸入咖喱汁好Juice好入味，魚蛋同魚肉卷都好爽口彈牙！檳城白咖喱麵材料有豆角、芽菜、魚蛋、蝦、雞蛋、豬紅、特色參巴醬等，麵底都有幾款選擇，湯底好清甜加入特色辣醬好惹味，辣度可以自由選擇，魚蛋同蝦都好爽口，豬紅好軟淋，加入左豆角同芽菜口感豐富！椰香咖央多士多士烘得香脆可口，咬落好香嘅椰香味道，基本上每一台都必點的小食😋馬來西亞拉茶比起平時去茶餐廳的口感及味道比較淡，但味道好清香，飲落都好滑！

蘇媽.蘇媽 是一間馬來西亞茶餐室，近期都有不少朋友提及！而且還有幾間分店，剛好常去的尖沙咀便有其中一間分店。在進餐廳前店員會問是想吃蘇媽還是要SO BAR，因為這間後舖是馬來西亞茶餐室，而前舖 "SO BAR" 則主打馬來西亞Fusion菜。因為今次是抱著想喝肉骨茶過來，就選了蘇媽.蘇媽囉！雖然在其他餐廳都有吃過肉骨茶，不過這間蘇媽.蘇媽就有自己的肉骨茶4步曲會讓我們先調醬，醬料都放在桌子上可以自行調配。點好餐後沒多久就送上一人一碗肉骨茶，濃郁味道中帶藥材香，細嚐有一份甜味。很快便喝完一碗，之後可以和店員說添湯的喔！百吉爹肉骨茶有八款部位選，太難決定就直接選 大雜錦 ($148)滿滿一鍋，棒棒骨的肉很夠稔、三層肉頗肥美，油香加上肉香更加分！豬肚有少許爽脆感，另外豬手仔同樣很入味，口感都很軟稔。還有雞腳、豆卜等等，吃起來很飽肚的耶！可讓店員將熱湯加進鍋內，肉味會更濃！還配了油條和響鈴，這價錢真的很抵吃吧！馬來咖喱酥 ($48) 一碟有四個，上桌時還透著熱氣！外層十分香脆，吃時不會覺得油油的或者有油益味，不過都要記得襯熱吃。內餡很飽滿，咖喱的辣很濃郁惹味，很讚喔！羅惹炸豆卜 ($48) -

好多年前已經食過深水埗分店啦今日行過尖沙咀見到佢新開張！勁興奮所以要去食深水埗食過就覺得佢真係幾高質素嘅最令我難忘就係佢嘅肉骨茶咁今次你都冇理由唔叫喇掛！呢度嘅裝修樓底比較高坐落去比較舒服而且座位之間都好寬躺而且燈光亦都非常之過晚所以感覺睇落去係好乾淨嘅牆上面仲掛滿咗好多唔同嘅相別具馬拉風格呢間除咗普通傳統嘅馬來西亞嘢食仲有一個叫做so bar cross over 主打俾人飲下酒食西餐下次有機會可以試吓我哋叫咗呢個係棒棒骨肉骨茶肉質非常之鮮嫩而且啖啖肉都充滿着肉骨茶嘅香氣 再配上佢教你調教嘅醬汁而當中嘅豆卜亦都充滿着肉骨茶嘅藥材味 令我吃過不停另一個就係招牌砂煲老鼠粉用一個高溫嘅紗布承載住用了十足嘅銀針粉 香氣撲鼻 當中嘅材料包括生蛋 肉碎炸蒜蔥魚乾菜譜等等 將所有材料撈埋一齊 食落去嘅口感非常之豐富 而且每一條老鼠粉都掛上香濃嘅豉油味平視我出去食飯一定會叫一個菜今次就會叫一個魷魚通菜 佢嘅魷魚做得非常之爽！完全唔會黐牙亦都唔會話咬好耐先至吞到落肚做得出色通菜亦都非常之新鮮因為我叫咗小將嘅關係但係佢都夠晒入味

上次試左So Bar，但仍然未試過蘇媽，今次出開尖咀終於有機會喇。雖然係weekend，因為係下午茶時間黎，所以食客唔多。店內走懷舊馬拉風，好似去左馬拉一樣，不過哩度最大唔同係有冷氣，唔怕熱到冇胃口食。天氣炎熱，胃口一般，反而係想飲凍野，所以每人叫左杯凍飲再加少少野食share。桔仔話梅水(跟麵優惠價$25) - 似似地星馬成日飲倒嘅酸柑水，酸酸甜甜咁好開胃最啱而家哩個天氣飲。似水榴槤($48) - 好重榴槤味，盲算飲倒最後啲冰融左啲都榴槤控必點！湯咖哩麵($58) - 哩碗咖哩麵非常惹味又足料。成碗滿晒，湯底比較杰身，好香咖哩味，辣度大約係小辣，辣得過癮又唔會好辛苦。麵係油麵同米粉摻摻，麵質唔會太腍，麵量都好多。入面有豆角、豆卜、薯仔、魚蛋同魚肉卷，如果本身唔太肚餓夠兩個人食。抹茶榴槤糯米糍($62) - 糯米糍咬開入面全部係榴槤蓉，好香榴槤味，抹茶皮口感煙韌，不過就唔太食倒抹茶味，同埋如果皮再薄啲更好。總結，咖哩麵同野飲都好地道好似星馬嘅味道，份量好足價錢亦唔貴，仲要唔洗加一，有機會都會再試埋佢其他麵。

開心去食嘢、唔開心又係食嘢！😹😹我今次去咗好多人話好食嘅「蘇媽·蘇媽馬來西亞茶餐廳」。而呢間位於尖沙咀嘅分店，真係好鬼靚，地方又夠大，仲好開揚，坐外面呢個天氣幾舒服！尖沙咀地舖嚟講，呢間打卡係一流又好坐！我哋揀咗2款麵、1個飯同小食：💟怡寶雞絲湯貴刁湯底比較清淡，啱晒小朋友食！雞絲加埋魚片，唔會太單調！我哋轉咗「滲滲」▶️即係油麵+米粉，同時間食晒2款麵，happy!💟檳城白咖喱麵（滲滲）未食過馬來西亞嘅白咖喱，見有就好想試吓，個湯連滲巴醬（辣），溝埋落湯底做唔到唔算辣又夠味！餸菜方面有：豆角、魚蛋蝦、芽菜、豬紅、蛋！💟辣死你媽 配烤雞髀🍗呢個食親馬拉嘢一定叫嘅，因為個椰漿飯😍我就揀咗配炸雞髀🍗，連埋側根嘅配料花生、魚乾等真係好野味！💟馬拉沙嗲串燒（3串豬、牛、雞）叫得太多嘢食喇，唔抵得要叫黎食吓，3串各一！個沙嗲醬絕對係個重點，甜甜的連花生粒，好香好好食😋💟椰汁班蘭冰朋友話呢個必點，天氣咁熱我哋一人要咗一杯解渴！淡淡嘅椰香味加班蘭，做唔到係幾夾，如果嗜甜嘅你就啱晒！唔怕熱嘅你又想同朋友chill吓，外面門口嗰排位就好正！唔知以為自己真係去咗馬來西亞🇲🇾

⭐【尖沙咀】馬來西亞風味茶室⭐記得多年前，去過馬來西亞沙巴旅行，下飛機後第一件事就是跑去吃馬來西亞名物〔咖央多士〕，咖央味道一直念念不忘，而近年馬來西亞【蘇媽．蘇媽】在香港多區都設分店，就算暫時去不到旅行， 都可以感受馬來西亞風味菜式😋。餐廳有專屬的落單系統，用手機QR code點選餐方便快捷，亦有提供實體餐牌給客人，店鋪裝潢格局都十分有東南亞懷舊餐廳的感覺，環境乾淨，尖沙咀分店空間感大，近門口位置更有酒bar檯，非常獨特😍。【招牌沙煲老鼠粉】(HK$88)用上保暖度高的砂煲，還未吃已經聞到香氣撲鼻，老鼠粉就是我們叫的銀針粉，一定要趁熱將生窩蛋、肉碎、魚乾、蝦干、炸蒜頭、菜脯、葱等各種配菜跟老鼠粉撈勻，老鼠粉入口很滑，每一條粉都掛上濃濃的豉油味，魚乾及蝦干入口都散發著濃濃的咸香味道，充滿著東南亞式的重口味，既惹味又有咬勁。👍【椰香咖央多士】(HK$32)馬來西亞出名名物，青綠色咖央醬份量很足，每一口都可以吃到濃郁的咖央醬，我們下單時選擇了多士要烘得較濃，所以相對地較香口，咬落去很脆口，牛油份量亦剛剛好，不會吃到一口油，充滿椰香味，加上外脆內軟，馬式風味正宗令人回味，推薦。【馬拉沙嗲串燒

💛 #蘇媽蘇媽有冇蘇媽fans🤩？ 我自己已經食過蘇媽媽幾次，依然都係覺得咁正，想試晒佢餐牌上嘅嘢🤤🍛 辣死你嗎配仁噹牛肉 （$62）呢個綠色嘅飯外表好靚，好打卡able，原來佢係一個椰漿飯，有軟糯嘅感覺，仲有甜甜嘅椰香🥰 圍住啲飯嘅餸包括仁噹牛肉、參巴醬、青瓜、花生、乾魚仔、蝦片、蛋，超豐富🤤 🍜 湯咖哩米通粉 （$58）呢個係一個類似星加坡喇沙嘅咖喱麵，少少辣😋米通粉煙煙韌韌幾得意，仲可以轉其他麵底㗎😚 麵入面仲有豆角、豆卜、芽菜、薯仔、薄荷葉、魚旦、魚肉卷，大滿足🥳🥪 椰香咖央多士 （$32）相信大家都試過呢個咖央多士，又脆又熱嘅多士夾住牛油同咖央，邪惡又好味，又愛又恨呀🤤🧋 檸檬薏米水 （$25/跟主食優惠價）清爽解渴，夏天必飲💛#YFT九龍