今日同朋友去旺角行街，肚餓就去左食我最愛既小籠包。 呢間樂天皇朝係雅蘭中心，地點方便，餐廳大，座位闊落，坐得舒服。 我地叫左幾款食物share: 八色小籠包: 係呢度既招牌，望落靚又多味道，女仔最愛 總共有8個味，要由淡味食到濃味 原味:係最傳統的味道,包裹著鮮美的肉餡,口感軟嫩不軟爛 糟溜絲瓜:加入了糟製的絲瓜,帶來清新口感 鵝肝:餡分外滑嫩,口感高級優雅 黑松露:松露香味濃鬱入味,搭配小籠包好高級 起司:香氣瀰漫,口感Q彈可口 蟹粉:香氣濃鬱,增強小籠包鮮味 蒜香:清新的蒜香調味,口感更勝一籌 川味:放川菜調味料,好惹味 李白醉雞:雞肉嫩白香,入口即化,肉質細嫩度高,汁水充足，料酒好香。 楊州炒飯:飯粒軟硬適中,乾身粒粒分明，翠綠多汁。雞蛋香脆可口,炒出獨特口感。

今日收工之後和朋友去咗新蒲崗呢間好出名嘅陳儀興玫瑰餐廳食飯。呢度唔止有火鍋、雞煲食，仲有一啲大排檔菜式應有盡有。 魔鬼牛雜雞煲半隻BB辣 首先，我哋試咗佢嘅新品，牛雜雞煲，份量好足料有好多唔同款嘅牛雜，牛蒡，牛肚，牛腸等。全部都好新鮮乾淨，雞肉嫩滑，BB辣唔會好辣，但係好惹味，帶有微微的甜味。係一個好出色嘅雞煲。 食完雞煲之後，呢個牛雜雞煲可以免費升級加芫荽湯底打邊爐。芫荽愛好者真係必試，湯底清爽但係好濃芫荽味，食完濃味嘅雞煲用嚟清新下就一流。 我哋叫咗幾款火鍋料： 鮮牛肉 份量幾多，好大片，食落口嫩滑亦都有牛味 炸魚皮 酥脆可口，散發出淡淡的海味 蝦肉卷 好彈牙，則好鮮，口感豐富 芝士墨魚丸 芝士微微流心，香濃的芝士與墨魚的結合，獨特的口味令我驚艷 脆鯇魚片 外脆內嫩，帶著淡淡的魚香，同樣好新鮮 整體嚟講所有菜式都好好食，價錢又唔貴，下次會帶埋屋企人試下

今日早收工，所以去咗搵喺觀塘做嘢嘅朋友食飯。天氣凍冰冰，想食啲暖笠笠嘅嘢，朋友帶咗我嚟呢一間米走雞食雞煲。 餐廳好大地方，好闊落，我哋兩個人坐卡位。 一開始服務員會比我哋自己任揀醬料，有蔥，蒜，小米椒，麻醬等等。我哋揀咗一個雞煲同埋一啲火鍋料打邊爐。 火焰麻辣雞煲（小） 因為我哋兩個都唔食得好辣，所以只係叫咗BB辣。首先雞煲會放喺爐上面，滾左店員就會落醬汁同埋幫手炒，之後好快食得。 雖然係細份，但係都有好多件雞。每件雞都啖啖肉好滑，BB辣唔係好辣，但係好惹味，配菜嘅洋蔥滾耐咗好索汁。 食完雞煲可以揀加清湯或者辣湯打邊爐，兩種食法： 哈哈蝦中寶 叫咗半份，但都幾多，每件蝦滑入面都有鮮蝦，仲有脆卜卜蟹籽，食落有口感，仲好新鮮 鮮製韭菜餃 餃子皮好薄，入面有好多韭菜，好濃郁，愛韭菜的必食 澳洲和牛M8 肩胛肉眼片 牛肉屬於薄切，分量唔少，食落好軟，一啲都唔會韌，仲好重牛味好好食 豆苗 豆苗新鮮夠脆

開始放聖誕假，同男朋友去九龍灣IKEA買嘢，買下裝飾。行到夜晚想食燒肉，就去咗MegaBox嘅炑八。餐廳環境好大，我哋坐一個卡位，好闊落好舒服。 而家餐廳同魷魚遊戲聯乘推出咗一個套餐，非常吸引，用魷魚遊戲做主題，好得意。 套餐有齊牛肉、豬肉、雞肉，仲有魚肉同埋魷魚，真係應有盡有，滿足晒我所有渴望。 新鮮魷魚 店員會過嚟幫手燒，好快就熟，魷魚好新鮮，有淡淡海水鹹味，好彈牙，但一啲都唔會韌。 深海鱈魚肉 第一次韓燒嘅時候燒魚肉，出奇地魚肉燒完仲好嫩好多汁，係一個全新體驗 韓式香腸 細細條有啲似BBQ時候嘅脆皮腸 安格斯外群肉 呢個牛肉嚟到賣相好靚，果然燒出嚟好重牛味好濃郁。 和牛牛肋條 果然名不虛傳，和牛超軟腍又多汁，好容易咬。 梨汁雞肉 梨汁雞肉調味比較清淡，但係燒耐啲燒到雞皮脆卜卜，就做到外脆內軟 月見牛腹肉 呢一個係大片牛肉，雪花好靚，會配埋可以生食嘅日本雞蛋，好有壽喜燒風味 醬油五花肉 呢個豬肉超大驚喜，肥瘦啱啱好，同埋佢嘅調味我好鍾意，係蜜糖味，甜得來又嫩 紅燈沙冰，綠燈沙冰 兩杯沙冰都係紅綠兩隻顏色相間，沙冰打得好綿，中間仲會有一啲好似長條朱古力軟糖咁樣嘅配料，好新奇得意 Front Man 椪糖曲奇雪糕 就好似魷魚遊戲劇集入邊一樣，曲奇上面都有一個圖案，我哋自己可以邊食邊玩，雪糕奶味重好味！ 除咗套餐有嘅嘢，爐邊仲有免費任加嘅泡菜蛋同埋芝士，配埋燒肉一齊食好邪惡好好食。而且仲有多款前菜同埋沙律，解油膩一流 除咗食得好之外，餐廳仲提供好多魷魚遊戲嘅周邊產品，可以購買包括記事簿Pat等等，而食滿$500亦都會有月曆贈送

平時喺荃灣返工都會食個早餐，今次同事帶咗我去試龍鳳食堂嘅早餐。餐廳夠闊落乾淨，光猛坐得幾舒服。 早餐好多選擇我樣樣都想試今日就揀咗個同事推介嘅超值抵食早餐，叫咗個$29火腿麵+雙蛋+油方包，仲有嘢飲。蕃茄愛好者嘅我加咗$3轉羅宋湯。 早餐嚟到賣相豐富，好開胃，羅宋湯超濃足料，食到有好多蕃茄同埋雜菜，完全感覺到羅宋湯應該煲過夜，好入味，蕃茄味超重，但又唔會好重味精，飲完唔會口乾。面佢煮得韌到啱啱好，唔會太硬好掛湯。 煎雙蛋係我嘅至愛，煎得好好，流心得來蛋味好濃。同樣要讚一讚佢嘅凍奶茶，雖然凍上，但仍然飲得出茶味同埋好滑。食個咁好嘅早餐真係有個Good morning☺️

今日放假，帶屋企人去尖沙咀挽，順便食烤鴨，一直bookmark左好耐，終於試到。我們叫了一些分享； 北京烤鴨(半隻) 熱辣辣香軟的momo皮，包著皮脆肉嫩的鴨件，再加上店家特製的鴨醬、葱、青瓜、哈密瓜等,無論味道定口感都令你難以抗拒。 風味松子魚 賣相very IG able, 而且開胃美味。魚香脆可口, 酸酸甜甜, 送飯一流。 花雕醉雞 一上台就聞到香濃酒味,食落都仲feel到酒香滲入嫩滑的雞肉,稱得上色香味俱全。 南翔小籠包 小籠包熱辣辣, 皮薄餡靚又juicy。 瑤柱蛋白炒飯 炒飯炒到粒粒分明, 足料熱辣辣得黎又夠鑊氣。 金腿濃湯津白 每一條菜都好多汁且鮮嫩入味,加上金華火腿調味就更加出色。

今日同男朋友去觀塘行街，經過見到呢一間裝修得好精緻嘅Cafe，所以入去試吓。餐廳地方好闊落，幾有氣氛，而我哋被安排咗一個梳化位，好舒服。 餐牌好多樣，有前菜，意大利飯，意粉，漢堡包，牛扒等等，應有盡有。如果星期一至五嚟仲會送飲品。 Grilled US Baby Back Ribs 豬肋骨賣相好靚，都幾大份，仲會有埋番薯薯條。首先豬肋骨味道係有BBQ醬，酸酸地而又有少少辣味，好惹味，好容易切，好嫩多汁。番薯薯條炸到好酥脆，入面食到甜甜嘅番薯蓉，配埋特製嘅沙律醬好好食。 South Africa Abalone Orzi Pasta 呢一個米型麵好特別，之前都未食過。佢嘅質感介乎於意粉同飯中間，煙靭得來係好軟綿，而呢呢個麵入面有好濃嘅鹹蛋黃味，仲有炸得好脆嘅菇同埋杏仁，好有口感，鮑魚好新鮮彈牙，係好惹味嘅一個主菜。 Hunt signature tiramisu 另外當然唔少得要試佢招牌嘅Tiramisu，賣相果然超級靚，食落咖啡味濃，奶油好軟好滑，又唔會太甜，係好出色嘅甜品。

最近呢一個禮拜，突然氣溫急降，好大風又凍，諗起食羊腩煲就一流，所以帶咗爸爸去食呢一間玫瑰餐廳，之前食過佢嘅雞煲真係好出色。 餐廳喺新蒲崗，好近巴士站已餐廳地方都幾大，兩個人可以坐卡位幾舒服。 我哋兩個人叫咗一個羊腩煲，仲叫咗啲火鍋料嚟打邊爐。羊腩煲好快就上枱，會用電磁爐煲熱住，份量大，羊腩件件啖啖肉，入面仲有枝竹，筍，冬菇等等，好豐富。羊腩煮得好腍，老人家都食到。調味唔會好鹹好惹味，而且暖笠笠冬天食真係好正。枝竹，筍呢啲索晒羊腩汁真係一流。而且羊腩煲本身就會跟一個生菜俾我哋好抵食。 食完羊腩煲當然就係加湯打邊爐，我哋叫咗響鈴，響鈴炸得好酥脆，唔似街外嗰啲，感覺到係自家製即炸。落湯掛晒汁好好味。另外仲叫咗手切牛肉，牛肉嚟到好大碟，但其實只需要$68，所以真係好抵，牛肉好新鮮好滑。我哋仲叫咗墨魚條，墨魚條入邊真係食到粒粒墨魚，而且好彈牙。最後最後當然要叫過一丁，唔好浪費咗個湯底佢啦。 另外呢度嘅飲品都好抵，我哋叫咗一杯鹹檸七，嚟到好大杯，解渴一流 整體嚟講呢間餐廳主打街坊路線，價錢平民但係質素高，所以都好滿座，大家不妨一試

今日放學之後約咗男朋友去旺角行街，經過雅蘭中心決定喺入面食小籠包做晚餐，呢間樂天皇朝，最出名係佢嘅八色小籠包 ，餐廳裝修別緻， 位置夠大。 八色特色皇朝小籠包 呢個皇朝小籠包真係色香味俱全，顏色繽紛， 打卡真係一流 。而且小籠包內皮夠薄，入面好多湯汁，夠熱，八款小籠包都係唔同味，濃味淡味都有應有盡有 我同男朋友分別最愛嘅係蒜香同芝士味，芝士味係超級濃郁，好creamy，邪惡指數100。而蒜香味，蒜味好突出 坊間少有 期間限定泡菜小籠包 見到只係供應到11月2號嘅特別版小籠包，當然要試下啦，上菜真係超級驚豔，外皮係由兩隻色組成，紅白相間。視覺效果滿分，食落泡菜味濃而且辣度十分過癮，配埋入面爆出嚟嘅辣汁， 真係超正！ 希望佢可以變成常有菜式啦 楊洲炒飯 炒飯粒粒分明，蛋味好香，份量大而且又足料，蝦大大粒而又彈牙 醋醬海蜇頭 呢一個海蜇超開胃，醬汁唔會好酸 ，只係微微酸味，海蜇頭好爽脆而且又索汁， 作為前菜十分適合 口水雞 呢個雞我哋加錢轉雞髀，果然啖啖肉夠曬嫩滑，雞皮好滑滿滿collagen，醬汁超級惹味，辣度屬於中等，愛辣人士必食

今日放工之後約左朋友食飯，佢揀左呢一間高級韓式燒肉，當時要試下 餐廳係灣仔會展站附近，都幾方便。環境好有情調，坐位好闊落。 晚市有唔同嘅套餐可以揀，我地就揀左Steak omakase。 小菜 一開始店員就會上唔同嘅小菜，全部都可以refill，有菠菜，泡菜，芽菜等，好開胃 生牛肉他他 牛肉他他會配埋泡菜，松子仁，蒜蓉等等嚟調味，店員會幫手撈，食落超嫩滑，唔會有腥味 House Dry-age steak omakase 有好多款唔同嘅肉： 熟成USDA帶骨肉眼 封門牛柳 韓式三筋肉 熟成牛舌芯 熟成豬梅肉 店員會主動幫手燒同埋剪，好貼心。我最鐘意當中嘅肉眼，和牛舌芯。肉眼嫩滑多汁，而且好濃牛味，好濃郁。牛舌芯厚得嚟啖啖肉，超軟，好正！另外都要讚下豬梅肉，唔會韌仲好多汁，包埋生菜更有口感 海鮮湯 非常足料，有多隻蝦同蜆，好鮮甜，涷涷地嘅天氣飲夠曬暖胃 西冷脂飯 牛肉配生蛋黃撈飯，順滑又軟綿綿，令人意猶未盡 蜂蜜雪糕 有一塊蜂巢，配埋牛奶軟雪糕。甜蜜又軟滑 Grape soda, pineapple cocktail 兩杯都唔會好甜，解膩