莆田 (荷里活廣場)

營業中

休息中

跟朋友看電影後隨心地看到門面顏色像Tiffany Blue，所以到莆田吃晚飯，這間新加坡米芝蓮指南一星餐廳是以福建菜為主。福建菜雖然於香港並不是主流的中國菜，事實上卻是中國八大菜系之一，與本地主流粵菜齊名。當中以百秒黃花魚黃花魚為姐的強烈推薦! 其肉質鮮甜嫩滑、配合上湯那種原始味道就像活捉即煮，這道菜是必點的。而九轉小腸的豬腸做得很精緻，像蛋捲一樣，配上滷水汁及小量米酒的味道香醇，而且口感爽口彈牙。至於莆田扁肉湯最初都不太清楚是什麼，純粹被門口的展示吸引而點這道菜。上菜後發現外觀有點像小雲吞，咬下口感 煙韌，而扁肉湯濃度剛剛好。皮薄彈牙豬肉饀亦是多。興化炒米粉算是意想不到的驚喜，米粉雪白幼細，而且應該有用上湯炆炒過、而且配料亦特多。一定要點這個啊。無心插柳下的一頓美味晚餐、滿足!

以前一直以為莆田係食日本野，聽家姐講先知原來係食福建菜，今日終於有機會品嚐一下餐廳頗大，所以唔洗等位碗碟的藍色碎花圖案與莆田淺藍色的招牌好夾打開menu發現呢度既菜式雖然唔算太多，但勝在夠獨特而且多清淡款可選價格由幾十至百幾不等，份量比較精緻，適合貪心想試不同菜式既食客見到menu有個叫藥膳竹筒蝦，頗具特色第一道菜我地點左九轉小腸，一般人食豬腸都會擔心洗得乾唔乾淨，但呢度menu寫住洗足3小時，而且有齊12種香料滷製，所以入口完全無異味，而且好爽口近睇見到好多分層，所以口感超有層次扁肉湯味道酸酸地好開胃，加上蔥花清淡不油膩，幾有家常菜風味百秒黃花魚，故名思義係用100秒燘熟一條魚！入口魚肉鮮嫩，清香易入口福建特色興化米粉，米粉好幼身仲有紫菜，蝦球，小白菜，地道風味埋單每人約160

香港有咁多餐廳選擇, 會回頭再食既餐廳真係少之又少! 但係計埋今次應該係第四次再食莆田了，不論食物質素, 價錢,餐廳環境都係值得回頭。點完菜後,侍應送上頭盤小食, 炸紫菜..非常可口, 又唔好好油膩! 食到停唔到口第一道菜先來黃金荷葉包，其實就係炸饅頭般但中間𠝹開可以將炒肉絲放進去。荷葉包炸得香脆，內裏不會硬實，最重用醬油洋蔥炒的肉絲惹味到不得了。一人一件好似唔夠喉，不過少吃多滋味。砂鍋魚湯魚煮得剛好而且份量頗多，湯頭是魚味十足，內有蒜子，炒得香，經湯浸軟後入口即化。最有驚喜還是找到有竽頭，吃一口，軟淋淋，竽頭吸了魚湯鮮味，混合本身令味道更上一層樓。興化炒米粉每次必點菜式，不過今次沒有之前炒得均匀香氣四溢。算是略有不足。還好米粉尚算乾身，不太油。除了炒米粉不夠香之外，其餘均超有水準，絕對值得繼續捧場!今次兩個人食不能叫太多菜色,但之前食過有幾樣菜色都好值得推介是: 莆田燜豆腐百秒黃花魚酥炒芋頭

母親節當天我和媽媽第一次在荷李活廣場試下莆田，雖然食物質數不俗，但百秒黃花魚全冇鮮味，更有魚腥味道，唔推介！其次女侍應服務超級差，我見另一枱客人多次叫她們加水，她們見到當見不到，最後婆婆自行加水先有侍應幫她。接着輪到我，我只是叫結賬，足足叫了2 次，更等上十分鐘以上都未有單，因當時我趕着走，我只可以走去收銀處結賬，頓時職員立即黑面對著我收錢，令我感覺好差！我不會再光顧吧！最後沒有服務又為何可以拿米芝蓮一星呢？

遇上哆頭蟶節的海報，才知道這餐廳榮獲新加坡2016米芝連一星餐廳，它主要介紹鐵板鹽焗蟶子，我們第一次光顧，都忍不住點一個嘗試下！雖然味道不錯，但這個價錢不便宜其他都不錯！我們也點了甜品。。。正！

約了朋友飯聚她話帶我食點特別的菜式 ... 福建菜講真的 ... 儍媽真是第一次食福建菜所以任由友人發辦點菜 ~~如果你也好似我咁 ... 第一次來莆田食福建菜可以在『莆田 10 醉』裡面揀幾道經典菜 ...先來 ... 傳統莆田扁肉湯第一次食扁肉湯，賣相有點似水餃，但是入口似魚皮餃多點細細粒，皮很薄，湯頭帶點醋酸味，很開胃九轉小腸 .... 是一道費時的手工菜，廚師以腸套腸的方法，一層一層疊出來的有無九轉真是不知，因為根本無數過 ....小腸洗得好乾淨，入口無腥味異味鹵得入味，味道適中又不會死咸百秒黃花魚 ... 將黃花魚放在熱騰騰的砂鍋上湯內悶煮 100 秒後上枱魚肉細嫩鮮甜，一定要趁熱食，涼了就會腥喔 !!!興化炒米粉米粉較幼，食起來帶點靭度炒得乾身又不油膩，加了香脆花生和紫菜去提味和增加口感，不錯炒米粉記住配埋店家特製的辣媽醬不起食裡面有辣椒、魚露和青檸等配料，有點泰式風味，酸酸辣辣的，與米粉很夾的 ** 以上分享是以我的口味、喜好和情況作出分享及感受，一試 / 合用與否請自行決定

第二次到鑽石山莆田, 今次是一個人的下午茶浪漫。我點了下午茶餐, 自選主食要興化米粉, 米粉很幼小, 乾身得來很軟熟, 配料有鮮蝦, 蜆, 瑤柱絲, 蝦米仔, 豬肉絲, 芥菜碎, 冬菇絲, 豆卜片, 炸蒜, 蔥粒, 洋蔥絲, 再配合自家製辣椒醬, 實情頂瓜瓜般豐富味蕾。真的能做到品牌的口號"堅持好食材 原味福建菜".小食方面, 我點了莆田燸米丸, 它像芝麻湯圓糖不甩, 芝麻溶香易不會太甜, 粉皮厚薄適中而且很軟, 外層有糖, 花生碎粒, 很好味。還點了酥炸莆田扁肉, 它是小口的, 有約八小粒, 脆而多肉, 果少點油更佳。最後還糖水, 紅棗雪耳, 很濃, 膠質重, 極潤！我仍會再去! 仍有太多食物想試😋

收工同媽咪去咗鑽石山廣場睇戲，睇之前先去咗莆田醫肚每次經過都比佢個TiffanyBlue吸引九轉小腸 $79餐廳介紹依道菜用咗3小時去反覆清洗，係幾乾淨既下面有火一直熱住，一來熱食更好味，二來唔會“瓊”油，味道鹹香，好彈牙傳統扁肉湯 $28 依道係傳統福建菜，飲第一啖湯覺得有d酸，因為上枱前已經落咗醋，第二啖食粒鮮肉餃再加一啖湯好好味，個餃子扁扁地，肉汁豐富，鮮甜，好抵食丫百秒黃花魚 $69賣點係餐廳用100秒燜熟一條魚，魚質嫩滑，香甜，魚湯鮮味興化炒米粉 $78米粉份量唔算多，不過都幾多材料有蝦、蜆等等，不過米粉比較乾身，整體味道都唔錯餐廳送咗2粒冰鎮枇杷果

早幾晚帶左阿媽去屋企樓下荷里活廣場食飯, 佢話開左咁耐都未食過莆田, 叫我帶佢去食.一開始先叫左每人一碗傳統扁肉湯， 入面有D扁肉， 皮薄有餡，成碗湯有少少酸，飲完好開胃！  另外, 叫左個九轉小腸，洗得好乾淨，而且咬落彈牙，最讚係唔會有油膩感。之後黎個百味黃花魚，魚肉嫩滑，煮得入味之餘亦保持到肉質，黃花魚仲吸收盡湯汁既精華，入口鮮甜。最後叫左個興化米粉， 份量超多，比起一般米粉幼細，配料豐富，有蝦亦有蜆，阿媽好中意食。

閒日嚟呢度原來唔多人，餐廳有一半都係吉嘅，我哋係度食晚飯都好舒服！我哋4個人叫咗好多樣嘢，傳統扁肉湯，百秒黃花魚， 九轉小腸，輕化米粉，酥炒芋芯，包菜飯，芋香鴨同黃金荷葉包。食個日有枇杷送作為飯前果，不過我食嗰粒就酸咗啲。首先嚟嘅係傳統扁肉湯，每客上嘅，上菜嘅時候已經預先加咗醋，所以湯頭酸酸的，加上迷你扁肉都幾好食！再嚟就係百秒黃花魚，魚來到當然要趁熱食免得變腥，標榜用100秒炆熟條魚，魚肉好鮮嫩，配上上湯令魚變得更滋味，我同男朋友share一條都唔係好夠喉，慢半秒都俾佢食晒！九轉小腸，睇到真係轉咗好多層，但食落一啲都唔韌，而且用咗秘制香料，無豬味，改變咗我對豬腸嘅睇法，好易入口。輕化米粉，個人覺得還好，米粉比平時食嘅幼好多，所以難啲炒得乾身。酥炒芋芯，有啲似韓國街頭小食蜜糖蕃薯咁，呢度嘅做法就係用蜜糖配上芋頭，甜甜地我好鍾意，而且夠香脆，食食下好快就食晒！包菜飯用木桶上，幾可愛，食落感覺較為健康。芋香鴨，面頭炸得好鬆化，另外有醬汁附上，唔乾身，好飽肚。黃金荷葉包，2個起售，配上甜甜的肉絲，大滿足！肉絲仲可以送飯！整體嚟講，個人覺得食物好好食，環境乾淨企理，座位闊落，啱晒朋友同家庭聚會

今日同屋企人一行4人黎左食晚飯，妹妹成日話呢間好食終於黎食啦！第一次食福建菜就奉獻咗比佢啦哈哈，平日嘅7點來到，唔使排隊都入到。放工好肚餓所以一打開menu就叫咗好多嘢哈哈－枇杷－送咗4個俾我哋，可能係比我哋開胃叫多啲嘢食哈哈－酥炸芋芯－炸得好香，面頭有一層薄脆，鹹鹹香香好好味！－傳統扁肉湯－好似水餃咁，不過係mini版，湯頭酸酸地，好開胃。－蝦苗拌頭水紫菜－青瓜片包住水紫菜嘅冷盤前菜，酸酸味味又係開胃菜！－九轉小腸－厚實嘅豬腸，無臊味，好易入口。－百秒黃花魚－標榜住100秒燜熟黃花魚，果然名不虛傳，肉質好滑，配上上湯100秒都好入味！－香芋鴨－外皮好鬆脆香口，一陣厚厚地芋頭再包住鴨肉，好好味！鴨肉唔會韌，仲好琳身添，入面仲有少少鴨油超香，正呀！－黃金荷葉包－好鍾意嘅一味菜，黃金包炸得外脆內軟，上面嘅一片芝麻亦都炸得好香，切開黃金包，再將肉絲包入去，熱辣辣好好味！不過可能用吸油紙索咁啲油會覺得無咁油膩。－興化炒米粉－質感似台灣嘅麵線，比平時係香港食嘅米粉更加幼，加上豐富嘅配料蜆，菜粒，花生，肉絲，紫菜炒埋一齊，味道不錯。略嫌米粉有少少痴埋一舊，比較難夾開。

今日同屋企人一行4人黎左食晚飯，妹妹成日話呢間好食終於黎食啦！第一次食福建菜就奉獻咗比佢啦哈哈，平日嘅7點來到，唔使排隊都入到。放工好肚餓所以一打開menu就叫咗好多嘢哈哈－枇杷－送咗4個俾我哋，可能係比我哋開胃叫多啲嘢食哈哈－酥炸芋芯－炸得好香，面頭有一層薄脆，鹹鹹香香好好味！－傳統扁肉湯－好似水餃咁，不過係mini版，湯頭酸酸地，好開胃。－蝦苗拌頭水紫菜－青瓜片包住水紫菜嘅冷盤前菜，酸酸味味又係開胃菜！－九轉小腸－厚實嘅豬腸，無臊味，好易入口。－百秒黃花魚－標榜住100秒燜熟黃花魚，果然名不虛傳，肉質好滑，配上上湯100秒都好入味！－香芋鴨－外皮好鬆脆香口，一陣厚厚地芋頭再包住鴨肉，好好味！鴨肉唔會韌，仲好琳身添，入面仲有少少鴨油超香，正呀！－黃金荷葉包－好鍾意嘅一味菜，黃金包炸得外脆內軟，上面嘅一片芝麻亦都炸得好香，切開黃金包，再將肉絲包入去，熱辣辣好好味！不過可能用吸油紙索咁啲油會覺得無咁油膩。－興化炒米粉－質感似台灣嘅麵線，比平時係香港食嘅米粉更加幼，加上豐富嘅配料蜆，菜粒，花生，肉絲，紫菜炒埋一齊，味道不錯。略嫌米粉有少少痴埋一舊，比較難夾開。

今日食福建菜，真係未食過，想試咗好耐！我地叫咗兩客招牌扁肉湯，個湯好飲酸酸哋好開胃，真係無介紹錯，啲皮好有味，細細粒咁啱啱好👍🏼之後叫咗個九轉小腸，好有驚喜！因為賣相靚之餘，仲好細心咁跟埋個小蠟燭一齊上，唔會食食下嘅時候啲豬腸凍咗，然後變硬👏🏼 食落口一啲都唔油膩，仲好有口感，我本身都驚佢會有豬腸啲異味，但呢個一啲都無，值得推介👍🏼👍🏼跟住就係百秒黃花魚，原來真係用百秒去整熟條魚😱 估唔到可以咁入味，好嫩滑！最後來個興化米粉，米粉好幼細，所以特別入味，但略嫌唔夠爽口，食完就已經好飽喇！值得一讚的是，呢度嘅茶係菊花茶，好香好refresh，食完一道菜可以清下個口再食！😜

今日要同同事食飯慶祝生日....一行十人就去咗鑽石山荷理活廣場食飯...佢哋話要去一間舒服好食嘅餐廳...卒之就嚟咗呢間...莆田呢間莆田專食出名福建菜下午黎仲有套餐食添呢三個小食都ok...只係中間個筍唔夠爽口海蜇就幾爽口彈牙衹是個炸皮蛋一般般蒜蓉蒸蝦好大隻.......我一個人都食三隻不過有一個發現....福州菜嘅芡汁都打得幾濃....好唔好食就見仁見智喇。不過十個人.....埋單要千六元...好似貴咗少少

常常在荷里活廣場行街，都留意到有間小店門前總係排滿人，今日時間尚早，終於有機會一試。睇睇餐牌，已經留意到佢哋的食物都係比較有特色的。原來餐廳雖然係新加坡米之蓮餐廳，卻係主打傳統福建菜。媽媽好鍾意飲湯，所以我哋就點左招牌的傳統扁肉湯。湯底清香，一啲都唔油膩，加上少少蔥花，非常醒胃。肉湯來裡有一粒粒類似小雲吞的東西，都幾好味。傳統的媽媽，成日出街食飯都想食魚，而呢度就有佢最愛的黃花魚。黃花魚魚肉嫩滑但多骨而且易化開，要煮得入味又保持肉質的質感實在唔容易。大廚將黃花魚煮得巧妙，吸收盡湯汁的精華，又無化開的感覺。入口淡淡鮮味，實在值得一讚。而我就點左店員介紹的一道名菜，名為九轉小腸。賣相好靚好吸引人，連平時唔鍾意食內臟的媽媽都好欣賞。因為經過反覆的清洗,小腸上面冇任何污糟野，唔會有太多多餘的脂肪。有別於平時食豬腸的油膩感覺，作為冷盤的九轉小腸，入口竟然有點爽脆又彈牙，實在好出色。興化米粉絕對係福建菜的signature，加上辣椒醬調一調味，就更加惹味。