我哋最鍾意食泰國菜 ~~
上星期六係元朗食咗個好唔錯嘅泰式午餐 ~~
餐廳門面和裝潢都幾有文青風格
高樓底，環境乾淨，舒適闊落 ~~

星期六都有供應多款午市套餐
仲可以加配小食和甜品 ~~

先介紹儍媽最鐘意嘅 ● 泰式秘製黃咖喱牛腩 HK$98
配 ● 特製蒜蓉包 HK$38黃咖喱香而不辣仲好足料
除了牛腩，仲有牛筋、洋蔥和薯仔
蒜蓉包即叫即焗，熱烘烘香噴噴
裡面塗滿蒜蓉牛油，外面烘至香脆
配埋黃咖喱一齊食真係 perfect ~~另外點咗份抵食嘅午餐 ... ● Pattaya 地踎撈麵 + 凍蜂蜜香茅茶 HK$72Pattaya 地踎撈麵好豐富
配料有半隻蛋、青瓜、芽菜、脆炸五花腩和肉碎
撈麵較粗身，旁邊仲有脆麵，加點秘製醬汁一起食
味道酸酸辣辣，口感豐富又夠開胃 ~~午餐加配小食 ...
● 黃金蝦餅 2 件 +HK$25
● 香茅雞翼 2 件 +HK$20清新解膩 ● 凍蜂蜜香茅茶 (餐飲) 香濃醒神 ● 泰式咖啡 HK$30 ** 以上分享是以我的口味、體質和情況作出分享及感受，一試 / 合用與否請自行決定

放假又去窩子食窩夫 ~~

每次必點 ● 慢煮手撕豬腩窩夫三文治 HK$115
窩夫即叫即製，外脆內軟，蛋香濃郁
配埋軟嫩多汁嘅慢煮手撕豬腩和半熔芝士
入口啖啖肉，超滿足 ~~點咗個好特別嘅 ● 薄撐窩夫配虎蝦 HK$118以為係平時食開薄身嘅中式薄撐
原來用咗中式薄撐粉漿嚟做窩夫
薄撐窩夫好厚身，裡面仲有青蔥、蝦米和蠟腸
淋滿麻醬、甜醬和沙律醬
儍媽就鍾意加少少辣醬一起食，味道更豐富 ~~甜品 ● 士多啤梨配甜檸檬忌廉梳乎厘鬆餅 HK$128一客有兩件梳乎厘鬆餅，脹卜卜厚身飽滿
入口軟綿綿，蛋味濃郁
配上士多啤梨和甜檸檬忌廉，酸酸甜甜，清爽不膩口 ~~飲品就揀咗冰凍消暑嘅 ● 白桃手搖冰茶 HK$46
** 以上分享是以我的口味、體質和情況作出分享及感受，一試 / 合用與否請自行決定

#香港四圍遊
上個週末又去海濱滙嘆咗個悠閒 Brunch
又再 encore 想食嘅意式辣肉腸薄餅● NDUJA 意式辣肉腸薄餅 (HK$158)
每次嚟都會點嘅 pizza ~~
最鍾意佢哋嘅餅底烤至外脆裡面柔韌帶麵粉香
配上意大利辣肉腸醬和辣沙樂美腸，香辣惹味 ~~● 葡式香辣燒雞 (半隻) 配薯條 (HK$128)
雞皮燒至香脆，雞肉嫩滑多汁，配上葡式香辣醬滋味好食
仲有一大份愛吃嘅粗身薯條，超滿足 ~~加配了份是日餐湯 (+HK$15) 最後，嘆杯凍飲食件蛋糕 ...● 凍檸檬茶  ● 凍 latte (+HK$18)● 藍莓芝士蛋糕 (+HK$35)
香濃芝士蛋糕搭配酸酸甜甜嘅藍莓果醬，味道不太甜膩 ~~餐廳有個戶外用餐區，可以帶埋寵物嚟食飯架
帶小朋友嚟仲著數，因為點 brunch set 就有免費兒童餐 ~~

#香港四圍遊
上星期與儍爸去了北角炮台山一間熊仔主題 cafe
店內裝潢和食品也以熊啤啤為主題
枱上有小熊擺設，也有熊啤啤公仔陪食
仲有熊仔造型蛋糕、窩夫和特飲，好食又好打卡 星期六下午有主食+餐飲嘅 weekend lunch set 供應
我哋點了兩份午餐 ...儍爸 ● 明太子松葉蟹肉意粉 HK$128
每條意粉都沾上 creamy 嘅明太子醬、松葉蟹肉和蟹籽
口感和味道都好豐富 ~~● +HK$12 配了份韓風牛舌
牛舌軟腍帶點微辣，細細碗但份量很足 ~~儍媽 ● 黑松露忌廉蘑菇帆立貝意粉 HK$118
● +HK$12 加配了份和風沙律帆立貝大大粒
醬汁香濃順滑，意粉煮至啱啱好，惹味開胃 ~~

 
儍爸 ● 凍美式咖啡 (+HK$16)
儍媽 ● 即磨咖啡
也可以 +HK$16 轉熊仔冷泡茶或以半價升級至特式飲品
最後配多件招牌甜品 ● 睡眠熊芝士蛋糕 (HK$58)
趴係度瞓嘅熊啤啤好可愛
瞓得好舒服咁，真係好唔捨得食 ...慕絲質感入口好香滑順口
味道酸酸甜甜帶淡淡芝士味，整體不太甜膩  好療癒嘅甜品，好食又好打卡 ~~ ** 以上分享是以我的口味、體質和情況作出分享及感受，一試 / 合用與否請自行決定

原來 Pentola 係觀塘裕民坊 YM² 開咗分店
之後想食手工意粉就方便好多喇 ~~

Weekend Brunch 有我想食嘅龍蝦意粉
梗係點佢啦 ~~儍媽 ● 新鮮波士頓龍蝦意粉 + 黑咖啡 (HK$248)
有半隻新鮮波士頓龍蝦，大大隻，表面烤至焦香
肉質彈牙鮮甜，龍蝦鉗仲拆埋殼，啖啖肉入口超滿足 ~~意粉是即日新鮮手製，有小麥和蛋香又有口感
醬汁帶羅勒和車厘茄酸香，味道清爽不膩口 ~~儍爸 ● 迷迭香檸檬烤雞 (半隻) HK$188
隻雞烤得好靚仲好香添 ~~
雞皮好脆，雞肉嫩滑又多肉汁
加點檸檬汁除了可以減低油膩感，仲多陣清香 ~~一坐低就奉上嘅麵包搭配黑醋很開胃 ~~最後嘆杯 ● House Black Coffee
加多份愛吃嘅 ● 奶凍配百香果醬 HK$48
奶香嫩滑嘅奶凍配上百香果醬，酸酸甜甜好啱我口味 ~`儍爸就鍾意嘆杯凍冰 ● Cold Brew (HK$53)店內的大片落地玻璃加上高樓底，感覺很舒服
望著外面花園景觀進食就更悠閒寫意 ~~** 以上分享是以我的口味、體質和情況作出分享及感受，一試 / 合用與否請自行決定

#香港四圍遊
上星期六我哋遊了去上環
被門口隻大咖啡杯吸咗埋去 ...見到招牌是 Bar Pacific 就好奇問吓
原來呢度係『朝啡夕酒』嘅共營方式
日間是社企『永共嚐』旗下cafe
梗係要支持一下入去食個晏啦 ~~儍媽。慢煮美國豬柳跟白酒橙汁 (HK$88)
跟埋配菜和薯蓉 + 南瓜蟹肉意粉 + 餐飲呢份午餐真係份量十足
除了有煮至粉嫩軟稔嘅慢煮豬柳
跟配嘅粟米西蘭花和薯蓉份量不少仲有一份跟平時單點差不多份量嘅南瓜蟹肉意粉
南瓜醬汁加埋蟹肉好清甜，咁大份都比我清哂 ~~儍爸。慢煮紐西蘭牛柳配紅酒洋蔥汁 (HK$108)  跟埋配菜和薯蓉 + 白汁蘑菇長通粉 + 餐飲
慢煮牛柳外脆柔軟，仲好多肉汁儍媽改配了杯。鹹榛果交響曲 latte (+HK$15)
個名好靚，其實係海鹽榛子 latte
入口順滑，味道甜甜又帶一點點咸味  儍爸改配了杯店內獨有嘅元素咖啡
以五行代表身體各個部份嘅重要元素「金木水火土」
透過不同咖啡豆拼配去補充身體所需要嘅五行元素

儍爸揀了杯調節新陳代謝功效嘅。原│青 元素咖啡
由巴西、哥倫比亞和埃塞俄比亞拼配，深度偏深烘焙
味道濃郁醇厚，帶點焦糖甜感和輕微煎烤香 ~~啱飲仲可以買返去慢慢嘆 ~~
現在有新張優惠 ... +HK$20 可以換購元素掛耳包一包
消費三次仲可以獲得環保咖啡杯
咖啡杯是由 35% 咖啡渣及穀物製成
BPA free 遇熱不會產生有害氣體，可以安心使用『永共嚐』是一間積極響應聯合國永續發展目標嘅企業
會協助年輕咖啡師創業及家庭主婦創造收入來源
同時也提倡環保意識，好似回收咖啡渣，為地球減廢出一分力
也會不時在餐廳舉辦各種環保有關活動 / 工作坊
咁有意義嘅社企 cafe 好值得大家支持架 ~~


** 以上分享是以我的口味、體質和情況作出分享及感受，一試 / 合用與否請自行決定

原來 Espresso Alchemy 係將軍澳也有分店
咁啱路過梗係要入去食個午餐啦 ~~店內裝潢跟鰂魚涌店風格一致
都是以紅土色為主設計11:30AM-2:30PM 提供多款 lunch set
包了杯熱咖啡，仲唔收加一服務費儍媽點了份愛吃的 ...
● 厚切意大利煙肉卡邦尼意粉 + 熱咖啡 (HK$102)
● 檸檬 Homemade Loaf Cake (HK$33)creamy 嘅醬汁有濃濃芝士味
配上鹹香嘅厚切煙肉，滋味好食 ~~食完主菜至慢慢嘆杯咖啡和甜品 ...

平時食開藍莓 Loaf Cake
但今日見到有檸檬味就揀咗佢啦 ~~
最鍾意佢將蛋糕烘番熱至上枱，入口暖暖
口感札實，有牛油香又有檸檬清香，味道清爽不甜膩 ~~ 配埋杯咖啡就完美啦 ~~
咖啡很香，是儍媽愛飲嘅巴西豆子
堅果味較突出，輕微酸香 ~~

趁住儍爸仲放緊年假
就去旺角食個 late lunch 再逛逛 ~~

揀咗廣華街轉角黑色型格風嘅 Black Coffee
cafe 裝潢、傢俱和餐具都用上黑色
但是燈光明亮，不會予人暗黑感覺
我哋坐在靠著落地大玻璃位置
望著街景進餐，感覺悠閒舒服 ~~除了咖啡，也提供小食、主食和甜品
平日下午 12-3PM 午市時間，點餐牌上任何一款熱食或沙律
+HK$15 可以配是日餐湯或 HK$48 以下咖啡及飲品
+HK$25 就可以揀哂兩樣啦 ~~儍媽。炸口水雞塊配自家製醬汁 (HK$88)見到炸口水雞咁特別就點了客
雞件大大塊，炸到好脆，雞肉嫩滑
味道又麻又辣，點埋自家製醬汁就更惹味
辣度唔算好辣嘅，我呢個不太食到辣嘅都接受到 ~~另加。煙三文魚一客 (+HK$55)
加配嘅煙三文魚份量都幾多，捲成花型，賣相精緻 ~~加配。是日餐湯 (紅菜頭忌廉湯) + Latte (+HK$25)
latte 入口順滑，啡味濃醇 ~~
  儍爸。喇沙汁炒意粉配虎蝦仁 (HK$134)去殼虎蝦大大隻，份量也不少
入口鮮甜彈牙，配埋喇沙汁開胃惹味 ~~儍爸。Blackccino 泡沫黑咖啡。70% 比利時髒髒黑朱古力日式梳乎里班戟 (HK$104)

一客有兩件厚厚嘅日式梳乎班戟，蛋香濃郁，鬆鬆軟軟
上面淋滿 70%  比利時朱古力醬、朱古力粉和朱古力片 滿口朱古力仲配埋焦糖香蕉和棉花糖粒，邪惡又滿足 ~~** 以上分享是以我的口味、體質和情況作出分享及感受，一試 / 合用與否請自行決定

【2023 年 9 月】

#週末四圍遊
在藍田和油塘之間
有逾百年歷史嘅『茶果嶺村』快將清拆

而在寮屋區裡面有間仍在營業嘅冰室
放假就與儍爸去嘆個下午茶再四圍走走
趁清拆前參觀下茶果嶺村嘅風景 ~~榮華冰室由 1962 年開業至今，已有 60 年歷史
店內仍然保持著最初嘅裝潢，周圍滿佈著歷史痕跡現時買少見少 ... 刻了店舖名字嘅通花鐵閘舊式百事汽水櫃 ...牆上仍掛著開業時嘉賓題名嘅紅綢布 ...牆上嘅手寫餐牌、天花板上嘅舊式白色吊扇 ... 毛筆字手寫嘅『禁止吐痰』政府告示很特別嘅心型木製卡座 ... 係懷舊冰室飲番支樽裝維他奶，特別有 feel ~~ 。西多士
即叫即做，炸至金黃色，淋上煉奶
雖然裡面冇花生醬，但是入口又酥又香，甜度適中
仲貼心切好，一口一件，方便進食 ~~ 食飽飽就四圍走走，參觀下茶果嶺村嘅風景 
但是村內仍有居民居住 ...
參觀時請降低聲量，不要騷擾到居民或破壞周圍環境 

** 以上分享是以我的口味、體質和情況作出分享及感受，一試 / 合用與否請自行決定

【2023 年 12 月 25 日】

聖誕假期留港消費 ~~
去咗九龍城食好耐冇食嘅 pancake ~~

聖誕期間有限定嘅 Merry Christmas Pancakes
但都是覺得套餐較抵食
最平 HK$138 就食到 ... 主菜 + 迷你 pancake + 飲品

迷你班戟都幾大份
一份有件帶點厚度嘅班戟
入口濕潤富蛋香，就咁配忌廉已經好好食 儍爸嘅主菜。日式咖喱飯配牛舌芯 (HK$128)
日式咖喱裡面有很多配料，仲有不少牛肉粒
厚切牛舌芯入口啖啖肉，超滿足 ~~

儍媽嘅主菜。香辣蒜片牛脷意粉 (HK$128)意粉軟硬適中，入口微辣帶點蒜香
裡面仲有很多牛脷粒，開胃惹味 ~~
餐飲選擇蠻多
揀奶啡、水蜜桃茶、梳打等特飲都唔需額外加錢 ~~ ** 以上分享是以我的口味、體質和情況作出分享及感受，一試 / 合用與否請自行決定