影片
更多
2018-04-16
241 瀏覽
今日同屋企人一行4人黎左食晚飯，妹妹成日話呢間好食終於黎食啦！第一次食福建菜就奉獻咗比佢啦哈哈，平日嘅7點來到，唔使排隊都入到。放工好肚餓所以一打開menu就叫咗好多嘢哈哈－枇杷－送咗4個俾我哋，可能係比我哋開胃叫多啲嘢食哈哈－酥炸芋芯－炸得好香，面頭有一層薄脆，鹹鹹香香好好味！－傳統扁肉湯－好似水餃咁，不過係mini版，湯頭酸酸地，好開胃。－蝦苗拌頭水紫菜－青瓜片包住水紫菜嘅冷盤前菜，酸酸味味又係開胃菜！－九轉小腸－厚實嘅豬腸，無臊味，好易入口。－百秒黃花魚－標榜住100秒燜熟黃花魚，果然名不虛傳，肉質好滑，配上上湯100秒都好入味！－香芋鴨－外皮好鬆脆香口，一陣厚厚地芋頭再包住鴨肉，好好味！鴨肉唔會韌，仲好琳身添，入面仲有少少鴨油超香，正呀！－黃金荷葉包－好鍾意嘅一味菜，黃金包炸得外脆內軟，上面嘅一片芝麻亦都炸得好香，切開黃金包，再將肉絲包入去，熱辣辣好好味！不過可能用吸油紙索咁啲油會覺得無咁油膩。－興化炒米粉－質感似台灣嘅麵線，比平時係香港食嘅米粉更加幼，加上豐富嘅配料蜆，菜粒，花生，肉絲，紫菜炒埋一齊，味道不錯。略嫌米粉有少少痴埋一舊，比較難夾開。
－枇杷－
送咗4個俾我哋，可能係比我哋開胃叫多啲嘢食哈哈
－酥炸芋芯－
炸得好香，面頭有一層薄脆，鹹鹹香香好好味！
－傳統扁肉湯－
好似水餃咁，不過係mini版，湯頭酸酸地，好開胃。
－蝦苗拌頭水紫菜－
青瓜片包住水紫菜嘅冷盤前菜，酸酸味味又係開胃菜！
－九轉小腸－
厚實嘅豬腸，無臊味，好易入口。
－百秒黃花魚－
標榜住100秒燜熟黃花魚，果然名不虛傳，肉質好滑，配上上湯100秒都好入味！
－香芋鴨－
外皮好鬆脆香口，一陣厚厚地芋頭再包住鴨肉，好好味！鴨肉唔會韌，仲好琳身添，入面仲有少少鴨油超香，正呀！
－黃金荷葉包－
好鍾意嘅一味菜，黃金包炸得外脆內軟，上面嘅一片芝麻亦都炸得好香，切開黃金包，再將肉絲包入去，熱辣辣好好味！不過可能用吸油紙索咁啲油會覺得無咁油膩。
－興化炒米粉－
質感似台灣嘅麵線，比平時係香港食嘅米粉更加幼，加上豐富嘅配料蜆，菜粒，花生，肉絲，紫菜炒埋一齊，味道不錯。略嫌米粉有少少痴埋一舊，比較難夾開。
張貼
