莆田 (荷里活廣場)

營業中

休息中

黃花魚好咸，我以為比$188入去食鹽同調味料，食完飲幾杯水仲係有陣咸味，真係唔洗叫黃花魚，冇咩肉。其他餸都好普通，一攞出黎係凍既，唔會再有下次，質素比之前差左好多。

經過莆田， 好耐冇同媽媽食呢間，門口個接待員好熱情咁介紹同推介下午茶餐，問佢啲麵同啲飯係咩樣，佢都好好咁指住啲圖片嚟介紹，就入咗去坐了，菊花茶都幾香喎，淡淡嘅淺黃色，以前食過下午茶餐嘅小菜款，所以今次同媽媽都揀食點心款，落咗order冇耐啲食物就到，幾好，唔使點等，主食同點心比較，主食好食啲可能因為啲點心有啲頹，主食就感覺新鮮熱辣啲，蓮子銀耳湯都ok， 個糖水有啲黏， 唔知呢啲係咪就係叫做煲到起膠睇住個電視機，講我食緊嘅食材係點樣嚟， 都幾得意嘅

有了屯馬線，去鑽石山行街食野好方便。餐廳剛開門，我們二人是第二枱客人。星期六也有提供免茶，免加一之1人餐，2人餐，是化算的。我們二人點了1人餐，和一個餸。1人餐，可選小食三款，主食一款，跟一個湯。3小食，分別是豆乾，水晶凍和醋紫菜我喜歡中間的水晶凍，其他兩款也不錯湯是清淡系列。 主食，米粉好食😋不是傳統的油油米粉，這是不油的。荔枝肉，排骨的炸粉厚配上荔枝肉，有新意值得試試！整體可以的！這個份量我們剛好食晒，不多不少。 謝謝觀看⭕️全店職員戴上口罩 ⭕️座位是隔枱入座，中間位留空⭕️進店前量度體溫

莆田應該係 我地屋企人去得最多嘅餐廳 鍾意蒲田係因為 佢地食材都好新鮮 調味簡單無味精 吃完一餐飯會覺得 好窩心無負擔 將一件簡單嘅餸菜 俾心機去煮 做到極致 就自然會多人幫襯 讚賞 無點見過蒲田賣廣告 但係 每晚都客似雲來 蘇炒芋芯芋頭炒完被白砂糖包圍 糖都炒到好焦香 咬落去芋頭表面脆身 甜甜啲 入面就係煮得好鬆軟 鹹味同埋芋頭香好濃 鹹甜交替 十分之得意 不過會有小小乾 所以一定要配湯啦 大白菜燉軟豆腐湯品黎講 我地每次淨係會嗌 大白菜燉軟豆腐 熬煮到白色的湯底 十分之濃郁 湯入面有長豆腐 大白菜 小小芹菜 花甲蝦米 最最最 最好吃係豆腐 因為佢吸收曬湯嘅精華 湯好味 份量大，入面多菜 夠曬健康 椒鹽九肚魚薄薄一層炸衣 入面九肚魚好軟滑 外脆內軟 配上出面椒鹽的調味 真係 🤤🤤🤤 最愛嘅小菜

以前同奶奶就食得多的莆田， 今日就帶老媽子黎食午飯，點知質素大不如前，有點可惜。沒有菊花茶，米粉很失望，還好服務態度好。我們是店內第一台客 幸好陸陸續續 也有不錯的生意。午市設有1人餐，2人餐及4人餐，免茶有芥（$5@）。我們點了兩個1人餐，各有3碟指定小前菜，紫菜熱湯。我們另加多一碟魚，煎得非常香脆可口，脆卜卜，切成小小長方形，方便調味進食，連幼魚骨都可吞。興化炒米粉賣相十分糟糕。無料，只有一隻蝦一粒蜆，碗底有少量菜粒， 米粉很幼，易爛，非常濕，但吞起來很乾。燜飯，造型不好看， 珍珠米飯粒散開， 略鹹。

都係以前嘅菊花茶好飲好多，呢個茶可以話係完全無味😑以為係食蛇羹會有個啲脆脆，好無奈甜到不得了，好難食😓呢個辣真係好正！配米粉一流呀！個種辣度同香味，我未試過配其他野食，大家可以試吓再話我知有咩正嘢🤔😌呢度個興化米粉真係必試推介！配料足搭上米粉，好鬆化呀！簡直係一試難忘，再試會想再三回味..真係回味無窮，講下講下又想再食啦！最後叫埋個魚，都整得幾好，係功夫菜，細細件幾岩嘴型😂唔錯！大家都可以試試👍🏼

疫情持續無減搵食意慾，始終都係要醫飽個肚，無時間搶購乾糧只好外出用餐🍴。而家真係處處都唔駛等位，可以坐鬆動啲，揀吓平時少食嘅餐廳🍴。呢間家鄉中菜都係第二次食，想到「蚵仔」就好想叫嚟食😏———————————————————————————🥢辣汁啦啦🌶💬店鋪所用嘅辣汁，微酸帶辣，炒蜆嚟講真係好滋味，夠哂餸飯🍚.🥢海蠣煎米粉💬蚵仔炒蛋混入煎香嘅米粉當中，賣相一般但內有乾坤，唔係度度有得食，夠特別😌.🥢金湯時蔬🥬💬金銀蛋加蒜子淆湯夠濃郁，全部精華滲透蔬菜之中，很不錯😌.🥢鹹香黃花魚🐟💬魚肉仍嫩滑帶鹹香，半煎炸連魚骨都變得香脆😏

抗疫時期，約好朋友行山增強自身抵抗力💪😎是必需的，起步前先來個午餐補充體力。朋友介紹莆田有68元一人餐，有主食＋是日燉湯＋3款小食，免茶免加一，唔諗啦！食呢間！😋我揀♡莆田滷麵♡。朋友揀♡媽祖麵線♡。店員說，兩款麵材料一樣，只是粗幼麵的分別。首先來個♡玉米蘿蔔排骨燉湯♡非常夠熱，材料充足，有青蘿蔔、紅蘿蔔、粟米、排骨，正。每人有3款小食。2個人就有6款。♡冰浸苦瓜♡苦瓜片到很薄一片，沾上碟底的蜜糖水，非常清新好味。♡香拌海蜇頭♡很爽口，少少辣，很惹味♡滷水嫩豆腐♡很香滑，但味道太鹹。水晶豬蹄凍：切得很細件，不好吃，不推介。紫菜 和 筍乾，不好吃，不推介。♡莆田滷麵♡麵湯夠熱夠濃很美味。材料：有蝦、蜆、腩肉片等等。

中國人食團年飯， 當然要食返中菜啦。 但係中國地大物博又有咁多個省份， 每一年試唔同地方嘅賀年菜式都食唔曬。 今年我地就揀咗食莆田，食下新加坡華人過年傳統菜式-- 撈起魚生。鑽石山莆田環境 古雅骨子， 寬敞舒服 ， 餐廳夠大，能夠 容納 多檯客人。第一道菜當然要食撈起魚生， 所謂撈起，寓意「撈起撈起風山水起」， 寓意食個撈起會嚟新一年帶來好運。 以蘿蔔絲、茶瓜絲、錦瓜絲、糖瓜絲、香柚等等多種材料， 加埋煙三文魚及特製嘅酸甜醬汁撈起而成。 每家一樣配料店員都會說句吉利嘅說話， 就好似落煙三文魚時就會講 「年年有餘如魚得水」， 又好似落香酥脆片嘅時候，就會講「 黃金遍地金玉滿堂 」 大家食得開心之餘亦都聽得開心。石斛番鴨燉南日鮑秋冬當然要養生， 既要滋補又要下火。 嚟飲啖石斛番鴨湯就最好。 石斛同番鴨都係清涼之品， 有滋陰清熱之效。 要顯得名貴當然要配番隻南日鮑。 南日包就係福建蒲田所出產嘅鮑魚，鮑魚體肥殼艷，鮑肉細嫩，味道鮮美獨特。年年有餘以莆田名菜黃花魚作菜， 黃花魚先走過油， 魚質肉嫩超滑。 配埋以特製的 芡汁 ， 鮮味非常富貴麥片蝦麥片蝦係星加坡名菜， 麥片中大有咖哩葉嘅香氣， 蝦

《創意承傳@莆田》介紹番:莆田餐館取名自中国福建省優美的沿海城市。背山面海、土地肥沃、海產豐富的環境赋予莆田市一種得天獨厚的氣質。时至今日，盡管莆田人是中國大江南北的八大菜系，仍然对清淡纯樸、散發着濃郁鄉間風味和民族文化特色的莆田菜情有獨鐘。莆田餐館的温情、誠意和殷勤待客之道處處可尋，反映出莆田文化中不可或缺的人文色彩。一入門口，已坐無虛席，心想真的不簡單，要留住食客的心，一是味道好味，二是厨師心思……叫了新年套餐，迎接鼠年到來……1.鴻運發財魚生撈起: 侍應說了不少好意頭說話，令食客口胃大開，自己也拿上筷子一起撈起，祝願香港平安及人人大富大貴，有我的至愛煙燻三文魚，配合其他配菜絲，甜甜地脆脆地，口感超爽，有驚喜！2.年年有魚:一條黃花魚配上秘製醬汁，令人難以抗拒魚的魅力，回頭吃指數70百仙！3.石斛番鴨燉南日鮑: 堅有兩隻大鮑魚在湯裡暢遊中，也有不少猪肉做配料，令湯的鮮味提昇了！湯濃，入味，令人回味百倍！4.富貴麥片蝦: 炸過的麥片貼在中蝦上，閃爍如鋪上金泊，甜中帶咸的味道，令人記足一世，味道藏於記憶區！5.媽祖平安麵: 濕潤的麵線遇上不同誘人食材，平安的麵汁發揮提升好味指數兩格

同媽咪係荷利活廣場行街，順便食番嗰Lunch先🤪行過莆田門口見到有嗰新年套餐，仲話年初一到初三期間黎食飯，每位食客均可獲得現金紅包，好正咯🥳見嗰吉祥套餐都好多野食，一於就嗌哩嗰餐先❤️❤️鴻運發財魚生撈起💓「撈起」=「撈喜」🤩生魚片係撈起既主要食材，寓意年年有餘既意思，煙熏三文魚大大塊，搭配多種豐富食材😋紅白蘿蔔、青紅椒、柚子肉等，然後用筷子將各種材料挑起，一邊大聲講講祝福既説話，一班朋友好開心架🥳石斛番鴨燉南日鮑好滋潤，鮑魚大大隻，有口感，配埋番鴨燉湯，好清甜好滋補😍年年有餘魚，係大紅花魚黎既，煎得好靚呀❤️嗰醬汁調得好惹味👍富貴麥皮蝦唔係度度都有架，第一次食，原來又幾特別啵，麥皮蝦炸到脆卜卜，連埋蝦頭食都可以喔❤️媽祖平安麵係新年必嗌既，材料好豐富呀，有蝦肉，冬菇，蠔仔🦪配埋平安麵，嗰口感好特別，麵線索哂啲湯底，啖啖都係鮮味🤩最後嗌左桂圓蓮子銀耳羹，好滋潤，又清甜，啖啖桂圓味，蓮子大大粒👍👍

約了家人到莆田吃新春菜式， 鑽石山荷里活廣場是我們經常到的地方，莆田是一間以福建菜和新加坡菜為主題的餐廳， 餐廳將莆田清淡純樸，鄉間民族文化風味特色帶到香港。 新春菜式一定要食得豐衣足食之外， 最重要當然是講意頭， 鴻運發財撈起， 媽祖平安麵，石斛番鴨燉鮑魚，麥皮蝦，黃花魚，紅棗雪耳龍眼糖水。鴻運發財撈起～ 材料有蘿蔔絲，糖瓜絲， 香柚和煙三文魚等等， 當我們撈起的時候店員會在我們附近講很多恭賀詞， 非常好意頭， 賣相色彩繽紛，絕對是新年必點菜色。石斛番鴨燉鮑魚～鮮香味清， 鮑魚新鮮彈牙， 真材實料的靚湯。媽祖平安麵～米粉的質感非常幼細，比起我們平時吃的口感不一樣，有如絲質般的感覺，纖幼彈韌， 吃了平安麵寓意新的一年平安大吉。麥皮蝦～ 蝦肉彈牙， 又夠大隻，外層脆卜卜，香口好味。黃花魚～魚肉鮮甜又軟，香氣四溢， 食到整條黃花魚的原汁原味。紅棗雪耳龍眼糖水～ 冬天天氣乾燥，最適合吃滋潤的糖水。今次到莆田除了吃午飯，還訂好了開年飯，店員跟我說初一至初三到的每位客人會有利是收到， 餐廳實在太有心思了， 對每一位客人都非常有心。

在商場逛累了，也到了晚飯時間，決定吃過晚飯才回家。聽朋友說過這間餐廳不錯，決定一試。餐廳推出了新年的吉祥套餐，菜式名稱也配合新年主題，很是吉祥！我們決定點一個二人餐分享 。鴻運發財魚生撈起（煙燻三文魚）：上菜後，會有職員邊將配料逐一灑在食材上，邊說出新年賀詞。撈起有多種食材，包括清新爽甜的紅蘿蔔、白蘿蔔、青瓜、洋蔥等等，配上芝麻、花生及薄脆，很有口感。醬汁也很特別，酸酸甜甜很是開胃。石斛番鴨燉南日鮑：上菜時湯仍在翻滾！湯很鮮甜，喜歡喝湯的我簡直是停不了口！鮑魚頗大隻，雖然燉過湯，但仍是很好吃！年年有魚黃花魚鮮甜，肉質嫩滑！富貴麥片蝦蝦肉爽口彈牙，很香口。跟烘焙過的麥片很配合。媽祖平安麵麵線很滑，有多種配料，如大蝦、肉片、蛋等等。麵線配上多種配料一起吃，口感不錯。桂圓蓮子銀耳羹雖然已經很飽了，但是甜品是用第二個胃來吃的！這款糖水不太甜，很滋潤。餐廳很有心思，無論是服務，還是食材都讓顧客感受到濃濃的新年氣氛，是值得一試的新年聚餐選擇！

購物完，下午茶時間，未食過莆田下午茶餐，進去一試。兩款價錢$49元$59元。酥炸莆田扁肉似迷你炸雲吞。醬料少少甜冰浸苦瓜，切得非常薄，食落脆口。莆田糯米丸，是甜的，內餡是黑芝麻興化炒米粉-米粉好幼身，是超力銀絲米粉。可能因為是下午茶，餸菜的分量很少，米粉的分量足夠。

tea set $59 , 興化炒米粉套餐+豬肝+豬蹄凍興化炒米粉, 餸份量好少, 米粉好淡, 冇乜味豬肝不錯,豬蹄凍上有一pat沙茶醬, 唔加更好. 前菜菜甫 $10 , 菜甫味道ok的, 但下午茶餐牌沒有寫這菜色, 可能寫在主餐牌上啦,下午茶供應前菜不合理.