神山麺屋 (創紀之城五期(apm))

營業中

休息中

今天同家人一同到觀塘APM食lunch，大家不約而同選擇了食拉麵！神山麵屋係一間有沾麵供應的日本小店！今天覺得非常幸運，不需要排隊就可直入店內！我們點了神山沾汁麵配豚角、赤神山叉燒拉麵、白神山豚角拉麵及湯餃子！神山沾汁麵~~沾麵煙韌無比，濃湯掛在沾麵上，非常美味！怪不得這沾麵是鎮店之寶！🏅其實自己被碗沾麵吸引，急不及待就開始進食，所以忘記影相呢⋯⋯😅家人就選了赤神山叉燒拉麵🍜及白神山豚角拉麵🍜，每款我都試了幾口，豚角非常軟及炆得非常入味！但叉燒就較為遜色！至於餃子🥟⋯⋯餃子外皮煎得非常香口，再放入帶葱味的濃湯中，感覺隻餃子在享受着沐浴呢⋯⋯真的非常美味！😍

東京的神山麵屋登陸香港，記得初開業時人山人海，連想試名物神山豚角沾汁麵也售罄！現在熱潮冷卻，就算要等位也不用太久，而沾汁麵也沒有售罄。今天除了沾汁麵，也嚐了香港獨有的神山湯餃子，還有藥膳雞。藥膳雞有濃厚的花雕酒味，其實就是我們平常吃的花雕醉雞，而雞肉用了日式叉燒製法，變成了圓形一塊的，整個感覺不錯，涼涼地，配上翡翠苗，清新之選！神山湯餃子就比較一般，湯有點淡，而主角餃子雖然煎過，但由於有湯，所以淋了。神山沾汁麵初吃的時候還不錯，豚角有燒肉香味，而麵質彈牙，但可惜豚角的脂肪太多，加上湯濃厚的油，很快就吃滯了！吃了3份1已經有辛苦的感角，不斷飲茶來消滯！

琴日同女朋友等睇戲既時候去揾野食，就入左呢間係apm原本麵屋武藏既位置，姐係神山拉麵度試下啦我叫左個黑豚角拉麵，女朋友就叫左白既，侍應既禮貌幾好，但重點係個拉麵。1. 十分咸，正如周星馳係食神入面話齋，啲野食有咁咸得咁咸，最好咸到令佢地叫多幾杯野飲2. 基本上係無黑蒜味既3. 我叫既係豚角，但佢黎到既豬肉好似煲左好耐既湯渣咁，一大舊厚而咬唔開既瘦肉4. 唯一一點唔錯既，就係個湯既温度keep得幾好，不過都處理唔到爆咸既問題所以，如果要我比80蚊食呢個質素既拉麵，得罪一句 我覺得不行。謝謝

今日同行fd一齊去apm食個間神山拉麵🍜，一去到真係好多人！等左半個幾鐘先可以入座，餓到死☹️同埋職員既服務態度都好好我地叫左限量個拉麵同埋辣既沾麵，本人記性比較差，成日都無記d野叫咩名哈哈限量個拉麵，入面個舊肉真係好鬼正，肥瘦剛剛好，一d都唔會油膩。搶曬女朋友既肉黎食哈哈而辣個個沾麵我就覺得好味d既，d辣唔會太辣，但我覺得可以更加濃味d因為我份人比較食得重味d，不過整體都好食因為我飲曬所有湯哈哈哈😄

神海老沾汁麵 $128＋10％～ 一入到嚟，員工就大力推介呢個麵 咁就試下啦～先試一口沾麵汁～  充滿蝦和魚介的香味 👍🏻👍🏻  麵條是飢詩喜愛的粗麵～ 沾麵汁濃稠 掛上麵條～ 口感彈牙 😍  蝦味充滿口腔～ 混帶有少許蔥香 😁 流心蛋亦做得不錯 😃至於隻大蝦～ 第一眼見到個蝦頭有少少黑 心裏一沉 😐 好彩蝦身肉質還可以～ 味道沒有想到有點微辣～ 有點像 利用李錦記辣椒醬炒出來的味道 🤣  淨食麵可能會感覺開心啲 🤣🤣 畢竟對蝦的期望有點過高了～食完沾麵 ， 沾麵汁 加上清湯～ 飲咗幾啖 因為有點滯 都係放棄啦～飢 point : 6 / 10#hungermarch #飢詩 #非飢詩

公眾假期，喺APM睇完戲，諗住食完個晚餐先返屋企，突然見到神山拉麵，就決定試吓佢啦。我哋兩個人叫咗兩個麵🍜同一個小食🍲。小食我哋叫咗藥膳雞🐔，但係就有少少失望，因為食落似醉雞多啲😭😭。朋友叫咗🍜赤神山叉燒沾汁麵，呢個其實都幾好食，🌶辣度其實可以再辣多少少。🍜黑神山叉燒拉麵，個味比起沾汁麵相對無咁香，但比起以前係其他拉麵店食，我覺得已經相對入味👍🏻👍🏻。兩碗麵都有全隻流心蛋🥚，真心講，我留到最後先食，隻蛋依然好流心，仲好好味😋😋！有驚喜😊😊唯一半美中不足係，幾個經理成日掛住傾計，叫左好耐先有人理。。😖😖

間唔中都會行吓觀塘，有時都會食拉麵，發現同一個位置的拉麵店轉咗格局，而且門外等候的人可真不少，所以按捺不住等埋一份。近門口的位置有一條長長的吧枱，旁邊的就是方桌，部份仲有卡位設計。職員們的服務態度真係非常好，個個面露笑容，仲會即時遞上餐牌，而且跟客人有交流。神海老沾汁麵正值做緊限量推廣，當然唔可以錯過。神海老好大隻，中間經已開邊，醬汁酸酸甜甜，蝦殼亦非常容易脫開，裡面的肉非常厚和彈牙。沾麵本身是帶點硬，不過浸了沾汁之後，是外軟內爽的。神山湯餃子外面煎得香口，而裡面的餡料很軟熟，索埋個湯更加入味，有點要跟他搶食呢~唐揚豆池魚一條條炸池魚，十分可愛。炸粉是超薄的，不過也會食得到脆脆的口感，而裡面係熱到噴煙，肉質是軟綿綿的，用來佐酒或者伴特色飲品真係一流。講到飲品，他點了雜果特飲，而我的就是菠蘿特飲。裡面的果肉都唔少，而冰唔太多，他那杯味道是甜甜的，而我的是甜中帶酸。茄子披薩以茄子的外邊做薄餅底，非常特別，加上薄餅的配料，味道是有少少辣，是惹味的一種。雙色牛舌就是以不同方式去泡製牛舌，碗上的一邊食到牛舌的原味，是很軟身和香滑。而另一邊以醬汁調製，牛舌索咗不少醬汁，更突顯牛舌的 juicy。

最近才知道原來 apm 又有一間日本麵屋進駐～ 超受歡迎的說很多人在排隊，幸好等了一會有位子了。裡面裝潢用了日本「神山」富士山作主題，很有東瀛色彩看到MENU有多款小食選擇，賣相十分吸引，是夜食慾甚佳的我當然點了數款一嚐。每次去日本都會吃牛舌，而這個雙色牛舌有讓我回味到在日本品嚐過的滋味，毫不遜色！店家用了兩款煮法去烹調，口感甚佳，牛舌味濃非常好入口 想吃點蔬果就點了茄子披薩，茄子上舖滿了多種餡料，有芝士蘑菇肉醬等等，色彩繽紛之餘也很惹味，旁邊也附了爽脆的沙律菜這客神山湯餃子是這裡首創的，沒有不試的理由吧 Juicy 飽滿的餃子用上新鮮豚肉包製，先煎後煮，一呷湯一口餃子，很滿足哩~是夜主角！我們本來是一心試試這裡的招牌神山沾汁麵，不過竟然發現有限量發售的神·海老沾汁麵，受不了「限量」二字的誘惑，我們就改為點這個啦哈哈！一上桌就已聞到濃郁蝦香的味道湯底火侯十足，夠熱，表面有一層蝦油飄香，濃濃鮮甜的蝦汁湯底絕對是這個沾麵的精華沾麵上面放了一隻超巨大的海老，真的沒誇張有成個碗那麼大，底下藏了一隻溏心蛋，荀片和蔥花等配料，很豐富哩流心的溏心蛋生熟度剛剛好～太麵煮熟後過了冷水，所以是涼涼的，這動

中午時分，人流較多，四人卡位只能兩位共用一邊，不過勝在每位客人平均吃飯時間短，在午市繁忙時間不用怎排隊。時令大蝦沾麵餐以蝦膏製成湯汁，湯底濃郁，入口蝦香而味濃，油份比較重。沾麵彈牙Q軟，入口柔軟，味道一流。大蝦蝦膏香而蝦肉爽口彈牙，整隻大而原整。豚肉拉麵溫泉蛋流心香滑，蛋黃香而不腥，入口滑溜，蛋香柔軟彈牙。湯底適中，不會太濃太油膩，適合女士們。若重口味的朋友可選大蝦沾麵，好吃而過癮；若喜歡淡口可選豚肉拉麵。

這天放工後, 就來這裡試試, 店子人氣極旺, 這晚來到，門外已有長長的人龍, 要排上十多二十人才有得吃。踏入麵店，店子地方也不少, 一邊是開放式廚房，廚房外圍有一列吧枱，店內也有二人至四人檯。先來一杯菠蘿特飲，口感夠滑也菠蘿味濃，好喝。選了神海老沾汁麵，當侍者將麵捧上來, 那碗濃厚的蝦湯, 湯頭味道濃郁, 不太濃稠，濃度適中而非常滋味，味道甜美也有蝦的鮮味, 合乎預期的水準。這裡用上的麵，有足夠掛湯能力,咬勁十足，有麵份香味，淥煮的火候也不錯,是滿意的。蝦本身很大隻, 肉厚而爽口鮮甜, 溏心蛋入口軟滑而蛋味香濃，味道出色。吃到最後，可要求店員在濃湯內加些湯去稀釋，讓食客可以將湯頭喝下。這店的沾麵算是交足功課, 離開店時，店外還有不少在等吃麵的食客。

今日同女友食左個好神的日本沾麵，咩係好神嘅日本沾麵呢？就係當佢一拎出嚟，你就已經嘩咗一聲嘅麵！不過食一個好神嘅沾麵，你唔會淨係簡簡單單咁話一聲，而係會隨着上菜而一次又一次咁驚訝！今日就食咗一間叫做神山麵屋嘅日本餐廳，入到去裏面就見到好傳統嘅日本居酒屋裝修，佢嘅特色牆上面都係日本嘅好靚嘅風景畫，坐低之後叫嘢食，侍應話介紹過正野俾我地食，咁就梗係試吓啦！雖然話呢度都有啲好common嘅沾面，例如豬肉、雞扒、豬手同埋叉燒，但今次侍應介紹我哋食嘅係另一個Menu ,一個食大蝦嘅沾麵！叫咗個餐之後我哋非常之期待，因為就算淨係講小食都有3碟！分別係青蘋果沙律、醉雕日本叉燒同埋多春魚！佢哋嘅煮法與別不同，青蘋果沙律用富士蘋果又甜又脆，聚焦日本叉燒食落去非常之有醉雕雞一隻味道，多春魚都燒得特別香脆可口！到主角嚟啦，係手臂咁大隻大蝦呀哈利！第一眼見到真係嚇咗一跳，然後笑咗笑！ 沾麵嘅沾汁用咗濃厚嘅蝦醬淆成，就算唔係攞嚟沾上大蝦度食直接飲用都非常濃郁好好味！雖然有人會話啲沾汁好鹹，但識食既我哋梗係知道佢只係口感濃厚俾人有錯覺！實際上如果你食完大蝦沾麵之後你一定會唔覺得口渴，因為人哋就真係冇用味精純天然嘅大

夜晚好想食拉麵呀！嚟到apm呢間拉麵店，遠遠見到啲師傅係度煮麵已經覺得好肚餓啦兩個人叫咗拉麵，飲品同d小食雜果特飲先上，顏色鮮豔好吸引，底下仲有好多雜果應該係因為我哋叫咗小食，所以店員先幫我哋放好碗，端好熱茶等而且佢好有禮貌唐揚豆池魚呢個小食炸得好靚，配上帶辛味嘅酸汁(個人覺得有少少芥末嘅味道)同切得好靚嘅檸檬，望落已經感覺到日本菜嘅細緻平時食日本嘅魚仔，只係會諗起多春魚呢個豆池魚俾人嘅感覺較爲結實，細細條，幾乎兩口食完，帶有甘甜嘅味道外面好脆，入面好鬆化，無需extra嘅調味已經好香口，用嚟配酒睇波一流藥膳雞係冷盤，雞肉好似雞叉燒咁預先處理好，去骨，卷起，煮熟咗再切片中間有少少菜苗同蔥粒做伴碟，每片雞肉上面更有杞子，除咗靚之外，更添藥膳嘅功效雞肉好嫩滑，食落有少少似花雕醉雞，帶有輕輕酒味，但係唔會有苦澀嘅藥材味而且咁樣煮嘅凍食，食落一啲都唔肥膩，無罪惡感雞皮好薄，有啲膠質凝固咗做啫喱，好食神山湯餃子四隻煎香咗嘅餃子表面焦香，放係有魚介香味嘅湯入面，可以放耐啲都仲係熱除咗餃子，仲有波菜，味道豐富，營養均衡茄子pizza份量都幾大平時都係西餐比較常見呢個菜式，估唔到拉麵店都有，日本人果然

下午茶時間係觀塘蒸完腳超肚餓，記得之前開左間日式拉麵店，係openrice 睇到d 相好似好好食咁，見唔洗排隊就入左去食啦。一望到個餐牌...覺得好似另一間拉麵店咁，個餐牌差唔多都係食嗰d 野食...黑神山叉燒拉麵$78望落去好似好油，味道一般，不是太濃味。糖芯蛋有驚喜！我最後先食隻蛋，入面都仲係流心，而且ok 入味。神山沾汁麵$85朋友A:整體都好好味，只係燒肉有點肥。明太子玉子小碗飯$42因為太肚餓關係，我朋友話一定要食飯。朋友B:本身怕會好細碗，因為佢叫小碗飯...但黎到都ok,食一碗都夠飽。蛋夠滑！飯中有醬油！明太子夠鮮味！我都有試食，我下次會叫飯！邊個話去拉麵店一定要人食拉麵架

香港人愛吃日本拉麵，所以無論海外來港或本地品牌都有捧場客，現在連日本沾麵都開始熱起來！！今天得意和家人來到位於觀塘apm的<神山拉麵>一嚐美味沾麵雜果特飲（左），菠蘿特飲（右）炎炎夏日當然要先來兩杯冰凍特飲雜果特飲是味道甜甜的fruit punch，菠蘿特飲汁酸酸甜甜滿滿的菠蘿味，好飲又解渴。<和風蘋果沙律>絕對是喜出望外的沙律！有大量的蘋果粗條，每條都輕輕沾有帶有蟹子的沙律輕汁，再加上面頭撒上粟米脆片和提子乾以增加口感，非常好吃。<藥膳雞>又是令人喜出望外的一道冷盤，帶有淡淡的酒香呢厚切的雞件非常嫩滑而且充滿骨膠原的感覺，超正<唐揚豆池魚>短小而肥嘟嘟的豆池魚經唐揚後外層很鬆化但又不會乾爭爭，成條連骨都可以食埋，鈣質豐富。<神山湯餃子>老公很喜歡吃餃子，無論是煎餃還是湯餃。這個湯餃子有著濃濃的湯汁浸著，非常惹味。<神海老沾汁麵>終於來到戲肉！！！海老沾汁麵一放低已經香氣四溢，蝦味濃郁。肉質彈牙的巨蝦差唔多有成隻碗咁大隻！！沾麵湯汁亦不容小看，質地超濃厚，味道濃郁，充滿蝦膏香，鮮！甜！甘！美

一人直入，不用等位聽說沾麵最聞名，試了之後，不外如是，我點的是黑蒜，並沒有特別濃且吃不出黑蒜味道。味道只可以說普通，配料也是，應該不會再有下一次。員工手腳好快，客人走了即清潔，入客+上茶。