神山麺屋 (創紀之城五期(apm))

Just had a delicious bowl of ramen that warms your soul...Aaahhh 🍜I came across Kanzan Menya in APM Kwun Tong craving for a bowl of ramen. Tried out their Aka Kanzan BBQ Pork Ramen 🌶️ and it was heaven! I wish I could choose the spice level because I could definitely have it on a spicier level...However, the texture of the noodles were perfect! The creaminess and the depth of the broth was on point. Hmmm...just thinking about it makes me want to have one right now! Their Fried Squid w/Garlic 🦑 is also a must-try edpecially if you enjoy garlic! The squid has a toasty taste, coated prefectly in it's garlicy mayo...Imagine that...😋 I sometimes dip my ramen noodles with the sauce too, try it! …查看更多

早排去APM 食lunch 想食拉麵，search到呢間打算試下，不過覺得位置都幾難搵，搵左一陣先搵到。睇餐牌見到佢地沾麵店都好似幾吸引，不過諗諗下都係想食返普通拉麵。我揀左個白神山叉燒拉麵，等左唔係好耐就已經有得食啦叉燒有兩塊，切得好薄，刀功唔錯，不過覺得如果俾多一兩塊會好啲碗麵湯底幾濃郁，拉麵算係彈牙，不過真係少左啲… 另外佢仲有溏心蛋、少少荀同蔥，配料正正常常。整體黎講味道唔錯，不過份量真係偏少。加一之後$94，如果碗麵大碗啲會合理啲…查看更多

放lunch本來想食KFC，點知人多到核爆，就去咗隔離間神山麵屋食，佢主打係食拉麵，但最近唔知點解唔太鍾意食拉麵，所以叫咗個滑蛋吉列蠔丼。炸蠔味道正常，飯嘅汁有啲多，搞到個飯好似水浸咁，仲要個汁係勁咸，最後個飯只係食咗一半就冇食到；另外叫左份神山炸雞，肉質好「鞋」同好大陣雪臭味，第一次覺得雞係難食，又係冇食哂就停口。總結呢餐食得令人好唔高興，唔單只浪費金錢，更浪費咗我個胃。見佢都唔少人like先試下，我平時好少會比得咁低分，的確係好失望。…查看更多

一直都保持水準好多年冇食都一樣，咁好食超水準今日大概一點半左右唔使等位，直接入去用QR code 唔使15分鐘已經有嘢食好耐冇嚟⋯價錢調整都係值得嘅⋯個黑蒜湯底正到呢⁉️重點係唔會太鹹，味道剛剛好⋯👅仲有一隻流心蛋👅又厚又大件嘅豚角👅好多間拉麵店都做唔到咁出色其實過嚟呢間都係好遠嘅事不過非常值得沒有任何服務其實唔系太明還要收服務加一呢點又有好多小店勝任😬未食過嘅的確要試吓很好味的一間⋯傳統日本拉麵店！…查看更多

今日收工同朋友係Apm食飯，經過見繁忙唔使等位唔想煩就試左呢間神山麵屋。果然無咩人食係有原因:(坦白講餐廳環境唔錯，枱同枱之間都闊落，都幾適合同朋友坐低食野傾計。Menu睇落都多選擇，除左拉麵仲有唔同日式小食選擇。我同朋友就分別試左黑神山叉燒山拉麵同赤神山叉燒拉麵。拉麵質地偏軟，不過不失，掛湯力一般。當然拉麵既靈魂緊係個湯底啦，個湯底睇落麵好濃既，但味道就好麻麻地，呢個價位黎講無咩特別，可能唔係好岩我口味啦。…查看更多

突然想食拉麵，就搵咗係屋企附近嘅apm神山麵屋試吓我地分別叫咗以下食物湯咖哩豚角定食$90屋企長者要食飯，便叫咗定食比佢試吓，定食有飯、餸(面有豚角同幾種蔬菜)、泡菜、沙律同湯，份量足，豚角煮得好入味，配湯咖哩，味道都唔錯，用來拌飯幾惹味，泡菜幾好食，沙律同湯味道還可以白神山豚角拉麵$90睇落好似好油膩，啲肉好肥咁，食落豚角煮得好入味，雖然係半肥瘦豬腩肉，但食落唔油膩，味道幾好，拉麵軟硬適中，糖心蛋，半熟嘅蛋黃，好食，食落有驚喜!拉麵湯底好濃郁，唔會偏咸，食完亦無口渴黑神山豚角拉麵$90其實同白神山豚角拉麵味道差唔多，只係湯底再濃郁啲，但我覺得比較咸咗少少，雖然食完亦無口渴神山手造餃子 $48餃子有5隻，唔大隻，餡料都算飽滿，煎得剛好，食落熱辣辣，味道正常吉列廣島蠔 $48有3隻，食落熱辣辣，吉列蠔炸得鬆脆可口，好食神山炸雞 (芥末醬) $48食落酥脆可口，味道正常，唔“鞋口”，可惜有幾塊，雖然酥脆但偏硬，如果醬料再多些，會更好味整體來講，食物同環境都唔差👍，服務同價錢還可以👌， 如果突然想食拉麵又係附近，可能都會再來，但如果要排隊等好耐果種，我又覺得唔會去排，因為未去到非食不可🤔…查看更多

今日下午第一次光顧，之前看了看食評還感到1516好不好去．．結果是叔叔推薦我吃雞扒磨菇沾麯，於是我就叫了一客還加了荀，發覺麵好吃，食物夠熱，份量也夠，並不是有些食評說的這樣。朋友叫了一客义燒湯拉麵，他也覺得好吃。另外我們叫了炒雜菇和煎餃子，都好吃，我們全部吃完。兩個人都有叫飲品，埋單總數$400，感覺不貴，是還會再來。原來要200字，咁環境乾淨，不嘈吵，侍應服務不錯，座位也舒服，真不明白為什麼這麼多負評的。…查看更多

路經APM，想食拉麵，所以選了這間日本拉麵店。點了燒义燒沾麵。日式燒义燒很香口惹味，難得90 ％全瘦，個沾麵汁鹹鹹地帶肉味，可加枱頭的自製辣椒醬，更加提味。麵質夠爽，還附有一隻糖心蛋。…查看更多

我哋全家都鍾意沾麵，今日嚟apm嘅神山麵屋，試咗佢哋嘅沾汁麵。首先，神山沾汁麵嘅豚肉，煮到好似紅燒肉咁，但係好好味，一啲都唔漏。至於麵嘅質地，很奇怪一係煙韌，一碗係淋，有改善空間。不過麵條本身係有香麵粉味嘅。其次，神豚燒沾汁麵，其實係叉燒麵，味道好但係肉質好韌，咬起上嚟有啲困難。相對地，赤神山叉燒拉麵用嘅叉燒係另一款，塊肉大而且好食，夠腍。另外，我哋仲加咗個小食牛舌，佢有兩種做法：清湯嗰個較為林，燒汁嗰個則太鹹同埋都欄咬。總括嚟講，神山麵屋嘅拉麵出品都算OK，小食就一般。不過，下次如果路過apm，應該都會再嚟試下佢哋嘅拉麵。…查看更多

水是生水，可以向侍應換成熱水，沾麵是清淡嘅濃，神豚燒沾麵叉燒非常之靭，麵質都可以，沾麵湯底太清淡可以放叉燒落去，因為叉燒非常之鹹！沾麵都可以一試！豚角拉麵嘅叉燒都係鹹嘅，湯底剛好，cp值不高！總括嚟講呢個拉麵店對於湯底麻麻…查看更多

最近去咗神山麵屋發現佢哋有麵屋武藏同植廚合作嘅素食系列～真係開心見到有多左素食選擇可以Go Green吓～當晚我叫咗素雞辛味番茄沾汁麵&吉列素豬扒 $88Spicy Veggie Chicken Tomato TsukemenDeep-fried Veggie Pork Cutlet麵條嘅口感非常煙韌彈牙咬落有彈性又唔會過軟，啱我口味素雞同吉列素豬扒嘅口感幾可亂真咬落去有肉類嘅質感～都幾驚喜不過，唯一可惜同埋都扣幾多分嘅位係個沾汁唔夠熱🥲沾多幾野已經凍咗大大影響咗整體嘅享受如果沾汁能夠再熱辣辣啲配埋煙韌嘅麵條味道肯定會更上一層樓 而家感覺浪費咗麵條同埋精心烹調同調味嘅主菜要留意嘅係：餐廳有加一服務費服務方面只有落單同收錢～仲有啲提升空間之前試過呢度嘅拉麵今次試埋沾麵 都冇令人失望唯獨希望下次能有更熱嘅沾汁！ …查看更多

隔左幾個月先醒起未po呢間拉麵店食評。坐落起觀塘 APM 2 樓既神山面屋，一上電梯就見到。裝潢睇落都有日式風格，有吧枱選擇可以睇住廚房，其他枱空間位置正常，唔算逼我地兩個人 一人叫左一個拉麵加個小食，份量黎講都算OK🍜叉燒醬油拉麵 $85 / 🍜白神山叉燒拉麵 $85 放埋一齊講因為可以寫既都十分之有限，其實兩個拉麵都係正正常常平時都食到既水準，一個豬骨湯一個醬油湯，湯底算係合格，味道正常，面有根據翻湯既濃度提供唔同粗細，叉燒略嫌遜色但係都可以接受，講真商場入面呢個價錢食到個拉麵算系咁，除非追求物超所值，想過下拉麵口癮其實都可以試試 🐙蒜香魷魚鬚 $48味道正常，個人覺得蛋黃醬重手左，如果另上更好…查看更多

最近同朋友去觀塘行街見好耐無食神山拉麵竟然唔駛排隊所以就入左去食lunch😋🐷神山豚燒叉燒沾汁麵 有兩大塊叉燒 燒得好焦香豚骨湯底好濃郁 麵好掛汁🍜白神山豚肉拉麵 湯底味道香濃薄薄既豚肉片好鮮甜🍚溏心蛋牛肉丼 牛肉柔嫩香濃配搭溫泉蛋嘅流心 食得好滿足🥟神山手造餃子 肉好鮮嫩 好juicy（掛住食唔記得影相😛）希望下次黎食會繼續保持到水準！📍神山拉麵觀塘APM 2樓L2-1b號鋪…查看更多

呢間拉麵份量真係越食越少味道已經普通我記得沾麵仲要唔好食今次叫咗個辣湯底嘅豚角煮拉麵麵質我係鍾意有咬口但真心唔夠飽豚角我都鍾意湯底就咸咗d同油咗d白神山湯底就比較穩陣…查看更多

今日一個人係apm唔知食咩好 就上OpenRice睇下有咩好野食 見到呢間咁多人讚好 諗住試吓 點知一試就賴嘢 都未曾試過食一個沾麵個湯底係唔熱既 之後食咗第二啖麵 個湯底已經即時變咗凍嘅 都唔明點解上網啲人講到咁好食 仲要一入嚟個侍應已經叫我試吓個沾麵 佢咁樣講得一定好好食啦 就咁就中咗伏 仲要埋單出邊見到排隊嘅人都話個沾麵一定要試 究竟係咪我平時食嘅沾麵唔正宗？係凍冰冰既湯先係正宗嘅沾麵................…查看更多