神山麺屋 (創紀之城五期(apm))

營業中

休息中

今晚去左 APM 食日本麵，係神山麵屋。原本諗住每人一碗麵，望吓餐牌原來都幾多小食，價錢都係三至四十蚊咋，於是叫左幾個來分享。和風蘋果沙律$45蘋果 +青瓜絲爽甜清脆，配合少少火腿、少少沙律菜、少少蟹籽、少少芥末、少少乾果仲有少少粟米薄脆，加上特製的和風沙律醬，結論是十分好味，大大驚喜！無論味道同口感都好有層次，食蘋果沙律得來有魚香味，到底邊個諗到咁樣做沙律架？厲害！唐揚豆池魚$45豆池魚即係池魚仔，池魚係平時用來原條刺身果種，肉質結實鮮美。而家改用池魚仔，大火酒炸到全條都酥脆，連頭連骨都可以成條食。啱啱炸起熱辣辣好好味，好香口。可惜放耐左會開始有D腥，要點檸檬汁同芥末豉油辟下腥味。結論係：襯熱食，咪愛得太遲。神山炸雞$38好味，粉醬夠薄夠脆，表層夠乾爽唔會油淋淋，內裡雞肉嫰滑。配上點點芥末沙律醬，久違的好滋味，係居酒屋的味道。伴碟仲有切得碎碎的生菜絲，清新爽口，同炸野一齊食可以清清D油，絕配。神豚燒沾汁麵$85麵底少少似稻亭烏冬，比較淋滑，且索汁力一流。特製沾汁幾特別，有淡淡的魚介海鮮味道。豚肉是炭火烤的，金黃色非常香口，內𥚃卻又充滿肉汁，火候控制不錯。難怪係主流豚骨拉麵以外的麵食首

不論白湯或黑湯，都是十分多油。當晚接近 7:00，仍然有位未需要排隊，點了白神山及黑神山豚肉拉麵，還有一碗餃子及神山燒豚肉沾計麵。等餐時間不算耐，但座位不算寬敞，還有點擠迫的感覺。我們全部人用餐後，都有共通的感覺⋯⋯ 十分多油，不論是白湯、黑湯（黑蒜湯）或沾汁，都有厚厚一層的油浮在湯面上，麵條夾起所沾在麵身上最多的，不是湯，也不是沾汁，是肥油，感覺十分肥膩，有朋友甚至吃後感腸胃不適。服務態度不錯，但是食物實在太肥膩，應該一定不會再來。

日本過江龍拉麵店真係長開長有，呢間過江龍係APM開左都一段時間，今日終於同朋友試左。呢間最出名的係沾麵而唔係拉麵，但本人好怕食沾麵，所以最後我都係叫返拉麵，朋友就叫沾麵。- 黑神山豚角拉麵 $75呢個拉麵賣相就一般，但個湯係好香嘅蒜油味，食落又唔會好油好肥，湯底好味！至於個肉就好似東玻肉咁，一層肥膏一層豬肉，好諗好好味，超邪惡但佢粒溫泉蛋就完全唔合格喇！咬開個蛋黃都熟哂，根本就係變左烚蛋- 赤神山叉燒沾麵 $79呢個係朋友叫嘅，朋友話ok唔錯～唔記得左個飲品叫咩名，一個係巨鋒一個係菠蘿，正正常常啦，冇特別。總結：個拉麵係好食嘅，價錢相對出面冇咁貴，如果大家行開APM，想食拉麵都可以去食下。

呢間係觀塘嘅沾麵都幾唔錯😎果汁鹹淡啱啱好😌而且啲麵都幾彈牙😌佢個叉燒都算好特別因為有烤完嘅香味之餘個汁亦都甜甜地😋This noodle shop is certainly not bad😎 The dipping sauce has the right saltiness and the noodles are chewy😌 The pork is also nicely roasted with a slightly sweet sauce😍

This ramen has been on our (my) bucket lis for a while and since we haven’t had any ramen for a while, we decided to try this one out before the typhoon arrives! we ordered their famous dip noodles, the meat was so delicious 😋 and the portion is big and filling too! The soft boiled egg was just right and the soup is not the thick type and tasted a bit sweet. we also ordered this chicken slices (very healthy indeeed!) but it tasted better than we expected. lastly, the beef tongue in two types (on

神山沾汁麵🍜～～～～～～～～～～～～～～～～～～好少去apm, 求其揀左間日本拉麵試下。🎌神山沾汁麵（$85）麵質粗身彈牙，沾汁濃郁但唔會太咸，掛汁能力強，唔好䏲少兩塊豚角，激厚，可以兩個人share一碗麵。🎌神山湯餃子（$38）好少食煎完嘅餃子放落湯食，煎得剛好，皮薄要小心。～～～～～～～～～～～～～～～～～～

神山麺屋神山沾汁麵（極濃魚介豚骨）👌🏿味千集團管理，麵屋武藏𣄃下的過江龍品牌。香港式服務加日本語口號，由職員落單，要求俾張紙巾、加茶、到付款都要等，職員們不是太上心。🤷🏿‍♂️ 熱熱的茶🍵、配上熱熱的沾麵♨️、不太能夠暢快完成沾麵。濃稠的魚介豚骨湯，可以保持湯的熱力，湯底味道單一，沒有層次感，好在沒有像三田製麵般死咸。麵一早煮好放在碗內較長時間，有點難分開，口感一般，蛋和荀都是普通。 最驚喜可算是豚角五花豚😋，醬油滷煮至軟淋，之後放入煎爐燒至表面焦香，脂肪和肉比例一比一，入口即融，比較甜和吃得多容易膩，重口味人士必試。有加一收費，可以一試！ #神山麺屋 #Kanzan Menya #神山沾汁麵 #燒豚角#神山つけ麺 焼き豚角付き

apm真係無咩野想食喇！又未食過神山就是但啦...本身都無期待應該唔會失望佢開11:00既，我地就12:00左右到啦！企左一陣都無人理囉，但入面佢地圍住幾個人唔知做緊咩最後係煮麵嗰個師傅問我地幾位我地坐左吧枱..坐低左先有人理下出名沾麵就試下，個麵好食喎可能佢粗身D又有咬口我鐘意但個湯底好普通...黑神山係黑蒜豚骨湯底食唔出蒜味豚骨味又無特別叉燒好大塊既有隻溫泉蛋，得個麵係好食，但唔值D個價囉普通拉麵..完香港暫時真係未食過好食既牛舌，醬汁嗰個牛舌唔知想點又薄又韌韌地又唔香，冇汁嗰個就普通不過冇味囉如果唔係D個價，我都會再去食下沾麵個麵嘅

是晚男朋友接收工，所以近近地到公司樓下晚餐；由於太夜不想食heavy野，所以選擇吃拉麵。*神山沾汁麵 ($85)沾麵的麵條較粗和彈牙，有坑紋用來抓住沾汁；沾汁很夠熱，味不會太咸；豚角口感較淋，很重脂肪味。*泡菜豚肉小碗炒飯 ($42)炒飯出奇地好味，飯粒乾身，粒粒分明；珍珠米帶點煙un ；不過配料切粒後太少，不太食到。*神山餃子 ($38)煎餃子外脆皮薄又多汁、多餡；配上大量香蔥，很野味。*和風蘋果沙律 ($45)蘋果沙律很清新，蘋果爽脆；有點提子乾、沙律菜和蟹子。*雙色牛舌 ($45)雙色牛舌用上兩個不同烹煮方法；左邊的是熱食，用上秘製醬汁炆煮，味道帶點辣，口感較淋；右邊的是冷盤，較吃到牛舌本身的味道，口感較爽。*菠蘿特飲 ($15)酸酸甜甜的，可解膩。*雜果特飲 ($15)

香港咁多日本野食，但要搵一間好食嘅拉麵店唔易，見香港得一間分店，就特登嚟試下！大約7點到，等左5分鐘已經有位坐，店員已經預備左熱嘅玄米茶係個位到。神山最出名就係沾麵，但因為唔想油膩就揀左黑蒜山叉燒沾麵，而朋友就揀左白神山豚角拉麵🍜Order完等around 10分鐘就已經有得食。沾麵一嚟就即刻試下個湯先，就算有黑蒜油係面，但飲嚟去完全唔覺油膩，仲有好濃嘅豬骨湯味🤤🤤個沾麵嘅份量都幾多下，仲有有3塊叉燒同一隻溏心蛋，叉燒好大塊又好滑，完全唔「鞋口」，溏心蛋都好正，一咬落去d蛋黃會流出嚟🤤🤤不過其實都幾飽下，如果女仔未必食得晒～而個豚角拉麵都係豬骨湯味好濃，會有燒到焦焦地嘅五花腩，雖然睇落去好肥好油膩，但食落去又覺得啱啱好，唔肥唔瘦咁好好食🤭整體嚟話味道幾好，而且份量都幾多下，用70幾蚊嘅價錢嚟講，係性價比高嘅拉麵店😎

神山麵屋在觀塘APM，經常都好多人排隊，女朋友話要食，希望唔使排咁耐。沾麵點都要叫喎！我就要個明太子玉子小碗飯。再加一個小食，一個沙律。神山沾汗麵 $85對我黎講份量有點少，不過女朋友唔算大食。想不到重點在配料，一大隻流心半熟蛋，勁多筍。主角竟然唔係沾麵，而係個角煮豬肉，好入味，肥豬肉油份十足，令到成舊豬肉好滑。我好欣賞佢個湯底唔會好鹹，做得好杰事，令到麵條掛到湯。明太子玉子小碗飯 $42小碗飯真係唔大碗，不過玉子嘅份量比我想像中大好多。玉子好滑，令我食唔停口，配上明太子呢啲重口味嘅食材，味道配合得非常之好。二重牛舌 $45有凍食有熱食，凍食好青新，不過「鞋」左少少，熱食出色d，特別個汁，好惹味。和風蘋果沙律 $45估唔到好火腿肉，沙律醬撈得好均勻，有好多其他材料，如飛魚䰵、青瓜、㮛子乾，好好食。食物質素好，坐得好舒服，店員好勤力，美滿既一餐！

最近迷戀上拉麵，就去左神山TryTry~日式煎餃基本上去到邊都會叫，呢度但個辣椒入面有蒜片，大家可以加啲試下，唔會好辣👍🏿食落都係煎餃咁啦，不過不失，不會記得😂呢個拉麵就好食喇，湯底幾濃，隻蛋係糖心蛋，幾低食嫁！朋友叫左個沾麵，湯底同我個一樣，但沾麵最不一樣係麵會粗少少！小插曲：隔離客人追問沾麵幾時到，職員話沾麵會耐少少！然而。。我地係沾麵快過拉麵。。😂😂有趣有趣～ （藉口對我不管用，用心誠實先係王道）另外叫左牛舌2味，我比較中意3色椒煮既，比較爽口！叫埋杯清酒就完美。（Call me 酒鬼），天未黑就開始了

脆邊五花腩～《神山麺屋》🎈神山沾汁麵$85: 個沾麵汁好正路重豬骨味唔會死鹹。但最正係果兩舊燒到脆邊嘅五花腩！焦香得黎勁鬆化！係入口化開左，我可以食十舊！😆😆😆 粒糖心蛋都浸到好入味！goodgoodgood!🐣🎈神山湯煎餃$38: 個湯餃⋯係奇怪嘅😂首先個餡無咩特別，煎完再放落湯，應脆嘅位淋左，個湯底又無令餃子嘅味道升華，都係咁普通🧐 點解要咁做？！.👅：9.5/10（神山沾汁麵）👅：2/10 （神山湯煎餃）🎏：神山麺屋 (觀塘)觀塘觀塘道418號創紀之城五期(apm)2樓L21B號舖.#神山麺屋 #沾麵 #餃子 #ramen #dumplings

APM食咩都多人，特別放工時間，今晚同同事們即興食拉麵！打開餐牌，樣樣都好吸引，因為幾個人，可以叫多幾款小食試。期間限定：神海老沾汁麵隻蝦好大，成個碗都差Ｄ擺唔落沾汁有好濃厚既蝦香，坑紋麵十分掛湯，每一口都食到濃郁既蝦湯沾汁。大蝦微辣，脆既外殼都好有味，所以唔好用手ｍｅｔ左佢先呀，擺入口品嚐味道再掉也不遲！另外肉質好實正。和風蘋果沙律見佢幾特別少有，食落果然冇令人失望，有少少ｗａｓａｂｉ味，好過癮有蘋果、青瓜、火腿、葡萄乾，多重口感！唐揚豆池魚細細條，易入口，不過有同事覺得有少少腥。神山湯餃子煎既食得多，煎香左再擺落湯既好少見，湯入面仲仲有韭黃、菠菜。豚肉餃子加埋配料，連豚骨湯一齊食，別有一番風味。茄子豚肉味噌燒冇咩特別，味道尚算可以。番茄叉燒拉麵先將薯蓉攪落湯，入面仲有好多番茄，係一個好有誠意既湯底。值得一提，隻溏心蛋好靚雜果特飲，可以再濃味Ｄ。

落雨落到紅雨都出埋，交通一定好差，為免浪費時間等車，就約埋同事去嘆返個晚餐先返屋企喇~又濕又凍，第一時間諗起要食熱辣辣嘅拉麵，就嚟咗口碑譽滿嘅神山！和風蘋果沙律(HKD45)~落單時，侍應好貼心，同我地解釋咗個醬滲入咗芥末，初初以為係普通沙律醬，原來別有洞天！個沙律主要有蘋果、青瓜、火腿，另外仲灑上蟹籽同脆片，差唔多都係一啲爽脆嘅食材，估唔到可以一拍即合！大推！神山湯餃子(HKD38)~煎餃子就食得多，湯餃子就真係第一次食！將煎完嘅餃子放落拉麵湯，個底仲會有菠菜同韮王！唐揚豆池魚(HKD45)~池魚炸起顏色好靚，一客大概有8-9件，每件嘅SIZE大概一隻尾指嘅長度，剛好2啖食哂~炸粉唔厚，但喺咩汁都唔用嘅情況下有輕微腥味，始終係魚嘛！落咗檸檬汁或點過佢嘅醬汁情況就唔同哂！酥香中帶點清新！茄子豚肉味噌燒(HKD45)~一餐當中梗要食菜嘅！食得出當中用嘅豚肉係豬頸肉！而椰菜本身亦好爽口，茄子就吸哂啲味噌汁嘅味道！十分惹味！番茄义燒拉麵(HKD85)~同事點咗呢個，我試咗一啖湯，好似屋企煲嘅番茄薯仔湯呀！有家的味道！神海老沾汁麵(HKD128)~呢個都係同事點嘅！隻蝦好巨型呀！用嚟呃LIKE