神山麺屋 (創紀之城五期(apm))

營業中

休息中

APM食咩都多人，特別放工時間，今晚同同事們即興食拉麵！打開餐牌，樣樣都好吸引，因為幾個人，可以叫多幾款小食試。期間限定：神海老沾汁麵隻蝦好大，成個碗都差Ｄ擺唔落沾汁有好濃厚既蝦香，坑紋麵十分掛湯，每一口都食到濃郁既蝦湯沾汁。大蝦微辣，脆既外殼都好有味，所以唔好用手ｍｅｔ左佢先呀，擺入口品嚐味道再掉也不遲！另外肉質好實正。和風蘋果沙律見佢幾特別少有，食落果然冇令人失望，有少少ｗａｓａｂｉ味，好過癮有蘋果、青瓜、火腿、葡萄乾，多重口感！唐揚豆池魚細細條，易入口，不過有同事覺得有少少腥。神山湯餃子煎既食得多，煎香左再擺落湯既好少見，湯入面仲仲有韭黃、菠菜。豚肉餃子加埋配料，連豚骨湯一齊食，別有一番風味。茄子豚肉味噌燒冇咩特別，味道尚算可以。番茄叉燒拉麵先將薯蓉攪落湯，入面仲有好多番茄，係一個好有誠意既湯底。值得一提，隻溏心蛋好靚雜果特飲，可以再濃味Ｄ。