神山麺屋 (創紀之城五期(apm))

《神山麺屋》白神山豚角拉麵 🍜+ 低溫叉燒🥩📍觀塘觀塘道418號創紀之城五期(apm)2樓L2-1b號舖神山麵屋係麵屋武藏集團其中一個分支店，整間店處處都見到麵屋武藏嘅品牌。麵屋武藏响旺角朗豪坊嘅武骨相傳店已經食過好幾次，而神山對上一次食都已經係8-9年前，剛開業時食過至今，印象中已經唔深刻，淨係記得係偏濃味偏鹹，今次咁啱經過又有半個鐘自由時間，一於重溫一下。一如其他麵屋武藏分支店一樣，其中一個特色係叉燒有豚角煮🍖 (豬五花) 同豚肉片🥩 (似豚肩肉)，因為冇乜幾何來呢間店，決定一次過試晒兩款啦。香味 (4/5)魚介同豬骨嘅香味撲鼻，雙頭湯底果然係一大特色，聞落非常之香。湯 (3/5)聞就誇啦啦，飲落就唔太對到我口味。豚骨魚介嘅味配塩係討好，可惜一如我對麵屋武藏嘅印象一樣，湯太濃太鹹太甜。頭一啖還好，冇耐開始負擔就越來越大，加上味精嘅存在感都頗重，食左冇耐就有口乾感。麵條 (4/5)中細直麵，偏黃，偏高加水，爽滑彈牙。麵係好食，而且幾有特色。配料 (4/5)豚角煮🍖未係我心目中嘅最佳狀態，調味正常，但未夠稔。如果同鬼金棒嘅角煮比較，直接輸一至兩條街。好彩我決定加豚肉片，呢款低溫叉燒🥩真係好食到暈。論嫩滑程度，同肉嘅甘香鮮味，佢直接就做左我全港嘅 no.1 (本身係未搬前嘅台風R)。溏心蛋又係正，蛋香，調味，生熟度係一等一。筍就有d渣，筍味正常啦。整體 - 我唯一覺得唔 ok 嘅係湯太鹹太甜，感覺似食緊茶餐廳嘅野食咁，味道偏濃。如果你食野慣重口味，其實呢碗麵係幾好食，不過建議叫普通叉燒拉麵好過豚角煮拉麵。…查看更多

見佢好多笑哈哈. 又想食拉麵. 入去試吓. 見到d食評…有d後悔. 我食白神山叉燒拉麵. 塊叉燒味道好似金華火腿咁咸. 其實我喺日本冇食過咁嘅味道既叉燒拉麵. 可能係我見識太少. 兩塊叉燒好薄,如果好肚餓,真係唔夠飽. 員工都好有禮貌. 不過$85再加10%的確唔抵. …查看更多

貪佢lunch time唔洗等，點知10分伏，赤神山叉燒拉麵，個湯淡到飲水咁，以為要撈下，之後都係咁淡。嗌得赤，都係想食辣，佢得個樣，面頭一層油，完全唔辣，無味，叉燒白烚咁，又係無味，我到底食左d咩，麵係up to standard，無驚喜。另外order左牛油蘆筍炒什菌，係可以既，份量夠，味道適中，但食落似普通油炒，食完係會想即刻飲杯熱水沖下喉嚨果層油。店員姐姐友善，坐得舒服既，但食物質素真係請都唔會再食…查看更多

中午食快飯，入嚟食碗沾麵，價錢略貴，自己手機落單，叉燒燒得比較燶。食完自己行出去俾錢，俾完我問老闆，你有冇服務值收10%服務費，佢話我有拎碗麵俾你，同埋我哋有好多機。係啦，原來有得入分，但你冇問我喎…….拉麵店冇乜服務可以理解，但唔係唔好收服務費。…查看更多

由於想揀近地鐵站嘅地方食飯，所以就揀咗APM，本身都諗住食food court，但係見佢竟然唔使等位，所以就揀咗佢。原來平時外賣都有優惠，本身仲以為佢剩係得拉麵食。大部份都有梳化位坐得幾舒服，位置都尚算闊落諗咗好耐食咩好因為見佢嘅沾麵同湯圓好似都好吸引，而且都有人推介。最後都係決定叫沾麵因為佢係餐牌嘅價錢位置哈哈。神山豚燒叉燒沾麵 $95係一款我好鍾意食嘅沾麵，之前食過好多浸落沾麵嘅時候都會好鹹，而佢個湯底就啱啱好，無論係將沾麵直接放落沾麵汁入面一路食，定係一下一下咁食，沾麵汁都掛喺面上面，佢屬於粗嘅拉麵，竟然令到我不知不覺食晒一條不漏！仲想補充吓個叉燒非常之有水準，係好香燒肉味道，如果話佢係叉燒，不如話佢係半肥瘦嘅豚肉，今次食燒得啱啱好唔會好燶，味道同埋肉嘅成熟程度都啱啱好朋友嗌咗個當時嘅精選，由於佢味道太辣，所以我就冇事不作評論。可以講述吓係用幼身嘅拉麵，入面係叉燒同埋雞蛋（兩碗嘅雞蛋都係全隻大滿足）不經意嘅餐廳都有意外驚喜…查看更多