神山麺屋 (創紀之城五期(apm))

營業中

休息中

上個星期放工去觀塘交收，大熱天時真係去商場行下，係APM 見到有拉麵食，望入去都好似幾多人，同朋友決定試下。咁啱坐左卡位，坐得好舒服！一打開個menu, 好多款麵可以揀，仲有好多比較特別既小食選擇，所以選擇困難症既我好大挑戰！見到呢排有推廣，所以就叫左個海老沾麵。呢隻蝦，大到不得了！啲肉多到好似食緊雞脾咁！隻蝦有啲啲辣，個麵份量夠食。沾麵既重點在於個汁！望落好似有啲稀，但食落口就發現錯了！但汁勁濃郁！蝦🦐味好重！好正呀，又唔”漏”! 仲有隻溏心蛋！卦住食無影到添仲有叫啲小食首先有個炸魚仔，唔記得叫咩名，但感覺有啲似食緊無春既多春魚。賣相味道都好好！另外叫左牛舌。同我想像中有出入，因爲佢一餸兩味！視乎個人口味，我覺得左手邊個隻味清淡啲，質地唔un 值得一提，服務唔錯！炎炎夏日，叫左兩杯特飲，十零蚊杯都幾抵飲！杯菠蘿特飲入面真係有菠蘿！

終於嚟到食神級沾麵啦！平日夜晚都好爆🌚好彩咁啱有人走先食到🐥🐥 實在係好肚餓，所以今日就嗌左個神海老沾麵🍤🍤蝦超級大隻！肉質鮮美又彈牙，外面小小辣嘅，非常滋味👅 而麵底都幾多，偏粗身，掛湯效果唔錯嘅😀 個湯用左豐富嘅蝦煮，所以好鮮甜！溏心蛋好驚喜，甜甜地，而且超級流心！一定要叫🌟 小食叫左個神山餃子🥟湯底唔太咸，入面有d菠菜！而餃子就皮薄多汁嘅，入面係豬肉餡🐖🐖 唐揚豆池魚係第一次食！好特別架，細細條，炸得夠脆身，仲要冇骨架！ 點d汁就更開胃食得！ 和風蘋果沙律🥗上面舖左好多脆脆，所以食落口感好豐富！蘋果清甜爽脆，青瓜夠清新！雙色牛舌好特別呀！一款係口感比較煙韌嘅燒牛舌，味道幾惹味！另一個就清小小，肉質好腍，入口即溶咁濟，而且牛味十足，底部就有d豆苗，幾fresh😼😼 菠蘿特飲🍹🍹有d甜，菠蘿好爽口🍍🍍雜果特飲有好多生果，好解暑！🌈🌈

一星期忙碌不停的工作，為了興祝happy Friday. 決定食好啲呢間餐廳系觀唐APM2樓，交通方便。真的是星期五的關係，6點45分來到依然都要拿紙仔等食。唔太跨張，甘早已經有二十幾人等食。餐廳門口墙邊有個大型電子屏幕介紹食物。坐位也算得上舒服。由於每台客都會有壺茶，這方面也算是周到店員推介佐一款神，海老沾汁麵。但最後還是點了其他。赤神豚肉拉麵，呢個麵既湯底够濃，個湯系辣味的，啲麵够爽口。黑神山豚肉拉麵，呢個同名一樣，够神秘，個湯底好味。

我地未夠8點來到餐廳, 已經差唔多坐無虛席. 但當我地離開嘅時候, 餐廳門口有好多人排隊等位, 果然係好旺場呀!神海老沾汁麵 $128神海老沾汁麵係限定發售! 當然要試一試啦!嘩! 好大隻蝦呀! 有一隻手掌咁大! 餐廳先將大蝦同多種香料炒香, 再煎至蝦殼香脆金黃! 蝦肉非常彈牙鮮味! 再將蝦肉加入沾汁中, 味道更濃郁鮮甜! 好正呀!沾汁係非常濃厚既混合魚介的蝦湯, 有超濃郁海蝦味, 每一口都好鮮味呢! 沾汁上面灑左少少蔥花,  加埋用印有神山既碗裝住, 賣相有心思!沾麵比一般拉麵粗, 每條麵都有坑, 所以沾麵既掛湯能力非常高! 而且沾麵十分彈牙!仲有溏心蛋, 筍, 蔥作配料!溏心蛋非常流心, 蛋汁香濃, 超讚!和風蘋果沙律 $45賣相好靚, 將材料切成條狀! 材料豐富, 有蘋果, 青瓜, 火腿, 仲加左d粟米片同蟹子, 口感有層次!再加上帶有微微WASABI味的沙律醬, 清新開胃!雙色牛舌 $45小碟內係冷盤牛舌, 薄薄的牛舌, 用鹽醃製, 食到牛舌原有香味!另一味, 三色椒酸甜汁煮牛舌, 味道濃郁!神山湯餃子 $38餃子煎香至表皮金黃, 餃子內有充滿肉汁, 再配合豚骨湯, 味道不錯!

是日到了APM，好一陣沒來了，商場好像換血不少呢。朋友話想食拉麵，之前的拉麵店原來已結業，換上了神山，是主打沾麵的，感覺也不錯便試試吧。店不大，幾多人等位，等了一陣便有枱了，坐了最內的卡坐，四人坐都幾闊的。店員送上碟方便Share食，碟是暖過的，好窩心啊！神山湯餃子($38)因為喜歡吃餃子，便試試這款新吃法，煎過的餃子再放湯。餃子皮薄煎得香脆，湯底是豬骨濃湯，餃子連湯一齊食有著濃郁豬味，好香好好味呀！茄子披薩($43)仲點左茄子pizza，是切成一段段的茄子上放了大量芝士，肉沫，蘑菇粒，青椒粒等，芝士半瀜加上烘得微焦，茄子香口咬落多汁，好味神海老沾汁麵($128)試試新的海老沾麵，限定發賣呢幾個字真係有股魔力㗎。好大隻蝦呀！仲有溏心蛋，筍，蔥等，麵條是黃色拉麵。蝦煎得香口，醬汁酸酸的極重蒜香，肉質厚實好有口感啊。沾麵湯汁濃厚，超濃郁海鮮味，每一口都係蝦味呢。雖然就咁飲鹹了點，但太好味，停唔到口飲左好多麵掛湯，沾滿湯汁勁正。溏心蛋非常流心，滿滿的蛋汁超好味，加上湯汁充滿著蝦的精華，呢碗沾汁麵大滿足啊！

7-8個月前已經知道喺apm出現咗一間口碑好好嘅拉麵店，放咗喺我嘅must try list好耐，一直都怕等位等好耐，一直都未去試，剛好朋友喺apm附近做嘢，一於叫佢拎定位等我喇~好開心終於都有機會去食喇~一入到去坐底，就有店員推薦佢地嘅新麵，好好好好大隻蝦呀！而且整間舖都好香煎蝦嘅味，只可惜我同朋友都對蝦敏感試唔到喇！$85神山沾汁麵~睇過好多食評都話沾汁麵係必食同主打，梗係要叫嚟試吓喇~佢有一整隻嘅溏心蛋，鍾意食溏心蛋嘅我，食哂一整隻，真心滿足！佢嘅肉燒到好香，一肥一瘦咁間住，夠哂鬆化，每件都唔細架~(一碗有兩件)$78白神山叉燒拉麵~去一間拉麵店，點都要叫個拉麵嘅~佢有兩片叉燒，唔算厚，但都好大塊呀!$15巨峰椰果特飲~食熱辣辣嘅麵，當然要叫杯凍飲喇~椰果好Q彈，巨峰都好好味，喺其他地方試過飲到似藥水味嘅果汁！Um......其實今次係刻意去叫一碗拉麵同一碗沾麵去vs嘅!發現佢有一個特點!原來佢地嘅麵底係會有分別㗎!沾麵既麵條中間有坑紋㗎!變相沾到嘅汁會多啲，而且口感非常煙un,係非一般嘅麵條哩!拉麵既麵條外表上無咩特別，但食落去口感都好好!唔會過淋或過硬!除咗湯底/沾汁外，我最

周未來到apm食神山麵屋 之前岩岩開張大排長龍所以一直無食今次見少人排所以一試點了一個拉麵 一個沾麵和炸魷魚鬚拉麵的湯底不錯 不算太咸 麵質不過不失而沾麵的湯是比較咸和重口味 但味道真的很好 而且麵質也很合適 最後炸咖哩魷魚鬚🦑 味道很好 加上咖哩粉 感覺與平日酒樓吃到的不一樣 值得一試

星期六要番半日工，收工搵朋友食餐好既。平日中午見呢間面店好多人等位，就決定一嘗滋味。星期六中午反而唔見太多人等位，都係等左10-15分鐘左右，不過就一定要人齊先入得。安排左坐卡位，環境都幾舒適。朋友愛吃辣，就叫左呢碗紅噹噹既沾面。雖然睇就好紅，但食落唔太辣。但係我地都嫌太油已且湯汁唔濃味。比較失望我們先吃了叉燒沾汁面才吃這個，神山沾汁面比到個驚喜我地，可能因為有對比，哈。這個的沾面汁好濃味，質地都比較濃稠，每啖面都可以沾上足夠的湯汁。舊肉好入味好淋，但如果唔食肥肉既人就唔好叫呢個啦。不得不讚，個流心蛋一流餃子煎到個底脆卜卜，唔會好乾身

叉燒沾汁麵 赤神山:麵質唔錯湯汁味道普通，辣味再多啲都可以，不過有少少稀叉燒麻麻地，太乾同鞋，好薄個蛋就幾好，真係流心神山沾汁麵:湯汁有少少鹹，同埋有少少腥味個肉比叉燒好，可能有燒過同有肥膏嘅關係，冇咁dry，而且夠淋總結:選擇算多價錢唔算係高份量較少，胃口大嘅可能唔夠😂沾麵麵質唔錯，但湯汁有待改善

有個fd係觀塘做野，好耐無見。今日我難得可以🐍🐁出黎，當然要約佢出黎食餐飯，歇一歇。見呢間沾麵店幾旺場，裝修又幾靚，好有和風feel咁，所以決定入去一齊食個麵。天氣熱辣辣，當然先整番杯凍野消下暑。我果杯雜果梳打真係有好多雜果係入面，大大杯，正。Fd果杯巨峰提子椰果梳打d椰果細粒粒，用粗飲管可以啜住黎飲。蘋果沙律賣相好特別，一條條咁，仲加左d粟米片同蟹子，口感、味道同層次感都大大提升，餐前小食必叫。餃子底皮煎到微脆，上面仲舖左少少蔥花。裡面有d肉汁，吾會乾曾曾。燒鱈魚棒排得好靚，我fd即刻放左張相上IG呃哈。本身諗住上面d醬油會有點粘牙，點知一d都吾粘，仲好爽脆同好香，同啤酒好夾，必叫。d魚點d醬汁加d檸檬汁真係好開胃，而且魚仔細細，好而入口，好快被我地成碟KO。主角黎了個沾麵湯係非常濃厚既豬骨湯，上面灑左少少蔥花，加埋用印有麵館名既碗裝住，賣相有心思。碗沾麵幾大碗，彈牙程度比一般拉麵沾麵高同粗一點，仔細看每條麵都有坑，怪吾知掛沾麵湯同蔥花都無難道。

松茸沾麵最近好大拉麵癮，見到呢碗限定嘅松茸沾麵已經心郁郁麵質唔錯，夠爽夠彈，特別鍾意嚿燒肉，雖然肥咗啲，但真係好鍾意個醬，燒得好入味，啖啖肉，真係滿足！但略嫌湯底偏鹹同濃，沾一沾已經好入味了，最後仲有半碗汁剩番喺到呢我地仲叫咗個炸雞，一般水準啦，唔算特別大驚喜

沾麵的湯汁較鹹較濃味，血壓高的人們真的不能多吃！相對流心蛋的質素質非常之好，味道好，真正流心，可以吃完再吃！沒茶的茶壺放在桌上，不如不放！部份職員的工作態度有待改善改善！

呢間人氣嘅沾麵店位於觀塘apm係嚟自日本東京嘅過江龍食店！夜晚六點幾唔使排隊就可以入去———————————雙色牛舌 $45用兩種方法烹調的牛舌小碟內的是冷盤製作 較為厚切 用鹽醃製愈食愈上癮😋😋碟子上的牛舌用了三色椒製作 酸甜味濃🤗———————————店員推介久須志菌茸沾汁麵 $88沾汁用了松茸入饌 非常特別😍麵條用上浜松町風麥香曲麵 彈牙有口感🤗豚肉叉燒有別於其他餐廳 係一大舊好厚身嘅🤣 起瑪有半吋厚度😱外表有少少燒焦 不失香脆 識落啖啖肥肉 都幾heavy 因為太厚身嘅緣故食到有啲滯😂😂同埋因為沾麵汁唔係用熱石鍋上 所以冷卻得好快 要趁熱食😂

以前也來過神山，覺得好好味，但成日都有人排隊，所以今日見唔多人就決定排下。但係今次既食物質素明顯差左，好失望☹️黑神山叉燒沾汁麵 $79好重蒜味既沾汁，食沾麵最重要係掛到汁既麵，但依個麵唔係好得。不過個汁好濃味，所以掛得少都還可以神山汁沾麵 $85都係好濃既湯底，第一次黎覺得超好食，但今次個味道好似普通左，只有鹹味，食完超口渴而且舊肉都好dry，同啱啱開店時候既水準好大分別👎🏿雖然蛋夠流心，但就冇咩味仲有店員推介的限量沾麵

我自己好中意食沾麵，近年香港都愈開愈多。食過幾間，我自己覺得呢間係唔錯！不過熱潮已經過左，宜家已經唔駛排隊。禮拜日的下午黎，一黎就可以入得！沾麵都有幾款，但黎到一定要食神山沾麵。今次係我第二次黎食，覺得味道同開業無耐果陣係差唔多。但係份量就少左，個麵底好少，少過之前。呢間個沾麵湯底，唔算好咸，剛剛好用麵沾到湯汁的精華。食埋啖麵，好食！而麵底都不錯，軟硬度適中！而呢到的肉，係好好食，好香豬味同埋燒得好香！又有肥膏又有肉食！雖然份少dd，但係佢價錢$79-85，都可以接受～因為有d係要過百蚊一碗。另外再叫多個煎餃子，呢個就冇咩特別。食唔食都可以呀～