神山麺屋 (創紀之城五期(apm))

營業中

休息中

母親節這天的午飯時間，第一次來神山。店鋪不大，要等位。點了兩碗赤豚肉拉麵🍜。上麵啦！造型已經讓人垂涎欲滴。紅色的湯面上面是一層豚油，湯非常濃郁，兩塊豚肉對我來說很大塊，而且很入味，溏心蛋也口感十足。不亞於在日本🇯🇵吃的拉麵。價錢不算太便宜。

今日走去觀塘買點東西，所以來到APM找食，周圍找食，發現這店有沾麵就突然想食（雖然少食）。費話少講，去片~炒飯雖然小碗，但份量唔少，因為叉燒比較少，食落十分齋。味道一般。沾麵一到，已經有一股菇味，松茸菇汁十分濃郁，味道十分好，沾麵一流，喜歡菌類一定喜歡食，而燒豚肉雖然是五層肉，但唔夠“林”，有點扣分，不過整體十分滿意。池魚微脆，香口，但食時要小心點。雪魚棒比較假，不論味道和質感。普通，唔多講。正常的日式環境，不過位置比較狹窄，除了沾麵，其他食物一般，價錢正常，上菜速度一般，所以今次沾麵一試十分滿意。

本身見間野一開果陣咁出名，就已經想去試下。咁岩見依排無咁多人排隊，就決定要去食下。今次黎到揀咗個黑神山沾麵。但係食落就真係好一般。主要原因係因為佢個汁太稀，基本上好拉麵個湯差唔多咁。雖然個味夠濃，但係咁稀搞到d面完全唔入味。搞到我都唔知點食好😕反而另一個每日限定既神山沾麵反而仲好食。果個個汁先岩食沾麵🤨所以下次如果有機會再食既話真係要揀每日限定果個。另外仲點咗個藥膳雞，係冷盤黎既。味道不過不失啦🤔都ok既。

今晚同偽。公主去左觀塘行街，行下行下先發覺好夜啦，又要搵野食行左幾間都唔啱，突然間"神山"就係我地面前出現，由於諗唔到食咩，就決定試一試佢鋪面都算幾靚仔，但由於都好夜下，好多空位因為肚餓嘅關係，好快已經叫到一枱都係我叫左特別推介嘅"久須志菌茸沾汁麵"個菌茸沾汁食落夠香濃，不過味道太鹹，沾汁上面仲鋪滿一層厚厚嘅油，基本上食兩啖就要飲返啖水不過舊叉燒就攞返唔小分，肥瘦均勻，而且入口即溶到試偽。公主點嘅"神山沾汁麵"喇，不沾汁都係偏油，更係濃而不香還好叉燒算係好食"藥膳雞"個樣較為特別不過食落口感好似食"薰蹄"，係就係啖啖肉，但就冇雞肉味"牛蒡甘辛煮"味道較甜，不過好硬好難咬，麻麻"神山湯餃子"將餃子煎左再加湯，餃子味道一般，冇咩特別問心講~兩個人埋單$300左右，價錢唔算貴，但係鋪頭主打嘅沾麵個汁真係太油同太鹹食完真係要不停飲水，小食亦都冇咩驚喜只有個叉燒算係唔錯，個人認為，可以不試

神山之前hit過一排，好多人慕名而來，包括我，今次去咗會一會佢，見個個都嗌豚角同沾麵，不過驚太肥膩，就嗌咗黑蒜豚肉拉麵，點知都發覺湯麵都係一樣咁油，雖然味道好濃，但係有成浸油係面，真係食幾啖就滯咗，不過最值得食係個溏心蛋，超級入味，𥚃面蛋黃流心得恰到好處，但八十幾蚊值唔值真係見仁見智啦

在觀塘區內，有沾麵吃的地方實在屈指可數。當沾麵癮起時，兩父子就要跑到APM裡頭的"神山"，吃一碗來止止渴.....已是第二趟來此吃麵。相比起第一次，人客沒那般多，只需等個三五分鐘後就可就坐....小友點了最簡單的叉燒沾汁麵，不過貪新鮮的他，點了一個他之前沒有喝過的黑蒜湯底。卒之，那黑漆漆的顏色及帶微焦甘的味道有點嚇怕了他，最後就要麻煩爸爸給他執手尾....只喝了他的湯而沒有吃料，自己倒要集中品嚐店內的新產物 ---- 久須志菌茸沾汁麵....初時還以為那沾汁是帶有菌香的湯，怎知呷落仍只是普遍較杰身的魚介豚汁。所謂的菌茸，所指的是置於麵上的那一小堆以牛油炒香過的菌....以牛油處理過的菌茸，味道當然香且甜，是不會太難吃的....曲麵𡁻落有點咬勁，不太硬，是合格有餘....豚角煑反而有點失望，外頭燒灸得有點太over，焦了；瘦肉那部份又太韌硬....小友光吃那麵還不夠喉，說再要來一碟小食....一看，唉，又是菇菌類加上蘆筍的東西。同樣亦是下了牛油去炒....他就吃得津津有味，而我呢，剛才在自己那碗麵中已食了不少牛油炒菌茸了，梘在再吃，不免會令人生膩吧....

食左2,3次既神山沾麵。。。味道差不多但係d麵既份量少過之前係咪5覺意又減d減d呢？另外仲食左餃子，普通啦，有d燒焦左。整體都差左d有少少失望。。食5飽。。再去食左其他野。。

放工喺APM逛咗陣搵野食，原本見到呢間野咁多人食都無咩興趣，諗住攞張飛再搵下，點知再行多半個鐘都未搵到想食既野，返到黎呢度個number竟然都未過只係就到，既然個天都要你食你就食啦入到去其實都成9點，見到個餐牌最想食既沾面話自己係限量供應都諗住無得剩，諗定咗後備之後就到店員落單點知，原來限量供應既野食係唔會有賣晒既一日由於驚喜黎後太突然，同友人癲咗咁叫多咗４個小食呢個即叫即燒既义燒配埋沾面個汁真係好好味但最好食既唔係佢係佢地既小食！！！我地叫咗既餃子啦、豬手啦、藥膳雞啦同牛舌啦全部，係全部都咁正覺得自己下次黎可以唔洗食拉面淨係食小食都咁開心

1. 久須志菌茸沾汁麵（$88）沾麵滿佈野菌，沾麵汁都勁重松茸味，煙韌嘅麵條點起黎食，好重野菌，不過就真係偏鹹啦🙈肉質半肥瘦，入口溶化嘅感覺😍彤樂評分：7.5/10

終於黎到久仰大名既神山麵屋，我黎既時候正值中午，幾乎已經滿座。之前聽過唔少傳聞話呢度既沾麵唔好食，今日就等我黎一試究竟啦！-我諗最出名既應該就係呢碗神山沾麵。當我想嗌神山沾麵既時侯，又俾我見到期間限定既松茸沾麵。敵不過期間限定呢四隻字，最尾就嗌左呢款作為我今日既午餐😽等左大概十五分鐘左右，期待已久既沾麵終於到啦！令我最驚喜既係沾麵汁既熱度保持得非常好。平時係無熱石既情況下，每次食沾麵都係同時間競賽，為左食到熱辣辣既沾麵，盡量都快快手食完。有時遇到啲未食已經係微暖既沾汁，都會幾失望🙍🏻但係呢到就無呢個問題啦～-講返沾汁味道，松茸味幾濃，比較重口味，食多兩啖就有啲膩，不過不失，試一次就夠。豚角即係豬肉，帶點焦香，味道唔錯。而雜菌份量都唔少，本身都有蔥同調味，但整體感覺偏膩。-其間發生左件小插曲。我食完沾麵，叫店員加湯，之後個店員拎住壺湯，無視左我，加錯左落隔離枱個碗沾麵到。問題係隔離枱個碗沾麵係未食過，沾麵汁無啦啦變左湯😨-失望既係，其實食完沾麵加既係水，而唔係湯。有機會都係食返神山沾麵算啦。十分入面，我都會俾六分既～

喺APM嘅神山麵屋食午餐，一行四人不用等位。環境都幾好乾淨。最先嚟嘅頭盤係唐揚豆池魚，整條魚炸得好脆，加埋嗰啲醬汁食，就好好味。跟住嚟嘅頭盤係山葵手羽先，啲醬汁加落去啲椰菜絲度好好味，啲雞翼亦炸得啱啱好唔會老身。主食…久須志菌茸沾汁麵，即是松茸沾汁麵。松茸醬汁香濃，豚肉比較肥亦有少少咬口，拉麵彈牙但冇日本拉麵獨特香味。叉燒沾汁麵，啲沾汁淨飲會感覺好濃，但係加上拉麵就覺得冇乜味。叉燒仍舊是半肥瘦，但係啲肥膏感覺有啲肥膩。神山沾汁麵同叉燒沾汁麵一樣。 我第一次食沾汁麵係喺東京武藏拉麵，佢嗰度啲沾汁係好好味，麵質彈牙有麥香味。日本高山，車站對開的一間拉麵店，嗰度煮啲豚角半肥瘦，有1cm厚。但肥肉一點不肥膩，肉質軟滑味濃。

朋友話呢間人氣過江龍既沾麵店有日本既水準，今次就帶埋媽咪一食究竟。午後2點都仲要攞籌，幸好只係等左10分鐘啫！神山沾麵，麵同汁各一碗，麵質似粗麵，質感彈牙。2塊厚厚既豚肉，經火炙後好香，肥瘦適中。醬汁濃濃的偏咸，糖心蛋蛋味濃，好流心。職員略略推介期間限定既久須志菌茸沾汁麵，我覺得係必叫之選！松茸味超濃郁之餘仲有香菇味以秀珍菇作配菜絕對match。略嫌炙燒豬肉偏瘦。辛味咖喱魷魚足唐揚，即叫即炸好惹味

觀塘嘅神山拉麵啱啱開幕嘅時候好多人，依家熱潮減退，就趁機會去左試下。我叫左白神山叉燒拉麵試下，湯底嘅話係豚骨湯，湯底味道算ok，都幾濃，不過我就嫌太鹹，同埋唔夠豬味。拉麵用咗粗身拉麵，都幾爽口同掛燙，至於叉燒嘅話就不過不失啦！如果唔使排隊嘅話，都會考慮再去😉

黑神山係公司樓下都開左一段時間，今日中午12點就同同事落去試下，試左豚肉黑神山 $78 一上枱就聞到好香，好刺激食欲，原隻溫泉蛋好流心，不過就比較咸，應該浸得太耐。湯頭味道唔錯😋飲落咸淡剛好，豚肉都唔算多，唔知係咪好食得濟，我覺得麵好少，唔夠飽咁🤣

見到咁多IG Foodie都推介呢間沾麵~忍唔住Happy Friday同友人兩個去品嚐下😚我地7點去到 岩岩先開始叫飛等左冇十分鐘就已經入得去食一入到bar枱 店員就大叫(in Japanese😂)應該係歡迎我地 跟住有位店員向我地介紹左今期限定既久須志菌茸沾汁麵 我地兩個二話不說就叫左一人一碗亦叫左一份神山湯餃子share兩份食松茸湯底好濃郁 一d味精味都冇之餘 仲好香菇味 叉燒肥瘦適中 本身燜得好稔身 再經過火爐燒之後真係好香好濃肉味 雜菇量亦都好多 鍾意菌類既朋友會極愛 最抵讚係麵質 好彈牙好實 又掛湯 本人非常之鍾意 麵既份量亦都好多 我地兩個人都食唔曬 做左小嘥鬼😯😯餃子雖然冇影到 但都的確唔錯~雖然係普通日式豚肉餃 但係原來湯底先係神髓 湯係用豚肉煮成既 令餃子味道昇華不少😄 總結就係神山麵屋=神級麵屋 性價比 回頭率都好高 極度推薦!!!!!😉😉😉