神山麺屋 (創紀之城五期(apm))

營業中

休息中

神山沾汁麵 $85早前找到這間沾麵評價不錯，是來自東京的過江龍，喜愛沾麵的我當然要一試！點了一個神山沾汁麵，$85價錢正常，而且賣相都十分不錯，看餐牌的介紹，沾汁材料用上大量豚骨，豚肉，日本魚介和秘製醬油，並慢火熬製超過12小時而成，味道真的挺濃厚的，而且也不會過鹹。厚燒豚肉超好吃，質感很軟腍鬆化，表皮烤煮至微微焦香，還有原隻溏心蛋！再配搭吃沾麵獨有的坑紋麵條，口感頗彈牙有咬口的，中間的坑紋令沾汁更易掛上。

觀塘嘅APM最近開咗間來自日本過江龍嘅Jim面店，叫神山麵屋。以前呢個鋪位都係不同拉麵店嘅聚腳地，今次亦都唔例外。平時拉麵店都係只有拉麵同埋餃子等小食，比較驚喜就係呢一間嘅小食種類都非常之多。和風蘋果沙律加入左爽脆的青瓜，玉子，份量好多而且又開胃。唐揚豆池魚炸得香脆的小魚最啱趁熱食，有杯啤酒就最好啦雙色牛舌一凍一熱，凍食牛舌係厚切，普通加上少少酸甜嘅沙律醋，熱就是薄切比較重的酸甜。神山湯餃子魚介的湯頭加左餃子，未食麵之前就有得暖下胃。餃子只包子菜和豬肉，簡單但好滿足。鋪在底的菠菜吸哂湯汁，記得食埋！期間限定四隻字從來都係吸引我嘅原因，今次亦都一樣，叫左一個神之海老沾麵。稱為神，相信無論份量同味道都一定同其他蝦差天共地。上台之後簡直就係驚喜，雖然得一隻蝦但超級大隻。入口蝦肉彈牙，分量十足。沾湯幾時都係一碗沾麵嘅靈魂，湯頭用咗蝦殼同埋蝦膏而煲，入口香濃鮮味十足。令人好想再食！而且湯底好熱，不用擔心會像食冷麵的感覺。放置室溫底下的麵質粗身為主，但係入口都係彈牙，有少少煙韌而且掛湯力強，每一啖面都充分沾上蝦湯，一大享受。溏心蛋好入味，金黃色蛋漿令人流哂口水。食完沾麵後記得叫店員添湯，可以飲埋沾

黎緊暑假會同媽咪去日本旅行，好期待大吃大喝。仲有成個月先出發，忍唔住要食下日本野止下癮先。早前依間拉麵新開張時，已經黎過一次，對佢地既沾麵念念不忘。知道佢地有新款推出，仲要係我至愛食既蝦😍 帶媽咪黎試下先。每次經過依間餐廳，都會俾螢幕依幅畫吸引著。-除左必點既沾麵，我地還叫左好幾款小食呢🥗和風蘋果沙律嫩綠新鮮既沙律菜配上蘋果🍎、火腿、青瓜、提子乾蘋果及青瓜切條，又甜又多汁！加埋粒粒爽口既蟹籽整份沙律材料豐富、賣相又不錯👍🏻-🥟神山湯餃子 餃子這種手作美食，是媽媽的至愛呢媽媽大讚豚肉餃子皮薄餡多除了豬肉，還有韮菜餃子先煎香，再浸入香濃的豚骨湯這樣的食法很特別，而且味道不錯-🐟唐揚豆池魚一向都鍾意食香口煎炸野唐揚豆池魚炸至金黃酥脆，加上檸檬汁味道昇升雖然是炸物，但魚肉質都挺細滑帶鮮甜，令人吃不停口-🐓藥膳雞藥味不算很濃，但雞肉腳很滑嫩帶甜而且去了骨，啖啖肉，吃得爽😁-‼️ 神海老沾汁麵‼️海老就聽得多，但「神海老」又是什麼呢見到poster這樣寫，當時第一下有這樣的想法見到實物之後，完全明白了！這是我暫時吃過最好食的海老呀❤️神海老既size 真的是殿堂級數接近手掌✋般的大，而且相當厚肉及重秤想

今晚男朋友黎觀塘整電腦整完就一齊食晚飯男朋友好喜歡食沾麵所以就試下呢間神山沾麵喇～好彩早左入座等左3張枱就到我地入到去落完單就見到開始多人了同男朋友一人一個沾麵一個要招牌神山沾麵，一個就期間限定嘅大蝦湯沾麵招牌沾肉的角豚好淋好入味！沾麵湯雖然有點鹹，但沾上麵食就剛剛好！溫泉蛋都合格！大蝦湯沾麵好濃郁蝦味！超鮮甜！！大蝦亦先煎過，肉質好彈牙份量望落好細，食完一碗都剛剛好我個人就比較喜歡大蝦湯喇～下次要再黎食過呀！

終於有時間黎呢間好出名既沾麵試下！平日夜晚黎都勁多人，真係要早d黎！❤️神海老沾汁麵勁surprise!!!隻蝦大到好似龍蝦甘！又容易起肉，咬落好爽口又鮮甜真係好正！想濃味d就沾佢個汁食😍😍😍個汁唔太咸，有好濃郁既蝦湯味其實有小小似龍蝦湯既味但一d都唔會腥！麵亦十分掛湯食落又彈牙😆😆真心推薦隻蛋流心架之後叫左d小食，其實叫得好多，但價錢都合理❤️神山湯餃子餃子煎得脆脆然後擺入濃郁既豚骨湯內。餃子皮薄餡令，有4大隻。個湯就咸小小但同餃子好夾！❤️唐揚豆池魚份量幾多，炸粉唔太厚。魚仔食落冇腥味，亦唔會太多骨。就甘食已經好香，加檸檬汁可以吊味出黎真心正！❤️和風蘋果沙拉勁有創意，有粟米片提子乾yogurt等，口感豐富！蘋果新鮮另外仲有火腿條，不錯不錯❤️沖繩風味豚足好大隻，仲要勁勁勁淋同完全冇豬毛！個蘿蔔亦十分入味，個醬亦唔會太咸👍🏻👍🏻❤️梳打

神山麵屋已經開jor一段時間lei，今日終於約到朋友仔一齊去試試lei間東京泥ge日本麵屋!!麵屋ge位置都好方便，o喺apm入面。佢開jor都一段時間，但人氣依然好hit，唯有乖乖等位la。等jor一陣仔，就有位，2個人會快d ge。睇下menu有咩o嘢食先!!有限定ge神海老沾汁麵at，望落好吸引，見到隔離枱都有叫，見到實物之後，就決定要叫le!!仲見到有好多小食ar，炸魚仔，牛舌，豬腳etc，同朋友仔決定jor叫想食ge，要滿飽而歸le。和風蘋果沙律有好多蟹子，蘋果好爽脆ar，而且加埋蟹子，入口卜卜聲，個汁唔係普通ge沙律醬，應該加jor mustard ar，有d d mustard味，有d刺激口味，好refreshing!!唐揚豆池魚，炸o野令人好期待ar。豆池魚原來係池魚ge bb，o係日本貨泥ga!! 魚仔炸到金黃色，入口好脆口，一d都唔覺得腥ar。魚仔本身加jor調味去炸，單食已經好好味ga la，而另外點下醬汁，酸酸地，又唔錯wor，唔覺得油膩le!!!小食食唔停，神山湯餃子，第一次聽ja，唔點唔得。湯餃子係神山麵屋首創ge，煎香jor ge豚肉餃子，放入秘製豬骨湯中

係觀塘做左野咁耐都未試過呢間過江龍，今次終於試到喇！呢排新出左神海老沾麵！一上枱，完全冇諗到隻蝦可以大成咁，而且湯底都幾驚喜，因為係極濃嘅蝦膏味，食得出得熬製咗好耐嘅湯頭，而且麵條都幾彈牙，掛汁好味！除咗拉麵同沾麵，呢間同其他拉麵鋪有一樣野唔同，係幾其他小食嘅種類都幾多！我哋叫多咗一個神山湯餃子同埋雙色牛舌！平時食得煎餃子多，放湯又係另一番風味，湯汁滲入餃子裏面，變得更加多汁！而牛舌就分為兩種煮法，一凍一熱， 熱食比較爽口，凍食比較淋身，各有特色！總括黎講，雖然海老沾麵都唔錯，但比較傳統既我都係鐘意食肉多啲，而且佢都幾多拉麵以外既野選擇，都幾好！

第一次食沾麵，朋友話呢間「神山」超好食！見到等位排隊就知好得！叫左唐揚豆池魚🐟肉質鮮甜，條條都炸到金黃色，但又唔會有油膩感，配左檸檬汁同特製醬汁，同豆池魚味道好夾，食落有d似多春魚嘅口感，必食item👍🏼👍🏼神山湯餃子🥟 餃子煎到脆脆地，咬落肉汁豐富，豚骨湯底濃郁 茄子披薩🍆🍕茄子上面佈滿芝士，醬汁有少少蕃茄同辣味，消除左茄子嘅油膩感，口感同味道新穎，值得一試👍🏼沖繩風味豚肉🐖慢火炆煮左4至5個鐘，豬手超淋又入味，啖啖骨膠原，加上芥末又有另一番風味，不單主角精彩，配角蘿蔔都好精彩，又係超淋且入味，兩者都有入口即溶嘅感覺。神山沾汁麵🐷🍜湯底食落有濃郁嘅豬骨味，有魚介同醬油味。麵質口感彈牙，麵條上面有坑紋，做到掛湯👍🏼。叉燒又係誠意之作，慢煮12小時，入口即溶，加上表面燒到焦焦地，食到醬汁嘅甜味。神海老沾汁麵🦐🍜蝦非常之大隻，十分鮮甜，唔會煮到過熟，口感彈牙，外面佈滿蒜蓉同少少辣椒，非常滋味。湯底充滿住濃郁嘅蝦味，麵條口感一樣彈牙，上面嘅坑紋做到掛湯效果，令到每條麵條都充滿住香濃嘅蝦味👍🏼菠蘿特飲🍍 雜果特飲🍹 非常足料 ！

夏天真係好適合食沾麵，因為食湯拉麵太熱。APM 呢間新新地嘅沾麵經常好多人排隊，難得今次閒日7pm經過咁啱有位，即刻街都唔行，直衝入去，食完飯先再慢慢行商場。開左應該有半年，咁耐都係第一次食。之前食過超出名「周月」沾麵之後，就深深愛上咗。見呢間神山咁受歡迎，就聽取餐廳職員建議，order咗poster推介嘅「神·海老沾汁麵」$128麵條粗粗地，好煙韌，暖嘅，一條條好分明，唔會痴埋一餅嘢，好好！一次過夾兩三條麵，放入湯汁，輕輕一沾，啜入口，滋味無窮。魚介湯底好鮮味，湯汁加入大蝦精華，濃得黎唔膩，真係好惹味。海老超大隻！淨係蝦頭大過隻蛋！肉質彈牙，龍蝦肉咁呀！蝦頭d膏勁多～ 好好味！溏心蛋都好高質好正！和風蘋果沙律 $45蘋果超級清甜爽脆！沙律汁帶有輕輕的芥末口味，十分清新～ 雙色牛舌 $45即係冷熱牛舌，兩個都好諗，凍嘅比較薄和食到本食嘅牛舌味；熱嘅厚d，配惹味醬汁，別有風味（鹹咗少少）唐揚豆池魚 $45唐揚雞就食得多，見店員誠意推介，即管試吓唐揚魚仔～ 沾少少帶酸味的醬汁，即刻將個魚味提昇！細細條，炸到勁脆～ 食魚嘅感覺無食雞咁油膩。神山湯餃子 $38食咗碟煎炸嘢，就食湯餃子啦，因為去

假日當然要逛逛街血拼一下，大戰一輪後飢腸轆轆，隨便走進一間不用排隊輪候的拉麵店，店員們均很有禮貌，甫坐下經理即熱情地推介他們的新產品海老沾麵，研究過餐牌後，點了一客湯餃子及黑蒜沾麵。湯餃子是神山麵屋的首創產品，每日以豚肉新鮮包製，先煎至表皮金黃，再放入韭黃、菠菜及秘製豚骨湯中享用。煎餃子放湯後很快變淋，要吃到表皮微脆效果要盡快食用，味道沒有驚喜，勝在湯夠熱及價錢合理。店內設開放式廚房，客人可以看到師傅處理食物的每個步驟，確保新鮮衛生。身為沾麵和黑蒜的忠實粉絲，當然要點這個叉燒沾汁麵（黑蒜豚骨湯底），驟眼看份量不太多，麵條偏粗身。先試一口湯，頓感失望，黑漆漆的湯底竟然沒有黑蒜味，而且溫度不足，麵條沾上湯汁後仍偏硬，需較費力咀嚼。黑蒜豚骨湯內有兩片叉燒、筍及溏心蛋一隻，叉燒屬偏薄而瘦，味道合格，溏心蛋則有驚喜，嫩滑香濃，挽回一些分數。希望沾麵湯汁質素及溫度有所改善吧！

觀塘APM野食大部分集中樓上，今次行商場，咁多餐廳當中選擇左食拉麵，神山麵屋。神山拉麵小食唔算多，但睇餐牌樣樣都精緻，始終主力為各種拉麵、沾麵。小食首先上左蘋果沙律，蟹籽配上沙律醬十分美味，與底部蘋果一齊食，口感清新特別，作為開胃菜非常恰當。另外一道小食為餃子，浸在神山白湯底裡，吸滿湯汁，有餃子鮮味又有湯底味道。主食上菜啦，係而家做緊的限定菜式海老沾麵。湯底係重點！非常好食！香濃蝦湯沾汁口感豐富，而沾麵又彈牙，有少少似烏冬，但比烏冬彈牙。神山麵屋的麵每日新鮮廠製，為店裡一大特色。餐牌裡仲有其他麵款式，白神山、赤神山、黑神山、番茄湯底，配料可以選豚肉、豚角、叉燒。叉燒較少脂肪，但豚角口感較好。最後以店內環境照片作結，神山麵屋集中麵食，湯底麵質都十分滋味，如果衝著拉麵而來，一定會滿意，推薦比大家！

三田製麵所令我一試就愛上了沾麵。近日試左神山麵屋既沾麵，個人認為比麵屋一燈更岀色！神山沾汁麵($85)沾麵湯底用大量豚骨加魚介同醬油熬製，味道偏濃；麵條彈牙掛湯；豚角煮厚身，外層炙燒後焦香，肥瘦均勻，入口即溶；溫泉蛋入味，而且夠流心。必試！神山湯餃子($38)餃子先煎再放入湯，略嫌湯底有點油膩，不過不失。明太子玉子小碗飯($42)蛋非常滑溜，細細碗過下口癮唔錯！

今日放工返屋企，落車果陣撞到個好耐冇見既中同，一句食唔食飯呀？就入左呢間日本餐廳。餐廳既裝潢算典雅，店內既佈局亦走純日本風路線，枱面乾淨。餐牌幾有味道，入面既插圖個人覺得幾美觀！餐廳好似做緊推廣，除左有宣傳牌，店員係我地坐低左之後，都會同我地輕輕介紹下呢款海老沾麵。見佢地既廣告咁鋪天蓋地，都似出名，我地就點左兩碗做主食。「冰火交雜」頭盤我地點左唐揚豆池魚同埋蘋果沙律。因為我唔太鍾意食沙律，所以叫左醬另上。就咁食蘋果同青瓜都算幾新鮮。朋友就夾啲配料再點個醬汁黎食，呢個分配幾好，哈哈！另外豆池魚炸得幾酥脆，雖然細細條，但入面都有幾大舊魚肉，而且保留到肉汁，入面唔柴。一冷一熱既配搭幾唔錯，青瓜蘋果仲可以去除油膩感，建議可以兩份一齊食！「水乳交融」接住呢一對組合都係一冷一熱，但兩者都係好夾！藥膳雞係先醃好再捲成圓條狀煮熟，雪凍再切片。可能係冷盤既關系水份比較多，個人覺得藥膳汁可以再濃少少，酒味再重啲，會較吸引。不過不得不讚雞肉肉質，的確整到好嫩滑，就算雪完都冇柴既感覺，而且雞皮唔油膩，成件食個口感幾豐富。神山湯餃子係我首次食既餃子製法，將餃子煎熟再放湯。本身我以為餃子個脆皮會糟蹋左，冇咁好食。

位於觀塘的神山麵屋，是一間日本東京來的過江龍拉麵店。曾經來品嚐過一次，覺得非常美味，得知餐廳推出全新沾麵，當然要來光顧啦。神。海老沾麵$128全新的神海老沾麵，菜式名中加有 (神)這個字，必定是非常美味，餐廳自信滿滿的重點推介。海老超級大隻，大得佔去磅中的一半位置，太誇張了吧。海老屬大虎蝦，調味充足，蝦殼剪半，色白蝦肉爆殼而出，蝦肉彈牙鮮美，非常滿足阿。香濃蝦味沾湯，是蝦膏，蝦殼，豚骨熬成的濃湯。味道豐富濃郁，不一會兒，湯頭形成一層黏膜，啖啖膠原蛋白，蝦味濃鮮，帶甜頗油。麵條是由日本定製，放久也不易軟腍散爛，質感和味道勻有别於其他餐廳。把蝦湯沾上，快速吃完整碗阿。但個人更喜愛豚骨囗味哦。神山湯餃子$38這裡的湯餃子是必點推介，餃子皮滑溜溜，皮和肉餡吸收湯汁精華，每天新鮮包製，配韮黃菠菜，正中我的喜愛。和風蘋果沙律$45油膩的沾麵湯，除了可以用喝酒消膩，也可以用沙律清新一下。以蘋果條，火腿條，青瓜條，粟米片等組成，囗感豐富美味。

今日想食沾麵，但觀塘附近只有apm 有得食!好在今日落雨, 餐廳唔多人, 一到即有位 今次點了神山沾麵汁($85), 其實麵質及沾汁不太特別，反而個豚肉叉燒及流心蛋有驚喜!! 豚肉叉燒似五花腩，軟軟的，但一點也不油! 流心蛋充滿陣陣蛋香…yummy! 另外, 仲叫左一碟煎餃子, 只是一般普通的餃子不太特別…