影片
更多
2018-06-29
46 瀏覽
夜晚好想食拉麵呀！嚟到apm呢間拉麵店，遠遠見到啲師傅係度煮麵已經覺得好肚餓啦兩個人叫咗拉麵，飲品同d小食雜果特飲先上，顏色鮮豔好吸引，底下仲有好多雜果應該係因為我哋叫咗小食，所以店員先幫我哋放好碗，端好熱茶等而且佢好有禮貌唐揚豆池魚呢個小食炸得好靚，配上帶辛味嘅酸汁(個人覺得有少少芥末嘅味道)同切得好靚嘅檸檬，望落已經感覺到日本菜嘅細緻平時食日本嘅魚仔，只係會諗起多春魚呢個豆池魚俾人嘅感覺較爲結實，細細條，幾乎兩口食完，帶有甘甜嘅味道外面好脆，入面好鬆化，無需extra嘅調味已經好香口，用嚟配酒睇波一流藥膳雞係冷盤，雞肉好似雞叉燒咁預先處理好，去骨，卷起，煮熟咗再切片中間有少少菜苗同蔥粒做伴碟，每片雞肉上面更有杞子，除咗靚之外，更添藥膳嘅功效雞肉好嫩滑，食落有少少似花雕醉雞，帶有輕輕酒味，但係唔會有苦澀嘅藥材味而且咁樣煮嘅凍食，食落一啲都唔肥膩，無罪惡感雞皮好薄，有啲膠質凝固咗做啫喱，好食神山湯餃子四隻煎香咗嘅餃子表面焦香，放係有魚介香味嘅湯入面，可以放耐啲都仲係熱除咗餃子，仲有波菜，味道豐富，營養均衡茄子pizza份量都幾大平時都係西餐比較常見呢個菜式，估唔到拉麵店都有，日本人果然
兩個人叫咗拉麵，飲品同d小食
雜果特飲先上，顏色鮮豔好吸引，底下仲有好多雜果
應該係因為我哋叫咗小食，所以店員先幫我哋放好碗，端好熱茶等而且佢好有禮貌
唐揚豆池魚呢個小食炸得好靚，配上帶辛味嘅酸汁(個人覺得有少少芥末嘅味道)
同切得好靚嘅檸檬，望落已經感覺到日本菜嘅細緻
平時食日本嘅魚仔，只係會諗起多春魚
呢個豆池魚俾人嘅感覺較爲結實，細細條，幾乎兩口食完，帶有甘甜嘅味道
外面好脆，入面好鬆化，無需extra嘅調味已經好香口，用嚟配酒睇波一流
藥膳雞係冷盤，雞肉好似雞叉燒咁預先處理好，去骨，卷起，煮熟咗再切片
中間有少少菜苗同蔥粒做伴碟，每片雞肉上面更有杞子，除咗靚之外，更添藥膳嘅功效
雞肉好嫩滑，食落有少少似花雕醉雞，帶有輕輕酒味，但係唔會有苦澀嘅藥材味
而且咁樣煮嘅凍食，食落一啲都唔肥膩，無罪惡感
雞皮好薄，有啲膠質凝固咗做啫喱，好食
神山湯餃子
四隻煎香咗嘅餃子表面焦香，放係有魚介香味嘅湯入面，可以放耐啲都仲係熱除咗餃子，仲有波菜，味道豐富，營養均衡
茄子pizza份量都幾大
平時都係西餐比較常見呢個菜式，估唔到拉麵店都有，日本人果然係幾鐘意食茄子，同我一樣
茄子上面有一般嘅pizza餡料：茄膏，青椒，蘿蔔，辣肉醬同芝士辣肉醬只係有少少微辣，將成個菜式嘅味道提升咗一個層次
茄子咬落唔會太乾，夠哂juicy
重頭戲主食終於嚟到啦係海老沾麵
餐牌上面寫住蝦係日食之中，之所以叫海老係因為有觸鬚同埋彎彎嘅身體
呢隻海老一定係帝王級別，因為佢size大到cover哂成個碗，搞到我差啲見唔到下面嘅溏心蛋，蔥粒同荀絲
隻巨型海老係用咗蒜蓉汁煮過，蝦肉十分飽滿，食到我好滋味，完全值返哂呢個價
剝殼後，仲有半隻手板大肉質彈牙，配埋海老沾麵湯食好
呢個沾麵湯底味道甚濃，食得出係用咗好多蝦頭蝦殼去煲，有魚介嘅味道
但係又唔會over咗，鐘意食蝦嘅朋友一定唔好錯過
湯底唔會太濃稠，啱啱好夠掛係啲麵上面
仲有一點就係沾麵湯夠熱，面頭仲有一層油覆蓋住
一邊將麵沾上湯汁，一邊都仲食到熱辣辣嘅麵條同湯，實在係好滿足
舖頭好貼心咁係放沾麵同湯碗嘅盤上奉上濕紙巾，方便我呢種論盡嘅人抹手，細節位都做得好，欣賞
張貼
