磯野水產

營業中

休息中

銅鑼灣澳門逸園中心一向美食多，更是日式餐廳集中地，這次去了19樓一間居酒屋，這裡的日本海產都是每日新鮮空運送到，居酒屋的場中更設置小型浜燒檯，以縮短傳菜時間，將最新鮮的食材盡快送到食客口中，可見餐廳老闆對新鮮食材的執著✨前菜 $34緹魚醬由多春魚和沙甸魚製成的，充滿鹹香味，將新鮮爽口的沙葛、紅蘿蔔和青瓜沾一點醬更清爽惹味✨響螺刺身 $438食材新鮮，響螺刺身鮮味爽口✨池魚薄切刺身$688原條池魚做刺身，肉質鮮嫩肥美，師傅刀工精美，更可以將魚肉切片切成花一樣✨活帆立貝磯燒清酒 (原隻)$138✨活帆立貝磯燒黑松露 (原隻)$138最喜歡吃帆立貝鮮甜的味道，師傅在場中親自做浜燒，未食已經先聞到浜燒的香氣，先由較淡味的清酒帆立貝開始，有淡淡清酒香味唔會蓋過本身帆立貝的鮮味，帆立貝鮮甜軟腍，沒有過火。之後再試黑松露煮法，黑松露味比較濃，兩款煮法我都很喜歡✨牛舌鋤燒 $108牛舌牛味香濃爽脆有咬口，配蒜片和香蔥好惹味✨鹽麴五花腩(2串) $68五花腩外皮焦香，一咬滿口油香味，有層次感非常惹味✨清酒煮蜆 $98蜆好新鮮大大隻，每粒蜆肉都很飽滿掛滿清酒和蜆肉的鮮甜味道✨白魚湯 $52奶白色魚湯充滿魚

Blue monday 收工約埋同事食好野，唔想食咁多肉，周圍睇下有咩日本野好食。 磯野水產以裝修風格似日式居酒屋，餐廳浜燒為招徠，以新鮮水產海產，活捉浜燒，燒烤嘅香氣滿佈整個餐廳。叫店員推介野食，店員拎咗五六款海鮮全部都係新鮮運到。最後我哋揀咗龍蝦、大蝦、扇貝、聖子同貴妃蚌，煮法就由店員幫我哋發板。首先係個龍蝦刺身，真係好新鮮好彈牙，蝦肉有少少鮮甜。貴妃蚌同扇貝用清酒汁煮，完全冇落調味，帶少少海水嘅鹹香。大蝦同蟶子就用炭燒， 燒烤香氣四溢，蟶子唔會燒得過火，肉質鮮嫩。最後，我哋叫咗個牛小排同海膽炒飯結尾。 不得不提佢個海膽炒飯真係好夠鑊氣，粒粒炒至金香，每人都食咗兩大碗。食完個飯真係好滿足，聽日又可以努力返工。

🍴🍽🍴🍽🍴🍽️🦪🦪🦪🦪🦪🍴🍽🍴🍽🍴🍽🥢 前菜 $34 🆙蘸醬由沙甸魚同多春魚製成，入口咸香帶鮮味，配埋清爽嘅蔬菜條非常開胃🥳🥢 活赤貝刺身 $128 🆗口感鮮嫩，咬落彈牙，帶有甜味完全唔腥😉🥢 帆立貝配黑松露牛油 浜燒 $138 🆗黑松露牛油嘅香氣非常濃烈，但又唔會蓋過咗帆立貝嘅鮮味 😆🥢 活北寄貝 浜燒 $208 🆗浜燒出嚟嘅湯底帶少少酒味，配埋北寄貝好清甜 😙🥢 活文蛤蜆 浜燒 $98 🆗文蛤勁大嚿😋一樣都係帶些許酒味，鮮甜彈牙🥢鹽燒時令鮮魚 $398 🆗秋刀魚燒得非常香脆，食落都幾咸🤣雖然睇佢細細條，但係都幾厚肉📌 而家做緊單點七折🤩🤩🤩🍴🍽🍴🍽🍴🍽🦪🦪🦪🦪🦪🍴🍽🍴🍽️🍴🍽️

今晚同同事食日本菜當做冬, 揀左銅鑼灣澳門逸園中心19樓磯野水產, 貪佢夠清靜可以吹下水.三個人叫左龍蝦海鮮盛合 – 有龍蝦, 帆立貝, 蟶子, 貴妃蚌, 魷魚, 赤蝦，鹽燒牛小排, 海膽炒飯基本上貝類都好新鮮, 鮮甜, 用少少清酒已帶出所有鮮味, 非常可口.帆立貝, 蟶子, 煙煙韌韌, 入口果種鮮味, 真係好似喺日本食緊水產咁.魷魚大大隻, 燒得香脆, 配上甜甜地嘅燒汁更加惹味.鹽燒牛小排, 非常嫩滑, 好香濃牛肉味, 有3款醬料可以用點黎食, 各有各精彩.海膽炒飯, 熱辣辣嘅海膽炒飯好好食, 加上大大板嘅海膽, 非常甘甜, 好食.

食磯燒除咗新鮮之外，最重要就係火候同時間嘅控制，呢間餐廳係呢幾方面都做得好好，令人食完一樣又期待下一樣！首先前菜係由沙甸魚同多春魚整成嘅鯷魚醬，用蔬菜條點嚟食，清口腔得來又做到開胃嘅效果！磯煮鮑魚夠入味，鮮嫩彈牙！再嚟海膽炸豆腐，賣相吸睛，每件都用上唔同設計嘅小器皿裝著～炸豆腐外層薄脆，內層軟嫩富豆香，海膽鮮味！選好磯燒海鮮，準備登場～活蟶子咬開有點爽脆咁，只係略為燒過無需特別調味，食得出就係本身嘅鮮甜味道～活日本文蛤蜆同活北寄貝各有千秋，朋友鐘意文蛤蜆入口嘅鮮嫩，我就鐘意北寄貝嘅厚肉咬口，當然兩款同樣鮮味,而我覺得北寄貝甜味更濃厚一點，大推！重點出場，呢條汁燒喜之次真係不得了！見魚身漲卜卜，魚眼圓碌碌，就知有幾新鮮！魚肉結實而且食物非常鮮甜，魚鰭位燒得10分香脆，食到舔舔脷！呢度嘅水產真係無得輸，鮮甜味美，下次想食磯燒一定諗起佢！

餐廳主打浜燒水產，意思係唔會過度調味或者整太多花巧野，重點將海鮮保持原汁原味。店員會係餐廳中央位置即燒海鮮俾客人，一啲油煙味都無。前菜 - 緹魚醬+蔬菜棒 ($34)一坐低會先上前菜，緹魚醬係由多春魚同沙甸魚醬混合而成，味道咸香惹味，配蔬菜棒黎食十分開胃。浜燒盛合 ($698)店員會首先每款海鮮介紹下，冇問題就會另去中間張磯燒枱到燒。海鮮冇加任何花巧調味，反而更突出最原始的鮮味。燒赤蝦、白貝同貴妃蚌肉質鮮嫰，入口彈牙。西班牙蠔亦十分肥美鮮甜。日本文蛤 (兩隻 $196)文蛤蜆燒得火喉剛剛好，唔會乾哂水，厚肉飽滿，口感爽彈，鮮甜美味。鹽麴五花腩 (兩串 $58)五花腩肥而不膩，用鹽燒簡單帶出肉嘅味道。而且燒得香脆 juicy，好惹味。自家製免治雞蟹肉棒 (兩串 $116)一口咬落啖啖肉，免治雞肉被濃濃既蛋汁包住，口感十分有層次。鹽燒白鱔串燒 (兩串 $88)大大塊，肉厚肥美，亦好 juicy。鹽燒時令鮮魚 ($688)今晚係燒依佐木魚，魚皮燒得勁香脆，入邊既魚肉亦keep倒嫩滑多汁，油脂感唔錯，唔會好乾或者好鹹。另外，而家成為會員仲可以享有全單85折優惠同有4張 $50現金券。除左迎新優

澳門逸園中心成幢餐廳比我印象都係中高檔兼無伏，今次哩間水產同樣有水準👍🏻成日掛住日本d水產店，其實香港都有高質既頂住檔先，哩度d水產超新鮮，無需太多調味，由店員代勞燒得岩岩好。貴妃貝，蟶子，北寄貝加少少清酒🍶一齊燒，吊出鮮味更能夠食到食材原味道，特別中意隻大蟶子，真係好甜😋哩條鯛魚超靚，魚肉札實鮮甜，用左海帶同燒汁調味令成條魚更加香甜✅磯煮鮑魚鮮美彈牙。除左水產之外，小食前菜都好好味。雞翼燒到皮脆肉嫩。自家緹魚醬好咸香，配上爽脆又清新既蔬菜條超夾。海膽炸豆腐有濃濃海膽味，咬落去外脆內軟口感好正。一句講哂水產新鮮優質已經贏左一大半啦!

作為無貝不歡的吃貨，被朋友的海鮮相燒到🔥一於嚟個磯燒海鮮盛宴啦位於銅鑼灣的高質居酒屋🎎磯野水產選用日本海產每日新鮮空運到港，場中間更設置小型浜燒檯以縮短上菜時間，務求讓食客能夠第一時間品嚐到菜式，而且設有吧枱位置可以近距離欣賞師傅手藝。裝修亦充滿日本居酒屋風格，放滿酒樽、日本風掛布，臨近聖誕，仲佈置了很多聖誕裝飾，非常有心思！ ▫️前菜：蔬菜棒配鯷魚醬$34鯷魚醬由多春魚同沙甸魚醬混合而成，明明兩者獨立時 我是拒絕放入口的，但mix埋一齊味道鹹鹹哋，配合埋清爽嘅蔬菜棒🥕點嚟食，又覺得幾好味啵▫️鹽麴五花腩 $68/2串大推！平時唔喜歡食五花腩嘅我, 竟然想encore，五花腩燒得非常非常香，燒起即食完全無油膩感覺▫️鹽燒白鱔串燒 $88/2串白鱔肉厚有彈性，燒到有少少脆邊，食到鱔魚既鮮味▫️自家製免治雞肉棒 $58/串雞肉棒裡面加入左軟骨🍗食落口感不錯，配埋月見汁，令到雞肉滑滑的有蛋香▫️鹽燒時令鮮魚$688今次選用鹽燒嘅方法去烹調伊佐木🐟油脂分佈充足，皮香肉嫩，亦唔算多骨，鹹味恰到好處，魚油香配埋淡豉油同檸檬汁，更提昇風味！▫️兵燒貝類盛合 2人前 $698店員燒食材前都會逐一介紹，讓客人先了解

銅鑼灣同朋友行完，環境好岩傾計！款式不少！刺身盛合七款有七種不同的生魚片，包括各種魚類和貝類。每片魚片的新鮮度和質量非常高！然後是兵燒盛合二人前包含了各種海鮮。肉質鮮嫩多汁，海鮮鮮香彈牙。鹽燒時令鮮魚搭配簡單的鹽燒調味，保留了魚本身的原汁原味。魚肉鮮嫩多汁。然後是白蜆湯。這款湯品以白蜆為主要材料，湯底清澈鮮美。最後是白魚湯。喝起來溫暖而舒適。白魚湯是一種營養豐富又具有舒緩作用的湯品，適合在冷天享用。

尚盛海鮮之《磯野水產》終於可以試到銅鑼灣呢間高質既居酒屋，餐廳以高質海鮮為主打，位置好方便，餐廳雖然唔算大，但格局裝修有日式居酒屋feel，(前菜) 緹魚醬 + 蔬菜棒 $34：店員上台時介紹，緹魚醬係由多春魚同沙甸魚醬混合以制成，味道帶點鹹重，配合蔬菜棒點嚟食，十分滋味，薄切池魚刺身 $688：池魚擺盤好靚，刺身十分新鮮，薄切同厚度每片都一樣，師傅刀工一錯，味道有魚香，食完後魚頭角骨用黎滾魚湯，魚湯味道十分鮮甜，燒活帆立貝 $208 (隻)：上碟時已剪開細細件，肉質鮮嫰，燒日本文蛤蜆 $98(隻)：非常大隻，肉質爽口，入口清酒味濃，令文蛤蜆鮮味宜更突出，燒帆立貝 $138(隻)：我地叫左兩款，分別同清酒同黑松露牛油口味，上碟時已切開4小件，味道新鮮，黑松露牛油好香，燒蟶子 $88：非常大隻，肉質彈牙，鹽麴五花腩 $68：五花腩算幾厚身，肉質淋，日本蕃薯仔 $60：細細粒味道十分甜，總結呢個價錢有原條池魚刺身同咁多海鮮食，真係唔算貴，食材高質素，下次可以再次多d唔同刺身。

假期行街經過見到大堂大排長龍,原來就是往這間樓上燒海鮮店,因為假期竟做緊七折優惠,而且看見隔離枱,席前燒的海鮮都活潑生猛,當然不能錯過,整盤海鮮上枱介紹時,真係好壯觀,而且還在各式的煮食方法,包括帆立貝有清酒煮和黑松露燒,各有特色,而龍蝦刺身彈牙爽口,蝦頭用蝦膏和肉身配麵豉醬的甲羅燒又另有一番風味,其餘的大聖子、鹽燒蝦和大蜆,都極之出色,特別一提他的魷魚天婦羅,爽口彈牙,外皮香酥,廚師的功架,表露無遺,下次已準備再試他的其他海鮮了。

朋友大力推薦的燒海鮮料理店,趁假日行街順道上此樓上店光顧,店子面積不大但很有地道日式風味,看門口攞設,原來也有不少曾光顧過印象不差的同集團食店,甫坐下店員殷勤地介紹餐牌,原本假日竟有主餐牌美食七折優惠,當然必試它的鮮活龍蝦兩食海鮮盛合,除有主打龍蝦刺身和惹味龍蝦膏配麵豉醬甲羅燒,老實講已值回票價,另外的席前浜燒巨型蟶子和貴妃蚌,鮮味無比,還有清酒及黑松露燒帆立貝兩吃,更將海鮮味完全發揮出來,鹽燒大蝦,彈牙爽口,最後的大鮮魷天婦羅外酥內軟口感一流,一頓海鮮不太Heavy但有帶出特色每人平均不過六佰餘,下次假期又多一個刺激消費好地方。

今晚同老友慶祝生日🎁，所以決定食番餐好既過海去左銅鑼灣book 左間想試好耐既餐廳，主打係食鮮刺身，同燒物，但最好既係佢地會比本身海產既食物比你睇一眼先，之後就會係你面前既燒爐上處理。確保一定係新鮮煮用其實餐廳係居酒屋風格，地方唔算好大，但好有氣氛，食完成餐，同朋友都覺得食物質素有水準！至少職員都會每樣介紹 同教點食用，呢個價錢係配有呢種質數既服務同品質我地２人叫左以下食物:🔅前菜：重點有個鯷魚醬，可以做飯前開味蕾之用，個醬真係好濃郁，配甘筍，青瓜一流🔅手釣池魚刺身：呢樣係我同朋友一齊點既， 因為可以２食，刺身食完仲可以做埋白魚湯個湯熱辣辣，好正，食完刺身配埋個湯，好鮮味勁足料，無腥味得來，仲有豆腐配搭🔅燒物:燒聖子  - 原汁原味咁煮出來，無任何調味料燒活帆立貝(清酒) - 我好鍾意廚師將帆立貝切左小份，四粒咁上碟，等客人方便食用！加上清酒燒完個陣酒香真係好深刻🤩🤩🔅燒活帆立貝(黑松露牛油)🔅燒活日本文蛤蜆🔅燒活北寄貝 - 北寄貝數量都多，切細左易入口，加上即燒即上檯，再配埋海帶，清新fresh 感即愛上❤️❤️🔅日本蕃薯仔(2串)🔅鹽麴五花腩(2串)肉質好軟滑，好好食，最緊要係調味適中

呢期返工實在太辛苦放工約埋同事一齊去食餐好既撫慰一下心靈🧚‍♀️ 多春魚沙甸魚醬蔬菜條魚醬配上清爽既蔬菜條，口感好爽脆同開胃🤓 刺身盛合7款每一款都非常新鮮，特別係海膽，帶子同赤蝦既味道極之鮮美，食完非常滿足(*๓´╰╯`๓)♡ 兵燒盛合(二人前) 最中意虎蝦同鮑魚虎蝦肉質結實鮮甜有咬口，燒到好香口ヾ(@^▽^@)ノ 鮑魚煮得林林地但又帶啲彈牙，預先切開左四小塊，食果陣好方便👍 鹽燒秋刀魚魚肉鮮味突出，口感軟嫩多汁，鹽既香味融入哂魚肉，令成個味道更加豐富👍 白蜆湯食到飽飽哋，有清甜嘅蜆肉湯飲，真係心滿意足。蜆肉大粒鮮甜😃 白魚湯魚湯濃郁，感受到溫暖既感覺💜

銅鑼灣澳門逸園一向多日本野食，朋友今日約我黎呢間日式海鮮居酒屋。這裡除了有新鮮水產外，店員仲會即席磯燒海鮮，讓客人可以食到熱騰騰嘅新鮮海鮮。日式木系居酒屋風格的裝修簡約，餐廳中間有一個師傅浜燒的工作枱前菜: 野菜條沙律伴鯷魚醬有紅蘿白、沙葛、青瓜及生菜，而鯷魚醬很香及濃厚的鹹鮮味，配合清新的沙律，味道適中在磯燒海鮮前，服務員會將新鮮的食材給我們拍照用😉 我們叫了響螺、帆立貝、時令貝、秋刀魚😆👍//重點推介//刺身盛合八款: 有拖羅、油甘魚、牡丹蝦、松葉蟹肉、三文魚子、三文魚腩、海膽、北寄貝，真係要用鮮嫩肥美黎形容，能食到魚油的甘香，鮮甜😋//磯野浜燒帆立貝 (清酒/ 黑松露牛油)可以選不同味道的煮法，大件而很有質感，清酒的味道鮮甜//大北寄貝充滿鮮甜湯汁的大北寄貝，肉質爽口，味道香甜//鹽燒秋刀魚鹽燒後帶有淡淡嘅焦香味，魚本身脂肪多，厚肉而鮮美😘總括而言服務環境都不錯，再次光顧果然有驚喜