影片
更多
2023-12-06
25 瀏覽
食磯燒除咗新鮮之外，最重要就係火候同時間嘅控制，呢間餐廳係呢幾方面都做得好好，令人食完一樣又期待下一樣！首先前菜係由沙甸魚同多春魚整成嘅鯷魚醬，用蔬菜條點嚟食，清口腔得來又做到開胃嘅效果！磯煮鮑魚夠入味，鮮嫩彈牙！再嚟海膽炸豆腐，賣相吸睛，每件都用上唔同設計嘅小器皿裝著～炸豆腐外層薄脆，內層軟嫩富豆香，海膽鮮味！選好磯燒海鮮，準備登場～活蟶子咬開有點爽脆咁，只係略為燒過無需特別調味，食得出就係本身嘅鮮甜味道～活日本文蛤蜆同活北寄貝各有千秋，朋友鐘意文蛤蜆入口嘅鮮嫩，我就鐘意北寄貝嘅厚肉咬口，當然兩款同樣鮮味,而我覺得北寄貝甜味更濃厚一點，大推！重點出場，呢條汁燒喜之次真係不得了！見魚身漲卜卜，魚眼圓碌碌，就知有幾新鮮！魚肉結實而且食物非常鮮甜，魚鰭位燒得10分香脆，食到舔舔脷！呢度嘅水產真係無得輸，鮮甜味美，下次想食磯燒一定諗起佢！
首先前菜係由沙甸魚同多春魚整成嘅鯷魚醬，用蔬菜條點嚟食，清口腔得來又做到開胃嘅效果！
磯煮鮑魚夠入味，鮮嫩彈牙！
再嚟海膽炸豆腐，賣相吸睛，每件都用上唔同設計嘅小器皿裝著～炸豆腐外層薄脆，內層軟嫩富豆香，海膽鮮味！
選好磯燒海鮮，準備登場～
活蟶子咬開有點爽脆咁，只係略為燒過無需特別調味，食得出就係本身嘅鮮甜味道～
活日本文蛤蜆同活北寄貝各有千秋，朋友鐘意文蛤蜆入口嘅鮮嫩，我就鐘意北寄貝嘅厚肉咬口，當然兩款同樣鮮味,而我覺得北寄貝甜味更濃厚一點，大推！
重點出場，呢條汁燒喜之次真係不得了！見魚身漲卜卜，魚眼圓碌碌，就知有幾新鮮！魚肉結實而且食物非常鮮甜，魚鰭位燒得10分香脆，食到舔舔脷！
呢度嘅水產真係無得輸，鮮甜味美，下次想食磯燒一定諗起佢！
張貼
