今晚約左舊同事食左餐chill chill泰國菜！
呢餐我地一行4人舊同事聚會，想揀個好啲嘅環境，可以慢慢食傾下計.

我地叫左個咖喱拼雞、蟹肉米粉生菜包、蛋炒飯、燒豬頸肉、冬蔭功、馬拉盞炒通菜。以為咖喱同冬蔭功好辣，不過唔太食得辣嘅我都覺得可以接受，特別係個咖喱，甜甜地又香味濃郩，跟個薄餅一流，不過我胃口大，直接撈左落個蛋炒飯度，好開胃，食完一碗又一碗，個蛋炒飯本身都好有水準，唔會太乾身，少少濕，炒到啱啱好。個冬蔭功湯非常足料，啖啖都係滿滿嘅蝦同草菇，好入味！燒豬頸肉每件都足料大件，都厚身咬落去好鬆軟，至啱無肉不歡朋友。到個蟹肉米粉生菜包，擺盤美觀，配個特調花生麻醬，清淡得黎食到蟹肉嘅鮮味，好味又健康。最後個菜好有鑊氣，唔會太油，食得出係有心機炒得均勻。

整體黎講食物好啱胃口，個場好大，坐得舒服，坐出露天又得，室內又有feel。

銅鑼灣神秘地方 suger+, 26樓有間有維園靚景叫瀧宴嘅鐵板燒日式餐廳 ✨由前菜三味開始 啫喱口感嘅蟹肉凍 清爽嘅芝麻醬伴菠菜 好開胃嘅酸汁吞拿魚 ✨開胃漬物 柚子大根 ，木魚大根 ，漬蓮藕，鹽漬黃瓜 ✨刺身三味 🐟 有新鮮嘅深海池魚 ，立魚 ，吞拿魚 ✨壽司🍣 深海池魚 + 柚子胡椒 - 油潤口感外加左柚子胡椒令鮮味更提升 針魚 + 蔥碎 - 一D都唔腥，魚肉細緻，口感豐富 ✨北海道雪場蟹 配海皇汁🦀 雪場蟹啖啖肉，加上香濃海鮮味嘅海皇汁同鮭魚子，一齊食真係鮮上加鮮 ✨鐵板銀鱈魚🐟 魚皮香脆到薯片咁，魚肉嫩滑，油脂豐富 ✨美國頂級牛柳🐮 厚燒 - 配上岩鹽同脆卜卜蒜片，又嫩又脆 薄燒 - 卷住日本蔥真係好好味 ✨季節吸物 蜆湯 - 湯頭鮮味到不得了，好似用左十萬隻蜆煲出黎咁 ✨煙肉香蒜炒飯 同 炒雜菜 都係水準之作🍚 ✨甜品 - 白桃果凍， 晶凝通透嘅啫喱配上白桃汁，清新

黃金周係要出黎消費下, 今晚去左開業無耐嘅銅鑼灣亨環家賀屋食日本菜. 餐廳提供日本地道酒肴、時令海鮮、佐酒燒物揚物等，款式多, 質素高. 餐廳不時有日本受賞酒推出, 啱哂鍾意品酒人仕. 法國斯朗生蠔 - 海水味濃郁 ，帶有清新果仁甘香. 姬路刺身定食 – 中本鮪魚腩, 油甘魚, 三文魚, 特大赤海蝦, 刺身新鮮香甜, 每款都係厚切, 完全食到刺身的香味, 油脂份量十足. 特大赤海蝦好肥美，鮮味十足，爽口彈牙. 簿燒牛舌 – 牛舌燒得焦香, 入口彈牙, 配上少少檸檬汁, 可以減低油份. 青龍 – 炸蝦青龍卷配上粒粒蟹籽, 食落口卜卜有聲, 炸蝦彈牙. 雞軟骨餃子 – 熱辣辣嘅雞軟骨餃子, 咬落口真係食到粒粒嘅雞軟骨, 好好食. 蜂蜜檸檬梳打酒 – 口感清新, 濃度唔太高, 易入口 店員服務態度良好, 熱情款待.

今日工作需要去左銅鑼灣開會, 同事話好耐無飲茶, 於是搵左有無敵海景嘅V Point 張公館飲個茶, 食個包. 

蟹籽麻辣燒賣 – 非一般燒賣, 外層鋪滿蟹籽, 入口麻辣味非常搶口, 蝦肉新鮮彈牙.

酥皮菠蘿义燒包 - 金黃酥皮又香又甜又脆口，菠蘿义燒包真係加入左菠蘿, 邊個話菠蘿無菠蘿架?

櫻花蝦蘿蔔糕 – 又一款特別點心, 蘿蔔糕上鋪滿櫻花蝦, 櫻花蝦香味加上綿綿嘅蘿蔔糕, 煎得香脆甘香, 一口咬蘿蔔糕，脆得索索聲

陳皮牛肉腸 – 陳皮甘香, 滑滑嘅腸粉皮, 皮薄餡靚.

香煎黃金糕 – 唔好甜嘅我都覺得好好食, 黃金糕唔太甜味, 入口軟綿綿, 煙煙韌韌, 濃濃椰香味道, 表面一層焦香脆面，內軟外脆.

Pickled Tomato Salad 番茄酸酸甜甜, 超級多汁, 配上中間忌簾, 幼滑細緻, 開胃醒神.Hairy Crab Butter Hamachi 油甘魚刺身新鮮爽口, 味道鮮甜, 油香四散，重要大大塊, 厚厚切 Caramelized Pumpkin 熱辣辣嘅焦糖南瓜非常脆口, 南瓜入口綿綿, 南瓜味香甜, 可以煮到外脆內軟 Hairy Crab Butter Udon 勁多蟹肉蟹膏、加上蛋黃，扁烏冬煙煙靭靭, 味道香濃, 入蟹膏重有回甘香. Tonkatsu 吉列豬扒外皮炸得超脆, 真心外脆內軟, 豬扒肥瘦適中, 肉質非常嫩滑, 食到有肥肉嘅地方, 重要係好食到不得了. Double Formage Cheesecake CheeseCake芝士味香濃，軟硬度適中, 芝士控朋友一定鍾意. Red Bean Daifuku 紅豆大福, 皮薄餡靚, 煙煙靭靭，甜度剛剛好 . AOAO Sangria 酒精濃度不高，柔和溫順，酸中帶甘易入口，一喝入喉隨即透心涼

今日老細出trip可以準時放工, 甘開心緊係約埋同事一齊去啤啤佢啦, 飲啤酒第一時間就諗起雞煲簡直係絕配, 聽同事講佢之前係北角試過一間幾好食既雞煲叫金樂軒, 甘我地就決定去試下, 我地4個人去食坐一張圓檯坐得都舒服唔迫 由於我地4個都鐘意食辣所以要左中辣雞煲, 店員仲介紹左另一個招牌菜酸菜鮮魚鍋 中辣雞煲: 雞煲醬汁夠辣惹味, 薑 洋蔥 辣椒爆得夠香, 雞肉新鮮嫩滑, 雞煲里面仲有冬菇同豆卜, 個豆卜吸曬D醬汁好正, 雞煲個湯底濃郁 配菜我地就嗌左 -牛白肉同安格斯牛頸脊肉質嫩滑重牛味, -田雞好滑 , -墨魚滑滑嫩有彈性, -鴨血爽口 -鮮蝦菜肉雲吞餡夠新鮮足料 酸菜鮮魚鍋, 用左籠躉魚肉質鮮嫩又夠大塊, 湯底濃濃鮮魚味夠酸辣開胃, 鍋里仲有好多菜夠健康 同事再嗌多個辣炒土豆絲, 土豆絲口感柔軟，入口即化辣辣地好味 我地幾位同事都食完好飽好滿足。

今日老細又唔喺Office, 又係出動去尖沙咀嘅好日子. 同事想食包包, 咁就去左美麗華商場一期Burgeroom 食Lunch 鵝肝牛肉漢堡 – 漢堡分成1半, 慢慢又刀义切黎食. 唔洗食到成手口都係醬汁. 切開左重有一個好處, 就係方便打卡, 咁美觀嘅材料一眼睇哂. 鵝肝至頂, 芝士中路, 牛肉下路, 生菜蕃茄墊底, 真係無得頂. 鵝肝煎得金黃香口, 入口即溶, 香濃味道充滿口腔. 牛肉剛熟, 有肉汁, 牛味香濃. 配上鮮甜多汁蕃茄, 好味. 鵝肝鱈魚柳漢堡 - 鱈魚柳炸得金黃, 魚肉嫩滑, 同鵝肝又幾夾, 加上大量沙律醬, 更加好食.

呢個星期雨下不停, 唯有打個邊爐驅一驅濕氣啦.

去到尖沙咀寶勒巷九五至尊火鍋狗毛打邊爐. 原來餐廳除左傳統打邊爐外, 重有串燒, 泰國野食.

我地叫左雙併胡椒豬肚湯鍋 + 麻辣鴨血湯鍋:

胡椒豬肚湯鍋 - 胡椒味香濃, 豬肚份量多, 奶白色嘅豬骨湯底, 非常吸睛..

麻辣鴨血湯 – 呢個唔講得笑, 由唔係好辣, 去到越來越辣, 差D頂唔順. 鴨血爽滑, 麻辣湯, 香﹑麻﹑辣﹑樣樣俱存.

牛肩胛肉 – 牛肉味濃, 油脂分有均勻, 入口充滿油香, 薄薄一片都好有牛肉味, 滾一滾就可以入口.

牛舌片 – 平時打邊爐食開牛舌片比較細塊, 但今次係非常大塊同好有彈性, 好食.

黑豚肉片 – 粉白色嘅黑豚肉片, 好香豚肉味, 滾耐左D肉都唔會實哂, 肥瘦適中.

珊瑚蚌 – 入口索索聲, 海鮮新鮮必定好食.

手打墨魚滑 – 打邊爐有手打墨魚滑的話, 我必定會食, 因為好食嘅墨魚滑唔係度度都食到,  彈牙, 勁多蟹籽, 咬落重有少少粒粒口感.

自家鮮蝦雲吞+自家韭菜水餃 - 韭菜水餃材料十足, 韭菜味新鮮香甜.

油麥菜 – 又係份量十足, 而且十分新鮮. 加上最後麻辣鴨血湯麻辣鴨血湯嘅麻辣, 真係辣到噴汁.

周末日子哽係要留喺香港消費啦, 而家假期入西貢又方便, 又無乜人, 啱哂我呢D又怕人多, 又要慢活, 又要扮偽文青嘅人.

西貢真係我地香港嘅後花園, 行到咁上下, 入左間海傍街嘅Neko 熊穴 睇下書, 嘆杯野食件Pancake.

餐廳設計簡單, 入去比人好寧靜嘅感覺. 下晝3, 4點, 點左個魚白湯烏冬配自家製日式雞肉手打烏冬+和風班戟+熱朱古力

魚白湯味道香甜, 直頭可以當湯飲. 雞肉嫩滑, 有肉汁, 烏冬唔會太林, 有質感. 
和風班戟 - 外表如一般日式班戟, 材料相當豐富, 醬汁味道有特色, 咬落去感覺煙韌. 
食完班戟, 再嘆一杯熱朱古力, 真係快活又一天.

又係Happy Friday， 中環坐港鐵去尖沙咀快過打針， 又多野食。 今日去左亞士厘道鬼金棒牛骨辣麻拉麵。 拉麵店用qr code 落單， 簡單方便。 特上A4和牛辣麻牛骨沾麵 - 沾麵湯底熱辣辣， 濃度足夠， 做到掛麵效果。 A4 和牛勁大塊， 牛味香濃， 入口溶化， 肉質非常嫩滑， 油脂分布得均勻， 輕輕煎左一面就已經足夠。 味玉辣麻牛骨拉麵， 小麻小辣牛骨湯底肉味帶鮮甜， 唔會太濃， 可以食得開心d, 唔洗食到滿頭大汗， 牛肉亦都好嫩滑。